Driesestig

In vandag se landbounuus: AgriSA en Agbiz doen ‘n beroep op die BRICS-lidlande om landbouhandel tussen lede te verdiep. Die Registrateur vir Diereverbetering verloor ’n appèlaansoek. Die Suid-Afrikaanse kanolabedryf skep nuwe geleenthede. Promtek Africa onderteken ’n samewerkingsooreenkoms met Stellenbosch Universiteit.

Felix Spies Siyafunda Education Foundation vertel vir Martelize Brink van die Ig Nobel-toekennings, wat toegeken word vir watenskaplike navorsing oor vreemde onderwerpe.

Vragmotorbestuurder Joe Macken het oor meer as twee dekades gebou aan ‘n model van New York-stad, met meer as 800 000 strukture.

Die voormalige Athlone Onderwysopleidingskollege, wat deesdae bekendstaan as die Athlone Instituut, in die Paarl vier vanjaar sy 100ste bestaansjaar. Haidee Muller-Isaacs het met Farieda Kearns en Chester Meyer gesels oor hulle hartsmense wat in die jare dertig daar studeer het. Farieda sê haar pa het daarop aangedring dat sy daar onderwys gaan swot, en Chester gesels oor sy oupa en die musiekbloe...

Kos- en kultuurhistorikus Hetta van Deventer-Terblanche vertel van die opmerkings van ‘n Engelse dame in haar boek, Life At The Cape A Hundred Years Ago, oor kos aan die Kaap in die 1800’s.

‘n Onafhanklike ondersoek het bepaal dat die 2032 Olimpiese- en Paralimpiese Spele se roei-items in die Fitzroy-rivier met sy 500 krokodille kan plaasvind. Dis die grootste reptiele, en word tot 6 meter lank.

Leon van Nierop vertel vir Martelize Brink van RSG se nuwe middagvervolgverhaal, Kloofkind. Leon is sowel die skrywer as regisseur.

Mondhigiënis Dirna Grobbelaar praat oor mondgesondheid en hoe jou mond die res van jou liggaam kan beïnvloed.

Brandweermanne in Oklahoma in died VSA het ‘n man in ‘n mediese noodsituasie gehelp. Hy het in daardie stadium sy grasperk al halfpad gesny. Toe die ambulans hom wegneem, sny die brandweermanne sy gras klaar. Hulle sê mens kan dit mos nie so los nie!

Nie eers beurtkrag kon hulle stop in 1897 op Soetmelksvlei op Franschhoek nie. Johan Rademan by Jan Jordaan, beter bekend as Jan die Meulenaar, gaan kuier op Soetmelksvlei.

Hester de Kock vertel van Wellington se treinstasie. Daar is in 1858 aan die land se eerste spoorlyn tussen Kaapstad en Wellington begin bou, maar vertragings het gemaak dat dit eers in 1862 voltooi is. Durban het in 1860 al ‘n treindiens geopen.

Singapoer wil sy burgers aan die lees kry. Daar is nou ‘n nasionale program waar jy op ‘n webblad aanteken wanneer jy lees. Jy kry dan ‘n geldjie vir jou lesery.

Johan Schoeman vertel vir Martelize Brink van die lewe in Winston-Salem in Noord-Carolina in die VSA. Hy woon al 28 jaar daar.

Liezel Davids, weduwee van die voormalige RSG-omroeper, kommentator en TV-aanbieder, Johnny Davids, gesels oor die afgelope paar maande sonder hom, en hoe sy steeds sy nalatenskap wil laat voortleef.

‘n Halfmarathon In New Jersey in die VSA het onlangs voortgegaan in weerwil van blitsvloede wat veroorsaak is deur sewe duim reën in baie ‘n kort tydjie. Deelnemers moes soms halflyf deur die water beur, maar stop was min.

Eben Olderwagen praat oor Vergelegen se Nguni’s, en waarom hulle deesdae ’n Nguni/Angus-kruising doen.

In vandag se landbounuus: Die minister van landbou bevestig dat die verpligte uitskot van klinies gesonde, siektevrye buffels voorlopig opgehef is; Die Egiptiese mark maak deure oop vir Suid-Afrika se rooivleis; die Agribesigheid-vertrouensindeks wys ’n verbetering; Trekkerverkope daal weer.

Mariëtte du Toit-Helmbold verduidelik wat donkertoerisme is, hoekom mense dit doen. En plaaslike plekke om te besoek.

Ná meer as drie dekades op die troon, is die wêreld se jongste heersende koning, koning Oyo, in die ouderdom van 34 oorlede. Sy 56-jarige neef, ‘n gewilde TV nuusleser, is nou aangewys as die nuwe koning in Uganda se Tooro tradisionele koninkryk.

Kom beleef die wêreld onder jou wêreld. Wêrelddag van Grotte en Karst word op 13 September gevier om bewusmaking te skep van dié ondergrondse towerplekke, wat entoesiastiese grotkruipers al te graag verken. Haidee Muller-Isaacs het meer gaan uitvind.

Wildsvleiskenner Annatjie Reynolds gesels met Martelize Brink, en beantwoord luisteraarsvrae oor kook met wildsvleis.

Werkers op die oliebore in die Noordsee mag van 1 November 2026 af slegs gaan werk indien hulle met werksklere en skoene aan 124 kg of minder weeg. Anders is hulle te swaar vir die kuswag se helikopter se wen-as om hulle te kan red.

“Suid-Afrika het nie nog ’n Vrouemaand nodig wat met applous eindig terwyl die stelsel dieselfde bly nie.” Die Tears-stigting doen ’n beroep op die polisie, gesondheidsdienste, werkgewers, skole, universiteite en die burgerlike samelewing om van simboliese insluiting na werklike deelname deur oorlewendes te beweeg. Celeste Louw, hoofbestuurder van dié stigting, het met Haidee Muller-Isaacs gesels.

Anthony Hall is in Engeland 240 km van sy huis af van die pad afgetrek. Hy was dronk, maar hy is ook siggestremd. Hy kan lig sien, en het agter ‘n swaarvoertuig se ligte aangery op pad Skotland toe.

Dr. Ria Smit praat oor skoonheidsbehandeling vir mans, wat al hoe meer gereeld versoek word.