SABC North West

Babueledi ba molatofadiwa le ba puso ba dirile kopo kwa Kgotlatshekelo ya Magistrata wa Jhb, gore babegadikgang ba seka ba letlelelwa go gasa ditheetso tsa kopo ya baili ya ga Sandile Mantsoe.

Boto ya Eskom e neseditse pula go boela ga Brian Molefe mo maemong a gagwe a mokhuduthamaga mogolo wa setlamo seo sa motlakase.

Mokhuduthamaga mogolo wa pele wa Eskom Brian Molefe o boela kwa tirong ya gagwe kwa setlamong seo sa motlakase.

Borradipolasi bangwe le bagweebi ba basweu kwa Coligny mono North West ba kgapetse thoko magatwe a gore kgaolo eo e e tletseng ka dipolasi e tletse bosemorafe.

Democratic Alliance mono North West e ikaelela go tlhatlheela kgetsi ya bosinyi gompieno kgatlhanong le tonakgolo Supra Mahumapelo kwa seteishining sa sepodisi sa Coligny.

Go rulagantswe metsele tsele ya dikopano le baagi ba Gauteng ba ba amilweng ke ditshuoetso tse di tletseng tiriso dikgopka tse di ka ga thebolelo ya ditirelo go ralala Johannesburg le Pretoria.

Molaodi wa bosechaba wa motlakase Nersa o dumetse go batlisisa kgato ya Eskom ya go gana go saena ditumelano tsa theko ya motlakase tsa boleng ba diranta di le dibillione le batlhagisi ba ba ikemetseng ba motlakase.

Mokgatlo wa badiri Solidarity o solofela fa kgotlatshekelo ya badiri kwa Jhb e tlile go atlhola mo letlhakoreng la ona, le go laela Motlhankela mogolo wa pele wa tsamaiso ya Sabc Hlaudi Motsoeneng go duelela ditshenyegelo tsa kgotlhang ya kwa kgotlatshekelo ya ba ba bidiwang Sabc8.

Tona ya kago ya matlo Lindiwe Sisulu o tlile go tsereganya mo ditshupetsong tse di sa kgaotseng tsa go ngongoregela thebolelo ya matlo kwa Gauteng.

ANC e tlile go simolola ka dikgato tsa mogoso kgatlhanong le se lekoko kwa Kwazulu-Natal le se bitsang gore ke go sa tlotle pharologanyo ya dithata ga dikgotlha tshekelo.

Tona ya lefapha la Tlhabololo Loago Bathabile Dlamini o bega gore go diragadiwa ga ditaelo tsa kgotlatshekelo tsa gore setheo sa Sasssa se tseye maikarabelo a dituelo tsa madi a loago, go tlile go ja diranta di le dibillione tse thataro.

Mokatisi wa Springbok Allister Coetzee a re ga go kgathalasege gore setlhopa sa gagwe se tlile go akarediwa le ditlhopa di feng, gonne bafenyi ba sejana sa lefatshe ba tshwanetse go fenya ditlhopa tse di diphatsa tse di leng gona.

Motsamaisi wa diprojeke wa Sassa Zodwa Mvulane, a re setheo seo se buisana le Kantoro ya Poso ka ga kgonagalo ya gore e rwale maikarabelo a aba madi a loago.

Mmeyara wa Tshwane Solly Msimanga o mo tseleng go leba kwa Laudium kwa kwa Pretoria kwa go begwang fa motho a le mongwe a bolailwe ka ntlha ya ditshupetso.

Batlhankela ba sepodisi ba rometswe ka bontsi kwa Coligny mono North West kwa dithulano tsa bosemorafe di tswelelang go gola.

Bangwe ba baagi kwa motse setoropong o o aparetsweng ke mathata wa Tlhabologang kwa Coligny mono North West bare banna ba le babedi ba ba golagangwang le go bolawa ga ga Matlhomola Mosweu ba ka bo ba sa rebolelwa beili.

Monnasetilo wa pele wa komishine ya African Union AU Nkosazana Dlamini Zuma o tsibositse kgatlhanong le go tlhamiwa ga maphata a a itanang ka noga e tshela a re a phutlhamisa lekoko la ANC.

Public Protector explaining what led to delay on Bapo-ba-Mogale investigation

Tona ya lefapha la metsi le kgelelo leswe Nomvula Mokonyane o sireleditse tshweetso ya lefapha la gagwe ya go thapa batlhankedi ba setegeniki le enjiniring ba kwa Cuba mo lenaaneng la lefapha la metsi.

Mokgatlho wa badiramoepong AMCU ware go kopa maitshwarelo ga ga motlatsa mopresidente Cyril Ramaphosa mabapi le go bolawa ga badira moepong ba Marikana go tsamaelana le mekgwa ya bo kapitale.

Mapodise mono North West a re ga ise a tshware ope, morago ga dithulano tse di neng di tletse dikhuduego maabane magareng ga mapodise a a rebang dikhuduego le baagi ba ba neng ba boloditse ditshupetso kwa toropong e e aparetsweng ke mathata ya Coligny.

Palo ya mapodise a a rometsweng go ela maemo tlhoko kwa Coligny e oketsegile morago ga matshosetsi a go tlhaselwa ga seteishene sa lookwane maabane bosigo ke baagi ba motsesetoropo wa Tlhabologang.

Mokgatlho wa bosetshaba wa ditshwanelo tsa baagi SANCO ware o tlhatlheetse kgetsi ya gore go sekwa sekwe tshwetso e e tserweng ke mmagistrata wa kgotlha tshekelo ya selegae ya Coligny ya go rebolela Pieter Dorewaard le Philip Schutte beili.

Tsela ya R503 e e golaganyang Lichternburg le Coligny le ya N14 e e golaganyang Coligny le Ventersdorp mono North West e ne ya gapelesega go tswalelwa pharakano.

Mokhuduthamaga wa pholo kwa Gauteng Gwen Ramokgopa are dihteetso kgalemo tsa batlhankela ba le babedi ba lefapha ba ba amegang mo pegelong ya Health Ombudsman di emisitswe