Ligwalagwala FM Current Affairs

Umlingisi wakuleli lohlonishwa magumbi lamane emhlaba, Sello Maake Ka Ncube wetfule inhlangano lengasebenteli inzuzo lehlose kufundzisa nekucijisa emakhono etebuciko. Sicocisana naye Sello Maake ka Ncube.  

Imibutfo yetinyonyana tetisebenti letingephansi kweNEDLAC betibambe umhlangano wekubonisana ngemachinga ekulwa nalesimo semnotfo lesidvonsisa matima tisebenti takulelive. Simeme lokhulumela lenye yaletinyonyana iCOSATU, Gugu Sabela.

Litiko letemisebenti yesive, temigwaco netekutfutsa eMpumalanga selikucinisekisile kutsi likolisho letemfundvo laphambilini i-Elijah Mango College of Education seyitawusebenta njengelikolishi lekuceceshela imisebenti yetandla i-TVET College. Lokhulumela lelitiko, Bongani Dlamini.

Make Mary Machokoane lolilunga lesigungu besilwela kutsi lelikolishi l-Elijah Mango lisetjentiswa kabusha, utsi bafisa kutsi nawuphela umnyaka wa-2027 lelikolishi libe selisebenta ngalokugcwele njenge TVET..

Litiko letemphilo eMpumalanga selibite imiphakatsi kutsi ahlanganyele emitamweni yekucedza sifo sesifuba iTB. Tinhlelo tekuhlola sifo sesifuba tiyatfolakala emitfolamphilo yakulesifundza njengencenye yekubungata lilanga leTB emhlabeni.  Nonkululeko Shongwe uyasibikela.

Namuhla sishayamtsetfo sakulesifundza se-Mpumalanga siyobe siyogocota loluhlelo lwekutsatfwa kwesishayamtsetfo siyiswe ebantfwini i-"Taking the Legislature to the People (TLP). Loluhlelo lucale ngemvulo kantsi lubanjelwa eMayflower kumasipala we-Chief Albert Luthuli. Kuva kutsi luhambe njani loluhlelo sikhulumisana nelisekela lasomlomowesishaya, Sam Masango.

Sihlalo welikomishana lelibuke kusebentisana kwesive, iPublic Service Commission, Njingalwati Somadoda Fikeni utsi sebawavakashele onkhe eMakhosi akulelive ngenhloso yekucela kusebentisana kuze kusitakale imimango lengaphasi kwebukhosi. Kukhuluma kabanti ngaloludzaba simeme yena sihlalo walelikomishana le-Public Service Commission (PSC) Njingalwati Somadoda Fikeni.

Inkantolo yamantji e Mbombela kulesifundza se Mpumalanga imnikete ibheyili yetinkulungwane letingema-20 temarandi umsolwa loneminyaka lengma- 47 budzala, lekusolwa kutsi wabulala bantfu lababili labahlomula imali ye RAF. Nonkululeko Shongwe uyasibikela.

Kulindzeleke icale ngoLesinee inkomfa yekukhetsa buholi behlangano yeANC kulesifundza seMpumalanga enkundleni yetemidlalo iMbombela. Motsebi Monareng uyasibikela.

Sekunekukhatsateka emiphakatsini ngekutsi kubonakala kutipha emandla kusetjentiswa kwemantfombatana lafundza sikolo ekushushumbiseni tidzakamiva etikolweni. Inkapani yabonogadza  yase-Thekwini itsi  sekumahlandla ifonelwa batali labakhala ngekutsi bantfwababo bemantfombatana   basetjeniswa bantfu tsite kutsengisa tidzakamiva. Sicocisane  nesati setebugebengu, Dr Mxolisi Mathebu...

 Liviki lamhlaka 22 kuya ku 28 March lonyaka liviki lekufundzisa ngekubaluleka kwendzima ledlalwa bodokotela bemehlo emhlabeni wonkhe kantsi latiwa ngekutsi yi-World Optometry Week. Kukhuluma ngalendzaba nadokotela wemehlo etikweni letemphilo eMpumalanga, Felicia Mabila.

 Umtimba lolawula kusebenta kwemitsi yekwelapha kulelive i-SA Health Products Regulatory Authority (SAHPRA) sewuyale kutsi kujikiswe umutsi lobitwa nge-Citro Soda lekusolwa kutsi inetitsako letingabeka engcupheni imphilo yebatsengi bakulelive. Kusichazela kabanti ngalendzaba sichumana nemphatsi weligumbi lelilawulako kuSAHPRA, Mokgadi Fafudi.

Sihlalo wenhlangano yemphakatsi wasemakhazeni, i-South African Society Development Agency, Lindokuhle Madonsela, utsi bafuna masipala acinisekise kucasheka kwebantfu bakulomasipala etimayini talendzawo.

