Driesestig

Sjef Ashley Wynand wou al lank sy eie restaurant bestuur. Die pad het eers ‘n paar ander kronkels gemaak, maar nou is sy droom uiteindelik bewaarheid. Haidee Muller-Isaacs het na Grabouw toe gegaan om te sien wat hy alles agter die kospotte aanvang.

‘n Maatskappy in Japan kan nie voor bly met bestellings vir hulle monsterwolf nie. Dit is ‘n sonkragaangedrewe robot beerverskrikker.

Dieetkundige Valpré Huisamen praat oor voeding om jou immuniteit te versterk, en waar Vitamien C in die prentjie pas.

Die Franse polisie waarsku bestuurders teen takbokke en ander wilde diere, wat gegiste vrugte en verrottende plantmateriaal eet. Dié dronk diere se gedrag is onvoorspelbaar.

DF Akademie se Tuinklub bied die eerste jaarlikse Lig Loop-aandpretloop aan ten bate van jong kankerlyers. Die skool se gewilde tuintannie, Lorinda Smit, vertel vir Haidee Muller-Isaacs van hierdie gemeenskapsdaad van hoop, liefde en saamstaan.

Lize Marié du Toit gesels oor haar werk as suiwelsommelier, en hoe beoordeling by suiwelkompetisies werk.

‘n Groot peuselhappie-maatskappy in Japan se verpakking sal nou swart-en-wit wees weens ‘n tekort aan ‘n bestandeel van ink weens die blokkade van die Straat van Hormoes.

Theresa Wernich vertel vir Martelize Brink van Jiaozhou in Qingdao, China, waar sy al drie jaar woon. Seekomkommer en sandwurms is daar gesogte disse.

Ons kyk deur die 100-jarige bril van professor Pierre Volschenk, en hoor wat hy van sommige nuwe kuns dink. Johan Rademan het by sy huis op Gordonsbaai by hom gaan kuier kort nadat hy op 1 Mei vanjaar 100 geword het.

Die sesde jaarlikse Europese seemeeu-kryskampioenskap het onlangs plaasgevind. Deelnemers van 15 lande het in België saamgetrek om te maak soos ‘n meeu.

Chanel Visser vertel vir Martelize Brink van seeperdjieredding, na hulle by die Keurboomsrivier die see in gespoel word weens die geweldige hoë reënval.

In hierdie week se landbounuus hoor ons van ‘n nuwe geval van bek-en-klouseer in die Wes-Kaap; landboumaatskappy NWK open ‘n nuwe tegnologiesentrum; ’n wêreldbekende plaaslike plantpatoloog word vereer; die Suid-Afrikaanse wynbedryf verwelkom China se nul-invoertarief; en die sitrusbedryf toon stabiliteit.

Prof. Pieter Gouws gesels met Martelize Brink oor jou snybord keuse in die kombuis.

Realiteitstelevisiester Queen Mercy Atang het by die Africa Magic Viewers' Choice toekenings in Nigerië opgedaag in ‘n rok gemaak van 500 brode om haar bakkery te bemark.

Hetta van Deventer – Terblanche gesels met Martelize Brink in die DrieSestig speseryroete oor die gebruik van koffie as geurmiddel.

Prof. Michael le Cordeur vertel vir Martelize Brink van die nasionale krisanteskou wat die naweek op Pniel plaasvind.

‘n Duitse toeris is hof toe oor ‘n Griekse vakansie-ervaring wat nie na wense was nie. Hy het min kans gekry om die sonbeddens te gebruik, want ander toeriste het voor sesuur soggengs al hul handoeke op die beddens gesit om hul plek te hou. Op die ou end moes die toeroperateur opdok.

Valpré Huisamen gesels met Martelize Brink in Jonk oor gefermenteerd produkte soos jogurt, kefir, suurkool, amasi en mageu.

‘n 72-jarige Karl Arps van Wisconsin was besig om die tekens van ‘n hartaanval aan studente te verduidelik tydens ‘n KPR-klas, toe hy self ‘n hartaanval kry. Gelukkig kon sy studente tot sy redding kom.

Paulette Govender het besluit om te begin stap ten bate van die geestesgesondheid van gemeentelede in haar kerk in die Paarl. Sy het dalk nie altyd die geld om by te dra nie, sê sy, maar met haar bene is daar nie fout nie. Intussen het sy 'n paar makkers aangemoedig om saam met haar te stap om sodoende geld in te samel vir diegene wat in stilte ly, vertel sy vir Haidee.

André-Pierre du Plessis vertel vir Martelize Brink van Die Promenader, ‘n splinternuwe gedrukte gemeenskapskoerant vir Seepunt.

“Ek sal nooit ’n musiekjuffrou wees nie. Ek sal net drie jaar op ’n plek werk en dan skuif. Ek sal net in stede werk. Ek sal nooit op ‘n klein dorpie bly nie. Ek sal nooit op die platteland aard nie, en ek sal nooit met ’n boer trou nie.” Dit was die onderwyseres Desireé Wentzel se eintlike planne. Tog hét sy toe ’n musiekjuffrou geword. Sy woon al 55 jaar op Bonnievale. En ja, sy hét met ’n boer...

Wanneer nuwe Pokémonkaarte te koop aangebied word, staan mense tou voor die winkeldeur. ‘n Man in Pasadena, Kalifornië, het besluit om só ver voor in die ry in te druk, dat hy sommer gesorg het dat hy die vorige dag in die winkel toegesluit word.

Alwyn Dippenaar vertel van Queensland, Australië, waar hy in die Outback boer. Daar maak hulle beeste met 'n helikopter bymekaar, siende dat die plase enorm is.

Prof. Pierre Voschenk, kunsikoon, leermeester en kunsfilosoof is op 1 Mei 1926 op Paardekop naby Standerton in die destydse Transvaal gebore. Hy is die eerste Suid-Afrikaner wat ‘n doktorsgraad in kuns in Suid-Afrika verwerf het. Johan Rademan het by hom gaan kuier, en gevind dat hy op 100 nog ‘n onblusbare lewenslus het.