風吹─周蘇宗臺語詩

臺北街頭 ①行動雕像 徛踮鬧熱的街頭 用袂振袂動的姿勢 共時間堅凍 冷眼旁觀 這个美妙生動的世間 單純的金黃 較贏畫烏漆白 眼花撩亂的花花世界 無必要閣加啥物色水 恍惚相閃身 躊躇停跤 抑是無要無緊 攏是上美麗的相遇 奔波勞碌的你 是毋是欣羨阮的閒閒無代誌 阮的偽裝 敢是你上蓋真實的家己？ ➁ 小丑仔 笑袂出來？ 抑是欲吼無目屎？ 落落烏暗的無底深坑 墜落， 墜落， 閣墜落 空虛的信箱音訊齊無 一改閣一改等無半字的全然失望 躼...

處暑 Tshù-sú 處暑 規年迵天上媠的節氣 消敨炎天赤日頭的漚熱 換做清風小雨的爽快恬靜 袂輸桃花過渡 大細粒汗轉踅心涼的脾土 秋天的雲薄薄，袂寒袂熱好𨑨迌 秋天的水清清，湖光山色好光景 秋天的聲好聽，蟬叫鳥啼好心情 秋天的針黹，用日鬚和月光的絲線 繡出綾羅錦緞的 迷人光影 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

落葉 按樹頂到塗跤兜 是阮規世人的飛行 佇飄落的航線頂懸 阮毋但佮空間接觸 嘛佮時間相拄 身軀已經枯焦 血脈嘛強欲蔫去 風中殘葉的阮 才拄欲開始上蓋豐富的性命旅程 涼風和雨水嘛來送行 空氣瞬間生冷 一久仔煞分袂清 離別抑是重生 時節若到 阮就按樹頭 倒轉去樹尾 閣做一擺 迎風的樹葉 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

立秋 Lı̍p-tshiu 蝕月 月娘佮日頭佇地球兩爿 搝大索 月娘用伊的心情海湧 占領日頭的駁岸 洘流的時 順紲佇海沙埔頂 簽名做記號 天狗食月 吞袂落去 呸倒出來 成做一粒 紅記記的 月影 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

貨櫃情─讀 路寒袖「櫃情」 tshāi踮甲板時間的皺痕 拋碇歇船佇港口碼頭 交換仝款寸尺的實櫼 安搭來去往回的寄託 鋼板枝骨四正的身軀 鐵鉎藃漆定著的靈魂 洘流海漲洗盪海沙埔 海鳥陪伴阮思念聽候 羅經堅定海角的航路 天星炤光閃爍的軌道 海湧浮沉測量的懸低 搢風順湧安搭的根底 規年迵天沐泅的身命 軁迵世界孤寂的磅空 偽裝卸貨的面腔靠岸 微微仔風迎接海波浪 消蝕鹹篤篤的純情夢 曝規船鮮沢島嶼記持 豉一櫃海風佮鹽予你 按呢就毋驚...

大暑 Tāi-sú 大暑 節氣用伊熱甲衝煙的熱情 佮咱相借問 和磅針走標的熱度 衝甲掠袂牢 花蕊踮天頂開做雲尪 彩虹佇山裡流做水沖 仝款的氣流，無仝的懸低 干焦家己知影的冷暖 心的帆船，佇海湧海風當中 行出來上媠的航路 心的海鳥，佇天地大海之間 展開翼股自在飛行 飛出來 熱人上蓋美麗的 架勢 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

止枵三寶 ①水餃 尖尖翹翹 好吉兆 中央攝襇 才有好心情 腹肚內擔蔥賣菜 鍋（ue）裡藏水沬 沐沐泅 等待予恁試鹹汫 出頭天 ②泡麵 用上熱情的水沖（tshiâng） 排解年久月深的焦燥 傷爛，厚纓纏 無熟，喙哺心慒 時間著掠 熟度撙節 好食透流 ③炒飯 按怎吵不常在 感情若猶有溫度 自然就有芳氣 炒飯愛粒粒分明 鬥陣未必然事事項項 四常的代誌 才是正港的清甜 用心豉 勻勻仔來 毋免趕tshuh-tshuh 毋通迎新棄舊 冷飯熱炒 才會好食 留言告訴我...

