Ligwalagwala FM Current Affairs

Umyalo wekuvikela pheceleti i-protection order, ngulenye yetinsita temtsetfo letihlose kuvikela bantfu labahlukunyetwako kuleli noma labangenamandla ekumelana netibheva. Nanobe kunjalo, kubonakala kwandza kukhatsateka kulabasikati labatisulu teludlame lwebulili kutsi i-protection order kulesinye sikhatsi ayibavikeli kubalingani babo ngobe bahlukunyetwa ngisho baliphetse leliphepha lasenkantolo. Si...

Emaphoyisa  atsi kubalulekile kutsi bantfu babike masinyane nangabe basola kutsi kunemuntfu wabo lolahlekile. Lokhulumela emaphoyisa esifundza seMpumalanga,  Khenela Mavela Masondo utsi ayikho lentfo yekutsi kufanele ulindze ema-awa langu-24 ngembi kwekutsi ubike emaphoyiseni ngemuntfu lolahlekile. 

Namuhla sibuka libhuku lelibhalwe nguNokubonga Masilela lelinesihloko lesitsi "Faith Through Storm, the promise I made to my Father."  

Kungalingani kwebantfu kulelive leNingizimu Africa kuyachubeka nanoma sekuphele iminyaka leminyenti kwabekwa imigomo lekuhloswe ngayo kwehlisa leligebe lelikhoma emkhatsini walabadla lizambane lapondo nalabaphuyile. Umbiko we Oxfam South Africa mayelana nekungalingani kwebantfu kulelive, uveta kutsi bangu 1% kuphela bantfu labaphetse umnotfo longu 56% lomusha lowakhiwa kulelive kusukela ngo 2019....

Sekusele sikhatsi lecishe sibe yinyanga kutsi kubanjwe lukhetfo lwabohulumende basekhaya kulelive njengaloku lutawubanjwa mhla titine ku-Lweti. Tinyenti tinhlangano letitawubanga emawadi kubomasipala labahlukahlukene. Sicocisana nemholi we Build One SA (BOSA), Dr Mmusi Maimane.

Sekutfolakele sidvumbu sesibili semuntfu lomba igolide ngalokungekho emtsetfweni dvute ne N4 e Mashobote e Schoemanskloof kulesifundza se Mpumalanga. Umphatsiswa welitiko letekuphepha kwemphakatsi, kuvikeleka nekuchumana e Mpumalanga, Jackie Macie utsi sebacele kutsi batfunyelelwe emasotja kutobelekelela ekulweni nalenkinga.

Kubanjwe inkomfa lebonisana ngetindlela tekuvikela bantfwana etehlakalweni teludlame nekuhlukunyetwa e White River kulesifundza se Mpumalanga. Kutfola kabanti simeme indvuna yelitiko letekutfutfukisa tenhlalakahle,  Dina Pule.

Sikhungo lesibuke kusebenta kwemincele yakulelive iBorder Management Authority (BMA) sibambisene nelihhovisi lemtselisi i-SARS sebasungule indlela yetebucwepeshe letawusetjentiswa kucedza siminyeminye semaloli emnceleni wase-Lebombo. Sicocisane naJenene David Chilembe losikhulu saka-BMA

 Kulindzeleke kutsi likomishana la Madlanga liphindze licale kusebenta ngalokutayelekile mhla tiyimfica enyangeni yeLweti njengobe kutawube kuyiwa elukhetfweni lwabomasipala. Loku kuvetwe ngulelikomishana ngalesikhatsi sikhulu sematekisi sakulesifundza seMpumalanga Joe Sibanyoni asonga lesiwombe sekwetfula bufakazi kulelikomishana. Sibahle Motha and Zandile Nkosi bayabika

