Ligwalagwala FM Current Affairs

Inkantolo yemacala ebugebengu betimali eMiddleburg kulesifundza iMpumalanga igwebe umnikati wenkapani lebeyisebentela iEskom iminyaka leli-12 ejele ngelicala ekukhwabanisa. Sigwebo sa-Jessie Kubheka silengiswe ngeminyaka lesihlanu ngephasi kwemibandzela lecinile. Kubheka uphindze wabitwa kutsi abuyisele imali yeEskom lengetulu kwa-2.5 Million wemarandi. Luphenyo leEskom nga-2020 latfola kutsi wakh...

iSABC itsi ilubonile loludzaba lelimayelana nendlela yekutiphatsa kwalomunye webetfuli betindzaba. Loku kulandzela inkulumo labenayo nasihlalo weDesmond Tutu Intellectual Property Trust Dktl Mamphela Ramphele. iSABC itsi baphatsi batawutsatsa tinyatselo letifanele ngekulandzela imigomo yekusebenta kwalenkapani. iSABC iphindze yaveta kutsi imigomo yemsakateli wesive ihlose kwakha kwetsembana nesive...

Umkhandlu we-South African Geographical Names Council (SAGNC) usemkhankaswei wekufundzisa umango ngeluhlelo lekuntjintja nekulungiswa kwemagama etindzawo kulolonke lelive. Kudzimate kube ngunyalo, sekuntjintjwe emagama etindzawo letiyinkulungwane nemakhulu lasihlanu eveni lonkhana. Kutfola kutsi kwentiwa njani loku, ecingweni sichumana na Vusithemba Ndima

Inhlangano yematekisi i South African Taxi Council (SANTACO) e-Gauteng itsi atawube angasebenti ematekisi kuletinye tincenye tase Gauteng. Lombhikisho ungahle utsikamete bagibeli lebavukela emisebentini elkuseni. Sichumana nentsatseli yeSABC Calvin Dludla kutewuva kutsi sinjani simo emgwacweni.

 Nkomishana wemaphoyisa akulelive Fannie Masemola utsi bugebengu lobuhleleliwe  busaseyinkinga lenkhulu kulelivekati. Masemola bakakhuluma enkomfeni yelihlandla lema-27 lebuke bugebengu bemave emhlaba eKapa. Simeme sati setekuphepha lesake saba lincusa emaphoyiseni emhlaba (Security Strategist and retired Interpol Ambassador) umnumzane Andy Mashaile.

Lokhulumela hulumende wesifundza seMpumalanga George Mthethwa utsi Ndvunankulu wesifundza se Mpumalanga uhola litsimba lahulumende lelivakashele masipala we Dr Pixley Ka Isaka Seme emalanga lamatsatfu lapho kuyawuhlatiywa indzaba yekwetfulwa kwetinsita kulomasipala.

Sihlalo welikhomishana letebulili, iGender Commission, Eurika Mogane utsi kuyachubeka kucindzetelwa kwabomake emisebentini. 

Lilunga lelisetulu lemkhandlu webahleli betindzaba kuleli iSANEF, Hopewell Radebe utsi kuyadzabukisa kubona indlela lekubulawa ngayo tintsatseli eGaza lekusolwa kutsi kwentiwa ngemasotja  akaIsraeli.

Inkapani yetimoti taka-Ford kulelive leN/A ikucinisekisile kutsi isetinhlelweni tekufushanisa umsebenti wayo nalekutawubanga kulashleka kwematfuba emisebenti langu-470. Kuncishiswa kwemkhicito wenkapani kutsikameta tisebenti tetikhungo letimbili iStruandale Engine Plant eGqeberha kanye neSilverton Assembly Plant ePitoli. iFord ikuvete esitatimendeni kutsi letingucuko tiyincenye yemitamo yekuhlanga...

Nkomishana wemaphoyisa elive Fannie Masemola utsi emadokethi langu-121 atawubuyiselwa emuva ephikweni lemaphoyisa laphenya ngekubulawa kwabosplitiki latsatfwa kuloluphiko. Nkomishana wemaphoyisa aKwaZulu Natal Nhlanhla Mkhwanazi waveta tinsolo letitsi indvuna yelitiko lemaphoyisa Senzo Mchunu wakhipha umyalo wekutfuma  tikhulu tasemaphoyiseni kutsi tihlakate loluphiko ngeNdlovulenkulu kwatsat...

Kushiye labanyenti bashacekile kwendlula emhlabeni kwemhleli wetindzaba tepolitiki esikhungweni setindaba iEye Witness News (EWN), Tshidi Madia. Madia ushonele esibhedlela ngemuva kwekugula sikhashane, sekaneminyaka lengema-42. Simeme lobekayintsatseli yeSABC Abongile Dumako kutewukhuluma ngemsebenti waMadia.

Lucwaningo lolwentiwe yi-Stellenbosch University luvete kutsi luhlelo lwetemfundvo kulelive lungahle luphatamiseke nakungatsatfwa tinyatselo njengoba bothishela labanyenti kulindzeleke batsatse umhlalaphansi kuleminyaka lelishumi letako. Kubuka lokuvetwe ngulolucwaningo sikhulumisana nesati setemfundvo,  Dr Thuli Mngomezulu.

