Ligwalagwala FM Current Affairs

Litiko letemfundvo kulesifundza se-Mpumalanga litawube libambe umhlangano wekubonisana ngemkhankaso wekusebentisa lulwimi lwasekhaya njengesisekelo sekufundzisa ngebulwiminyenti, i-Mother Tongue Based Bilingual Education (MTbBE). Kutfola kabanti ngalomkhankhaso sicocisana ne-Deputy Chief Education Specialist kutemfundvo kulesifundza, Tozi Mashile.  

Litiko letekubusa ngekubambisana, kuhlaliswa kwebantfu kanye netindzaba tebaholi bendzabuko kulesifundza seMpumalanga, litsi litawubuyeketa kusekela kwalo bomasipala labahluleka kubhadala sikweleti saka-Eskom. Michael Mdluli uyasibikela

Batali bebafundzi basesikolweni semabanga laphansi iDuma lesisePienaar dvutane naKanyamazane sebasabisa ngekutsi batawuphatamisa kufundza kulesikolo ngenca yalokucashwa kwathishelanhloko lomusha. Motsebi Monareng uyenaba

Inyonyana yetisebenti i-COSATU seyibite hulumeni acoshe labo labacashwe kutsi batovuselela liPosi lakulelive, bese ufaka imali yekulungisa kusebenta kweliPosi. Sikhulumisene nalokhulumela iCOSATU Zanele Sabela.

Emaphoyisa aseMpumalanga aphenya emacala lamabili ekubulala kulandzela kutfolakala kwetidvumbu tetitsandzani letimbili eChochocho ngaseHazyview. Lokhulumela emaphoyisa Colonel Jabu Ngubane uphindze wecwayisa takhamuti ngemibiko yebugebengu lengasiyo liciniso.

Sati semtsetfo wetetisebenti, uMnumzane Dan Malope utsi kutsatsa lokungenani iminyaka lesikhombisa kubalula umuntfu kutsi ushonile nangabe singatfolakali sidvumbu sakhe. Loku kulandzela kukhala kwemndeni weli-Ranger lelashona ngendlela lengavisiseki eminyakeni lembalwa leyengcile.

Live lase Melika lisukumise luphenyo lekufuna kutfola kutsi ingabe emave langema-60 leliwakobolile awulandzel ngendlela lefanele yini SECTION 301, lekusigaba semtsetfo lewusebentisa kucaphela imikhicito lechamuka emaveni angaphandle. I Ningizimu Africa ingulelinye lalamave laphenywako. Kubuka kutsi kusho kutsini loku kulelive le Ningizimu Afrika, simeme solwati wetindzaba temnotfo Lunga Mahlaba.&n...

Indvodza leseyifake sesuhlukaniso nemkayo ihlulekile emitamweni yayo yekufuna kungasachubeki nekondla bantfwana labafika namake wabo emshadweni. Inkantolo lephakeme yaseNshonalanga Kapa ikhiphe sijubo lesitsi lendvodza kumele ichubeke nekondla labantfwana lengabatali labeneminyaka lengu 14 na 16, ngoba uma ingayekela impilo yabo itawutsikameteka njengaloku sebatayele imphilo lentofontofo. Simeme s...

Namuhla kucala umhlangano lomkhulu wavelonkhe lotobonisana kabanti ngendzaba yelulwimi, i-National Language Summit. Kutfola kabanti ngalomhlangano, sikhulumisana nasihlalo webhodi yetilwimi kuleli i-PanSALB, Prof Lolie Makhubu-Badenhorst.

Lihhovisi lelilawula tikhungo tetimali, i-National Financial Ombuds, licwayisa bantfu kutsi bavule emehlo nangabe bavula tikweleti letinkhulu. Njengobe kubungatwa inyanga yemalungelo ebatsengi sikhulumisana nalophuma kulelihhovisi le-National Financial Ombuds, Njabulo Bhembe 

Licembu lesive lelibhola letinyawo lase Iran, litsi kute longalivimba nalifuna kuyohlanganyela emchudzelwaneni wendzebe yemhlaba letawudlalelwa eMelika kusukela mhla ka-11 June kuya ku19 July kulomnyaka. Loku kulandzela tiphimiselo tamengameli wase-Melika, Donald Trump, lotsite kungabancono i-Iran ingeti kulomchudzelwano wemave emhlaba. Kukhuluma ngalesimo simeme umetfuli wetemidlalo emsakatweni L...

Esigabeni setfu semabhuku namuhla sikhuluma ngelibhuku lelibhalwe nguSiphesihle Shabalala lelitsi "Conversation with Men." 

Kutawube kunemicimbi yekuhalalisela liphoyisa lelisebentela emaphoyisa ase-Mbuzini, kumasipala waseNkomazi eMpumalanga, Johane Mankane Ngomane phume sibili ngalesikhatsi kuklonyeliswa emaphoyisa kuvelonkhe emcimbini bewubanjelwe e-Bloemfontein e-Free State. Sikhulumisana naye lowa-Mshika kutewuva kutsi uphumelele njani.

