Hitza Jolas

Andoainen, joan den martxoaren 24an Bastero Kulturgunean izan zen Sahararen aldeko bertso-saioari egin diogu lekua. Puntutan Bertso-eskolak eta Andoaingo Hurria-Sahara Elkarteak antolatutako saioa izan zen. Bertan entzundako bertsoen artean egin dugu gaurko hautaketa. Saharako errealitatea eta bestelako gaiak ere jorratu zituzten. Bederatzikoa ere berreskuratu dugu.

Aner Peritz izan da aurtengo Osinalde sariko irabazlea, entzuleen saria eta bertsorik onenaren sariak, berriz, Aitor Tatiegik eskuratu zituen. Hiru kanporaketen ostean jokatu zen apirilaren 6an finala, ohi bezala, afalosteko saio gisa eta mikrofonorik gabe. Gabiriako Osinalde Elkartean 140 lagun inguru batu ziren sei bertsolari gazteen jardunaz gozatzera. Giro horretan borobildutako bertsoak eta o...

Laudion, Emakumeen nazioarteko egunaren atarian izan zen saioko lagin batzuk hautatu ditugu batetik eta bestetik Tolosan, lehenengoz egin den "Bertsopentsiotan" bertso jarrien sariketak emandakoa ere jaso nahi izan dugu. Aurreikuspen guztiak gaindituta, parte-hartze handia izan dute eta hasiera batean aurreikusten ez zituzten sariak ere banatu dituzte. Erretretaz edo jubilazioaz aritu garenez, art...

Ordu gutxi batzuk besterik ez dira falta Gasteizko Printzipal antzokian Arabako Bertsolari Txapelketako finala jokatzeko. Aitzakia hori hartuta, Aramaioko eta Dulantziko finalerdietako saioak errepasatuko ditugu. Artxiboan arakatzen ere aritu gara eta Korrikari lotutako 1983ko bertsoaldi bat berreskuratu dugu.

2024ko Bertso eguna Gernikan izan zen. Bertsoak lantzen, jorratzen eta ontzen oholtza gainean Sustrai Colina, Maialen Lujanbio, Saioa Alkaiza eta Etxahun Lekue aritu ziren Aitor Etxebarriazarragaren esanetara. Horrezaz gain, 1998ko negu epelari Lazkao Txikik botatako eta gure artxiboan gordetako bertso batzuk ere berreskuratu ditugu.

Tolosan, 2024ko urtarrilaren 20an, San Sebastian egunez, Atariaren alde egindako saioko bertsoaldiak hautatu ditugu atal honetarako. Baina, egun bereziz osatutako asteburua izaki, 1994ra egingo dugu atzera. Urteko zein jai egun izango ote zuten gustuko bertsolariek? Entzun eta gozatu!

Ondarroan, urtarrilaren seigarrenean egindako bertso-saioa eta Getaraiko Balentziaga museoan urtarrilaren 15 garrenean izandakoa izango ditugu ardatz. Bietan ere txapelketaren ondorena eta umorerako joera nabaritu ahal izango dugu. Azpeitian ospatzen ari diren bertso egunean izango denaren berri ere jaso dugu. Eta gure bederatzikoak ere ez du hutsik egingo. Entzun nahi al duzu?

2022ko Bertsolari Txapelketa Nagusiaren finaleko bertso aukeratuak bildu ditugu Hitza Jolas podcastaren atal honetan. Zortzi finalisten ahotan perla jo ditugun bertso zenbait. Bertsolari txapelketako azken eguneko goiz eta arratsaldeko saioetan, entzundako bertsorik onenak jo ditugunen bilduma.

2022ko Bertsolari Txapelketa Nagusiko epaileen erabakiz, finaleko buruz burukoa Amets Arzallus eta Maialen Lujanbiok jokatu dute. Elkar besarkatu eta ekin zioten arratsaldea berotu eta lehertu zuen ariketari. Gustura aritu ziren elkarri ziria sartuz eta bertsozaleak gozaraziz.

