KulturSharea

Korrikaren amaiera festarako dena prest dago Donostian. Lekukoa 12:30erako helduko dela aurreikusita dago. Une horretan, lekukoaren barruan doan mezu sekretuaren egilea nor den jakingo da, eta mezuaren beraren edukia ere. Ekitaldi nagusiaren aurkezleak Atzean zuloa proiektuaren aurpegiak izango dira, esketxotako pertsonaiak gorpuzten dituzten aktoreak Ivan Aizpurua eta Nerea Aranburu donostiarrak.

Geure Gelatik, emakumeek idatzitako liburuen azoka egingo da Azkoitian apirilaren 1etik 3ra bitartean. Bertan, gaur egungo euskal literaturari izena eta izana ematen dioten idazleak izango dira, besteak beste, Arantxa Urretabizkaia, Irati Jimenez edota Eider Rodriguez.

Apirilaren 1ean abiatuko da Arabako Bertsolari Txapelketa Amurrion. Lehiaketa ekainaren 11ra arte luzatuko da eta Gasteizko Europa Biltzar Etxeko Maria de Maeztu Auditorioan izango da finala.

Dantza, musika eta marrazkia izango dira Izpurako Bertso Egunean, martxoaren 26an. Dom Campistron marrazkilariak, Bilaka Kolektiboko dantzariek eta Paxkal Irigoien eta Xabi Etxeberri musikariek hartuko dute parte. Sarrerak bertsosarrerak.eus webgunean eskuratu ahal izango dira.

Ikastetxe eta euskaltegietarako Korrikaren unitate didaktikoak aurkeztu dituzte. Bilduma www.korrika.eus webgunean dago eskuragarri, eta ikastetxeetarako unitate sorta osorik on-line lantzeko aukera ematen du.

Horman Poster kolektiboaren ‘Antigone edo ezetzaren beharra’ antzezlanak irabazi du aurtengo Donostia Antzerki Saria. Martxoaren 27an izango da saria emateko ekitaldia, Victoria Eugenia Antzokian, arratsaldeko 19:00etan.

Sandra Fernandez Agirre (Tartean Teatroa): “Pasio bat jarraitzeak batzuetan bizitzako gauza garrantzitsuak galtzera eraman zaitzakeela kontatzen du obrak”

Zinegoak jaialdiak nahi dugun bezala bizitzeko aldarria egin du. Aurtengo edizioak hiru kategoria izango ditu sail ofizialean, film laburren bi ziklo berri estreinatuko ditu eta nazioarteko zinegile eta epaimahaien bisitak berreskuratuko ditu.

Occhi di Farfalla talde zarauztarrak ‘Iraun’ izeneko diskoa kaleratu du. Boskoteak LP eta CD formatuetan argitaratu du zazpi kantuz osatutako lana Bonberenea Ekintzak-en eskutik.

Aurtengo Korrika Kulturalak herriz herriko eskaintza zabala eskainiko du. Aurtengo emanaldien artean aipatzekoak dira, besteak beste, Ruper Ordorikaren Hautsi da Anphora ikuskizuna eta eRRe eta Antigone antzezlanak.

Bertsoaroa zikloa otsailaren 10etik 24ra egingo da Iruñean. Aurtengo edizioak ere unean uneko bertsolaritzaren berri kalitatez eta aniztasunez ematea du helburu.

Bilboko Lautan Hiru antzerki-jaialdia otsailaren 3an abiatuko da. Egitasmoaren helburu nagu-sia euskarazko antzerkia hauspotzea da, antzerkilariei plaza berriak eskainiz. Gehienbat, formatu txikiko lanak antzeztuko dira eta hiriko lau agertokitan antzeztuko dira.

AEK-k Korrikaren ibilbidearen xehetasunak eman ditu ezagutzera. Euskararen aldeko ekimen erraldoia martxoaren 31n irtengo da Amurriotik eta, hamaika egunez Euskal Herri osoa igaro ostean, Donostian amaituko da, apirilaren 10ean.

Urtarrilaren 27an egingo da Topaldiaren hirrengo edizioa Bilborock aretoan. Oraingoan, Kulturgintzan euskaltzale. Zein da euskaltzaleon rola kulturgintzan? izenburupean dator eta galdera horri erantzuteko lehen urratsak ematen hastea izango da helburua. Parte hartu nahi duenak urtarrilaren 20ra arte izango du izena emateko epea zabalik.

Urtarrilaren 16an abiatuko dira aurtengo maskaradak Atharratzen. Dena ondo bidean, Zuberoako hamabi herri bisitatuko dituzte Atharratze eta Alozeko gazteek lau hilabetetan zehar. Apirilaren 17an bukatuko dira maskaradak Gamere Zihigan.

Euskaltzaleen Topaguneak Laburbira zirkuitura film laburrak aurkezteko epea zabaldu du. Urtarrilaren 20ra arte edozein zuzendarik bere lana aurkezteko aukera izango du, hasi berria, nahiz amateurra izan.

Amaia Astobizak Silvia Federiciren ‘Larruazalaren periferiaz haraindi’ saiakera euskaratu du

Dinagu emakume sortzaileen kolektiboak ‘Nomadak Gaitun’ azoka antolatu du, Donostian. Hainbat alorretako 34 emakume sortzailek jarritako postuak izango dira bertan: ilustrazio, moda, bitxigintza eta zeramika, besteak beste.

Delirium Tremens taldeak kontzertu berezia emango du 2022ko maiatzaren 28an, BECen. Hirokoteak disko berria ere argitaratuko du datorren urtean.

Landako Gunera eta Plateruenara sartzeko ezinbestekoa izango da aldez aurretik izena ematea. Erreserba sistema baten bidez eman beharko da izena. Landako gunean aldi berean 1200 bisitari sartu ahal izango dira, ordu eta erdiko txandetan.

22. Korrikak Amurrio eta Donostia lotuko ditu martxoaren 31tik apirilaren 10era. Hitzekin da hautatutako leloa, AEKren esanetan, “euskara hitzetik ekintzetara eramateko unea da”.

‘Bolante baten historia’ dokumentala azaroaren 19an helduko da zinema aretoetara. 40 urte igaro dira Jose Miguel Etxeberria Naparra desagerrarazi zutenetik. Eneko anaia atzera begira jarri da orain, hutsune luze horretan gertatutakoaz hausnartzeko.

Formol Laborategiak 'Album' lehenengo antzezlana estreinatuko du azaroaren 11n, Azpeitiko Euskal Antzerki Topaketetan

Euskal musikagintzaren azken nobedadeak Durangoko Azokako Spotify zerrendan entzungai jarri dituzte. Ibilbide luzeko musikariak eta musika-talde hasiberriak topa daitezke zerrenda honetan. Astez aste eguneratzen joango dira, nobedade berriekin.

2022ko udazkenean egingo da Bertsolari Txapelketa Nagusia. Getxon abiatuko da irailaren 24an eta abenduaren 18an amaituko da Iruñean, Nafarroa Arenan.