Ligwalagwala FM Current Affairs

Bafundisi bacela emabandla kutsi akhulekele lesihlava sebudlova kanye nekubulawa kwebafati kulelive. Loku kulandzela kutfolakala kwetidvumbu tebafati Ekurhuleni kuletinyanga letimbili letengcile. Kubuka kabanti loludzaba sichumana nemfundisi Mdluli waJehova lovela enhlanganweni yemasontfo, i- Christian Leadership Council

Umbuso uyachubeka nekuphindzilita ngemibuto lobekayindvuna yelitiko letekuvikela kanye nasomlomo wephalamende phambilini, Nosiviwe Mapisa-Nqakula, mayelana nalenkontileka leyaniketwa Nombasa Ntsondwa-Ndhlovu. Mapisa Nqakula uphekwa ngembuto yinkantolo yemacala laphakeme ePitoli ngetinsolo tekukhwabanisa kanye nekuhweba ngemali lengcolile. Zara Groenewald naZandile Nkosi basihlanganisele lombiko

Lisekela laNkomishana wemaphoyisa lelisamisiwe emsebentini, Gen. Shadrack Sibiya uvele enkantolo yamantji eRandburg nyalo ntsambama kantsi licala lakhe lihlehliselwe ku-Lesibili evikini lelitako. Lesikhulu semaphoyisa sibukene nelicala lekugagadlela intfombatana leneminyaka leli-18  kanye nekutfombisa ngetemacansi sidzandzane lesineminyaka leli-16. Kuyibuka kabanti lendzaba asamukele solwati...

Simeme ummeli lotimele Bongani Matsane kutosichazela kutsi licala lelinjani leli lekutfombisa ngetemacansi (sex grooming).

Namuhla kubungatwa lilanga lekuvikela bhejane emhlabeni iWorld Rhino Day. Kukhuluma ngalelilanga simeme logadza tilwane (ranger) kaMTPA, Muzi Machabe.

Njengobe umhlabawonkhe ugubha lilanga lekuvikelwa kwehejane, indvodzana yalomunye lobekadze agadza tilwane Jafet Mzimba  utsi utimisele kwenta lomsebenti njengendlela yekukhumbula uyise lowahlaselwa tigebengu washona  agadza tona tilwane. Nonkululeko Shongwe uyasibikela 

Bosomnotfo bacwayisa ngekutsi kungenteka ikomiti yemgomo wetetimali ikhuphule intalo yemali-mboleko nayihlangana kuleliviki. Naledi Mabitsela Ngcobo naMillicent Phakathi bayasibikela

Lokhulumela litiko letemfundvo kulesifundza seMpumalanga, Umnumzane Gerald Sambo utsi lelitiko lishacekile ngekwandza kwetehlakalo tebubheva etikolweni takulesifundza. Loku kulandzela kusabalala kwe-video etinkundleni tekuchumana lekhombisa umfundzi wentfombatana ashaya noma ahlukumeta lenye intfombatana esehlakalweni leseyamaniswa nebubheva (bullying) etikolweni. Sambo uyachaza...

Ukhululwe ngesecwayiso umfundzi loneminyaka  leli-18 lofundza esikolweni i-Vulindlela High, KaBokweni kulesifundza seMpumalanga, loboshelwe kushaya lomunye umfundzi esehlakalweni leseyamaniswa nebubheva (bullying). Lomfundzi, lobonakala ku-Video lesabalele etinkundleni tekuchumana ashaya, aphindze atfuke lona lomunye umfundzi, uboshwe itolo. Sicele make Emmarentia Mndawe longulomunye webatali...

Mengameli Cyril Ramaphosa  utsite hulumeni kumele ente konke lokusemandleni kuvikela bomake kulolubudlova bebulili. Zara Groenewald na Vusi Shongwe bayabika

I COSATU itsi itawubamba inkomfa yayo yeli15 emkhatsini kwa mhlaka 12 na 15 ngenyanga letako. Lenkomfa yaphunta ngembi kwekutsi icale e-Gallagher Convention Centre kuleliviki leliphelile. Lokhulumela iCOSATU Zanele Sabela uyasichazela.

Indvuna  yetebudlelwano  nemave angaphandle  Ronald  Lamola,  utsi  budlelwane  emkhatsini  kwelelive kanye neMelika sebumunyu.  Lamola bekahambele eMelika kulokunye kuyowetama kukhulumisana nalelalive ngenhloso yekusimamisa lobudlelwane lobubonakala buya ngekushuba.. Kuyibuka lendzaba simeme sati ngetindzaba temhlaba, Umnumzane Thulisa Ndlela.

Takhamuti taseMashishing kumasipala wase Thaba Chweu kulesifundza seMpumalanga, tikhala ngekuswelakala kwemanti, nanobe lomasipala eminyakeni lesihlanu leyengcile watsatsa sincumo sekuyisombulula lenkinga. Michael Mdluli uyesibikela.

