Ligwalagwala FM Current Affairs

Sewufungisiwe mengameli wase Zambia Hakainde Hichilema, longena lihlandla lesibili kulesikhundla. Hichilema wetsembise kutsi utawuletsa lubumbano aphindze afukule umnotfo walelalive. Kepha lomcimbi wekufungiswa kwakhe ubukene nekungcubutana kwetepolitiki kulandzela kuboshwa kwemholi wenhlangano lephikisako, Brian Mundubile, ngemacala ekuvukela umbuso. Ditaba Tsotetsi naBongani Mondlane basihlangan...

Lelikomiti lasephalamende lelibuke lendzaba yekukhishwa kwamengameli, litsi litayifakela ingcova phansi lendzaba yesiphakamiso sekufaka Advocate Thandazani Madonsela kutsi abe ngumholi webufakazi. Loku kuta ngemuva kwencwadzi lephikisana nekufakwa kwakhe levela kumengameli  Cyril Ramaphosa. Zalene Merrington na-Zandile Nkosi bayabika

Inhlangano yematje esikhumbuto, i-Southern Africa Funerals and Tombstones Industry Institute seyibita hulumeni kutsi akavumele letinkapani letakha lamatje kutsi tiwagadze emathuna. Lokuta ngemuva kwekwandza kwetehlakalo tekucekelwa phasi kwemathuna lafaka ekhatsi ase-Avalon, Slovoville nase-Doornkop , eGauteng.  Lenhlangano seyisungule umkhankaso lobitwa ngeGravesite Watch campaign kulwa nale...

Bantfu labasikati labasemkhakheni wetemidlalo, kudzingeka kutsi batfole letinye tindlela tekungenisa imali eceleni kuze bakhone kuphila. Loku kuvele embikweni weluphenyo belumayelana nekulingana kutemidlalo lolwentiwe  likhomishana letekulingana ngekwebulili. Lombiko wetfulwe phambi kwekomiti yetemidlalo, emasiko nebuciko ephalamende. Sicocisane Sandile Useni lovela egunjini letemtsetfo ekhom...

Mengameli wenhlangano i-African People's Convention (APC) Themba Godi utsi bafuna kucinisekisa kutsi naketfula umhlahlandlela liwadi ngalinye litentele ibhajethi yalo kuze tinsita tifike malula ebantfwini. 

Mengameli Cryil Ramaphosa, sewucoke Leonard Lekgetho, njengenhloko yeluphiko loluphenya emacala lakhetsekile lekuyi Special Investigating Unit (SIU).  Lekgetho ucale namuhla kulesikhundla sakhe lesinsha njengobe avale Advocate Andy Mothibe. Kepha kubuka kutsi ungubani lowekunene asamukele sati setindzaba tebugebengu ngu Dr Mxolisi Mathebula...........

I DA kulesifundza sase-Mpumalanga ibhalele Ndvunankulu Mandla Ndlovu ngetinsolo tekusetjentiswa budlabha kwemali lelinganiselwa ku-R52 million kubhadalwa ema-Crime Prevention Wardens lahleti emakhaya angasebenti. Sikhulumisana nelilunga le-DA kusishayamtsetfo saseMpumalanga, Teboho Sekeledi. 

Litiko letekuphepha kwemphakatsi kuvikeleka  kanye nekuchumana kulesifundza seMpumalanga litsi ayisilo liciniso lemibiko letsi labantfu lebaceceshelwa kuba ngema-Crime Prevention Wardens bahola bahleti emakhaya. Lokhulumela  lelitiko Moeti Mmusi uyasichazela

I IFP seyiwamemetele emagama alabo labatayimela njengabosodolobha kumasipala waseThekwini kanye namasipala wase-Umhlathuze njengaloku ihlose kutsatsa labomasipala labakhulu KwaZulu Natal babe ngaphasi kwayo.  Zanele Buthelezi uyasibikela.

Belaphi bendzabuko labangetulu kwema-800 bebabutsene enkundleni yetemidlalo KaMhlushwa eNkomazi kulesifundza se-Mpumalanga. Loku bekuyincenye yemcimbi welitiko letempilo wekubungata lusuku lwemitsi yesintfu, i African Traditional Medicine Day.  Nonkululeko Shongwe uyasibikela. 

 Kubitwe fakazi lomusha wembuso kulelicala lelibukene na Vusimuzi "Cat" Matlala kanye nalalabane lamangalelwe nabo. Ummangalelwa wekucala wekucala kulelicala  Musa Kekana utjele lenkantolo kutsi walinyatwa matima ngemaphoyisa. Sashin Naidoo naVusi Shongwe bayabika 

Sikhwama lesibonelela bafundzi ngetimali iNSFAS, sitawube sivakashele tikolo letintsatfu takulesifundza, kumasipala weMbombela eMpumalanga. Letikolo letivakashelwako tifaka ekhatsi i-Khutsalani Secondary,  leKabokweni, i-Lihawu Secondary kanye neEJ Singwane ePienaar. Kutfolaka kabanti ngalokuvakasha, simeme nemphatsi weligumbi leAudit and Risk Management ku-NSFAS, Umnumzane Fortune Mkhabela.

