公視台語台

第41集的podcast來囉～ 烏白編本底是掣咧等，結果．．． 竟然會當做兩集❗️❕❓❔ 這改 #出名人請借問 邀請～ HahaTai 哈哈台 的旁白哥RJ佮傑尼 做伙來開講～💖💖💖💖 到底這兩位的台語有輾轉無？來聽就知😎 頂集會當聽著： ✅兩位是佗位人？平常時敢有講台語？ ✅「旁白哥」的台語按怎唸 ✅街頭訪問進前愛做啥物功課 ✅平均一擺訪問偌濟人？敢有演的（欸 這擺的訪談有影鬧熱閣趣味 （鉸帶的人表示：🪦） 小編鼓勵逐家像傑尼按呢～...

第40集的podcast來囉～ 逐家敢有佮意畫圖？ 有偌久無佇紙頂懸畫圖來表達心情？ 會記得進前有一陣仔流行過大人的圖草畫， 毋知影敢有人有買？ 這改 #出名人請借問 邀請～ 繪本作家 #黃郁欽 老師和太太做伙來開講， 這集會當聽著： ✅簡單分享欲按怎做一本繪本？ ✅是按怎會選賴和做第一本的主角？ ✅是按怎想欲做台文繪本？ ✅內容改台語敢有啥物特別愛注意的？ 兩位老師親切閣趣味～ 現場閣有家己攢家私來簽名😆 原來做繪本嘛無簡...

第39集的podcast來囉～ 咱這改 #出名人請借問 邀請著大來賓喔😘 是 #地獄里長 的導演瞿友寧 猶閣有 逐家上愛的阿媽 王彩樺-台灣濱崎步 看起來編編閣完成一件心願囉（喂 這集會當聽著： ✅瞿友寧導演竟然會曉講台語⁉️ ✅是按怎是地獄毋是天堂？ ✅老妝足燒的？溫度？💸？ ✅愛假做看無鬼現場敢會笑場 偷偷仔講，有講著一寡... 外口無公開的劇情細節設定部分喔！ 一定愛來收聽咱獨家獨家再獨家的內容❤️ －－ 八月份主題： 細漢唱的唸...

第38集的 #podcast 來囉～ 這禮拜閣是繼續來唸批📨！ 想袂到逐家有遮爾濟代誌通寫🤣 看起來這个主題真讚～ 這集會當聽著： ✅風颱淹水的經驗 ✅熱天的智商稅 ✅皮咧癢誠艱苦 ✅熱天通勤掠兔子🐰 時間過真緊，閣過一個月囉 八月份咱來換主題， 細漢的時一定會唱的歌抑是印象較深的唸歌 若是小編無聽過，就會當囥恁的音檔起去喔👌 但是愛先講喔，若是有想欲寫予爸爸的批 嘛是會當寫來喔！小編會安排。 －－ 八月份主題： 細漢唱的唸...

第37集的podcast來囉～ 因為連續採訪來賓的關係， 竟然有九禮拜無出現過 #有聲音的批信 而且閣是網友寫批來提醒才發現（欸 好啦好啦～其實頂禮拜有偷唸一篇啦～😆 嘛因為逐家的批積傷久， 所以閣來連續兩禮拜攏欲唸批📨囉！ 這集會當聽著： ✅皮咧癢真艱苦 ✅比無冷氣通吹閣較失望的代誌 ✅西北雨佮日頭赤焱焱一个較討厭？ 看起來熱人溫度較懸就是會予人心狂火著！ 逐家攏有真濟心聲通講～ 但是目前看起來攏是佮冷氣有關係🤣 歡迎...

第36集的podcast來囉！ 六月份的小編聽你講拖到七月中才發， 絕對毋是因為拖拖沙沙， 是因為頭前的訪談攏傷精彩囉～ 這集的 #小編聽你講 會當聽著： ✅補念畢業主題的批 ✅公司冰箱的肉粽一直生出來😆 ✅台語台新網站⭐️新詞詞庫⭐️ ✅金曲獎事件討論 原本叫是毋知影欲講啥， 結果一個月內底嘛是有真濟話通講， 猶是愛提醒逐家，欲按怎心聲攏會使！ 但是嘛愛理性討論喔～ -- 七月份主題： 熱天上討厭的經驗 聽咱的節目了解各種行業...

