Driesestig

Afrikaans 100 se eeufeesbekendstelling het onlangs in die Iziko Museum in die hartjie van Kaapstad plaasgevind. Haidee Muller-Isaacs het gaan hoor wat alles beplan word.

Dieetkundige Valpré Huisamen praat oor detoks, en of jou liggaam regtig hulp nodig het.

Een van Wene se bekendste orkeste se instrumente is groente! ‘n Wortel word ‘n blokfluit, en ‘n prei ‘n mandolien. Ná 27 jaar en 344 vertonings het hulle amptelik die Guiness Wêreldrekord vir die groente-orkes met die meeste vertonings.

As kind het Agusty Geel 95% brandwonde opgedoen, dit oorleef , gehoor sy sal nooit ‘n man kry nie, en dat sy te dom is om ná matriek verder te studeer. Tog het sy haarself as onderwyseres bekwaam, en 43 jaar lank onderwys gegee. Vir die leerlinge wat wou moed verloor, het sy gedeeltes van haar lewe gedeel om te wys ’n mens kan dinge oorkom. Mariska Spoormaker het met haar gesels.

Aleysha Ortiz, ‘n 19-jarige in die VSA, neem die Hartford-onderwysraad en die stad Hartford hof toe vir nalatigheid. Daar is ook ‘n saak teen haar spesiale onderwys-saakbestuurder. Sy het wel hoërskool met lof geslaag, en studeer nou met ‘n beurs aan ‘n kollege, maar sy kan nie lees of skryf nie!

Johan Bester vertel van die Golf van Mexiko/Amerika waar hy werk as helikoptervlieënier.

Durbanville is vanjaar 200 jaar oud. Kan daar iets nuuts uit Durbanville kom? Ja, ’n nuwe manier van wynmaak! Thys Louw het die eerste 200 liter wyn, wat in ‘n rondebol-glasfles gemaak is, gebotteleer. Hoekom in glas en nie in staal, hout, keramiek of sement nie? Johan Rademan het pad Diemersdal toe gevat om uit te vind.

In Amerika met sy eiertekort kan jy nou twee henne vir ses maande huur vir $600. Vir die meer as R11 000 hoop jy vir sowat ‘n dosyn eiers per week.

Dr. Marienne de Villiers praat op Wêreld Natuurlewedag oor ‘n omdraaikans vir spesies op die rooilys, en suksesse wat behaal is met die kransaasvoël.

Jy kan jou pad oopswem na ‘n baie beter toekoms, leer Missionvale se kinders wat daagliks die uitdagings te bowe moet kom, wat gepaardgaan met werkloosheid en armoede. Die swemafrigter wat hulle só by die Missionvale Sorgsentrum inspireer, is Franklin Coetzee. Mariska Spoormaker het meer gaan uitvind.

Elke Brink van PSG Wealth R21 op Stellenbosch praat oor die belangrikheid van begunstigdenominasies.

‘n 18-jarige vrou in Florida in de VSA met ‘n wrok teen haar eks, wou sy kar met spuitverf spuit. Dit was egter die buurman se kar wat deurgeloop het.

Martelize Brink gesels met Suna van Greuning in Mosselbaai oor hulle fynbos- en proteaboerdery.

Kos- en kultuurhistorikus Hetta van Deventer-Terblanche praat oor kruisement.

Al 30 jaar lank laat sy kindertjies soos feetjies, prinsesse of konings voel, en hulle jil oor haar toertjies wat dinge laat verdwyn en verskyn. Dis Popsy die Nar, die vrou wat elke kinderhart gelukkig wil maak. Mariska Spoormaker het haar raakgeloop.

‘n Man in Indië het skadevergoeding gekry by ’n filmteatergroep omdat daar te veel advertensies voor die film vertoon is. Die vertoning het later as geadverteer geëindig, wat veroorsaak het dat ‘n sakeoproep gemis het.

Timothée Chalamet is vir sy rol as Bob Dylan in die film, A Complete Unknown, vir ‘n Oscar genomineer. Hy moes leer kitaar speel, en Johan Rademan het ‘n merkwaardige ooreenkoms ontdek tussen Chalamet se leerproses, en Suid-Afrika se Mauritz Lotz se beginnersjare.

Landon Coleske vertel van uitsonderlike medaljes wat op plaaslike bodem op veiling gaan wees - van ’n Anglo-Boereoorlog-medalje tot die gesogte Koningin Elizabeth II-kroningsmedalje.

Dieetkundige Valpré Huisamen praat oor GLP-1-produkte, soos Ozempic, wat geberuik word vir aptytbeheer en spierbewaring. Sy vertel watter aanvullings hand-aan-hand behoort te gaan met hierdie soort behandeling.

‘n Begrafnisondernemer in China het mense wat ure tou staan... vir hulle kos. Mense glip in tussen die roubeklaers om hulle berugte noedels te eet. Toe dit sosiale media haal, het die sogenaamde foodies die rye lank begin maak.

Sjef Emile Nel was ’n ingenieur, en het in die Verenigde Koninkryk in ’n restaurant begin werk en studeer. Hy praat oor die opleiding van studente in dié bedryf in die Tuinroete.

Baaienaar dr. Ambrose George leef al 60 jaar met depressie. Ná sy aftrede as hoof van Gelvan Park Hoërskool, het hy twee boeke geskryf oor sy ervaring met depressie, en wat ‘n mens kan doen om die diep neerslagtigheid teen te werk. Op 80-jarige ouderdom is hy besig met sy derde boek. Mariska Spoormaker het hom besoek.

‘n Man in China het ‘n sensasie veroorsaak toe hy ‘n foto op sosiale media plaas van ‘n berg wat soos ‘n hond lyk. Toeriste stroom nou soontoe om foto’s van hulle honde saam met die berghond te neem.

Bernard Jansen van Vuuren vertel van die lewe in Switserland. Hy bly in Ebikon, net buite Lusern.

Tom Liebenberg wou die wêreldrekord breek vir die meeste burpie-optrekke in een uur. Die huidige wêreldrekord is 611, en Tom se teiken is 620. Hy het 613 gehaal, en natuurlik daardie rekord gebreek. Hy doen dit vir 'n goeie saak, en sy poging is reeds ingestuur na die Guiness Wêreldrekord-organisasie, nou wag hy maar...