Ligwalagwala FM Current Affairs

Kunekukhatsateka mayelana netinsolo letitsi emaphoyisa avame kusebentisa tibhamu temtsetfo kulwa timphi tasemakhaya awo. Loku kulandzela sehlakalo sasePitoli lapho liphoyisa lidubule labulala umshana walo nalo lagcina litidubulile. Kantsi kuleliviki leliphelile liphoyisa lelindvodza lidubule singani salo lesiliphoyisa lalimala lapha Kwa-Mhlanga kulesifundza se-Mpumalanga. Kukhuluma ngalendzaba, si...

Lokulwa lokweyamene nebuhlanga emkhatsini walabakhuluma siXhosa kanye neSesotho esigodzini  saKwaSibi sekundlulele nase Phuthadichaba Technical High School e- Matatiele esifundzeni sase Mpumalanga Kapa. Simeme intsatseli yeSABC Nkululeko Nyembezi kutosibikela ngalencushuncushu.

Umkhandlu lobuke tindzaba tetisebenti kutemfundvo, i-Education Labour Relations Council, utsi usukumise luphenyo lekwetama kutfola kutsi bangakhi bothishela lebakhona etikolweni takulelive. Loku kulandzela imibiko lemayelana nekugcwala kwabothishela mbumbulu kanyen nekutsengiswa kwemisebenti etikolweni.  Sikhulumisana  nemphatsi lophuma kulomkhandlu kulesifundza se-Mpumalanga Moswazi Mab...

Lelive leN/A kulindzeleke licophe umlandvo lomusha nakusuka umnyaka lotako mayelana netinhlelo tekulwa nesandvulelangculazi. Kulenkomfa lekhuluma ngetindlela tekulwa nesifo seHIV/AIDS lese-Kempton Park, Umcondzisi jikelele welitiko letemphilo, Dr Sandile Buthelezi, uvakalise kutsi sebakulungele kucala kusabalalisa umjovo i-Lenacapavir lotawutfolwa kabili ngemnyaka. Sicocisene na Dr Eric Khumalo la...

Sekunekukhatsateka kubafundzi basemanyuvesi akulelive nakuletinye tikhungo temfundvo lephakeme kulandzela lesiphakamiso sekuchitjiyelwa kwemtsetfo lolawula kutsenga ngetikweleti kulelive. Lokukhatsateka kubangwa kutsi kunetinsolo tekutsi labanye bebafundzi labakweleta emanyuvesi bangahle batitfole bafakwe emabhukwini lamnyama etikweleti. Kutfola kucaciselwa ngaloludzaba, sicocisana nalokhulumela u...

Njengoba umhlaba wonke uchushisa ngelilanga lekuvikela kutibulala iWorld Suicide Prevention Day,sikhulumisana neMnumzane Moses Mkhabela losati lesitfoba ingcondvo (Clinical Psychologists)

Nkomishana wemaphoyisa kulelive Fanie Masemola ugcugcutela emaphoyisa kutsi ayisukumele etulu indzaba yekutfoba ingcondvo kanye nekunakekela simo sawo semphilo. Loku kuta ngemuva kwesehlakalo lapho liphoyisa lase Mamelodi, e Pitoli libambe njengebatfunjwa emalunga emndnei walo cishe sikhatsi lesingema-awa langu 15 kulandzela tinkinga tangekhatsi emndenini. Lesehlakalo siphetse ngekutsi leliphoyisa...

Sati ngetebugebengu Dr Mxolisi Mathebula utsi kulula kungena nekuphuma eminceleni yakulelive, lekubanga kwandze tehlakalo tekushushunjiswa kwebantfu.

Hulumende utsi wenta konkhe lokusemandleni kuvala lesikhala lesivuleke ngenca yekuhociswa kwelusito lwetimali loluchamuka eMelika lekwelekelela tinhlelo tekulwa nesifo seHIV/AIDS. Loku kuvakaliswe lisekela lemengameli Paul Mashatile nakakhuluma engcungcutseleni ye-South African National Aids Council. Sicocisana nemcondzisi wemkhandlu lolwa neAIDS eMpumalanga (MPAC), Elphas Nkosi.

Ngekusho kwembiko we- Stats SA uveta kutsi umnotfo wakuleli ukhule nga 0.8% kukota yesibili njengoba usuka ku 0.1%. Kwena ngalendzaba sikhulumisana nasomnotfo lophuma ku-Inkunzi Wealth Group, Lunga Mahlaba.

Lokhulumela masipala wase-Nkomazi Mbuso Malale utsi inkinga lebangela letinye tindzawo tase-Nkomazi tingawatfoli emanti kutsi usengakapheli lomklamo lomkhulu lotawubaphakela emanti ngalokufanele. Malale utsi bawamisile lamaloli angasese latsengisela bahlali emanti.

Umholi weActionSA kulesifundza seMpumalanga Thoko Mashiane utsi kufanele atsatselwe tinyatselo emakhansela amasipala waseNkomazi lekutawutfolakala kutsi anesandla kulenkinga yekungaphakelwa kahle kwemanti kulomasipala.

Isigodlile sincumo seludzaba lenyonyana yetisebenti iSolidarity kanye nendvuna yelitiko letempilo. Lamuhla inkantolo yemtsetfo-sisekelo beyilalela sicelo sekubalulwa kubasemtsetfweni kwesincumo senkantolo lenkulu ePitoli ngeticephu temtsetfo Section-36 kuya ku-40 wemtsetfo-sisekelo wetempilo iNation Health Act. Lebafake sicelo ngalendzaba bakhala ngaleticeshana temtsetfo weNational Health Act kuts...