第35集的podcast 來囉📟 聽講真濟網友聽完頂集走去聽豆花公以後， 就無愛烏白編囉（欸 按呢毋通喔～兩種無仝風格🥲 敢會當做伙支持？ 這集的 #出名人請借問 延續主題， 是 義興閣掌中劇團 主演王凱生來開講！ 下集會當聽著： ✅當初是按怎想欲做podcast？ ✅錄音佮做戲有啥物差別？ ✅印象上深的網友回應 這馬已經開始歇熱， 真濟爸爸媽媽無知影欲予囡仔創啥？ 來聽豆花公學台語俗諺🫶 若是有閒閣會當去看戲～～ 真正推薦會當去看...

第34集的podcast 來囉📟 這個月初收著 義興閣掌中劇團 的邀請， 去台灣戲曲中心看in首創的 ✨「布袋戲搖滾音樂劇」✨ 烏白編佇現場是看甲足激動一直咻咻叫🤩 所以~這集的 #出名人請借問 就邀請主演王凱生 來佮逐家開講！ 頂集會當聽著： ✅創新的過程敢有衝突？ ✅各種拆神經的操作 ✅生末淨旦丑示範 這集真正若咧聽布袋戲現場👍 而且in新的節目型態真正足讚！ 小編共進前有公開的預告囥⬇️ 逐家小可仔欣賞一下就知影～～❤ 偷偷仔講...

第33集的podcast 來囉📟 這集的 #出名人請借問 仝款是 什木工地的創辦人 木工阿彥 來佮逐家開講！ 下集會當聽著： ✅小編相親失敗（Ｘ ✅演講的時哪會用著台文字？ ✅木工工具台語教學 來囉來囉！！這集超過30分鐘， 絕對毋是小編刁故意的🤣 真正是智識量驚死人😱😱😱 圖片內底的工具， 逐家敢知影台語愛按怎講？ 緊來收聽增加🧠👂 -- 六月主題：畢業＆五日節 聽咱的節目了解各種行業順紲學台語， 歡迎來面冊迷眾頁IG留話抑是發訊...

第32集的 #podcast 來囉📟 這集的 #出名人請借問 邀請著 #什木工地 的創辦人 木工阿彥 來佮逐家開講！ 頂集會當聽著： ✅小編相親（Ｘ ✅職業軍人轉學木工的原因 ✅木工佮系統櫃的差別 ✅台語路木工課程合作 哇，傷濟物件通學，一集講袂完， 頂集先來基本認捌木工咧創啥～ 後一集木工台語的智識量會驚死人😎！ 敬請期待～🤩 -- 六月主題：畢業＆五日節 聽咱的節目了解各種行業順紲學台語， 歡迎來面冊迷眾頁IG留話抑是發訊息📩 若...

想欲請問逐家～ 頂一改讀「實體」冊是偌久進前的代誌？ 📓📔📒📕📗📘📙📚📖 第31集的 #podcast 來囉📟 這集的 #出名人請借問 邀請著 #浪鳥集 譯者 #溫若喬 來佮逐家開講！ 這集會當聽著： ✅按怎靠家己學台語？ ✅翻譯會拄著的問題🧐 ✅有聲冊的音檔錄音過程 特別感謝活版印刷小學徒 特別提供🎁 一改送兩色而且閣有簽名喔～！ 答案就佇節目內底😎 請問：若喬是西元幾年出世的？ 留話佇下跤，而且講一句支持若喬的話， 就有機會提著...

第30集的 #podcast 來囉📟 這集的 #出名人請借問 猶原是咱好朋友 邵大倫 開講的集數， 小編知影真濟人咧等唱歌😎 好啦～來囉！ 下集會當聽著： ✅發唱片毋是規劃中的規劃 ✅台文歌詞看著會驚？ ✅現場＂變身！＂ 時間過真緊，馬上就過一禮拜， 已經是六月份囉～！ 毋知影五日節抑是畢業的主題～ 敢閣有人欲寫？歡迎留話來討論喔😚 -- 聽咱的節目了解各種行業順紲學台語， 歡迎來面冊迷眾頁IG留話抑是發訊息📩 若是對節目有啥物問題...