小暑 Siáu-sú 小暑 老步定的Kawabata橋邊 小可仔暑日雺霧的記持 懶屍的駁岸起風燒烙 轉彎踅斡廈門街小巷 教會聖樂趕走暑意 新店溪無攬無拈 同安街斑芝輕聲細說 汀州路河堤國校茉莉花 盤牆芳甲滿四界 蟋蟀仔覕佇土地公廟塗壁裡 鴟鴞咧蟾蜍山頂展翼練工夫 西北雨𤆬頭，風颱攢跤手 風慢行，雲徙跤 日頭月娘嘛拖沙 揣無覕相揣的日子 天真無知的年紀 跟綴記持拋荒的鐵枝路 漉漉搟的輕便車 軁入歲月磅空 消逝佇古亭庄舊街亭仔跤 時間的巷...

大肚山組曲 ① Luce 教堂 敢若飛簷走壁 閣淡薄仔成古厝紅瓦 外牆袂輸一个一个囥貯青春的篋仔 嘛像森永牛奶糖的鬥片仔 有人講 伊親像雙掌合十的祈求 嘛有人講 伊袂輸尾蝶仔的翼股 成啥無要緊，重要的是精神 我顛倒感覺 伊是一隻大肚山的方舟 欲佮咱行船佇真善美的宇宙 ② 鳳凰木 熱人上蓋奢颺的尾蝶仔 覕踮樹尾頂颺颺飛 媠閣大範的體格 佇畢業典禮彼跤兜 共規个校園染甲紅記記 紲落飛去天頂，成做一隻熱情的火鳥 順紲食掉規工的色水...

夏至 Hē-tsì 夏至 綠色樹蔭 茂茂密密 金色的太陽 並昨昏的日頭閣較奢颺 送走春天的妖嬌 迎接清涼的西北雨佮鬧熱的火金蛄 簾簷跤覕雨的燕仔 歇踮節氣變換的航道 準備後過的飛行 毋免閣獨夜無伴等待 嘛免留戀日時的精彩 青春的干樂佮時間走標 送走日時上長的一工 身騎白馬追趕流逝的歲月 日子敢若亂鐘仔走精去的發條 一工並一工較冗 透中下晝發出光芒 共夏季的燦爛 捘做周至的日頭光 留言告訴我你對這一集的想法： https://open.firs...

芒種 Bông-tsíng 芒種 雨水的光影 tòo甲滿稻埕 若像彩虹㒰款 色水迷人圓滿 向望掖種的塗 無論懸低 雨水獻予萬物 天地嘛還咱 季節的豐收 稻仔飽米成做生湠的種子 結實的稻仔粒頂懸 發出來幼芒 共土地染甲金光閃閃 光芒四射的種子 就是天地無限的生機 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

繭 佮草木萬物仝款 咱攏當咧恬恬蔫焦 一分一秒無聲無說 慢慢仔 毋過絕對袂重耽 親像行船人 故鄉的海岸 沓沓仔消失佇 勻勻仔浮懸的海面 目睭金金 看著咱的往事 跟綴海湧 一幕一幕洘流 進前的性命 原在佇心肝底燒烙 毋過，那來那成做 記持的烌燼 徛踮佇 借蹛的娘仔繭 年久月深 煞掠做是 家己永遠的厝 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

小滿 Sió-buán 小滿 人生加減有寡無奈 就算講你用盡氣力咧生活 嘛未必然會達成想欲愛的目標 春天來矣 有當仔嘛是予雨水寒流打擾 人生也充滿希望 共無奈當做無常 共無常當做正常 才是日頭光的正能量 人生總是愈來愈寂寞 袂合的袂愛鬥陣 會合的佮阮仝款 年歲愈來愈濟 所以嘛愈來愈少 人生袂當圓滿 小滿就好 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hos...

