Ligwalagwala FM Current Affairs

Sewufikile lomncamla jucu wekutsi labo labahola imali yesibonelelo sahulumende bantjintje emakhadi abo lamtfubi eSASSA gold card batfole emakhadi lamnyama (black card) ePost Bank. Lilanga lekugcina lelibekiwe kutsi kuntjintjwe lamakhadi ngumhllaka 31 August 2026. Kukhuluma kabanti ngalendzaba asemukele Sikhulu lesisetulu lesibukele kusebenta kwe PostBank, Dr Bongani Diako.

Umyalo wekuvikela pheceleti i-protection order, ngulenye yetinsita temtsetfo leticinile letikhona kuvikela bantfu labahlukunyetwako kuleli noma labangenamandla ekumelana netibheva. Nanobe kunjalo, kubonakala kwandza kukhatsateka kulabasikati labatisulu teludlame lwebulili kutsi i-protection order, kulesinye sikhatsi ayibavikeli kubalingani babo ngobe bahlukunyetwa ngisho baliphetse leliphepha lase...

I-Ningizimu Afrika ihlanganyele nemave akulelivekati le-Afrika kubungata liviki lekukhutsata kusetjentiswa kwemitsi yesintfu noma timbita,  i-African Traditional Medicine Week. Kubuka kubaluleka kwemitsi yesintfu asemukele ligedla, Umnuzane Sfiso Masikane. 

Labashade ngesintfu noma labalobolene babekelwe kudzimate kube nguMsombuluko, umhlaka-31 August 2026 kutsi babhalise ngalokusemtsetfweni lemishado yabo. Hulumende wamemetela kutsi bonkhe bantfu labashade ngesintfu nalabalobolene kufanele bawubhalise kuze wemukeleke njengalosemtsetfweni ngephansi kwemtsetfo we-Recognition of Customary Marriage Act. Kepha kuva kabanti ngalomncamlajucu nangekubalulek...

Sekucalile kubhala luhlolo lwekuvivinyela luhlolo lwekugcina lwebafundzi bakamatikuletjeni.  Bosolwati ngetemfundvo becwayisa ngekubaluleka kwekutilungiselela kusanesikhatsi nawungumfundzi kuze ungatikhandzi sewubukene nemsebenti lomnyenti nasekufike sikhatsi sekubhala. Loku batsi kuhambisana nekutetayeta kufundza,  kuhambela imitapo-mabhuku kanye nekubuyeketa umsebenti lesewuwentile. Ku...

Namuhla sibuka libhuku lelinesihloko lesitsi "Trusting the Potter, When God Turns Pain into Purpose" lelibhalwe nguPretty Mashego. 

Siphele nyalo ntsambama ngensimbi yesihlanu sikhatsi besibekelwe tinhlangano tepolitiki kanye nalabatimele elukhetfweni kutsi batfumele luhla lwalabatobamela kuIEC. Simeme tinhlangano  letimbalwa kutsi bakhonile kuhlangabetana nalomncalajucu. Sinamabhalane weANC eMpumalanga Muzi Chirwa, ulandzelwa ngumholi we-EFF eMpumalanga Collen Sedibe, Musi Maimane we BOSA kanye na-Freddy Mbandze lokamele...

Imindeni yalabantfu labagcibedzeleka ematfunjini  emhlaba emayini yase-Lily Mine batsi kute inchubekela embili ngemitamo yekukhipha lamalunga emindeni yabo. Intsatseli yetfu Mthobisi Mkhaliphi uyasibikela 

Bahlali base-Msholozi edvute nasedolobheni lase-Whiteriver e-Mpumalanga bebabambe umbhikisho lonekuthulaa kuyowetfula incwadzitikhalo kuhulumende walesifundza. Intsatseli yetfu Motsebi Monareng uyasibikela 

Tikhungo temfundvo lkephakjeme kuleli tisolwa ngekucasha kakhulu bantfu labadzabuka kulamanye emave, kungakhatsaliseki kutsi betfuli betifundvo noma titjudeni.  Loku kucuketfwe kumbiko we Special Investigating Unit (SIU) nelitiko letekucasha netemisebenti, lebebaphenya kutsi ingabe emanyuvesi akulelive ayawulandzela yini umtsetfo wetekucasha, i-Employment Act Services of 2014 ne Employment Eq...

Litiko letenhlalakahle kanye nesikhungo lesiholela timphesheni kulelive iSASSA lisenkantolo lebuyeketa emacala eBloemfontein, liyokhala ngesincumo senkantolo lenkhulu letfole kutsi tincabekelwane letitsite taloluhlelo lwesibonelelo tishiyela ngaphandle tigidzi tebantfu lebekumele ngabe bayahlomula. Kuva kutsi titsini letinye tinhlangano letilwela lebadla imbuya ngelutsi, simeme Vincent Skhosana lo...