"Hitza jolas" podcastaren atal bereziak egin ditugu Nafarroa Arenan jokatutako BTN 2022ko finalaren arian. Maialen Lujanbiok irabazitako hirugarren txapelaren testuingurua berezia izan da, partaideetan bezala jorratutako gaietan. Hauek izan ziren 2022an jokatutako finalean zortzi lehiakideek egin zituzten agurrak.

Itziarren, Lasturko tabernan jokatu zen Gipuzkoako Eskolarteko Bertsolari txapelketako aurtengo finala. June Aiestaran izan zen txapelduna. Bada, abiatzear den II. Señora Txapelketan, txapela ordez, pamela janzteko hautagaiak ere prest dira dagoeneko. Danele Sarriugartek emango digu sariketaren berri. Bertso-saioetan estimu handia izaten dute ariketa berriek baina... Ia zer deritzozuen Bergarakoar...

Bertsoak kantatzeko moduak asko dira; gero eta gehiago esango genuke. Bertso jarriak, bertso kantatuak, puntukakoak, luzeak, laburrak eta bederatzi puntukoak ere bai, kantatzera ausartzen denarentzat. Doinuak berriz nahi adina dira, eta aldian aldian, berriak ere sortu eta erabiltzen dira, bereziki bertsolari txapelketa nagusia hurbiltzen denean. Bertso musikatuak ere badira eta horiei eskainiko d...

"Hitza jolas" podcastaren atal ezberdinetan entzun izan ditugu 2021eko lurraldekako "Oinak buruan" Eskolarteko Bertsolari Txapelketako finaletako bertsoaldiak. Atal honetan baina, saio horien guztien bilduma egin nahi izan dugu. Honenbestez Arabako, Gipuzkoako, Bizkaiko, Nafarroako eta Lapurdi Behe Nafarroa zein Zuberoako finaletako hautaketa egin dugu. Bistakoa da, gaztetxoak izan arren etorkizun...

Covid 19aren ondorioz, txapelketak ohiko formatuan egiteko zailtasunak formula berriak bilatzeko beharra eragin du. Hala, Araban, txapelketa birmoldatzea erabaki eta Binakako Bertsolari Txapelketa egin dute. Apirilaren 17an 9 bikotek ekindako bideak, maiatzaren 22an, Legution izan zuen amaiera. Manex Agirre eta Martin Abarrategi izan ziren txapeldunak. Gaur, txapelketako saio ezberdinetan izandako...

EITB Maratoia zetorrela eta, EITBk Bilbon, Gasteizen eta Donostian aldi-bereko hiru bertso-saio antolatu zituen 2020ko abenduan. Podcastean, gaur arte eskaini ez den Donostiako saioa berreskuratu nahi izan dugu. Covid 19ari aurre egiteko diru-bilketa izan zen. Birus batek aitzakia emanda, fonotekan beste birus baten inguruko bertsoaldia ere topatu dugu: 1993an, Elizondon, Andoni Egañak eta Jon Sar...

San Pedroetan, aretoa bete jende egin zuten saioko bertsoaldiak jaso ditugu Hitza Jolasen. Baita UEUren eta Bertsozale Elkartearen eskutik egindako Udako Bertso Eskolan Iruñeko Katakrak aretoan izandakoak ere. Bietan ere ez zen umore faltarik izan! Bederatzikoa udako etenaren aurretik non eta nola geratu den ere ezagutuko dugu. Entzun podcastean.

Bertsolaritzaren inguruko saio honetan, Zapla! egitasmoaren barruan Beran izandako saioko bertsoaldiak topatuko dituzu. Bidasoa inguruan bidaiatzeko aukera eskainiko dizute. Bestalde, Donostiako Larratxo kulturgunean “Orainmenean, bertsolaritzaren genealogia feminista” izenburupean egindako saioko bertsoaldiak ere jaso ditugu. Etenik gabe jauzika dabilen bederatzikoa berriz, Beñat Mateosen eskutik...