Ufihlwe endlini yakhe yekugcina umsubatsi Elizaberth Ntsontso Moselakgomo endzaweni yasePhake kulesifundza seMpumalanga. Zine Buthelezi naZandile Nkosi basihlanganisele lombiko.

Litiko letemphilo lincusa bantfu kutsi bacaphele kulandzela kubhedvuka kwesifo seMpox kulelive. Lelitiko litsi kubalulekile kutsi bantfu batati timphawu talesifo, batsatse tinyatselo tekusivikela futsi bafune lusito lwetempilo ngekuphutfuma. Lokhulumela litiko letemphilo kulelive Foster Mogale uyachaza

Litiko letemphilo kulelive litsi lisengakayitfoli imibiko lemayelana nenlkinga yekuswelakala kwemitsi yekuhlela umndeni etikhungweni talo. Simeme litiko letemphilo kulelive kutochaza ngalesimo nekutsi titsini tinhlelo talo kuya phambili. Sikhulumisana na Thembi Zulu loyi-Manager for Women's Health and Rights kulitiko letemphilo velonkhe

Inhlangano yetemphilo emhlabeni i-WHO itsi babalelwa ku 3.7 billion emhklabeni wonkhe jikelele bantfu labatitfola banetifo leteyamene nekuhlanteka kwemlomo ngenca yekungatinakekeli. Inyanga yeNyoni ibalulwe njengeyekuchushisa ngekubaluleka kwekuhloba kwemlomo, ngaphansi kwesicubulo lesitsi " A Happy Mouth, is a Happy Life". Kuyibuka lendzaba, simeme  Senamile Mdaka lobuke tindzaba tekuhlantek...

Kulandzela kutfolakala kwetidvumbu tebantfu labasikati labayimfica etindzaweni letahlukene kumasipala wase-Ekurhuleni kuletinyanga letimbili letengcile, letinye tinhlangano temmango setibite kutsi kubuyiswe sigwebo sentsambo kulabo lebagwetjelwe lutfutfuva lwebulili nekubulala bantfu labasikati. Namuhla ehlelweni sifuna kubuka kutsi yini lengentiwa kulwa nalesihlava sekubulawa kwebantfu labasikati...

Umkhandlu lobuke kutfutfukiswa kwemaciko kuleli i National Arts Council bewubambe umhlangano sikolo kulesifundza se Mpumalanga ngenhloso yekucobela lwati emaciko noma ema artist  mayelana nekufakwa kweticelo tekusekelwa ngetimali. Kuyibuka lendzaba asemukele uMnuzane Zola Lumko ku-National Arts Council (NAC)

Namuhla sicubungula libhuku lelinesihloko lesitsi "Letters For Emma" lelibhalwe ngu Mildred Mayina

Inkantolo yemtsetfosisekelo iwucitsile umtsetfo i-Public Procurement Act of 2024, yatsi awukho emtsetfweni futsi ashayisana nemtsetfosisekelo. Kusichazela ngalendzaba simeme umhlatiyi wetemnotfo Khaya Sithole..  

Lisekela lendvuna yelitiko letemahlatsi, tekudoba kanye netemvelo Bernice Swarts uhola umklamo wemengameli Cyril Ramaphosa wekutibophelela kuhlanyela tihlahla letingu-one billion kuleminyaka  lesihlanu letako. Kuva kabanti ngalomklamo, simeme lona lisekela Bernice Swart.

Kuyawube kusindvwe ngebelitfole eMalahleni Civic Centre kulamalanga lamabili, njengobe bafundzi basetikolweni takulesifundza seMPumalanga batawube bashiyelana inkundla emcimbini lobitwa nge-Ingoma Festival. Lomgindvo uhlelwe litiko letemfundvo lakulesifundza. Sicocisana nemhlelembisi wakulelitiko Dorothy Mthombeni.

Likhomishana lelibukele batsengi i National Consumer Commission (NCC) ihlela kwetfula luhlelo lolutawusita batsengi kutsi bakhone kuvala letincingo letibahluphako tibatsengisela noma timakhetha imikhicito letsite (telemarketing).  Lelikhomishana litsi loku litawenta ngekwetfula luhlelo lolubitwa nge Opt-Out Registry. icocisana nalokhulumela lelikhomishana, Pheto Ntaba 

Live leMelika litsi litawuswinya labatsite bakulelive leNingizimu Africa ngekusebentisa ema-visa kuze kube lukhuni klungena kwabo kulelalive. Lesinyatselo sakamuva seMelika sibonakala sishubisa lobudlelwano lebubonakala sebuvele bumunye emkhatsini walamave lamabili. Sicocisana na-Thulisa Ndlela longumhlatiyi wetindzaba temave angaphandle.