Ligwalagwala FM Current Affairs

Inhlangano ye ANC nayo seyeleke lisindvo lelivi layo kulabo lebasola iMelika ngekubopha mengameli wase-Venezuela Nicolas Maduro kanye nemkakhe. Mabhalane jikelele we ANC Fikile Mbalula  ukhulume ase-Rustenburg e North West kutsi lesento asihambisani nemtsetfo wemave emhlaba. Kuyibuka ngeliso lebahlatiyi lendzaba, simeme Njingalwati Ntsikelelo Breakfast 

Umcondzizi lomkhulu iChief Director for District Coordination, kulesifundza seMpumalanga Chukudu Manyabeane utsi sikulungele kuvulwa kwetikolo sifundza lesifundza ngetulu kwekutsi kiunetikolo leticekelwe phansi timvula.

Umphatsiswa wetemfundvo eMpumalanga Lindi Masina utsi balinganiselwa ku-9000 bantfwana labasengakatitfoli tikhala tekufundza kulomnyaka wanga-2026. Masina bekatfula umkhankaso we-Back to School eMathupa Primary School eMarite ngaphandle kancane kwase-Hazyview. Michael Mdluli uyasibikela.

Sikhwama lesilekelele ngetimali bafundzi basetikhungweni temfundvo lephakeme , i-NSFAS sesikucisenkisile kutsi sesiticubungule tonke ticelo tekwelekelelwa ngemali ngembi kwekucala kufundza kulomnya wa-2026. Kuva kabanti ngaloku, sinalokhulumela iNSFAS, Umnuzane Ismail Mnisi.

Umkhandlu wetekuvikeleka kuMhlabuhlangene bewubambe umhlangano lophutfumako kulandzela kutsatfwa ngendluzula kwamengameli wase Venezuela, Nicolas Maduro kanye nenkosikati yakhe Cilia Flores, live lase Melika nge-Mgcibelo. Lomengameli wase Venezulela - loneminyaka lengema-63 kanye nalenkhosikati yakhe bavele enkantolo eNew York itolo ngemacala leyamene nekushushumbisa tidzakamiva. Simeme umhlatiyi...

Tiboshwa takulelive setivakalise kukhatsateka ngekungakaphatseki kahle emajele akulelive, titsi timo letiphila ngaphasi kwato atikafaneli kuhlala bantfu. Titsi kusukela kwangena indvuna yetekuvuselelwa kwesimilo kulesikhundla, Dr Pieter Groenewald, simonhlalo emajele sesibi kakhulu. Kute sitfole kabanti ngalesikhalo, simeme sishikashiki lesilwela emalungelo etiboshwa, Golden Miles Bhudu.

Umkhandlu wetekuvikela ku-Mhlabuhlangene bewubite umhlangano lophutfumako kulandzela kuoboshwa kwamengameli wase-Venezuela, Nicolas Maduro kanye nenkosikati yakhe Cilia Flores, live lase Melika nge-Mgcibelo. Lomkhandlu bewubonisana ngalesento seMelika lesihiye umhlaba ubambe wangentansi. Maduro kulindzeleke avele enkantolo yase-New York eMelika namuhla ngemacala leyamene nekushushumbisa tidzakamiv...

Mengameli waseVenezuela Nicolas Maduro kulindzeleke avele enkantolo yaseMelika namuhla. Loku kuta ngemuva kwekutsi emasotja aseMelika ahlasele ngetindiza temphi e-Venezuela aphindze atfumbe nalomengameli wakhona. Kuyibuka ngeliso lemhlatiyi lendzaba, simeme Njingalkwati Bheki Mngomezulu

Aphahlatekile emaphupho eBafana Bafana ekwendlulele esigabeni lesilandzelako kulomchudzelwano we Africa Cup of Nations (AFCON), ngemuva kokwehlulwa yi-Cameroon ngemagoli lamabili kulinye itolo ebusuku. Kubuka kutsi kuhambephi kabi, sikhulumisana nemetfuli wetemidlalo kuLigwalagwala FM, Sibusiso "SD" Mashabane.

Litiko lemisebenti yesive imigwaco netekutfutsa kulesifundza se Mpumalanga, licela bashayeli betimoti labasebentisa migwaco yakulesifundza se Mpumalanga, kutsi bacaphelisise nabahamba kulemigwaco njengoba timvula tiyimoshile. Kepha kuva kutsi lelitiko lentani ngalenkinga  lefaka ekhatsi nekudzilika kwemabhuloho, simeme lokhulumela lelitiko Bongani Dlamini.