 Live laseBotswana selisihocisile lesigwebo sentsambo lebelisiphanyeke bantfu lababili labatsandzana ngebulili lobufanako, nalekungumtsetfo lekutsiwa washaywa bacindzeteli. Kukhuluma kabanti ngalendzaba simeme umhlatiyi wetindzaba tase Africa, Dr William Mpofu 

Umholi we African People's Conventions (APC), Themba Godi utsi lenhlangano yakhe ibhalisele kungenela lukhetfo kubomasipala labangema-58 etifundzeni letisikhombisa.  Godi bekakhuluma e- Louis Trichardt, eLimpopo ngalesikhatsi etfula umhlahlandlela weAPC letawugadla ngawo elukhetfweni lwabohulumende basekhaya.  Rudzani Tshivase na Zandile Nkosi basihlanganisele lombiko

Ikomiti lebukele timali tesive ephalamende, iSCOPA , seyingasemaphetselweni ekuhlanganisa umculu wekugcina ngetiphakamiso tekuchibiyela umtsetfo we-Road Accident Fund Act. Loku kulandzela tinsolo letiyamene nekungasetjentiswa kahle kwetimali kaRoad Accident Fund. Simeme sihlalo weSCOPA Songezo Zibi

Inhlangano i-WHO IS SHE ihlonipha bomakei ngendzima lebayidlalako emangweni. Simeme Gladys Mndawe longumsunguli walenhlangano kutovavala naye lenyanga yebantfu labasikati ngekubuka umsebenti lowentiwa ngulenhlangano.

Litiko letimbiwa kanye netivutsisi selimemetele kutsi intsengo yemafutsa etimoto itawunyuka ngaLwesitsatfu. Intsengo ye Petrol kulindzeleke ikhuphuke nga-R1,34 i-litha, idizili ikhuphuke nga R3,14 i-litha kantsi phalafini kulindzeleke ukhuphuke nga-R2.13 i-litha. Kepha kuyicoca kabanti lena ndzaba asamukle Lunga Mahlaba longusomnofto lovela ku Nkunzi Wealth Group...

Likomishana laMadlanga litfole bufakazi lobutsintsa inkulumo lecoshiwe ya- Lieutenant-Colonel Deenadayalan "Deena" Govender kanye naMavuso Ntandani. Sibahle Motha kanye na-Ephraim Mabilane bayasibikela

I-ANC itsi ibuke kulungisa tintfo letifaka ekhatsi kuphakelwa kwemanti kulungisa imigwaco kanye nekuvula ematfuba emsebenti njengaloku kubangwe elukhetfweni lwabohulumende basekhaya. Rudzani Tshivase na Millicent Phakathi bayasibikela.

Njengaloku sivala inyanga yalabasikati, simeme umshayeli wendiza longumake, Vuyiswa Immaculate Masuku lodzabuka KaMhlushwa kumasipala wase-Nkomazi kulesifundza se-Mpumalanga.

 Ligumbi lelibuke tindzaba tebantfu labasikati enhlanganweni yematekisi iSANTACO kuvelonke, liyawube libambe umkhankaso wavelonke wekucushisa ngebudlova bebulili erenkini yematekisi ase-Kempton Park.  Kukhuluma kabanti ngalenkomfa sichumana nalokhulumela i-SANTACO  Rebecca Phala

Mengameli we ANC, Cyril Ramaphosa utsi kutfutfukisa kusebenta ngekwetsembeka kwentsandvo yelinyenti kanye nekwetfulela bantfu tinsita kungayincedza lenhlangano yakhe kutsi iyekele kuhlala itikhatsata ngekwehla kwelinani lebantfu labayivotelako. i ANC ibukene nenkinga yekwehla kwalabayivotelako njengoba ekhetfweni lwabohulumende basemakhaya nga 2021 yatfola 46%, kwatsi ekhetfweni lwavelonkhe nga 20...

Ichubekile nemkhankaso wayo welukhetfo inhlangano ye-SACP nalapho icela kuvotelwa ekhetfweni leliyobanjwa ngenyanga yeLweti kulomnyaka. Kwekucala ngca kutsi ingenele lukhetfo itimele. Busi Bopela naVusi Shongwe basihlanganisele lombiko.

Sewufikile lomncamla jucu wekutsi labo labahola imali yesibonelelo sahulumende bantjintje emakhadi abo lamtfubi eSASSA gold card batfole emakhadi lamnyama (black card) ePost Bank. Lilanga lekugcina lelibekiwe kutsi kuntjintjwe lamakhadi ngumhllaka 31 August 2026. Kukhuluma kabanti ngalendzaba asemukele Sikhulu lesisetulu lesibukele kusebenta kwe PostBank, Dr Bongani Diako.

Umyalo wekuvikela pheceleti i-protection order, ngulenye yetinsita temtsetfo leticinile letikhona kuvikela bantfu labahlukunyetwako kuleli noma labangenamandla ekumelana netibheva. Nanobe kunjalo, kubonakala kwandza kukhatsateka kulabasikati labatisulu teludlame lwebulili kutsi i-protection order, kulesinye sikhatsi ayibavikeli kubalingani babo ngobe bahlukunyetwa ngisho baliphetse leliphepha lase...