Namuhla yiWorld TB Day. Inhlangano yetemphilo emhlabeni i-World Health Organisation, itsi ngemnyaka wa 2024 lesifo sesifuba sangena bantfu labalinganiselwa ngetulu kwetigidzi letilishumi, kwashona labangetulu kwesigidzi. Kulomnyaka litiko letemphilo kulelive litsi lelilanga libungatwa ngephansi kwesicubulo lesitsi  "Yes We Can End TB"!!!  Simeme Thoko Tsela lophuma egunjini lelelapha yon...

Namuhla lilanga lesifo sesifuba emhlabeni i-World TB Day. Sicocisana nalowasindza kuTB, Thembi Nkomo losayi Mpumalanga TB Ambassador.

Namuhla lingene elangeni lesibili loluhlelo  lwahulumende waseMpumalanga lekutsatsa sishayamtsetfo siyiswe ebantfwini i-"Taking the Legislature to the People (TLP)." Lesishayamtsetfo saseMpumalanga simikiswe kumasipala we-Chief Albert Luthuli, e-Gert Sibande.  Kuva kabanti ngaloluhlelo asemukele lisekela lasomlomo wesishayamtsetfo, Sam Masango. 

Mabhalane we-ANC kulesifundza seMpumalanga Muzi Chirwa utsi sebakulungele kubamba inkomfa yesifundza yalenhlangano lekulindzeleke icale ngasekupheleni kwaleliviki.

Imindeni yalabantf labatsatfu lebagcibedzeleke emayini iLily Mine eLouws Creek, dvutane naseBarberton, kulesifundza seMpumalanga, ivakalise kudvumala ngekuhluleka kwahulumende kutsatsa tinyatselo tekubakhipha kulomgodzi.

Lilunga le Democratic Alliance, Karabo Khakhau umemetele kutsi uyahoca ekugaceleni sikhundla sekuba liphini lasihlalo wemkhandlu losetulu ku DA. Kulesitatimende sakhe Khakhau uvete kutsi loku kungenca yekwehluleka kwakhe kukhokhela imali lebhadalwa ngemalunga njalo ngenyanga kulenhlangano. Simeme umhlatiyi wetepolitiki, Prof Bheki Mngomezulu kutobuka naye lendzaba.

Inhlangano lebitwa ngeButterfly Momentsa itsi ikhutsata kuhlangana nekubumbana kwabafati kuze kube nenchubekela embili emphilweni yabo. Lenhlangano isukumise umkhankaso wayo lewubita nge-Putple Campagn njengendlela yekugcugcutela kubambisana nekusebentisana kwebafati. SImeme umsunguli we-Butterfly Momentss Mpumi Ngomane.

Bantfu labanyenti batsi imphilo icala nasewuhlanganise iminyaka lengema-40. Bosolwati batsi  labo lebaneminyaka lengema-40 kuya etulu babonakala bamatasatasa ngekukhulisa bantfwana nalokunye, lokwenta babonakale kwangatsi bete sikhatsi sekuhlangana nebangani. Yini lefaka sandla kutsi lobo bungani bubonakale bushabalala. Kukhuluma ngaloludzaba Simeme Dokotela Zandile Shabangu longusolwati wete...

Kulindzeleke kutsi ubanjelwe ehholweni yemphakatsi iMaviljan lomcimbi wemalungelo eluntfu kumasipala waseBushbuckridge kulesifundza se-Mpumalanga, Lolusuku luyawube lugutjwa ngaphasi kwesicubulo lesitsi, "The Bill of Rights at 30- Making Human Dignity Real.". Sicocisana namphatsi welikhomishana lemalungelo eluntfu eMpumalanga, Magareth Salila.

Njengendlela yekubungata lilanga lemalungelo eluntfu namuhla, inhlangano iMashakhane ihlele lidzili lebantfwana linyenti labo lekubo ndzingas'tsebeni. I Masakhane ihlanganise ndzawonye bantfwana lebachamuka etindzaweni letahlukahlukene ngenhloso yekubakhipha ekwenteni imikhuba lemibi. Kepha lotasichazela kabanti ngalendzaba nguMnumzane Enos Matukane longulomunye webaholi balenhlangano...

Esigabeni setfu semabhuku sicocisana naVusimuzi Abel Nkosi lobhale libhuku lelinesihloko lesitsi, 'Ngitekele, Ngikutekele.'

Hulumende  utsi kunemitsetfo nemigomo lebekiwe lehlose kulwa neludlame lolwenteka etikolweni. Loku kulandzela kukhala kwesive ngekwandza kwetehlakalo tebubheva neludlame etikolweni. Lesinye saletehlakalo sitsintsa bafundzi baseCyril Clarke eMattafin, eMbombela kulesifundza seMpumalanga lekubikwe kutsi bebalwa ngemacembu kwagcine kulimele labanye labambalwa. Kukhuluma kabanti ngalendzaba simem...