Driesestig

Darren Thomas vertel vir Martelize Brink hoe hy CrossFit in sy rolstoel doen, en Suid-Afrika binnekort by die CrossFit-spele in Texas gaan verteenwoordig.

Meer vroue en gesinne jag deesdae. Goeie opleiding, agtergrond en etiek is egter ter sake. ‘n Beroepsjagter, Michelle Mostert, vertel hoe sy in die bedryf beland het, en opgelei is teen die agtergrond van die toenemende belangstelling onder vroue in die jagbedryf.

Marjolijn Malan vertel van blommekuns wat by Nampo Overberg se blomme-afdeling te sien sal wees.

In Spanje is daar ‘n nuwe gier waar jy tussen 19:00 en 20:00 in ‘n spesfieke winkelgroep met ‘n onderstebo pynappel in jou trollie loop, as jy beskikbaar is om ‘n verhouding aan te knoop.

Annesu de Vos vertel vir Martelize Brink van haar ervaring van Kanada.

Haidee Muller-Isaacs gesels met Elanie Nieuwoudt, alombekend as juffrou Lani van Clanwilliam, wat die ekstra myl stap vir die kinders in haar gemeenskap.

In Japan gebruik mense deesdae bedankingskonsultante, wat namens jou by die werk bedank.

Veearts dr. Ingrid de Wet beantwoord luisteraars se dieregesondheidsvrae.

Brandt Bester is 'n vaardige skrynwerker wat glo aan die bevordering van vakmanskap. Hy het twee jaar gelede ‘n handwerkskool begin, en intussen is daar al meer as 320 studente opgelei van oral oor in die land. Haidee Muller-Isaacs het by sy werkswinkel gaan inloer.

Motorinspekteur Jacques Nel vertel vir Martelize Brink van die slenters met die verkoop van tweedehandse voertuie kom.

Die 50ste wêreld toonstoeikampioenskap het onlangs plaasgevind. Die verdedigende kampioene kon nie ontt(r)oon word nie.

Charles Louw gesels vertel van die Mamela-projek in Mannenberg, wat musiekklasse gebruik om kinders van die Kaapse Vlakte se strate af te hou.

Koshistorikus Hetta van Deventer-Terblanche praat oor neutmuskaat.

121 jaar ná die datum waarop dit gepos is, is ‘n poskaart in Wallis afgelewer. Dit het daartoe gelei dat familie wat nie van mekaar geweet het nie, mekaar ontmoet het.

Lydia Von Wielligh-Steyn praat oor die geskiedenis van kerntoetse oor die wêreld.

Zelma Basson verduidelik wat Boccia, ‘n sport vir gestremdes, behels.

Hoe gemaak as jy dink jy word deur ‘n ander motor agtervolg. Johan Rademan het hieroor gepraat met Richard Brussow van die National Hijack Prevention Academy.

Fisioterapeut Lizanne Tucker praat oor beendigtheid en soepelheid van die ruggraat.

In Liverpool se sakekern word daar op een van die vloere van ‘n gebou met slakke geboer, maar die hof sê dis net ‘n manier om met ‘n landboupraktyk die belasting wat op die gebou betaal moet word, te verminder.

Eugenie-May Botha vertel vir Martelize Brink van die verskillende katogorieë waarin vroue aan liggaamsboukompetisies deelneem. Sy is deel van die Proteaspan wat in Oktober aan die wêreldkampioenskap in Litaue gaan deelneem.

Publisiteitsghoeroe Wilmer Muller vertel vir Haidee Muller-Isaacs van die nalatenskap van sy geliefde ma, Dalene, wat groot spore in die mediawêreld getrap het. As Afrikaanse taalspesialis het sy ma ’n blywende impak op hoe die media vandag nog met die taal omgaan.

Die Olimpiese medaljewenners is op verskillende maniere vir hulle prestasies vergoed. Atlete het van diamante en huise, tot dragtige koeie, lewenslange gratis treinkaartjies en kolonoskopieë ontvang.

Gerhard Vermaak vertel hoe landbouers bakterieë, eerder as chemie, inspan om stikstof in die grond te kry, en peste te beheer.

Danny Jansen het die eerste MLB-bofbalspeler in Amerika geword om beide spanne in een wedstryd te verteenwoordig. Reën het die wedstryd tussen die Toronto Blue Jays die Boston Red Sox onderbreek, en dit is eers 65 dae later voltooi. Intussen het Danny die Blue Jays verlaat en by die Red Sox aangesluit.

Dr. Martine Jordaan vertel vir Martelize Brink van varswatervisse wat uniek is aan die Wes-Kaap. Ongelukkig is varswatervisse die mees bedreigde dieregroup is Suid-Afrika.