Kompas

Chrislynn Sias gesels met komediant Tracey-lee Oliver, wat vertel hoe jy lag-lag jou geld as komediant kan verdien. Jaydy Warnick neem ons deur haar geboortedorp, die Morawiese sendingsdorpie Goedverwacht.

Videospeletjies is sedert die vroeë jare 70 deel van die jeug- en popkultuur. Rekenaarspeletjies, selfoonspeletjies en enige eleketroniese speletjie is deesdae baie gewild. Hoe beïnvloed dit jongmense?

Lewenslange leer is nie net ‘n modewoord nie, dis ‘n filosofie. Arehan Brand gesels met dr. Marni Bonthuys van die Universiteit van Wes-Kaapland oor lewenslange leer. Tiaan Claassens en Courtneigh Ess deel ook hule ervaring met lewenslange leer. Alan Gie, een van die skeppers van die WiBox, vertel hoe hy en twee klasmaats ‘n toestel ontwikkel het om jou internetverbinding aandie gang te hou, selfs...

Die verband tussen akademiese prestasie en geestesgesondheid word bespreek. Mar-li van der Merwe praat hieroor met dr. Elmien Sinclair, die hoof van akademiese voorligting en ontwikkeling by die Sentrum vir Studentevoorligting en -ontwikkeling aan die Universiteit Stellenbosch. Sy het raad vir studente oor hoe om goeie geestesgesondheid te handhaaf, en bespreek wat hulle kan doen om verdere sukses...

Arehan Brand praat oor leierskap met Ethan-John Carstens, die Junior Burgemeester van Mosselbaai. Shaun-Lee Laksman, ‘n jongman wat ‘n bronsmedalje verower het by die Nasionale Skaapskeer en Wolhantering Kampioenskappe in Bloemfontein, vertel van dié unieke stokperdjie. Arehan loer ook in by Rodney Golliath, ook bekend as Rottas die Rapper, en hulle gesels oor rymklets.

Weet jy hoe groot die probleem van werkloosheid in Suid-Arika is? Ons praat met jongmense wat werkloos is oor hoe dit hulle lewe en gemoedstoestand beïnvloed. Elke deur waaraan hulle klop, bly onbeantwoord. Zenovia Francis,’n menslike hulpbronne beampte, gee oor hoe kandidate hulleself meer indiensneembaar kan maak.

Eksamentyd is 'n deurmekaar en stresvolle tyd. ‘n Goeie studierooster sal help om jou gedagtes bymekaar te kry en meer effektiewe studiesessies te hê. Die program is ‘n werkswinkel oor effektiewe studieroosters en voorbereiding vir die eksamens wat voorlê.

Arehan Brand kry raad en wenke by Janice Viljoen van EDUvelopment oor Graad 9-vakkeuses. Hy loer in by die Chrysalis Academy in Tokai, en vind uit hoe hierdie instansie die jeug se vaardighede en lewe verbeter.

Mar-li van der Merwe gesels met Albert Keet, ‘n opvoedvoedkundige sielkundige, oor studiemetodes en hoe om eksamenstres te beheer. Liezl Kilian, ‘n matriekwiskunde-onderwyser, smoor wiskunde-angs in die kiem, deur wenke vir Vraestel 1 en 2 te deel. Sy gesels ook oor studiemetodes vir hierdie vak.

Athina Jansen gesels met drama-uitblinkers wat innoverende maniere vind om werk te skep. Sy praat ook met twee Kanna-wenners. Mandri Sutherland, Carlo Daniels, Adriaan Havenga en René Cloete het raad vir opkomende akteurs.

Chrislynn Sias gesels met die twintigjarige Tredeaux Pitout en Audine Kaye oor hulle werk in inligtingstegnologie. Enrico Hartzenberg, 'n skrywer, danser, akteur en vervaardiger, vertel hoe hy ‘n goeie balans handhaaf.

Daar is sowat 1 miljard aktiewe gebruikers op Instagram, waarvan 2 miljoen besighede is. Dit maak hierdie platform ideaal vir jongmense om hulle besighede te bemark. Op Instagram is daar ook ‘n nuwe gonswoord - tweedehandse klere. Die impak daarvan om ou klere nuwe lewe te gee, het 'n positiewe impak, en skep nuwe en kreatiewe maniere vir mense om werkloosheid te verminder.

