Oahppu ii deatte

Ellen J. Sara Eira lea máŋgalogi jagi bargan skuvllas. Álggii oahpaheaddjin, ja dađistaga jođihisgoađii skuvlla. Dál son lea mannamen ealáhahkii, ja muitala skuvlla jođiheamis, ja mii lea rievdan dan 40 jagis go son lea bargan skuvllas.

Makkár oahpaheaddji rolla lea ja movt skuvlajođiheapmi galgá doaibmat. Aimo Aikio lea leamaš oahpaheaddjiid oahpaheaddji guhká, earret eará Sámi Allaskuvllas.

Movt historjá váikkuha min eallimii, ja movt diehtu dan birra sáhttá leat ávkin dálá ja boahtteáiggi sámi skuvllaide? Dan birra muitala Sámi allaskuvlla vuosttašamanueansa Rauna Rahko Ravantti.

Professor Lars Ailo Bongo muitala Sámi KI Lab birra. Makkár ávki sáhttá sámi goanstajierpmis sámi skuvlii ja sámi servvodahkkii, ja manne lea dehálaš ahte Sápmi lea gozuid alde?!

Sámi allaskuvlla professor Hanna Maret Outakoski muitala áigeguovdilis fáttá birra - lohkanoahpahus. Dán áigge mánát hárjánit oanehis dieđuid ja šearbmagovaide mat jođánit molssašuvvet, eaige sin vuoiŋŋamaččat leat hárjánan lohkat girjjiid. Maid sáhttá bargat? Ja movt válljet lohkama?

Sámi allaskuvlla ovddeš vuosttašammanueansa Rauni Äärelä-Vihriälä lea dutkan movt Minecrafta sáhttá geavahit oahpahusas, ja movt Sápmi sáhttá atnit das ávkki. Son muitala man dehálaš lea ahte oahpaheaddji, ja soitet vel váhnemat, leat fárus speallamiin.

Sámi allaskuvlla lektor Laura Biret Kotavuopio suorgi lea erenoamášpedagogihkka. Son muitala dan birra, ja manne su mielas lea dát nu dehálaš. Son muitala makkár erohusat dán suorggis leat riikkas riikii, ja makkár stigmat sáhttet leat. Deháleamos hán lea ahte skuvla oahpaha mánáid nu ahte sii birgejit min servvodagas.

Anthoni Hætta lea lea musihkkár ja Guovdageainnu nuoraidkoordinahtor. Sus lea musihkkaoahppu ja lea čállán sámi musihkkafága oahppogirjji vuođđoskuvlii. Son muitala movt sáhtát birget musihkkaoahpaheadjin vaikko vel musihkka ii leat du nanumus suorgi. Musihkka lea birgen, mii sáhttá veahkehit mánáid šaddat nanu olmmožin.

Annukka Hirvasvuopio-Laiti lea musihkkár, oahpaheaddji ja musihkkadutki. Son hupma duŧkama birra, manne sihke oahppiide ja pedagogaide lea dehálaš dovdat iežaset olbmuid luđiid ja movt álgoálbmogat sáhttet vuorasolbmuid atnit ávkin musihkaoahpahusas.

Jens Martin Mienna bargá ja lea bargan gáiddusoahpaheaddjin guhka. Son muitala man álkit lea vuollánit go ii oainne ovdáneami, muhto movt son ja su bargoustit leaba ovdánahttán bargovugiid movt gáiddusoahpahusain oahpahit mánáide sámegiela.

Manne lea Sámi allaskuvlla oahpaheaddjeoahppu nu erenoamáš? Maid doppe oahppá, ja maid studeredettiin vásiha? Guossin: Mikkel Rasmus Logje

Mii lea dehálaš vai mánát šaddet sámegielagin? Mii lea gievrras giellamodealla? Movt bargat, ja maid garvit?  Guossin: Annika Pasanen

Makkár barggut leat boahtteáiggis? Maid dárbbašit min mánát vai birgejit boahtteáiggis, ja movt pedagogat ráhkkanahttet mánáid dasa?  Guossin: Karen Maret Siri ja Mikkel Ailo Gaup

Eambbo šearbma? Unnit šearbma? Šearbma skuvllas? Mánát, šearbma ja skuvla, mii lea dehálaš dan oktavuođas? Guossin: Anne Lene Turi Dimpas ja Lasse Wigelius.

Mo sáhttá sámi vugiin oahpahit reálafágaid? Manne sáhttá dat leat erenoamáš dehálaš Sápmái?  Guossin: Máret Hætta ja Kari Marlene Mulder

Dárbbašit go mii oahpahit mánáide duoji ja luođi? Makkár rolla sáhttá estehtalaš fágain leat mánáid skuvlavázzimis ja eallimis?  Guossin: Mai Britt Utsi ja Samuel Valkeapää

Lea go sámegielat mánnái váddáset oahppat lohkat? Mii lea dehálaš go sámegielat mánát ohppet lohkat? Movt doarjut máná gii lea oahppame? Guossi lea Berit-Ellen Juuso.

Geat leat sámi pedagogat? Dustet go sii čuovvut sámi prinsihpaid ja árvvuid? Movt sii barget? Guossin: Anne Ingebjørg Svineng Eriksen ja May Torill Siri. 

Gávdno go sierra sámi matematihkka ja mii dat livččii? Maid ferte diehtit go sápmelažžii oahpaha matematihka?  Guossin: Ann Synnøve Steinfjell ja Ole Einar Hætta

Girjjálašvuođaprofessor Harald Gaski ja prográmmajođiheaddji Ellen Oddveig Hætta Gaup hupmaba girjjálašvuođa ja máinnasteami mearkkašumi mánáid eallimis ja oahpus.