Ons en die Onderwys

Johan van Lill kyk na die belangrikheid daarvan om die kurrikulum in totaliteit te dek, en ons vra die vraag of die fokus tans nie te veel is op die dek van die kurrikulum nie, in plaas daarvan dat leerders moet leer en vaardighede ontwikkel nie.

Johan van Lill kyk na die rol van vroue in die onderwys.

Johan van Lill praat met vier ouers oor hulle verwagtinge van 'n skool en die Departement van Basiese Onderwys.

Johan van Lill gesels met twee kenners oor die professionele ontwikkeling van onderwysers, en ons vind meer uit van die werk wat by die Cape Teaching and Leadership Institute gedoen word.

Johan van Lill gesels met twee kenners oor disleksie, en hoe onderwysers leerders wat met disleksie gediagnoseer word, kan hanteer.

Johan van Lill gesels met dr. Louis Dey, 'n onderwyskundige, oor die rol wat onderwysleierskap speel in 'n waardegedrewe skool.

Johan van Lill gesels met dr. Carel Krige, 'n opvoedkundige sielkundige en onderwyskonsultant, oor die rol wat waardes in dissipline by skole speel.

Johan van Lill gesels oor die Kurrikulum en Assesserings-beleidsverklaring met die onderwyskenner, dr. Jeanette De Klerk-Luttig. Díe dokument is nou in skole geïmplementeer. Het dit dalk tyd geword dat onderwyskundiges oor die voordele en leemtes daarvan begin praat?

Johan van Lill gesels oor skoolgebaseerde opleiding of internskappe as 'n manier waarop vele jongmense die onderwysprofessie betree.

Johan van Lill gesels met onderwysers wat reeds 'n paar jaar in die beroep staan oor hulle gevoelens rondom hul opleiding en of hulle voel dat dit genoegsame voorbereiding vir toekomsgerigte onderwys is.

Johan van Lill gesels met rolspelers uit die Overberg Onderwysdistrik in die Weskaap, wat verlede jaar as een van die toppresterende distrikte landswyd aangewys is.

Johan van Lill gesels met onderwysers oor hoe om die onderwerp van ewolusie in die klaskamer aan te pak soos voorgeskryf in die nasionale kurrikulum.

Johan van Lill gesels met prof. Jannie Feirreira oor visieprobleme. Baie kinders het visieprobleme wat uitvalle veroorsaak in skolesport en akademiese leer. Hoe moet onderwysers dit raaksien en hanteer? Watter opsies kan aan ouers voorgehou word om die probleem op te los. Is daar iets soos "lui" oë? Hoe gemaak met oë wat nie glad beweeg as kinders lees nie?

Johan van Lill kyk na die MathMoms-program in Elsiesrivier, waar werklose ouers kinders met wiskunde by die skool help.

Johan van Lill kyk verder na tuisskoolonderwys, spesifiek die kurrikulumbehoeftes van tuisskolers.

Johan van Lill kyk na die voor- en nadele van tuisskoolonderwys. Wat is die uitdagings waarmee mens gekonfronteer word wanneer jy op hierdie tipe onderwys vir jou kind(ers) besluit?

Johan van Lill gesels met dr. Jurie Joubert, 'n skrywer en historikus, oor die gebruik van tegnologie in die Geskiedenisklaskamer.

Johan van Lill kyk na sport in skole. Waarom is sport belangrik? Word dit korrek hanteer? Waarom word daar so baie keer vinger gewys na die moontlike oordrywing van sport by skole?

Johan van Lill gesels met Petrus Jacobs, oud-onderwyser en motiveringspreker, oor die mag wat persepsie oor 'n mens het, en hoe onderwysleiers persepsie en ingesteldheid in skole kan bestuur.

Johan van Lill kyk na outisme. Hy lê besoek af by die Outisme Wes-Kaap Vereniging. Janine Chester en Antoinette du Preez is betrokke by hierdie nie-regeringorganisasie wat onderwysers, ouers en versorgers help wanneer kinders met outisme gedagnoseer word.

Johan van Lill gesels met arbeidsterapeut en skrywer, Lizanne du Plessis, oor hoe om introverte in die klaskamer te hanteer. Introverte is baie keer ook sensitiewe kinders wat erge sosiale angs in die klaskamer ervaar. Ons gee wenke oor hoe om interaksie in die klaskamer te vergemaklik.

Johan van Lill en dr. Melodie de Jager, 'n ontwikkelingskenner, het onlangs 'n kongres oor Learning and the Brain in San Francisco bygewoon. Hulle gesels oor die jongste debatte oor neurowetenskap en onderwys.

Johan van Lill gesels met dr. Jannie le Roux, bekende skrywer en motiveringspreker, oor ONDERWYS MET PASSIE.

Johan van Lill praat met dr Jurie Joubert, 'n historikus, skrywer en oud-onderwysdosent, oor geskiedenis, die waarheid, feite en menings. Hoe kan onderwysers onderskei tussen ken en verstaan?

Johan van Lill gesels met dr. Andre Vermeulen oor die impak van neurowetenskap op die onderwys.