第29集的 #podcast 來囉📟 動畫界有一句話是按呢講的， 「瞇瞇眼的都是怪物」（華） 今仔日這集的 #出名人請借問 阮邀請著笑起來目睭沙微沙微~😊 煞會 ♻️變身♻️的 邵大倫 來佮逐家開講 頂集會當聽著： ✅電台主持人咧做啥 ✅囡仔佮序大的事物是天命 ✅食老哺塗豆主持 總算等著大倫來上阮節目， 雖然進前唱片宣傳較無閒無法度來！ 但是總是有一工會等著啦～～ 先講喔這集無唱歌！你問是按怎？ 因為攏佇後一集啦🤣🤣敬請期待 閣一改...

第28集的 #podcast 來囉📟 頂禮拜先念網友寫予媽媽的批， 就去予人問講勞工朋友的心聲佇佗位？ 來囉來囉～免煩惱！總有一工會來！ 這集 #小編聽你講 會當聽著： ✅十大職場上討厭的行為 ✅辦公時間上驚拄著的漚代 ✅上班食榴槤敢會使⁉️ ✅中晝家己食飯🆚團體食飯 ✅網友分享 （寫的內容真正看甲足受氣的， 愛消音消３擺，就知影網友偌凝） 若是有其他無分享著， 抑是有無仝想法的朋友攏歡迎來分享喔❤ -- 五月份主題：勞動節！工作...

第27集的 #podcast 來囉📟 這禮拜就是母親節囉！ 希望所有的媽媽攏身體健康、平安順序 頂回的小編聽你講分享馬鈴薯， 竟然收著真濟回應~ 這禮拜做伙分享予逐家！ 這集 #有聲音的批信 會當聽著： ✅馬鈴薯閣有兩種講法 ✅各地方特別的活動 ✅寫予媽媽的批 想袂到這禮拜的主題煞變做母親節， 到底是啥原因，聽落就知😂 咱網友寫批來的靈感是無法度控制的～ -- 五月份主題：勞動節！工作分享談 聽咱的節目了解各種行業順紲學台語， 歡...

第26集的 #podcast 來囉📟 進前邀請米粉老師的時陣講著教師甄試， 想袂到有真濟網友遮好玄？ 所以這集的 #出名人請借問 邀請著最近 佇國中教冊的婕媮老師來佮逐家說分明！ 這集會當聽著： ✅敢是自細漢就想欲做老師？ ✅用偌久的時間準備教師甄試？ ✅看著家己是頭名的心情？ 會當邀請著榜首來佮逐家講過程， 真正是足有面子的🥰 原來欲做一个老師愛經過遮長的過程， 向望以後有閣較濟老師來佮阮分享喔！ -- 五月份主題：勞動節！...

第25集的 #podcast 來囉📟 是啦~時間過真緊，一個月閣過囉 頂一集感謝所有"面粉"的支持， 人數衝真懸，小編強欲驚死～ 這禮拜欲整理一寡錯誤的部分來修正 這集 #小編聽你講 會當聽著： ✅發音錯誤失禮！經濟經紀戇戇分袂清 ✅台語語法無「嗎」嘛無「吧」 ✅面粉用心拍出逐字稿小編感動甲 ✅土豆？塗豆？ 小編會共逐字稿的文章囥佇留話區！ 若是有熟似這个作者的人緊通知伊～ 阮有準備小禮物欲送予伊❤ 看著最近逐家攏咧討論台語歌詞...

第24集的 #podcast 來囉📟 這集的 #出名人請借問 邀請著最近 濟濟人咧討論的 大嘻哈時代The Rappers 第二季冠軍🏆🏆 #阿跨面 🏆🏆 這集會當聽著： ✅厝內有啥人？敢攏講台語？ ✅台語歌詞討論 ✅上滿意的歌詞 雖然因為期中考無法度來現場， 但是阿跨面真正有小可仔閉思～～ 佮台頂大範唱歌無仝款～！ 有夠古錐的啦！ 嘛向望以後有愈來愈濟台語作品， 咱攏為著文化拍拚💪💪💪 -- 五月份主題：勞動節！工作分享談 聽咱的節目了解各種...

第23集的 #podcast 來囉📟 這集的 #出名人請借問 邀請著咱同行(? 仝款是台語工作者的 米粉老師的台語教室 來佮逐家開講～～ 這集會當聽著： ✅哪會想欲開迷眾頁 ✅是按怎會想欲用老戲教台語 ✅哪會開始做國中高中的台語老師 ✅台語迷因圖片配音？ 米粉老師有夠古錐， 講話丹田真有力，而且人嘛趣味 足想欲聽伊上課的～～～～ 而且看影片學台語真正心適， 逐家會當去in遐看喔~~ -- 五月份主題：勞動節！工作分享談 聽咱的節目了解各...