Itolo lirandi belintengantenga uma licatsaniswa naletinye timali temave emhlaba. Belingu R16.02 lirandi  nalicatsaniswa nelidola laseMelika. Loku kulandzelwa kutsi lisimamane emalangeni lengcile laba ku R15. 92 cents nalekuyintfo leyagcina kwenteka nga February kulomnyaka. Solwati ngetemnotfo Prof Bonke Dumisa utsi kubalulekile kutsi lirandi licine lokungahle kuholele ekwehleni kwentsengo yap...

Loyo bekayinhloko yema-Hawks Dr Godfrey Lebeya  beketfula bufakazi phambi kwelikhomishana laMadlanga namuhla. Sibahle Motha kanye na-Given Mahlalela basihlanganisele lombiko. 

Likomishana lelengamele lukhetfo litsi kusasa ngumncamulajucu wetinhlangano tepolitiki kanye nebantfu labatimele labafuna kungenela lukhetfo kutsi betfule luhla lwekugcina lwemabito abobonkhe labatawubamela. Kutfola kabanti ngalendzaba,  sichumana nalokhulumela lelikomishana kulesifundza sase-Mpumalanga ngu-Thanduxolo Chembeni   

I National Dialogue of South Africa itawubamba umhlangano wemadvodza kanye nemajaha ngenhloso yekubonisana kabanti ngetintfo letikhatsata bantfu labadvuna ikakhulukati bugebengu, tidzakamiva, kukhungatseka engcondvweni nalokunye. Kukhuluma kabanti ngalombutsano simeme lomunye webahleli bawo lekungumcondzisi weSANERELA+, Njingalwati Mbulelo Dyasi.   SANERELA = South African Network of Religiou...

Inhlangano ye MK Party ikucinisekisile kutsi icoshe malunga ayo lamabili lasephalamende lekungu Dr Khanyisile Licthfield -Tshabalala na Pumlani Kubukeli. Kubuka loludzaba sicele umhlatiyi wetepolitiki, Prof Bheki Mngomezulu.

Likhomishana letebatsengi iNational Concumer Commission (NCC), lecwayisa tonkhe titolo takuleli kanye netiphaza kutsi bayekele kukhokhisa emakhasimende imali lengetiwe nangabe abhadala ngemakhadi asebhange. Kuyibuka lendzaba asamukela lokhulumela likhomishana letebatsengi, Phetho Ntaba..

Lisekela lamengameli wase Tanzania, Emmanuel Nchimbi umemetele kutsi ushiyaphasi kulesikhundla ngemuva kwetinyanga letilishumi afungisiwe. Lesimemetelo sakhe sita ngemuva kwemibiko letsi akasatseleleni kahle emanti namengameli walalive, Samia Suluhu Hassan.  Kuyibuka kabanti lendzaba asamukele umcwaningi ngetindzaba tase-Afrika, Advocate Sipho Mantula

I ANC isabonisana  ngesinyatselo lesitawutsatfwa ngekomiti yayo lehola sifundza saseNorth West. Thabiso Moss naVusi Shongwe uyabika

Asikaphumeleli lesishukumiso senhlangano ye-EFF sekungametsembi somlomo wephalamende Thoko Didiza. Zalene Merrington naMillicent Phakathi bayabika

Lidutjulwe labulawa liphoyisa lelineminyaka lengema-50 budzala endzaweni yemikhukhu iSeven de Laan itolo, ngalesikhatsi liyophenya ngetibhamu letingekho emtsetfweni. Leliphoyisa beliyincenye yalelitsimba lelikhetsekile lelitfunyelwe e-Kysna eNshonalanga Kapa evikini lelengcile, kulandzela kubulawa kwalobekangusodolobha Aubrey Tsengwa, likhansela le-ANC laphambilini Mandla Matiwane kanye nesikhulu...

Bosomnotfo batsi titsi lihhovisi lemgcini mafa angake likhone kuchubeka nekuholela lemali yesibonelelo sahulumende lesibitwa ngekutsi  i Social Relief of Disstress Grant, lekungu R370. Loku kuta  ngemuva kwekutsi inkantolo lenkhulu eGauteng ivumelane nenhlangano yemphakatsi i-Institute for Economic Justice (IEJ) kutsi hulumende uphula umtsetfo ngekucitsa ticelo tebantfu lebakulungele kuk...

Likomishana lelengamele lukhetfo, i-IEC, ilcele kutsi kube nekubambisana emkhatsini nebaholi bendzabuko njengoba kulungiselelwa kuvota ngamhla ka-4 kuLweti.  Kukhuluma ngalendzaba, simeme mengameli weContralesa Kgoshi Mathupa Mokoena  

Singena evikini lesibili siteleka setisebenti ttasenkapanini iRCL Foods eMalalane kulesifundza seMpumalanga. Mthobisi Mkhaliphi uyasibikela 

Likomishana lelengamele telukhetfo i-IEC letfule ngalokusemtsetfweni umculu weluhlu lwebavoti pheceleti i-voters roll namuhla. Ingabe kusho kutsini kwetfulw angalokusemtsetfweni kweluhla lwebavoti? Kuphendvula lombuto naleminye, sicele lokhulumela iIEC eMpumalanga Thanduxolo Chembeni