喂我想講呢

第二季第十七講：做自己定迎合別人？就嚟痴L線喇！ 20.10.2024 37:55 ↓

第一個出現嘅靈長類動物已經問： 「究竟應該做自己定係迎合別人？」(亂嗡/你唔係佢你點知佢無諗) 呢個問題係包含咗好多個引申出嚟嘅問題，你自己係邊個？點做自己？點迎合別人？係咪所有人都迎合？...好多好多問題炒埋一碟變咗做： 「痴L線㗎，做人咁難㗎咩？」 「係。」

第二季第十六講：痴L線MARC LEE的天賦 13.10.2024 38:25 ↓

每個人都有佢嘅天賦，而Marc Lee嘅技能係多愁但不善感。

第二季第十五講：痴L線體罰 06.10.2024 35:50 ↓

就係因為經歷過體罰，所以先知道呢種教導方法其實係唔啱，大家咁難得帶你哋嘅仔女嚟到呢個世上，俾多啲耐性去教。

第二季第十四講：痴L線擾人行為 29.09.2024 38:40 ↓

索鼻但死都唔呻出嚟；放狗放到條狗帶成公里咁遠；條街咁窄都仲要行中間；操完唔執餅...一切一切，做呢啲嘢嘅人知唔知自己其實好擾人，真係痴L線。

第二季第十三講：花名與痴L線渴睡主持Sleepy 22.09.2024 37:46 ↓

諗住講吓識得嘅人當中有乜搞笑嘅花名，到頭來主持人自己都唔撐自己，平時悶親聽眾都唔緊要，呢個可以話係我哋嘅忠旨，但今集可以解鎖咗另一個層次 - 悶到自己都打喊路！有啲想幫佢改個花名叫Sleepy。

第二季第十二講：痴L線花式搏炒行為 15.09.2024 37:00 ↓

喺公開又高流量嘅平台上面，總會見到一啲咁嘅posts - 「走咗去邊度邊度行山食好西。 #WFH真爽」 「上司日日都遲大到，真係好嘢！我打完卡落去買個早餐先」 「#公司最好瞓嘅位」 其實，點解唔可以靜靜哋贏？係要做到通哂天咁搏炒嘅。

第二季第十一講：痴L線意外 08.09.2024 36:59 ↓

意外意外，意料之外。（主持人Marclee表示廢話）但你又無可否認最諗唔到嘅事情，永遠就係發生喺最估唔到嘅時空。 你點會諗到，好哋哋一條唔起眼嘅罅，係一定會夠大俾你一邊嘅耳機通過。你更加唔會諗到，點解你挨個頭落去巴士落車位附近嗰條扶手，但又會無啦啦俾度門夾住咗個頭呢。兩個字可以解釋哂 - 「意外」（或者「柒囉」）！

第二季第十講：痴L線運動文化 01.09.2024 37:49 ↓

我哋三位主持都有返咁上下年紀，有幸仲郁得走得，做到幾吓運動。

第二季第九講：痴L線「低票房電影欣賞系列」之《愛殺2000》 25.08.2024 37:32 ↓

呢個「低票房電影欣賞系列」誕生過程源自於一次閒計，講到去不如睇吓某一年上映嘅戲，跟住就發現咗呢一部得四位數字票房嘅電話，當然就引起咗我哋嘅好奇，而呢部戲真係一套...嘩...

第二季第八講：痴L線有陰謀 18.08.2024 37:34 ↓

今集我哋講【陰謀】。究竟有咩陰謀令到我哋要講一集陰謀？陰謀嘅背後有冇陰謀？呢個陰謀背後嘅陰謀又有冇陰謀？如果所有嘅陰謀連埋一齊係一個循環，咁最後面嗰個陰謀嘅背後係咪第一個陰謀？ 喂你究竟想講乜？你永遠唔會知。

