Día a Día

Hoxe en Raíces e vangarda cociñamos lacón con grelos e androlla, unha receita do chef Judicael Romero, que cada luns trae consellos prácticos de cociña de raíz con vangarda.

A Agrupación de Voluntarios de Protección Civil de Tui realizou en 2025 un total de 263 servizos nos que as 21 persoas voluntarias da asociación empregaron 2.153 horas. Hoxe o seu presidente, Juan González, fixo balance do pasado ano e explicou que é necesario para poder formar parte desta agrupación.

Hoxe lanzouse o novo sinxelo de Javi "Maneiro", o primeiro despois da súa saída de Heredeiros da Crus no pasado mes de novembro. "A miña mellor versión" xa está dispoñible, e formará parte do seu álbum que verá a luz a finais deste ano. Coñecemos hoxe os detalles con Javi "Maneiro".

Espectáculo deportivo de primeiro nivel nas augas do río Miño en Tui mañá sábado coa celebración da 45ª Regata Miño Internacional, a única regata cronometrada de embarcacións 8+ de remo que nestes momentos se celebra a nivel nacional. Participarán 24 clubs españois e portugueses. Coñecemos os detalles co presidente do Club Remo do Miño, Manuel Ángel González.

Mañá sábado celébrase no Ifevi o Concurso anual de Rondallas, que nesta edición supera o récord de participación con 17 formacións, tres delas de nova creación. A Rondalla O Mosteiro de Pexegueiro vai participar neste concurso, e actuará ademais este domingo en Tui na clausura da XI Mostra da Camelia Cidade de Tui. Conversamos hoxe con José Manuel Solleiro e Ana Pedreira, da Rondalla O Mosteiro de...

Tres deportistas tudenses participaron a pasada semana en Cataluña no Campionato de España de Seleccións Autonómicas de Balonmán, convocados coa Selección Galega. Conversamos con eles, Nico Rodríguez, Roque Estévez e Lía Salvado.

“Un formigueiro de mulleres. As trapicheiras do Miño”, o libro da historiadora Natalia Jorge, consigue a segunda edición despois de gañar o premio Xohana Torres 2024. Unha composición que narra o papel das mulleres trapicheiras da raia. Natalia Jorge deu hoxe os detalles do libro e tamén da presentación que terá lugar este domingo 18 en Sobrada.

Gachi Fernández vive en Arxentina e é a sobriña neta de Manuel Fernández Diz, tudense das Bornetas asasinado en 1936 polos sublevados, cando tiña 30 anos. Ela coñeceu a súa historia grazas ao labor da Asociación pola Recuperación da Memoria Histórica do Baixo Miño, O Condado e A Louriña. Hoxe puidemos conversar con ela, na súa terceira visita a Tui, acompañada por Horacio Corti; e con Helena Pousa...

O actual edificio do Museo Diocesano de Tui vaise converter na sede do Arquivo histórico catedralicio e diocesano. A Diocese de Tui-Vigo vén de sacar a licitación, por case 3 millóns de euros, as obras do proxecto redactado polos arquitectos Iago Seara Morales e Juan Orozco Corredoira. Con Santiago Vega, delegado de Patromonio da Diocese de Tui-Vigo, coñecemos hoxe o obxectivo desta actuación, o p...

"El mundo desde abajo", do escritor e xornalista leonés Valentín Carrera é o gañador do I Premio Altaïr de Literatura de Viaxes. No mesmo relata a extraordinaria viaxe do tudense Rosendo Salvado desde Roma até Australia occidental, onde en 1846 fundou a misión de Nova Nursia. O escritor contounos hoxe de onde naceu o interese por levar esta historia a un libro de viaxes despois de dirixir en 2024...

Dende o 2 até o 23 de febreiro estará aberto o prazo para solicitar praza nas escolas infantís privadas de Galicia. Coñecemos os detalles de matriculación, gratuidade e documentación con Ángela Martínez, directora da escola infantil Ohana.

Abrimos o Espazo Comercio deste 2026 con ACITUI, a Asociación de Comerciantes e Industriais de Tui, co seu presidente Pepe Míguez. Hoxe fixo balance da exitosa campaña da Ruleta do Nadal e avanzou a liña de traballo da asociación para este 2026.

O Cineclub Tui inicia unha nova tempora da proxeccións con tres películas que comparten levar un número no seu título. Van ser "Fellini, oito e medio", "El 47" e "Os 400 golpes". Hoxe Noemí Guisande, do Cineclub Tui, así o explicou no programa Día a Día, destacando o inicio cun gran clásico do cinema e o filme máis representativo de Federico Fellini. A cita será ás 18 h e ás 20.45 h no Espazo Soci...

