Driesestig

‘n Man in Pole het tussen winkelpoppe in die winkelvenster gestaan en gewag tot die winkel sluit, voor hy juwele gesteel het.

Ivor Swartz gesels oor geestesgesondheid, en die jaarlikse vlieërfees in Kaapstad, wat om die draai is.

Willy Mathys is op Calvinia gebore, en woon al jare lank in Kuilsrivier. Hy hou van stories vertel, en is al jare lank afgetree. Hy belsuit toe om 'n boek met sy stories saam te stel. Haidee Muller-Isaacs het meer gaan uitvind oor die stories, wat Willy so smaaklik vertel.

Prof. Nico Steytler gesels oor sy ma, die skrywer Elsa Joubert, wat vandag 101 jaar oud sou wees.

Die Russiese Ortodokse Kerk is ontevrede met die nuwe 1000 Roebel-noot. Die kerk op die noot word sonder ‘n kruis op die koepel uitgebeeld, hoewel die werklike kerk ook nie ‘n kruis op die koepel het nie. Die verspreiding van die noot is vir eers gestaak.

Oudspringbok Hempies du Toit gesels oor sy speeldae, en die Springbokke se vertoning in vanjaar se Rugbywêreldbeker.

Die Maroela is inheems aan Suider Afrika, en amper elke deel van die boom kan vir menslike verbruik benut word. Jacqui January het gaan hoor hoe die lekkerste drankie of bredie van die skille van die vrugte gemaak word. Sy gesels met Petra Terblanche, wat werk met landelike vroue in Limpopo. Hulle leer mekaar van die gebruike van hierdie besonderse boom.

Cronjé Lemmer deel staaltjies uit sy loopbaan as modeontwerper en kunstenaar.

‘n Groep Sumo-stoeiers was te swaar om in een vliegtuig te vlieg. Japan Airlines moes toe 14 stoeiers na ‘n ander vlug skuif.

Johannes Haarhof vertel vir Martelize Brink van die eerste Suid-Afrikaanse graansilo’s, wat vanjaar 'n eeu gelede gebou is.

Martelize Brink gesels met die skrywer, E. Kotze, op haar 90e verjaarsdag.

Haidee Muller-Isaacs het op ’n winderige dag die viskrappers by Kalkbaai se hawe besoek. Sy hoor by hulle hoe hulle vis skoonmaak en hoe lank hulle dit al doen.

Hestelle van Staden vertel vir Martelize Brink van haar werk as 'n forensiese patoloog. Sy het al meer as 7 000 outopsies gedoen.

‘n Finansiële misdaadontleder het sy werk by Citibank verloor omdat hy tydens ‘n werksreis sy en sy lewensmaat se etes as ’n uitgawe geëis het, en later daaroor gejok het. Die bank betaal slegs vir werknemers se eet- en drinkgoed.

Dr. Bennie Grobler vertel van die siektes wat voorkom kan word deur diere te steriliseer. Hy verduidelik ook die proses van sterilisasie.

Ria Moolman gee vir Martelize Brink praktiese tuinwenke uit Bedford in die Oos-Kaap.

Adele du Plessis vertel vir Martelize Brink hoe ‘n groep vroue sorg dat die Knysna Hospies die nodige geld het om hulle goeie werk voort te sit.

‘n Vrou van Iowa het kameelperdmis uit Kenia na die VSA probeer neem om vir haar ‘n halssnoer daarvan te maak!

Severiano Tamboer vertel van die e-fietstoere wat die Adventure Shop in die Stellenbosch-omgewing aanbied.

Jackie en Riku Lätti vertel van die musiek wat hulle maak as deel van die Kaappunters.

Anton Kannemeyer gesels oor sy kunswerke by die Woordfees, Bitterkomix en die skrapkultuur wat hom dwars in die krop steek.

Francois Fouché en Danie Malan gesels oor die Dagbreek Straatmyl, en Danie se prestasies 50 jaar gelede.

Koos van der Merwe gesels oor sy Woordfeesproduksie, DIE KUNS VAN TRANE, en sy digbundel wat tydens die produksie bekendgestel word.

Donovan Kirkwood en Annerie Senekal vertel van die Universiteit Stellenbosch se Botaniese tuin, wat vanjaar 100 jaar oud is, en die Stellenbosch Flora Fest wat hulle aanbied.

Jacques Buys vertel vir Johan Rademan en Martelize Brink van sy loopbaan met bronsbeelde, wat hom oral oor die wêreld neem.