Regsake

Igna Klynsmith bespreek ‘n saak wat handel oor Jacob Zuma en die presidensie, waar hy beveel is om sy regskostes terug te betaal. Hy bespreek ook ‘n saak oor wie die regmatige eienaar van ‘n troeteldier is ná ‘n egskeiding . Elsa Kruger-Willemse praat oor sertifikate wat verkry moet word by die verkoop van onroerende eiendom, en die risiko van historiese munisipale skuld.

Igna Klynsmith bespreek ‘n navraag wat handel oor ‘n bedoel. Hy vertel ook van ‘n saak waar familielede ‘n liggaam wou laat opgrawe om DNS-toetse te laat doen om te bewys dat hulle wel familie is, en mag erf. Spesialisgas Metzi Klobbie bepreek belangrike veranderinge aan Suid-Afrika se patentstelsel.

Igna Klynsmith bespreek ‘n hofsaak oor ‘n huis wat afgebrand het, en of die koper die verkoper aanspreeklik kan hou vir die skade. Arbeidsregkenner Johan Botes vertel van arbeidswetgewing wat vanjaar verander en aangepas is.

Igna Klynsmith praat oor die hof van klein eise, en bepreek ‘n saak oor ‘n pa wat sê hy kan nie meer in die behoeftes van sy outistiese dogter voorsien nie. Boedelspesialis Volker Kruger bespreek ’n saak oor ‘n bestorwe boedel waar die vrou nie volgens die man se testament van hom erf nie. Kan sy wel eis?

Igna Klynsmith bespreek ‘n brief van ‘n gevangene, wat ‘n paar vrae gehad het oor sy eie saak. Hy bespreek ook ‘n vraag oor wat presies as lasterlik beskou kan word. Familieregkenner Riëtte Oosthuizen praat oor ‘n pa se regte t.o.v. die besluit om ‘n swangerskap te beëindig.

Igna Klynsmith bespreek die pligte van rolspelers in ‘n strafregsaak. Hy praat ook oor die ontvangs van gesteelde goedere. Spesialisgas Est-marié McCallahan vertel van ‘n dispuut tussen bure oor ‘n oprit.

Igna Klynsmith bespreek ‘n appèlhofsaak oor ‘n munisipaliteit wat grond, wat aan ‘n ontwikkelaar behoort, probeer onteien het. Hy bepreek ook ‘n luisteraarsvraag oor die aankoop van ‘n plaas en ‘n serwituut. Elsa Kruger-Willemse praat oor die aanspreeklikheid van eienaars van troeteldiere wanneer die dier skade aan, of vir, ‘n derde party aanrig.

Igna Klynsmith bespreek ‘n luisteraarsvraag oor ‘n vrou wat gediagnoseer is met demensie. Haar man wil weet hoe hy haar bates moet hanteer aangesien sy nie meer handelsbevoeg is nie, en hulle buite gemeenskap van goedere getroud is. Volker Kruger praat oor ‘n skadevergoedingseis teen ‘n restaurant.

Igna Klynsmith verduidelik wat borgstellingsooreenkomste behels, en praat oor die indiensneming van onwettige immigrante. Volker Kruger bespreek ‘n hofsaak waar die leerstuk van "die bloedige hand erf nie” toegepas is.

Igna Klynsmith bespreek die hofuitspraak van beweerde haatspraak deur Julius Malema. Hy beantwoord ook ‘n luisteraarsvraag ‘n oupa wat grond aan sy minderjarige kleinseun wil nalaat. Spesialisgas Lienki du Plessis praat oor ‘n paar handelsmerkhofsake.

Igna Klynsmith praat oor ’n plaaseienaar, wat tydens ’n inbraak, ‘n verdagte noodlottig gewond het, en aangekla is van moord. Spesialisgas Elsa Kruger Willemse praat oor die belangrikheid van boedelwaarde wanneer jy trou met die aanwasbedeling, met verwysing na ‘n onlangse Appèlhof-uitspraak.

Igna bespreek ‘n luisteraarsvraag oor die verantwoordelikheid van instandhouding van omringende grensmure van voltitelskemas. Familieregkenner Riëtte Oosthuizen praat oor universele venootskappe binne die familiereg wat handel oo; siviele en gebruiklike huwelike, ‘n geloofshuwelik en burgerlike verbintenisse.

