Driesestig

Baaienaar dr. Ambrose George leef al 60 jaar met depressie. Ná sy aftrede as hoof van Gelvan Park Hoërskool, het hy twee boeke geskryf oor sy ervaring met depressie, en wat ‘n mens kan doen om die diep neerslagtigheid teen te werk. Op 80-jarige ouderdom is hy besig met sy derde boek. Mariska Spoormaker het hom besoek.

‘n Man in China het ‘n sensasie veroorsaak toe hy ‘n foto op sosiale media plaas van ‘n berg wat soos ‘n hond lyk. Toeriste stroom nou soontoe om foto’s van hulle honde saam met die berghond te neem.

Bernard Jansen van Vuuren vertel van die lewe in Switserland. Hy bly in Ebikon, net buite Lusern.

Tom Liebenberg wou die wêreldrekord breek vir die meeste burpie-optrekke in een uur. Die huidige wêreldrekord is 611, en Tom se teiken is 620. Hy het 613 gehaal, en natuurlik daardie rekord gebreek. Hy doen dit vir 'n goeie saak, en sy poging is reeds ingestuur na die Guiness Wêreldrekord-organisasie, nou wag hy maar...

Dr. Daan le Roux praat oor die eggokamer-konsep. Dis 'n omgewing waar 'n persoon slegs inligting of menings teëkom wat hulle eie weerspieël en versterk.

In Japan vorm grimering nou deel van mans in die polisie se opleiding.

Maryke Musson praat oor aanwyserspesies, soos mossels en visse wat ingespan word om waterkwaliteit te monitor.

Haidee Muller-Isaacs loer in by oudpolisieman en resieskarliefhebber, Deodat Kasner. Sy kyk wat hy alles uit hout bou in sy werkswinkel.

Elke Brink van PSG Wealth R21 op Stellenbosch sê jy moet versigtig wees vir te veel kontant.

‘n Man in Frankryk is op soek na die mense wat sy beursie gesteel het. Hulle het krapkaartjies met sy kredietkaart gekoop, en €500 000 gewen. Hulle kan dit egter nie opeis nie. Nou stel hy voor dat hulle met die kaartjie navore kom. Hy sal dan die boerpot opeis, en die helfte daarvan aan die diewe gee.

Gary Simm is 60 jaar oud, maar glad nie gereed vir pensioen nie. Nou stort hy sy hope oortollige energie in aartappels en markdae, want, sê hy, lekker kuier bring hom net in die moeilikheid by sy vrou Lana. Mariska Spoormaker het hom by ‘n markdag in Nelson Mandelabaai gaan opsoek.

Koshistorikus Hetta van Deventer-Terblanche praat oor bonekruid.

‘n Dorp in die Filippyne bied 1 peso (sowat 32 Suid-Afrikaanse sent) aan vir elke vyf muskiete of larwes wat ingehandig word, lewend of dood, in ‘n poging om dengue-koors te bekamp.

Kunstenaar Gerhard Human vertel vir Martelize Brink van kunsafdrukke, en wat hy by die Cape Town Art Fair uitstal.

Met die weerpatrone wat al hoe meer onvoorspelbaar lyk, kan die Nelsona Mandelabaai-metro nie 50% waterinkomsteverliese bekostig soos wat nou die geval is nie, sê die Baaise ingenieur David Raymer. Hy is al meer as 30 jaar in die watervoorsieningsbedryf, en hy glo daar moet ’n oorwig kundiges en minder politieke verteenwoordigers op waterbestuursrade dien.

Dieetkundige Valpré Huisamen praat oor die karnivoordieet, en hoe om tekorte in die dieet te oorkom.

‘n Amerikaanse man het amptelik die grootste baksteenversameling. Die oudste steen dateer uit 100 na Christus.

Haidee Muller-Isaacs vind meer uit oor die Hangkliphotel op Pringlebaai, wat die gemeenskap saambring. Woensdagaande is dit bring-en-braai. Dit gaan oor families wat saamwerk, wants dis nie een mens se "day job" nie. Tot die oumas loop rond om te bedien.

China se Chengdu-sneeudorp sit met eier op die gesig nadat hulle watte gebruik het om sneeu na te boots in foto’s vir sosiale media. Dit volg ná buitengewone warm weer gesorg het dat die verwagte sneeu nie in die toersimedorp geval het nie.

Janes Struweg vertel vir Martelize Brink van die lewe in Stavanger in Noorweë. Hy sê dis ‘n mooi land met ‘n baie aktiewe bevolking, en die kos is baie soos boerekos.

Laurette Swanepoel van Twin Trees vertel hoe hulle die vervalle gedenkwaardige gebou in Groot Brakrivier gerestoureer het.

Tydens die Anglo-Boereoorlog van 1899 tot 1902 is ongeveer 25 000 Boerekrygsgevangenes en vreemdelingvrywilligers na kampe in Indië, Ceylon, St. Helena en Bermuda gestuur. Daar het min opgetekende persoonlike ervarings van dié reise bewaar gebly. Die kunstenaarsboek, NA BERMUDA, wat deur Franci Greyling saamgestel is, is ‘n uitbeelding van die krygsgevangenes se reiservarings na dié eilandgroep in...

‘n Bakker in die VSA is hof toe siende dat sy dorp kla oor die kunswerk teen sy bakkery se dak. Hy sê dié handewerk van hoërskoolleerders is kuns, terwyl die owerhede dit meer as ‘n naambord beskou.

Dr. Martine Jordaan praat oor verkleurmannetjies en die interessanthede oor hulle verkleuringsvermoë.

Motorredakteur Marnus Hattingh het Kaapstad se Noordelike voorstede en Tygervallei se woonstelle verruil vir Pringlebaai se grondstrate sonder straatligte. Hy is nie 'n dag spyt nie. Hy ry sy toetsmotors deur Clarence Drive, draf agter in die berge en is die plaaslike drafklub se “trail”-kaptein. Hy swem in die Palmietrivier, en jaag bobbejane uit kombuise voordat daar in die koskaste gekrap is.