Kwendlula emhlabeni wemlingisi losangumkantjubovu, Nandi Nyembe, kubashiye bakhatsatekile balingisi labasebasha kulomkhakha. Nyembe wendlule emhlabeni sekaneminyaka lengemashumi lasikhombisa nesihlanu (75), ngemuva kwekugula sikhatsi lesidze, nolokwaholela ekutseni agcine sekahamba ngesihlalo lesinemasondvo i-wheelchair. Sicocisana nemlingisi losasemusha, Thandeka Magagula wase- Malahleni kulesifu...

Lokhulumela masipala weMbombela Joseph Ngala utsi kubalulekile kulandzela imigomo lebekiwe yamasipala nangabe umuntfu afake sicelo sekakhwa ikakhulukati labo lebakha tindzawo tekuhlalisa bafundzi.  

Indvuna yelitiko lemfundvo lesisekelo Siviwe Gwarube ubite onkemalunga lamasha emkhandlu weNationaL Education and Trainingi Council kutsi entelomsebenti ngekutikhandla kanye nebuntfu. Emalunga akhetfwe ngemuva kwekutsi litiko litfole tiphakamiso letili-119 kulandzela luhlelo lebelivulelwe kuphakanyiswa sive.

Inyonyana lemele tisebenti tasetitolo letitsingesisa kudla i-South African Commercial, Catering and Allied Workers Union (SACCAWU) seyivakalise kukhatsateka ngekulahleka kwemisebenti lekulindzeleke kwenteke kulemboni.  Lokhulumela ii SACCAWU Sithembele Tshwete uyachaza.

Selivulwe ngalokusemtsetfweni loluhlela lekuphakamisa bahlabeleli bemculo wetenkholo bakulesifundza, labatawube bayincenye yemcimbi iMpumalanga Gospel Award kulomnyaka. Tindzaba letimnandzi kutsi seyingentiwe imali letgawuk;lonyeliswa liculo lelidle umhlanganiso seyisuke  kuR10 000 yayawufika ku-R100 000. Sicocisana nemsunguli weMGOMA Sandile Ngobe.

Sodolobha wamasipala weMbombela Sbongile Makhushe-Mazibuko uyincenye yetitfunywa takulelive letihambele ingcungcutsela lebonisana ngetindzaba temanti eSweden.

Indvuna yelitiko lemfundvo lesisekelo Siviwe Gwarube utsi hulumende utimisela ngekwakha luhlelo lelicinile lemfundvo yabo bonke bantfwana etikolweni talelive. Ugcizelele bumcoka bekuba nesisekelo lesicinile sekucala kufundza kute kuphumelele leliphupho....,

Mengameli we ActionSA, Herman Mashaba kanye nalabanye baholi labasetulu balenhlangano kulindzeleke bavakashele e Lilly Mine ngase-Barberton kulesifundza seMpumalanga namuhla. Kutositjela kabanti ngalokuvakasha, simeme sihlalo weActionSA eMpumalanga, Thoko Mashiane,

Litiko letekutfutfukisa temnotfo kulesifundza seMpumalanga ngekubambisana nemtimba lobuke kutfutfukisa lusha (NYDA),  betfule sikhwama lesitawuncedza bantfu labasha labenta emabhizinisi emkhakheni wetekuvakasha. Kutfola kabanti ngalesikhwama sikhulumisana nelibamba lemcondzisi etikweni letekutfutfukisa temnotfo netekuvakasha kulesifundza, Charles Shongwe.

Sikhungo lesiholela imali yesibonelelo sahulumende kulelive i SASSA sitsi kusukela mhlaka 1 kulenyanga letawetfwasa ya September, kutawucala luhlelo lekusebentisa iminwe pheceleti Biometrics system etikhungwnei tayo. Kuva kabanti ngayo ledzaba sicocisana nalokhulumela iSASSA, Senzeni Ngubeni.

 Emaphoyisa asigceke kakhulu sento semphakatsi sekushisa bantfu labatsatfu e Barberton kulesifundza se Mpumalanga. Labantfu bashiswe ngumphakatsi ngoba ubasola ngekudubula babulala make kanye nemtfwanakhe kuleyandzawo. Kepha lotasichazela kancono ngaloludzaba ngulokhulumela emaphoyisa Colonel Jabu Ndubane.

Sekunekukhatsateka ngekwandza kwetehlakalo teludlame lolwentiwa bafundzi etikolweni takulelive. SLetinye taletehlakalo tifaka ekhatsi  lesenteke KwaMhlanga kulesifundza seMpumalanga lapho  umfundzi loneminyaka leli-15 lofundza Grade 7 usolwa ngekugwaza abulale lomunye umfundzi loneminyaka leli-17 nesikhombisa kuyo lenyanga lesetulu. Sihlalo wemtimba lobuke kuvuselelwa kwesimilo kulesifun...

Inhlangano i-South African Cemeteries Association (SACA) itawube ibambe inkomfa yemalanga lamatsatfu e-Jozi kusukela namuhla. Kukhuluma ngalenkomfa sicocisana namabhalane wenhlangano yebangcwabi iSouth African Funeral Practitioners, Legae Monageng.