第22集的 #podcast 來囉📟 想袂到講著拜拜分做遮濟集， 毋若生出兩集月老，閣有兩集批~ 真正是感謝逐家做伙分享生活！！！ 所以小編決定提早來徵求五月份主題～ 五一勞動節是咱勞工的節日， 上班有啥物"特別"的同事抑是經驗～ 歡迎寫批來佮逐家分享～～～ 這集 #有聲音的批信 會當聽著： ✅網友卜卦收驚的經驗 ✅梧棲阿媽拜拜的台詞 ✅南瀛五大香紹介 若是有其他拜拜等等佮信仰相關的， 嘛是會當閣寫批來喔~ 小編會替逐家安排適當...

第21集的 #podcast 來囉📟 網友講是按怎拜拜兩集來分開！！ 原本叫是兩集會連做伙， 結果因為宣傳 HiHi導覽先生 啦~ 所以就來拆分開～!! 今仔日20點全新的第二季開播喔！ 逐家愛準時收看喔～ 好~直接進入主題👆👆👆 #小編聽你講 月老下集會當聽著： ✅網友攏推薦的 劉芒拜月老秘訣 ✅拜月老進前愛會記得拜主神 ✅跋桮的撇步 ✅烏白編的學姊攏掣咧等（？ 閣一改感謝網友熱情分享， 祝福逐家攏揣著好姻緣❤❤❤ -- 歡迎逐家分享任何佮信...

📣📣好消息📣📣好消息📣📣 逐家期待真久的HiHi導覽先生 第二季來囉~ 後禮拜四3/30 20點首播，面冊嘛有直播通看！ 所以．．．第20集的 #podcast 📟 烏白編大膽（？）邀請．．．．． 李霈瑜 大霈 來上節目訪談🤣🤣🤣 敢真正有全台語開講⁉️ 抑是攏愛靠浩子哥來救援😎 這集會當聽著： ✅hihi導覽先生第二季有啥物無仝款 ✅大霈學台語以後的改變 ✅浩子對兩人合作以來的心內話😳 ✅獨家！獨家！再獨家～大霈唱台語歌 到底這集的時間敢有...

逐家敢有拜過月老？求過紅線？ 是囥佇枕頭跤抑是皮包仔？ 第19集的 #podcast 來囉📟 想袂到遮緊就閣錄 #小編聽你講 原本想講應該是一個月一擺， 結果頂一集講著媽祖月老．．． 後來網友的回應就會當出一集， 而且閣講袂完（？ 是啦～這集佮拜月老有關係的主題， 總共有兩集！ 頂集會當聽著： ✅大道公風，媽祖婆雨 ✅樂成宮毋但拜媽祖 ✅月老的補償金 感謝網友熱情的分享❤ 講著這種生活話題時間真緊就過去矣～ 後一集聽講有網友分...

第18集的 #podcast 來囉📟 真久無收著網友的批矣！ 敢是因為 小編聽你講的單元寫短短仔較緊， 恁按呢袂使喔～～～ 這集 #有聲音的批信 會當聽著： ✅內門迎媽祖分享 ✅大甲媽繞境體驗 ✅旱溪媽勻庄／導覽 人講三月痟媽祖， 今年閏月按呢會當痟到四月份（欸 聽網友的分享真正予小編足想欲請假， 逐家若有其他佮信仰相關的故事歡迎寫批來喔！ -- 三月份主題是：信仰 聽咱的節目了解各種行業順紲學台語， 歡迎來面冊迷眾頁IG留話抑是...

第17集的 #podcast 來囉📟 「#小編聽你講」欲來回顧二月份 這集會當聽著： ✅二月份活動 ✅綴媽祖行的小整理 ✅盤喙錦挑戰 題目囥佇留話區，逐家會當試看覓👆 ✅鹿港腔改正 感謝IG網友" 洛津粟鳥仔丨鹿港腔小教室 " 閣一字一字調整小編的發音，勞力❤ 臺語萬底深坑，所有的腔口咱攏尊重， 毋通因為按呢就認為別人講著毋著！ 嘛向望逐工攏是母語日， 毋免等特定的日子才欲講母語！ -- 三月份主題是：信仰 歡迎逐家分享任何佮信仰相關...