第二季第七講：痴L線鬼酒店 11.08.2024 33:42 ↓

如果上一集令到你疑神疑鬼，相信今集Elvis講嘅親身經歷會令你更加覺得 -「喂嚇鬼呀？！」

第二季第六講：痴L線鬼故 04.08.2024 32:23 ↓

未講鬼故之前先用咗半集講鬼片

第二季第五講：痴L線亞洲遊 28.07.2024 35:22 ↓

喂你哋講完旅行未？未。因為除咗喺歐洲有痴L線旅行經歷之外，喺亞洲旅行都唔會正常得去邊。今次無分上下篇，但係podcast尾段會預告下集內容。

第二季第四講：痴L線歐遊（下篇） 21.07.2024 36:11 ↓

世界很大，講嚟講去都仲係歐洲，仲要講嚟講去都仲係嗰幾個大路國家。Elvis繼續講佢嘅法國巴士故事、Christy講大霧少女峰、Marc講極光之旅。

第二季第三講：痴L線歐遊（上篇） 14.07.2024 38:23 ↓

曾經歐洲旅遊都係遙不可及，而未踏足歐洲之前，通常都會充滿幻想。「浪漫之都」、「童話小鎮」、「羊多過人」...去咗之後就會發現係「刀」唔係「都」，係「𨳒」唔係「小」，係文雀多過羊多過人。

第二季第二講：痴L線禮貌 07.07.2024 34:02 ↓

唔係...唔好誤會，我唔係針對你。我係話在座各位，都係...忍唔到啲無禮貌嘅人同行為。本身應唔應該有禮貌呢回事根本唔值得講，有禮貌係基本啦下話，而咁都要開一集嚟講，你話係咪痴L線。

第二季第一講: 痴L線交友 30.06.2024 34:07 ↓

有咩痴L線得過無啦啦完咗第一季，又無啦啦話第二季？終於再次集齊三個主持，繼續痴L線咁乜都吹吓。第二季第一講嘅內容就由交友開始...

特別講（四）：找數真女子 19.05.2024 15:07 ↓

有始有終真女子，女主持Christy a.k.a. 找數KOL 打破沉默，用最入咪嘅聲音話俾你哋（包括Elvis & Marc）知，演唱會對佢嚟講係咩一回事。

特別講（三）：没有歌手的演唱會 21.04.2024 1:16:52 ↓

＊＊＊＊＊＊＊＊＊＊＊＊＊＊＊＊＊＊＊ 由於唯一註場歌手兼節目氣氛專員 - Christy, 臨時承接三桶貨櫃組裝工程，現場遺下兩位冷場主持 - Elvis & Marc 勉強分享睇演唱會經歷感受。 對於未能現場欣賞Christy 笑聲，兩位主持表示極度難過，強烈且嚴正要求回水。

第五講：病 25.03.2024 1:10:04 ↓

佢病完到你病，你病完到我病，我病完...喂停一停先，邊個病完？跟本就無人係會病完！琴日有啲鼻水，今日又有啲腳軟，好多病都係無可避免，但係，有種病係自己攞嚟嘅，嗰種病叫做 -「唔識死」。

第四講：城市噪音 15.03.2024 1:04:55 ↓

喂又話講城市入面有乜野令到你燥嘅噪音，點解最尾又會扯咗去講星期日影院、明珠930、潮爆開運王...？離題已經變咗嘅個節目嘅特色。

特別講（二）後編：我推（唔郁）的女子 23.02.2024 38:16 ↓

承接前編，兩位男主持嘗試了解推唔郁的原因，女主持回應：「佛系嘅同時又唔可以太佛系」...

特別講（二）前編：我推（唔郁）的女子 23.02.2024 36:57 ↓

兩位男主持想話出一出力推女主持出pool，可惜唔係咁易推得郁。

特別講：打氣 04.02.2024 36:17 ↓

本集缺少咗我哋最重要嘅成員情況下，笑聲同氣氛可以話係近乎零。而剩低嘅兩位主持，決定以最唔擅長嘅打氣方式為未能參與嘅成員打一打氣。

第三講：大時大節被迫害者 18.01.2024 56:41 ↓

明明平日都好哋哋，點解每逢大時大節前後，都會有意無意間受到朋友、親戚、你、你哋、佢、佢哋、呢個、嗰個...等等嘅迫害，最終導致身心「零」嘅狀態。