En menos dun mes celebrarase o Trail do Aloia. O sábado 7 de febreiro será o Aloia Trail Kids, e o domingo a proba para adultos con dúas distancias,12 kms e 20 kms. Serafín Martínez, organizado deste evento deportivo, deunos hoxe todos os detalles dunha proba que cada ano atrae a máis persoas. A inscrición está xa aberta en www.traildoaloia.com.

75 expositores de Galicia, Asturias e Portugal participarán esta fin de semana na XI Mostra da Camelia Cidade de Tui. A cita organizada por ATUCA e o Concello de Tui brindará 123 m2 de exposición da coñecida coma flor da invernía. A inauguración será o sábado ás 12.45 h. Poderáse visitar o sábado pola tarde, e o domingo en horario de mañá e tarde. Este ano volverán realizar cunha charla e degustac...

Hoxe en Raíces e vangarda cociñamos estofado de lentellas con cogomelos de temporada e auga do Monte Aloia, unha receita do chef Judicael Romero, que cada luns trae consellos prácticos de cociña de raíz con vangarda.

O Concello de Tui agarda ao longo deste ano 2026 ser recoñecida coma Cidade Amiga da Infancia, culminando deste xeito un traballo iniciado hai xa anos como hoxe explicaba a concelleira de Ensino, Cultura e Mocidade, Sonsoles Vicente. Por outra parte referíase a concelleira de Cultura aos positivos datos da Biblioteca Municipal de Tui en 2025, un ano no que superior os 20 mil libros en préstamo. Av...

O sábado 17 de xaneiro vaise celebrar en Camposancos, na Guarda, a XXVII Paletada Laconada de San Amaro organizada pola Comunidade de Montes de Camposancos. Os tícket para asistir ao xantar, que vai ter lugar no restaurante El Molino, pódense adquirir esta fin de semana, estando limitado o aforo a 300 persoas. Hoxe coñecemos coma naceu este evento gastronómico, e os detalles da cita deste 2026 con...

A marcha Ultreia entre Tui e Pontevedra celebrarase este ano o domingo 12 de abril, domingo de San Telmo. Trátase dunha proba xa consolidada que cada ano reúne a centos de persoas de toda España e Portugal. Na edición de 2025 o máis rápido percorreu en 4 h 17 min a distancia entre as dúas cidades seguindo o Camiño Portugués, e o que máis tempo investiu realizou o traxecto en 11 h 54 min. Así nolo...

Días de ledicia para El X de la Suerte, administración de lotarías do Porriño, despois de repartir máis de 24 millóns de euros en premios no Sorteo do Neno. Do local saíu un décimo do primeiro, o número 06703, e todo o segundo en exclusiva en Galicia, o 45875. Coñecemos hoxe con Benjamín Martínez, de El X de la Suerte, algunhas das anécdotas deste sorteo.

No tempo que cada luns compartimos con Judicael Romero en Raíces e Vangarda hoxe coñecemos como elaborar un roscón de Reis. Deixounos a receita e o trucos para o resultado sexa espectacular.

As Cortinas de San Francisco, aos pes da Fortaleza de Valença será o punto de partida da Cabalgata Internacional de Reis da Eurocidade Tui-Valença, que rematará na rúa Compostela en Tui, con posterior recepción real no Teatro Municipal. Óscar Silva, vereador de Cultura de Valença explicaba a importancia que a cabalgata ten tamén para Valença.

Os Reis Magos, Melchor, Gaspar e Baltasar, visitarán o próximo luns a Eurocidade Tui-Valença protagonizando a Cabalgata Internacional de Reis que sairá ás 17 h das Cortinas de San Francisco en Valença e rematará na rúa Compostela en Tui. O Teatro Municipal acollerá a recepción real tanto á mañá como tras a cabalgata. A concelleira de Cultura de Tui, Sonsoles Vicente, explicou todos os detalles des...

2000 persoas participarán mañá na IV San Silvestre Solidaria que o Concello de Tui organiza en colaboración co Club Atletismo Tui. Ás 10.30 h partirá a carreira dende o Paseo da Corredoira, e a partir das 12 h chocolate quente, badaladas e música na praza da Inmaculada. A recollida de dorsais será no Espazo Sociocultural da r/ Camilo José Cela dende as 9 h até as 10.20 h. Coñecemos os detalles e o...

A Cabalgata Internacional de Reis da Eurocidade Tui-Valença é única no mundo. Une dous países, dous municipios e faino a través da maxia e a ilusión pola chegada dos Reis Magos de Oriente. O alcalde de Tui, Enrique Cabaleiro, e o presidente da Cámara Municipal de Valença, Jose Manuel Carpinteira, destacaron que se debería potenciar este evento pola súa singulariedade e interese cultural transfront...