Ons en die Onderwys

Johan van Lill praat met Pieter Cronje, 'n kommunikasiespesialis, oor onderwysers as handelsmerke. Daar is ook nuus oor 'n innovasie-kompetisie vir hoërskoolleerders.

Johan van Lill gesels met maatskaplike werker Hester Bosman-Sadie oor al die aspekte van die Suid-Afrikaanse Kinderwet waarvan onderwysers moet kennis neem as deel van kinderveiligheidsmaand.

Johan van Lill kyk na 'n verslag oor kindermishandeling wat pas gepubliseer is en waarvan onderwysers moet kennis neem. Hy loer ook in by 'n kunsklas.

Johan van Lill kyk na die rol wat ouers speel om hulle kinders lief te maak vir lees. En ons vind meer uit van wat alles gedurende Nasionale Wetenskapweek gebeur.

Johan van Lill kyk na nie-regeringsorganisasies wat intervensies by skole doen. Sy gaste is Bjorn Alexander en Jako Pienaar wat betrokke is by Hilltop Legacy, 'n nie-regeringsorganisasie.

Johan van Lill praat met dr. Lettie Horn, 'n leerondersteuningsterapeut en taalontwikkelingspesialis, oor die belangrikheid van perseptuele ontwikkeling in laerskole.

Johan van Lill gesels met Nedine Blom oor hoe mens musiek kan gebruik om kinders positief te maak oor Wiskunde. En dr. Michael le Cordeur van die Universiteit van Stellenbosch vertel hoe studente oor hulle toekoms voel.

Johan van Lill loer in by een van die talle winterskole wat dwarsoor die land gehou is om leerders te help opvang met werk waarmee hulle mee agter geraak het. Johan gesels ook met dr. Nicol Faasen oor drukgestremdheid.

Johan van Lill gesels met Pieter Cronje, 'n kommunikasiespesialis, oor die emosionele versorging van onderwysers. En Wilna van Rooyen, hoof van die voorskoolse afdeling van Leeuwenhof Akademie, vertel wat alles belangrik is in die Graad R onderwysjaar.

Johan van Lill loer in by een van die laaste oefeninge van 'n groep tieners wat tans in Japan vir hulle swart gordels gradeer, en ons hoor hoe karate sekere waardes by hulle ontwikkel het. Johan gesels ook met Pieter Cronje, 'n kommunikasiespesialis, oor die belangrikheid van goeie kommunikasie in die onderwys.

Johan van Lill gesels met die skoolhoof van 'n afgeleë plaasskool wat 'n reuse verskil in die gemeenskap maak en ook oor die veerkragtigheid van onderwysers.

Johan van Lill gesels met dr Jurie Joubert oor 'n besoek aan Indiese skole en ons gaan loer ook in by die Stigting vir Bemagtiging deur Afrikaans en meer te hoor van hulle onderwysprojekte.

Johan van Lill gaan loer by die Weskaap se uitdunrondte van die SAASTA Wetenskapsdebatskompetisie in en hoor ook by twee studente hoe hulle die universiteit teenoor skool ervaar.

Hierdie week in Ons en die Onderwys gesels Johan van Lill met Quinton Adams oor die uitdagings wat skole het met kinders wat uit informele nedersettings kom.

Johan van Lill praat met met Danie van Wyk, die bestuurder van Die Suid-Afrikaanse Onderwysontwikkelingstrust oor die uitdagings wat armer skole te bowe moet kom.

Johan van Lill praat met dr. Jeanette de Klerk Luttig en dr. Heinie Brand oor waardegedrewe dissipline in skole.

Johan van Lill gesels met die skoolhoof van Jan Krielskool op Kuilsrivier oor hulle prestasie om as die beste spesiale skool in die land aangewys te word. Hy hoor ook hoe Laerskool Eversdal tablette in die klaskamer benut.

Johan van Lill gesels met oogkundige Inge Loubser oor visieprobleme in die klaskamer. Sy gee wenke oor hoe onderwysers leerders met visieprobleme kan identifiseer.

Johan van Lill gesels met die skrywer, motiveringspreker en ontwikkelingskenner, dr. Melodie de Jager, oor wat onderwysers alles kan doen om die druk waaronder hulle verkeer, te oorleef.

Johan van Lill kyk na die gehalte van onderwysers wat die professie betree, en hoe om verskillende temperamente in die klaskamer te hanteer.

Johan van Lill praat met Karel Esterhuyse, medeprofessor in Sielkunde aan die Universiteit van die Vrystaat, oor lees en speltoetse om kinders se ontwikkelingvlakke te bepaal. Hoe werk hierdie toetse en hoe word dit opgestel?

Johan van Lill gesels oor lewensafrigtingsvaardighede vir onderwysers met Kim Ikel, 'n lewensafrigter en onderwyskundige.

Johan van Lill praat oor sport vir gestremdes. Jannie Putter verduidelik hoe skole oordrewe kompetering op sportgebied kan hanteer.

Johan van Lill praat met onderwyskundige, Dr. Andre Vermeulen oor verskillende leervoorkeure en die rol wat leerders se breindominansie in die klaskamers speel.

Johan van Lill gesels met regsonderwyskundiges, Cecile Eloff en Annamagriet de Wet van die Noordwes Universiteit, oor die hantering van rassisme in skole.