Lesinye sati setemtsetfo etindzabeni tebantfwana siphakamise kutsi sibhedlela i-Charlotte Maxeke eJozi, asiye enkantolo lephakeme kuyocela imvumo yekwelapha umfana loneminyaka leli-15 budzala. Lesiphakamiso sita ngemuva kwekutsi umndeni walomfana wale kutsi afakelwe ingati ngenca yenkholo yawo. Loku kuletsa umbuto mayelana nekunikelwa kanye nekufakwa kwengati emuntfwini uma abukene nesimo lesimant...

 Umkhandlu wetekuvikeleka kuMhlabuhlangene (United Nations Security Council) wemukele sishukumiso lesilsaluhlaka lesisola i-Iran ngekuhlasela emave lasesigodzini sase-Gulf. Kukhuluma kabanti ngalendzaba sicocisana nemhlatiyi wemave emhlaba Umnumzane Thulisa Ndlela.

Umholi we-EFF kulesifundza seMpumalanga Collen Sedibe utsi sebafake sikhalo kuNdvunankulu Mandla Ndlovu mayelana netinsolo tekucokwa ngalokungekho emtsetfweni kwalabayofundzela kuba ngemaphoyisa emgwaco.

Naketfula inkulumo yebunjalo besifundza, ekucaleni kwalenyanga, Ndvunankulu Mandla Ndlovu utsite kusukunyiswe imiklamo leminyenti kulesifundza njengendlela yekuhlangabetana nalenkinga yemanti lebhokele lesifundza.. Lemiklamo ifaka ekhatsi i-Loskop Bulk Water Scheme, Gabosch Dam, Mkhuhlu Wasterwater Treatment Works kubalwa lembalwa. Kukhuluma ngaloludzaba simeme Inhloko lebukele tekusebenta etikwen...

Sihlalo wemtimba lowengamele tikolo kulelive umnumzane Elphas Maseko usihlabile lesehlakalo salothishela lotfwebule lomunye umfundzi lobekangenayo imali yekutsenga i pie nesinatfo, ngalesikhatsi lesikolo sinemkhankaso wekucokelela imali (fundraising) kulesinye setikolo taseMpumalanga Kapa.

Bafundzi basesikolweni semabanga laphakeme iSiyifunile Secondary School, eDullstroom kulesifundza seMpumalanga, sebatawuhambisana netikhatsi kutebucwepheshe nakusayensi, njengobe banikelelwe nge-lab yesimanjemanje lebita R1 million. Nonkululeko Shongwe uyasibikela.

Umndeni wemlindzi wetinyamatane esiciwi setinyamatane iKruger National Park, Checkers Mashego, wase-Mdlankomo dvutane naKabokweni, kulesifundza seMpumalanga, ufuna timphendvulo kulesiciwi ngekunyamalala kwakhe eminyakeni lesihlanu lengcile.

Simeme lomunye webaholi beANC Umnumzane Jeff Radebe kutobhonsela emsanweni ngekwendlula emhlabeni kwemholi we-COPE Mosiuoa Lekota.

Umphatsiswa welitiko letimali kulesifundza seMpumalanga, Bonakele Majuba, utsi senyukile sibalo sebantfu labacashiwe kulesifundza ekoteni yesine yemnyaka. Loku kwente lesifundza saba sesibili ekwakhiweni kwematfuba emisebenti kulelive. Palesa Sotomela uyasibikela

Tifundziswa letidzabuka emaveni ase-Africa tihlanganise tinhloko engcungcutseleni, i-Africa Young Graduates and Scholars Conference, lebanjelwe eUniversity of Mpumalanga, kutobonisana ngekusungulwa kwetintfo letinsha kusetjentiswa i-technology. Lenkomfa yemalanga lamabili ihlelwe ngulomkhandlu wetekucwaninga, i-Human Sciences Research Council ngaphansi kwesicubulo lesitsi " Driving Sustainable Dev...

Likomishana lelitimele lelukhetfo iIEC, litsi ngetulu kwekutsi kwandza kwetinhlangano tepolitiki letifuna kungenela lukhetfo lwabohulumende basemakhaya, kepha kuyakhatsata kutsi loku kutawenta liphepha lekuvotela (ballot paper) libe lidze kakhulu. Kusicacisela ngalendzaba, simeme lokhulumela iIEC eMpumalanga, Thanduxolo Chembeni.

Sikhungo lesicaphele kuphatfwa nekusebenta kwemincele yakulelive i-Border Management Authority (BMA), siyicoshe tisebenti tayso letingetulu kwema-50 ngetinsolo tekukhwabanisa nenkohlakalo. Sikhulumisanae nesikhulu se-BMA, General David Chilembe.