Kulindzeleke lokunyenti kupolitiki yalelive kulomnyaka wa- 2026  kantsi njengasemihleni umnyaka uvulwa ngeJanuary 8 statement yeANC, letawube ise-North West kulomnyaka. Kubuka kutsi yini lengalindzelwa kulomnyaka  asamukele Umhleli wetepolitiki ka SABC Mzwandile Mbeje

Njalo nakusuka umnyaka bantfu  labanyenti bavame kutsi babe  netifiso kanye nemaphupho lebafuna kuwafeza ngalowomnyaka. Kepha esikhatsini lesinyenti letinye taletifiso tigcina tingakafezeki. Kubuka kutsi yini leyenta letifiso tingafezeki nekutsi yini umuntfu langayenta kubukana ngco naleto tinseyeya, sikhulumisana na-Ronnie Masilela lowatiwa ngaRONMAS.

Ukhotseme kuleliviki leliphelile Umntfwanenkhosi Tikhontele Solomon Dlamini webukhosi bakaLomshiyo. Chief Tikhontele ufulatsele lomhlaba sekaneminyaka lengemashumi lasiphohlongo nakutsatfu (83). Kubuka umshiyandvuku weMntfwanenkhosi Tikhontele, sicele mengameli weContralesa lophindze abe ngisihlalo wendlu yebaholi bendzabuko kulesifundza seMpumalanga, Kgoshi Mathupa Mokoena.

Namuhla sicubungula libhuku lelibhalwe nguBishop Bongani Khoza lelinesihloko lesitsi Divine Providence. 

Indvuna lebukene netindzaba tabomake, banftu labasha nalabakhubatekile ehhovisi lemengameli, Sindisiwe Chikunga utsi kufanele baboshwe batali lebanatsisa bantfwana tjwala.  

Tinyenti tehlakalo tebugebengu letentekile kulesifundza se Mpumalanga kulamaholide. Sicocisene nalokhulumela emaphoyisa alesifundza Brigadier Donald Mdhluli kubuka letinye tato. 

I-Border Management Authority (BMA) itsi ikulungele kubukana nanobe ngusiphi simo emagdeni akuleli, ikakhulukati kubuya kwebantfu bebaye eMozambiki lebawela eLebombo kulesifundza seMpumalanga.  Sicocisene na General David Chilembe lovela ku-BMA.

 Simeme intsatseli yeSABC Mthobisi Mkhaliphi kutewubuka tindzaba letihambe embili nyakenye kanye naletingahle tibe sematseni kulomnyaka lomusha.

Simeme umhlatiyi wetemnotfo, Umnumzane Bukani Mngoma kutewubuka kutsi yini lesingayilindzela ehlangotsini letemnotfo kulomnyaka wa-2026.

 Sati ngetebuchwepheshe sitsi iArtificial Intelligence (AI) ngulobunye bebuchwepheshe lobufike bagucula timphilo tebantfu kulelive. Kubuka kabanti loludzaba sicocisana nemetfuli wetifundvo tebuchwepheshe eDurban University of Technology, Siphumelele Zondi.

Hulumende wesifundza seMpumalanga wecwayisa bantfu kutsi bangabhomisi  emakhilikitsi etindzaweni letingakafaneli. Lokhulumela litiko letekuphepha kwemphakatsi, kuvikeleka nekuchumana kulesifundza Moeti Mmusi utsi tekuphepha titawube ticiniswe kakhulu ngalesikhatsi.

Kusukela kucale lamaholide ekuphela kwemnyaka, sekuminte bantfu labalinganiselwa ema-20 kulesifundza seMpumalanga. Simeme lokhulumela  i-COGHSTA kulesifundza Freddy Ngobe kutewucwayisa ngaletehlakalo.

I-Bafana Bafana sefinyelele esigabeni semkhulajezi noma ku last 16  kulomchudzelwano we Africa Cup of Nations,ngemuva kokwehlula i-Zimbabwe ngemagoli lamatsatfu kulamabili (3-2) itolo ebusuku. Kukhuluma kabanti ngalendzaba sikhulumisana nemhleli wetindzaba temidlalo ka-SABC, Mduduzi Ndlovu.  

Lokhulumela emaphoyisa akulesifundza seMpumalanga, Khenela Jabu Ndubane ucela imindeni lelahlekelwe tihlobo tayo kutsi ichumane nemaphoyisa. Loku kulandzela kutfolakala kwesidvumbu sendvodza eDullstroom kanye nalesinye lesitfolwe sifakwe eplastikini KaMhlushwa kumasipala wase-Nkomazi.

Inhlangano yebalimi i African Farmers Association of South Africa (AFASA) itsi balimi balimi labamnyama etindzaweni tasemakhaya Kwazulu Natal bayachubeka nekuhlaselwa tigebengu, njengobe emaphoyisa angakhoni kulawula tehlakalo letifaka ekjhatsi kwebiwa kwemfuyo yabo. Letiphimiselo tilandzela kubulawa kwasihlalo walenhlangano Mbongeni Skhakhane e Sweetwaters. Kukhuluma kabanti ngalendzaba simeme na...