阿爸的跤踏車 阿爸的跤踏車 頭前有一个喨仔 喨一聲 伊就載阮去四界奅 無論海邊抑是駁岸 阿爸載阮到佗位 佗位就是阮的𨑨迌埕 阿爸的跤踏車 頭前有一个喨仔 喨一聲 隨在阮溪邊抑是山坪 只要跤踏仔踏落去 啥物所在隨講隨到遐 阿爸的跤踏車 頭前有一个喨仔 喨一聲 阮的世界就開始變化 無論以早抑是這馬 阿爸永遠佮阮做陣行 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by...

立夏 Lı̍p-hē 立夏 徙入熱人頭一工 春日佮百花相辭 早稻仔當欲吐穗 蟬聲快樂唸歌詩 田嬰點水躡跤尾 掀起趣味的熱天 蜜蜂蝴蝶颺颺飛 歡喜𨑨迌覕相揣 水雞相褒答喙鼓 舞弄鬧熱的暗暝 雷公爍爁真響亮 踮佇天頂拍鑼鼓 黃昏打扮抹朱紅 紅霞妝娗點胭脂 天公落水淹田岸 萬物心涼透心肝 烏鯧飛魚草仔粿 攢好立夏補老爸 菜瓜大蔥烏白豆 凊彩上桌攏腥臊 四月佛陀仙祖生 搭棚搬戲敬仙佛 立夏雨水若拄好 五穀豐收好透流 留言告訴我你對這一集的...

食茶 ① 初曉 Tshoo-hiáu 褪掉雺霧 拍殕仔光ê日頭 精神 伸勻 ② 晨曦 Sîn-hi 淺淺金黃 薄縭絲ê色緻 拆箬 頭一喙甘甜 ③ 朝日 Tiau-jı̍t 金光閃閃有元氣 袂苦袂澀好滋味 茶湯止喙焦 芳氣袂礙胃 ④ 暮霞 Bōo-hâ 奢颺鑿目ê光芒卸妝 溫柔閉思ê眼神 多情夜幕頕垂進前 額頭漆一逝 紅霞（âng-hê）茶色 ⑤ 夜闌 Iā-lân 人聲恬靜ê喉韻 沉穩內斂ê暗暝 拉圇仔燒ê月色 陪你落眠 留言告訴我你對這一集的想法： https://open.firstory.me/user/clzkwp8...

穀雨 Kok-ú 穀雨茶 夢中的坪仔田妝娗春尾的眼神 穀雨茶當著時 茶葉飽滇，茶湯金黃 山茶花嬌滴滴 季節堅持，清芳謙虛 山茶花閣號做「袖隱」 媠甲予人想欲藏咧手䘼紮轉去厝裡 穀雨茶嘛號做二春茶 春來，春去 攏是美麗的 甘甜 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

草仔粿 捻一塊記持的粿粞，生湠 用這久的清閒 勻勻仔共撋 撋開以早的鬱卒 袂輸 沓沓仔共 年久月深的烏青 推予開 莫凝血 包一寡芡芳炒料的餡 遐濟年落䈄的空虛 才會實櫼 鼠麴草的甘甜 摻入去 拄仔精神的較早 包予平大塊 才袂大細心 纓纏無細膩的往過 用心共炊 予所有的厭氣衝煙 飛上十三天外消敨 干焦賰草仔粿的 安神佮清芳 一喙一喙 慢慢仔哺 鹹酸苦汫 攏吞落 腹肚 留言告訴我你對這一集的想法： https://open.firstory.me/user/cl...