Igna Klynsmith praat oor finansiële ondersteuning ná egskeiding. Hy bespreek ook ‘n saak wat handel oor voogdyskap. Spesialisgas Est-Marié McCallahan bespreek universele vennootskappe in romantiese verhoudings, na aanleiding van 'n onlangse hofsaak.

Igna Klynsmith bespreek die omstrede AARTO-wetgewing, en ‘n intreressante saak oor ‘n kassiere wat 50-sent gesteel het. Spesialisgas Johan Botes praat oor ‘n onlangse grondwetlike hofuitspraak aangaande ‘n geskil oor swangerskapsverlof.

Igna Klynsmith bespreek ‘n saak en vonnis van ‘n vrou in die Wes-Kaap, wat meer as ‘n R1 miljoen by haar werkgewer gesteel het. Spesialisgas Volker Kruger praat oor ‘n aanspraakmaker wat die hof probeer oortuig dat hy deur verjaring die eienaar van ‘n kothuis geword het.

Igna Klynsmith bespreek ‘n luisteraarsvraag oor hoe sy haar Nederlandse huwelik in Suid-Afrika kan registreer. Hy bespreek ook ‘n saak oor ‘n kind wat tydens ‘n skooluitstappie dood is. Spesialisgas Susan de Wet praat oor ‘n hofsaak wat handel oor ‘n boer se vee wat op ‘n pad beland het, en ‘n botsing tot gevolg gehad het.

Igna Klynsmith bespreek sake oor die prys van ingevoerde lewensreddende medikasie, en die uitbetaling van groot bedrae geld wat belastingbetalers mijoene kos na aanleiding van onregmatigde arrestasies deur die polisie. Spesialisgas Marolien van Aardt praat oor handelsbeperkings.

Igna Klynsmith bespreek ‘n saak oor die Wet op die Uitbreiding van Sekerheid van Verblyfreg. Spesialisgas Volker Krüger bespreek ‘n hofaansoek om ’n dokument, wat ‘n oorledene op sy skootrekenaar opgestel het, as ‘n geldige testament te laat verklaar.

Igna Klynsmith praat oor oupas en oumas se reg tot toegang van hulle kleinkinders. Hy bespreek ook ‘n saak oor ‘n dispuut oor die oprigting van ‘n nuwe grafsteen in die Wespark-begrafplaas, en die stad Johannesburg wat dit geweier het. Elsa Kruger Willemse bespeek die moets en moenies van voorhuwelikse kontrakte.

Igna Klynsmith beantwoord ‘n vraag oor hoe ‘n erfgenaam sy erflating kan beskerm. Volker Kruger bespreek ‘n saak waar ‘n oorledene 'n deel van sy boedel aan die Boerelegioen bemaak het, en sy familie dit betwis en argumenteer dat wat die Boerelegioen bevorder en nastreef, ongrondwetlik is, en dat die relevante bepaling in die testament dus strydig met die Grondwet is.

Igna Klynsmith bespreek ‘n onlangse hoogeregshofuitspraak oor geld wat ‘n bruid tydens die Covid-pandemie verloor het. Hy praat ook oor eksekuteursfooie. Spesialisgas Est-marié McCallahan praat oor die kredietwet, en of dit van toepassing is op lenings wat familielede aan mekaar maak.

Igna Klynsmith bespreek ’n saak oor ‘n familiedispuut oor ‘n eiendom in Kampsbaai. Spesialisgas Janus Olivier vertel van ‘n onlangse Hoogeregshof-uitspraak oor testamente.

Igna Klynsmith bespreek ‘n luisteraarsvraag oor motorpaaiemente wat misgeloop is sonder dat die eienaar agtergekom het. Hy bespreek ook ‘n saak wat handel oor rekords van munisipale rekeninge. Ons Spesialisgas bespreek patente in die farmeseutise bedryf.

Igna Klynsmith bespreek ‘n vraag oor die term, moord met voorbedagte rade. Hy praat ook oor ‘n tussentydse interdik. Spesialisgas Volker Kruger bespreek twee sake oor gholfballe wat beserings en skade op 'n gholflandgoed veroorsaak, en huiseienaars se regte in dié verband.

Igna Klynsmith bespreek die saak van Daisy de Melker. Hy beantwoord ook ‘n luisteraarsvraag oor ‘n werknemer se onsekerheid oor haar werk onder nuwe bestuur. Spesialisgas Lizel van Deventer praat oor slimfoontoepassings wat inluister op ons, en hoe dit ons privaatheid skend.