Ligwalagwala FM Current Affairs

Namuhla umhlabawonkhe uchushisa ngelilanga lebantfwana lebabelekwa banetimo letisakukhubateka i-World Birth Defects Day. Bosolwati batsi letinye taletimo tiyalungiseka natisukunyelwa basebancane labantfwana. Kantsi kungako kwetfulwa lelilanga kuze kukhutsatwe kunakekelwa kwalabantfwana labanaletimo, tisukunyelwe masinyane basebancane futsi kuliwe nemkhuba wekubafihla. Kepha simeme lotasichazela ka...

Batjali timali bemave emhlaba batsi basasibukisisa lesimo lesenteka e-Middle East lesesiholele ekutamatameni kwetimakethe temhlaba. Loku kulandzela kuhlaselwa kwe-Iran lokwentiwa yiMelika ngekubambisana neMelika lokucale ngalemphelasontfo lesibuya kuyo. Simeme umhlatiyi wetembangave kutewubuka lesimo, Njingalwati Bheki Mngomezulu.

 Sikhungo lesibuke lesicaphele inkhohlakalo, i-Corruption Watch, sitsi tiyafika enkulungwaneni tehlakalo tekuhlukumeta letitsintsa emaphoyisa letibikwa njalo ngemnyaka kulelive. Lenhlngano itsi letinye taletehlakalo tenteka lapho umuntfu aboshwe ngeliphutsa kepha agcine sekahlukumeteka etandleni temaphoyisa naketama kukhama liciniso. Kubuka kutsi uvikeleke njani ungumuntfu nawufikelwa maphoyi...

Kunekukhatsateka kutsi lemphi lecubuke eMiddle East kungenteka itsikamete timakethe temhlaba. Bosolwati labanyenti batsi simo setimali emhlabeni kungenteka sidvonse nakuchubeka lemphi yase Middle East. Kubuka umtselela walemphi kutemnotfo sikhulumisana nasolwati wetindzaba temnotfo Lunga Mahlaba..

Kushuba kwesimo e-Middle East sekuholela ekuvalweni kwekuhamba kwetindiza ngenca yekuhlaselwa kwe-Iran lokwentiwe yi-Israeli ne-Melika. Kuze sive kutsi sinjani simo kulesasigodzi, Amanda Skosana lophuma kwaMhlanga kulesifundza seMpumalanga kepha sikhuluma nje use-Doha eQatar ngekwemsebenti.

Lihhovisi letibalo livete kutsi balinganiselwa ku1.4 million bantfu labasha bakulelive labangasebenti, labanyenti babo baneminyaka lesuka eminyakeni leli-15 kuya kulengema-24 budzala. Yini lengentiwa bantfu labasha kuze bakhone kutimela ngaphandle kokutsi bancike kuhulumende? Simeme Elias Tibane longusomabhizini aphindze abe ngumbhali kutewukhuluma lendzaba.

Njengoba lelive libungata iminyaka lengema-32 latfola hulumende wentsandvo yelinyenti kulomnyaka, kunemibono leyehlukahlukene ngekwenetiseka kwebantfu ngenchubo yahulumende wentsandvo yebantfu kanye nekucinisekisa kuvikela nekugcinwe kwemalungelo eluntfu. Kunjani kuhlonishwa kwemalungelo eluntfu kulelive? Ingabe bantfu baphatfwa ngekulingana kulelive, ikakhulukati phambi kwemtsetfo? Kuphendula lem...

Live lase Iran selikucinisekisile kutsi lomunye webaholi bakulela live Ayatollah Ali Khamenei ubulewe ngalesikhatsi kuhlasela i-Melika ngekubambisana nelive laka-Israeli. Kukhuluma ngalemphi leseyicubuke e-Middle East, simeme umhlatiyi Sandile Swana.

Sikhwama lesikhalisa lebavelelwe tingoti temgwaco iRAF, siyachubeka nemkhankaso waso wekugcugcutela bantfu kutsi batifakele boma matfupha ticelo nanmgabe bahlangabetene netingoti temgwacop. Esehlakalweni sakamuva, ugcinwe esitoksini ummangalelwa longu-Sidwell Khosa losolwa ngekubulala bantfu lababili ngoba bangasafuni kumhlephulela emalini lebayitfole kaRAF kantsi nguye lowabahlanganisa nalesikhwa...

Indvuna yeletiko latasekhaya Leon Schreiber, utsi basetinhlelweni lekubuyeketa ticelo tema Visa, langetulu kweti-2000. Loku kulandzela umbiko weluphenya lwe- Special Investigating Unit (SIU) lovumbule inkhohlakalo leyenteka kulelitiko. Kubuka umtselela waloluphenyo kulabachamuka ngaphandle kuleli, simeme Dr. Vusumuzi Sibanda lomelele sikhungo i African Diaspora...  

Njengendlela yekuhlonipha loyo bekangumbhali nemcondzi wemidlalo yasesiteji (Theatre Play Director) nalobekaphindze abe ngumlingisi,  Mncedisi Shabangu, kuhlelwe luchungechunge lwemidlalo emcimbini lobitwa nge- Theatre Festival, lekulindzeleke ibanjelwe  Kanyamazane, kumasipala weMbombela.  Leminye yalemidlalo yasesioteji lebawube iyincenye yalomcimbi ngulolotsi  Vuka Machel. &...