Arehan Brand gesels met prof. Jean Greyling en Cornelius Greyling oor kodering en programmering. Hulle bepreek loopbane in dié rigting, en hoekom jongmense nou al moet begin kodeer ter voorbereiding vir toekomstige loopbane. Morné Jansen van Vuuren, ‘n aanlyn speletjie-ontwikkelaar vertel van sy ervaring in dié veld,  en hoe jy vandag al kan leer om te kodeer.

Anita van Vuuren van die Wes-Kaapse Onderwysdepartement praat oor die opleiding van onderwysers in e-leer.

Athina Jansen gesels met twee uitblinkers wat hulle nagraadse studies aangepak het. Ayesha Shaikh is tans besig om haar doktorale studie in plantpatalogie te voltooi, en Jaco Du Plooy het onlangs sy meestersgraad in Frans verwerf. Hulle praat oor hulle prestasies, en gee raad vir leerders wat verder wil studeer.

Wat is hierdie winter se grimeertendense? Hoe kan ‘n danser net uithou en aanhou? Chrislynn gesels grimering en wintertendense met twee grimeerkunstenaars, Kyra Loubser en Andrea Hurter. Die talentvolle, Clarischka Viljoen, wat onlangs vyf goue medaljes by die Battle of the Giants All Styles Dans en Sportfees los gedans het, kuier in die atlejee.

Onderrig in jou moedertaal help met die kritiese ontwikkeling van denke en geletterdheidsvaardighede. Navorsing wys ook dat kinders en leerders wat in hulle moedertaal onderrig ontvang, die kurrikulum makliker verstaan. Vaardighede wat in die moedertaal geleer is, hoef nie weer geleer te word wanneer die kind oorskuif na ‘n tweeede taal nie.

Arehan Brand gesels met Albert van Wyk, ‘n entrepreneur, belegger, skrywer en motiveringspreker, en met Hernus Basson Jnr, ‘n entrepreneur van die Kaap, oor suksesvolle entrepreneurskap.

Ismail Teladia van die Wes-Kaap Onderwysdepartementoor praat oor die driestroommodel en vaardigheidsontwikkeling in die Wes-Kaap.

Arehan Brand gesels met Densley Carolissen (Lyrically Deezy), wat onlangs as Suid-Afrika se top choreograaf bekroon is. Hy praat ook met die lede van die multimedia-teaterproduksie, Sit With Us, wat kyk na kwessies soos ras en klas op universiteite.

Of jy dit nou wil erken of nie, dis bitter moeilik om ‘n gesonde en aktiewe leefstyl in die winter te handhaaf. Coral Jacobs, ‘n persoonlike afrigter, verduidelik hoekom dit belangrik is om ‘n fiksheidsroetine in die koudste seisoen te handhaaf. Chrislynn Sias hoor ook by ‘n paar mense hoekom hulle oefen, wat hulle motiveer om ‘n fiksheidsroetine te handhaaf en hoe dit hul lewe beïnvloed.

Musiek, kuns en drama speel 'n belangrike rol in skole. Dit het 'n positiewe uitwerking op jongmense se emosionele ontikkeling, en gee ‘n plek waar leerders hulleself positief kan uitbeeld en hulle emosies uitdruk. Schalk van der Merwe en Tharien Oosthuizen verduidelik ook wat die belangrikheid van kultuur in skole is.

Die jeug van Suid-Afrika het ‘n belangrike rol om te speel in die land se demokratiese bestel. Arehan Brand kyk op Vryheidsdag na die jeug se regte en hulle rol om aktiewe burgers te wees deur deel te neem aan verkiesings.

Dr. Antoinette Venter van die Wes-Kaap Onderwysdepartement praat oor hoe Ekonomiese en Bestuurswetenskappe lewe in die klaskamer kan kry.

Athina Jansen gesels met die 5 NATI jongsterre wat hulle verhoogdramas by die Suidoosterfees gaan debuteer, oor hulle proses en ervaring.