Kompas

Op Wêreld Radiodag vind ons uit wat radio alles behels. Barrie Ferreira vertel hoe radio die basis vorm van verskeie soorte tegnologie.

Jody Hendricks het by Skurweberg Sekondêr gaan inloer. Die skool het 20 skootrekenaars ontvang. Dit is een van die vele uitreikingsprogramme waarby RSG betrokke is, in samewerking met die SABC.

Ons kuier by Hoërskool Bultfontein in die Vrystaat om te hoor hoe hulle gees bou met hulle Waatlemoenfees. Hulle vertel ook hoekom hulle klassieke musiek in die klaskamer speel.

Ons vind meer uit van aanhegtingstyle - hoe ons liefhet, hoekom, en wat dit vir ons verhoudings beteken. Dr. Louis Awerbuck, 'n kliniese sielkundige, help ons om hierdie patrone te verstaan.

Ek het dit nie gemaak nie. Wat nou? Dít is ‘n vraag wat sommige matrikulante mee worstel. Sukses is nie ‘n reguit lyn nie. Baie mense slaag deur ‘n tweede kans, vaardigheidsopleiding of entrepreneurskap. Barrie Ferreira vind uit watter moontlikhede daar vir jou is as jy nie die regte punte in matriek gekry het nie.

Wat is ‘n mentor? Barrie Ferreira hoor watter waarde hulle by ‘n jongmens se lewe kan voeg.

Anelma van Heerden gesels oor haar reis na genesing nadat sy vir langer as 15 jaar met twee verskillende eetversteurings geworstel het. Sy moedig jongmense aan om nie in stilte te sukkel nie, maar om met iemand te praat oor die dinge wat jou lewensvreugde steel.

Barrie Ferreira vind uit wat dit verg om ‘n Protea-krieketspeler te word. Hy praat ook met ‘n krieketkommentator oor sy beroep.

‘n Jong man wat met wiskunde gesukkel het, vertel van sy reis nadat hy besluit het om die vak oor te skryf om universiteitstoelating te kry. Hy gee wenke wat hom gehelp het om uiteindelik sukses te behaal.

Trudi van Wyk, die hoofdirekteur van onderwys in die nasionale departement van hoër onderwys en opleiding, verduidelik hoe om die Nasionale Studente Finansiële Hulpskema (NSFAS) te navigeer.

Wat is persoonlike grense, en hoe is dit van toepassing op jou as ‘n jong persoon?

Hazel Janse van Rensburg kuier by Hoërskool Fichardtpark in Bloemfontein om te hoor wat hulle skool uniek maak.

Barrie Ferreira gesels met twee skoolleerders wat presteer het by ‘n wetenskapekspo in Bali.

Chloe van Rooyen groet die Kompas-span. Ons kyk terug op die laaste drie jaar van haar lewe as Kompas-aanbieder, en sy verklap wat sy volgende gaan doen.

Vir baie jongmense is dit ’n groot aanpassing om van die gestruktureerde skoolomgewing na verdere studie, opleiding of die wêreld van werk te beweeg. Hierdie oorgang vra nie net akademiese gereedheid nie, maar ook emosionele voorbereiding, lewensvaardighede en kennis van beskikbare ondersteuningsdienste. Ons vind uit hoe jy hierdie aanpasing en oorgang makliker kan maak.

As jy binnekort die wêreld van werk moet ingaan, het jy al oorweeg wat die verskil is tussen vryskut en korporatiewe werksomgewings, en watter een jou beter sou pas?

Biomediese wetenskaplike Judey Pretorius waarsku oor ‘n gevaarlike sosiale media tendens met teenverouderingsprodukte, waarop tieners tans spring. Sy bied veiliger oplossings.

Hoe lyk onderwys as ‘n studierigting en beroepskeuse? Barrie Ferreira het gaan uitvind.

Tienke du Toit, ‘n geregistreerde joga-onderwyser, vertel hoekom joga meer as net strekoefeninge is, en hoe jongmense daarby kan baat.

As jy onlangs jou matriekuitslae ontvang het, maar nie seker is oor wat dit beteken nie, gaan ons dit vir jou uiteensit. ‘n Kennis van vakkodes, NSS-slaagtipe en toelatingsvereistes is noodsaaklik vir leerders om realistiese en ingeligte studiekeuses te maak.

Wat presies is ADHD? Hoe kan jy weet of dit jou affekteer as ‘n jongmens?

Vier matiek-toppresteerders vertel hoe hulle dit reggekry het om sulke goeie punte te behaal, en wat volgende op hulle wag.

Het jy pas jou matriekresultate gekry, en is nie heeltemal tevrede daarmee nie? Hoe lyk die pad vorentoe? Moet jy matriek herhaal, of is daar ander roetes wat tot jou beskikking is?

Kompas-luisteraars vertel wat hulle die vakansie aangevang het, en wat hulle doelwitte vir 2026 is.

Chloè van Rooyen hoor hoe die Matrieks van 2025 voel oor die matriekuitslae wat binnekort bekendgemaak word, en hulle deel hulle planne vir 2026 met ons. En, twee jong mans vertel van die vakansiewerk wat hulle gedoen het.