風吹 我是風吹，你是線 愛阮飛偌遠，你就放偌長 飛對海邊，加放一尺 飛上山頂，加放一丈 無論盤山過嶺，我知影 阮攏佇咧你的手中心 數念我的時陣 擢一下 阮就轉來你的心肝頂 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

春分 Tshun-hun 春分 春風吹開春日 暗暝佮日時平分春色 推捒太極 起手風生，放下恬靜 燕仔風吹鬥陣飛，成雙成對 男女老幼peh山𨑨迌，秉燭夜遊 斑芝點著街路，紅霞鬧熱天頂 青苔彩畫溪水邊，鳥隻山谷唸歌詩 雷公爍爁趕烏雲，雲開天清好光景 春分春分 春天的時分 上蓋美麗的時陣 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

太平洋的風 太平洋的風 吹對島嶼東爿的海岸線 掀起藍寶石色的海湧佮波浪 紲落走去Yayung Paru溪邊露營 源頭佇奇萊北峰佮合歡山中央的立霧溪 晟養規个太魯閣峽谷的生湠 太平洋的風 跤手真扭掠 我佇燕子口嘛有佮伊相拄 伊𤆬阮飛過滿山遍野的青翠 太平洋的風 佇島嶼內輕聲細說 親像阿母的叮嚀佮吩咐 攑頭的暗暝 毋管是寒天的獵戶 抑是熱人的七星 阮攏會當聽著故鄉溫暖的等候 太平洋的風 佮阮佇錐麓相搪 鹹鹹的風是太平洋的氣味 袂輸番...

驚蟄 Kenn-tı̍t 驚蟄 冬眠的萬物 予彼陣雷公爍爁叫醒 iő-káng甜蜜的芳氣 傳來春天的氣味 啉一喙春茶 期待春暖花開的驚喜 蟄伏的身軀 嘛愛準備伸跤出手 迎接拄睏精神的春天 留言告訴我你對這一集的想法： https://open.firstory.me/user/clzkwp8750bwo01tk9ndc27fn/comments Powered by Firstory Hosting

雨水 Ú-suí 落雨天 天公伯仔佮咱人仝款 嘛是有歡喜甲四淋垂的時陣 阮以早袂愛落雨天 總感覺， 空氣黏黏𣻸𣻸 啥物代誌攏無法度通做 尾仔熟似作田的朋友 知影無雨做無頭路 花蕊青菜稻仔攏愛雨水 無水通啉， 人會喙焦 無水淹田， 作物嘛袂快活 雨中散步是一種生活 雨中的街路袂輸歌廳 聽美妙節奏的落雨聲 雨景親像電影 看來來往往五花十色的雨傘 落雨也有好心情 留言告訴我你對這一集的想法： https://open.firstory.me/user/clzkwp87...

阿母的新厝 北海岸玫瑰園 一港溫暖的海風 親像阿母燦爛的笑容 安慰阮毋通悲傷   阿母講 遮有山有海閣有佛寺 可比是天堂  阿母講 遮有花有草嘛有寶塔 敢若是西方   阮毋敢放聲吼 恐驚傷過澹溼的目屎 會擾亂已經焦燥的所在  阮毋敢過頭想你 煩惱傷過沉重的思念 會硩歹墓園的植栽   阮嘛想欲化做千風 定定來阿母身軀邊做伴 熱人佇你四箍輾轉踅玲瑯 予你消涼 寒天罩佇你四周圍熁燒氣 予你溫暖 透早用日頭光喊...

情批 欲共你講的話，已經揣無言語 欲寫予你的詩，嘛想袂出來半字 挽一片雲抑是遏一蕊花送你 敢有才調表達阮的情意   用日頭光寫批，日鬚藏佇批裡 金黃色的光芒，炤出一字一字的相思 趁每一工你起床的時 送予你規房間的溫暖   用春風寫批，風激甲無意仔無意 共阮的數念 吹過你的窗仔門邊 講是無啥物代誌 偷偷仔想你   用雨水寫批，雨滴袂輸墨水 tòo甲批紙澹漉漉 簾簷跤ti-ti-ta-ta 字寫甲含含糊糊 思念嘛起起落落 &n...