 I-Township Entrepreneur Agency (TEA) iyachubeka nemkhankaso wayo wekufukula bosomabhizinisi labasakhasa basemalokishini. Kulemphelasontfo lesiya kuyo lengano iTEA itawube ihlangene nabosomabhizinisi labancane baKanyamazane ngaphandle kweMbombela. Sikhulumisana nalomunye webapjhatsi beTEA, Sibusiso Chauke kutosichazela kabanti ngalomkhankaso.

Inhlangano yebafundzi i-South African Union of Students (SAUS), seyivakalise kukhatseka  ngesiphakamiso lesihlongotwako sekufuna kuchibiyela umtsetfo i-National Credit Act. Lenyonyana yebafundzi itsi lesinyatselo sitawucindzetela bafundzi labavele batfwele matima njengoba nelizinga lekuswelakala kwemsebenti lisetulu kakhulu. Simeme lophuma kuyo iSAUS Thobani Zungu.

Umbiko losandza kukhishwa yinhlangano lebukelele tisebenti tasetindlini, i-SweepSouth, uvete kutsi tilinganiselwa ku 400-thousand tisebenti tasetindlini letilahlekelwe ngumsebenti kuleminyaka lembalwa leyendlulile. Kuva kutsi tinyonyana tetisebenti tasetindlini titsini ngalombiko , sikhulumisana namengameli wenyonyana yetisebenti tasetindlini, i- South African Domestic Services Workers Union,...

Inhlangano lelwela emalungelo ebantfu baseDRC, i-Congolese Solidarity Campaign, itsi angeke itibandzakanye kuletingcogco letihlelwe ngulowake waba ngumengameli kulelive, Thabo Mbeki letichubekako e Jozi. Lenhlangano isola Mbeki ngekuvuna luhlangotsi lolutsite kulencushuncushu lese- DRC. Simeme umhlatiyi wetindzaba tangaphandle Thulisa Ndlela 

Umbhali wemabhuku eSiswati, JJ Ncongwane ubita hulumende kutsi andzise imitapomabhuku lebomahamba nendlwana kuze kutfutfuke futsi kukhatsateke kufundza nekubhala ikakhulukati etindzaweni tasemakhaya.

Emadvodza lasiphohlongo lasolwa ngekubulala lamabili ngetinsolo tekweba timvu eplazini iPampoenkraal Farm ePiet Retief kulindzeleke abuyele enkantolo lenkulu eMiddleburg kulesifundza iMpumalanga lamuhla. Basolwa ngekubulala Musa Nene kanye naSifiso Thwala nga-2020. Phambilini nabavele enkantolo bawaphika emacala lebasolwa ngawo lafaka ekhatsi kubulala, kutama kubulala, kutfumba kanye nekuphatamisa...

Kulindzeleke ihetse namuhla ingcungcutsela ye ANC esigodzini saseHlanzeni. Lengcungcutsela yemalanga lamatsatfu ivakashelwe ngumabhalane jikelele welenhlangano Fikile Mbalula, lokulesifundza kutocobelana lwati nebuholi balesigodzi.  Kuva kabanti kutsi ichubeka njani lengcungcutsela sikhulumisana namabhalane we-ANC kulesifundza seMpumalanga, Muzi Chirwa.

Likhomishsna leluphenyo leliholwa lijaji leselatsatsa umhlalaphansi Justice Mbuyiselo Madlala kulindzeleke licale kulalela bufakazi mhla tili-17 kulenyanga lesetulu. Lelikhomishana lisukunyiselwe kuphenya tinsolo tenkhohlakalo emaphoyiseni nekutsintseka kwabosopolitiki ebugebengwini bemshoshaphansi letavetwa nguNkomishana wemaphoyisa aKwaZulu Natal Lt-Gen Nhlanhla Mkhwanazi. Kantsi nekomiti yesikh...

Namuhla umhlaba wonkhe ugubha lilanga lekukhutsata kufundza nekubhala, i- International Literacy Day. Kulomnyaka lelilanga libungatwa ngephansi kwengcikitsi lekhutsata kufundza nekubhala kuletikhatsi tebuchwepheshe be-technology..Lengcikitsi yalonyaka ikhutsata kutfutfukiswa  kwemakhono ladzingeka kuletikhatsi te-digital lapho kubukwa futsi nendzaba yekusalalisa lwati, kufundza nge-digital ka...

SECWAYISO!!! Lenkhulumo lelandzelako ingahle inganambitseki kulabanetinhlitiyo letincane kanye nebantfwana! Kunekhatsateka mayelana nemkhuba lekusolwa kutsi sewutipha emandla lapho labashadile bafohlisa tingani tabo batingenise emakhaya abo  nangabe balingani bangekho. Kubonakele sitfombe lesinyakatako etinkhundleni tekuchumana lapho sisebenti sasengadzeni sikhonjiswa sititika ngelicansi ekhi...

Indvuna yetemidlalo, buciko nemasiko Gayton McKenzie utitfola aselubishini njengoba aphenywa likhomishana lemalungelo eluntfu mayelana netiphimiselo latenta enkundleni yetekuchumana i-Twitter leseyatiwa ngeX emkhatsini wemnyaka wa-2011 na- 2017. McKenzie uphenywa ngekutsi wabhala kulenkundla yetekuchumana inkhulumo letfunata nalegongonya ngekwebuhlanga. Simeme umhleli wete-digital khona lapha etin...