Namuhla esigabeni setfu semabhuku sitawube sikhuluma ngelibhuku lelibhalwe nguProfessori Siphiwo Mahala lelitsi "Bloke of all ages". 

Bayakhalai labanye bafundzi basemanyuvesi akulelive, labasekelwa ngetimali yi-National Student Financial Aids Scheme (NSFAS),  ngekutsi bantjontjelwa lemali yabo bantfu lebabakhohlisa ngebucwepheshe be-technology. Kukhuluma kabanti ngalendzaba simeme umetfuli wetifundvo tebuchwepheshe eDUT,  Siphumelele Zondi

Sodolobha wase-Kapa Geordin Hill-Lewis ukucinisekisile kutsi naye utawuphosa libito lakhe kulabagacele kuhioola i DA.  Kukhuluma ngalombango webuholi kuDA, simemem umhlatiyi wetembngave, Sandile Swana.

Umphenyi lotimele Paul O'Sullivan uphume washiya phakatsi kulalwa kwebufakazi bakhe yikomiti yasephalamende lephenya inkhohlakalo emaphoyisani nakutebulungiswa. O'Sullivan utjele emalunga alekomiti kutsi umchazele sihlalo, kutsi utawuhlala kudzimate kube yinsimbi yekucala bese uyahamba, ngoba akafuni kushiywa yindiza yakhe.  Simeme umhlatiyi wetindzaba tepolitiki, Prof Bheki Mngomezulu kutobu...

Inyonyana i-South African Transport and Allied Workers Union (SATAWU) ishaye ngenhlanekela siphakamiso sekukhuphula nga-3.25% iiholo yebashayeli bemabhasi lokubekwe etafuleni ngumcashi . Kukhuluma kabanti ngalendzaba asemukele lokhulumela iSATAWU, Amanda Tshemese.

Inhlangano lengesebenteli inzuzo lekhankasela kufundza ngelulwimi lwasekhaya,i FUNDA WANDE, beyiyincenye yengcugcutsela yetilwimi talapha e-Afrika, i African Languages and Literacies Conference (AFLC) lebeyibanjelwe eAccra eGhana. Simeme Siwaphiwe Sibeko longumphatsi wetinhlelo kulenhlangano i FUNDA WANDE.

Inhlangano yebalimi iSouth African Livestock Association (SALA) itsi yetsemba kutsi kufika kwemgomo wesifo sematele, iFoot and Mouth Disease (FMD), kutewusindzisa tinkomo tabo lesetiphetfwe ngulesifo. Mabhalane walenhlangano  Nakana Masoka utsi balimi sebacalile kugoma nekujova tinkomo tabo letihlaselwe gulesifo. Utsi balimi badvonsa matima ngenca yalesifo.

Emalunga ekomiti yesikhashana ephalamende lephenya inkhohlakalo emaphoyiseni nakutebulungiswa evakalise intfukutselo ngesento sa-Paul O'Sullivan sekusukuma ashiye lekomiti isalalela bufakazi bakhe.. Umhlatiyi wetepolitiki Professor Ntsikelelo Breakfast lesento sikhombisa kwedzelela.

Inhlangano yabomake i-EMBRACE itawube imashele emahhovisi elitiko letemphilo e-Tshwane ikuyawukhonondza ngetinsolo tekuhlukunyetwa kwabomake nabayobeleka etibnhedlela nasemitfolamphilo. Kuva kabanti ngalemashi simeme, Nkele Geledzana lovela ku EMBRACE.

Simeme Dr Mvuyisi Mzukwa we-SAMA kanye na-Mduduzi Nkosi we-Section 27 kutophawula ngeluphakelo  timali loletfulwe yindvuna yetetimali Enoch Godongwana.

Likomishana letebatsengi, Consumer Commission, litsi litawephenya tinkapani letiyimfica letikhicita tishubelo kulelive. Lesimemetelo sita mgemuva kwelucwaningo lolwentiwe yiNyuvesi yase  Free State, loluvete kwekutsi  leminye yalemikhicito inelimakhemikhali layingoti latsikabeta imitimba yebantfu labasikati, kantsi leyamaniswa nekugula lokuvame kuhlasela labasikati njengemdlavuta wesibel...

Indvuna yetimali Enoch Godongwana umemetele kutsi batawutsatsa imali lelinganiselwa ku-R883.8 million etikweni letebulungiswa kanye nekutfutfukisa umtsetfosisekelo, ifakwe ehhovisi leNhloko yemajaji yabiwe ngulelihhovisi. Kutfola kabanti kutsi kushoni loku sikhulumisana  nemnumzane Mbekezeli Benjamin lophuma ku-Judges Matter......  

Indvuna yelitiko letetimali Enoch Godongwana wetfule luphakelotimali lelemukelwe ngetindlela letehlukene njengobe kunalabalishayela tandla kantsi labanye bayaligceka. Sikhulumisene nasomnotfo lotimele umnumzane Mandla Malope kuva kutsi yena uyive njani lenkulumo.

 Kutfola kutsi inyonyana ye-COSATU iluve njani loluphakelotimali lolwetfulwe yindvuna yelitiko letetimali, Enock Godongwana,  simeme lokhulumela inyonyana ye-COSATU kuvelonke Zanele Sabela.