Sihlalo walelikomishana leliphenya ngeludlme lwetebulili kanye nekubulawa kwebafati, Thoko Mkhwanazi Xaluva, utsi batawucaphela kuhlanyelwa kwaletintfo letiphakanyiswe ngumengameli nakakhuluma nesive.  Mkhwanazi Xaluva uvete loku elangeni lesitsatfu lalomhlangano lobhunga ngalokwandza kwetehlakalo tebudlova bebulili kulelive. Thabiso Radebe and Vusi Shongwe bayabika

Lenhlangano lesakata ngemoya kuleli i SABC seyicalile  kuba naletinkulumo mphikiswano telukhetfo kwandvulela kubanjwa kwalolukhetfo  lolutako lwabohulumende basekhaya. Lomkhankaso walenhlangano lesakatela sive wetfulwe ngalokusemtsetfweni kumasipala waseThekwini esifundzeni sa Kwazulu Natal. Kepha kuva kabanti ngetinhlelo te SABC, tekusakata lolukhefto  asamukele umhleli wetindzaba...

Emaphoyisa akulesifundza seMpumalanga atsi senyukile sibalo semacala ebudlova lobubhekiiswe kubomake nasebantfwaneni kulesifundza. Sikhulumisana naKapteni Reuben Chabalala lophetse luphiko loluphenya emacala ebudlova batebulili, kuvikeleka kwebantfwana kanye netekugagadlela emaphoyiseni aseSecunda  

Kulindzeleke kwenyuke emafutsa etimoti kulenyanga letawusombuluka yeMphala. Siememe somnotfo lophuma ku Inkunzi Investment Group Lunga Mahlaba. 

Mengameli Cyril Ramaphosa umemetele emaphuzu lamane latawulandzelwa ekulweni neludlame lwetebulili nekubulawa kwebafati. Kuyibuka ngeliso lemhlatiyi lenkhulumo yemengameli, simeme solwati ngetebungebu Dkt Mxolisi Mathebula, lotsi akukho lokusho lokuvele kulenkhulumo yeMengameli. 

Likhomishana letekulingana ngebulili livakalise kukhatsateka ngekubambeleleka kwemacala ebudlova betebulili ngenca yekuphuta kubuya kwemibiko yheluhlolo lwe-DNA. Lelikhomishana libambe umhlangano wemalanga lasihlanu eJozi, lapho kuboniswana ngeludlame lwetebulili nekubulawa kwalabasikati. Sikhulumisana nalomelele likhomishana letebulili Thokozani Dladla.

Mengameli Cyril Ramaphosa umemetele emaphuzu lamane ekulwisana nalobudlova bebulili. Loku kuta ngemuva kwekubulawa kwabomake labalishumi nakubili etincenyeni letitsite tase-Ekurhuleni emphumalanga yeJozi. Ntebo Mokobo naVusi Shongwe basihlanganisele lombiko.

Sikhulu sasematekisi Joe "Ferrari" Sibanyoni uvakele sekacela umholi webufakazi kukhomiishana laMadlanga,  Advocate Matthew Chaskalson  kutsi angambuti lutfo  mayelana neludzaba lolusenkantolo yase Delmas. Utsite lelo licala lelimatima lelichubeka enkatolo  futsi imimingwane  leminyenti  langayiveta ngalemibuto ingahle imete itibhece ngelicala nasekavele enkantolo. Ku...

Inhlangano yalabatsengisa tjwala, iLiquor Tradors Association ivakalise kukhatsateka ngekudutrjulwa kubulawe bantfu labasuke bayotijabulisa emathaveni. Lokhulumela lenhlangano Lucky Ntimane

Namuhla kuchushiswa ngesifo senhlitiyo emhlabeni i World Heart Day.  Sicocisanana nemphatsi  weligumbi lelibukene netifo letingemahlalakhona etikweni letemphilo eMpumalanga, Sarah Gumede.

Lisekela lendvuna yelitiko letemanti kulelive David Mahlobo bekavakashele lesifundza seMpumalanga emalanga lamabili kutowemukela umbiko lomayelana nemiklamo leyahlukahlukene yemanti kulesifundza.. Sicocisane nalo lisekela lendvuna yalelitiko, David Mahlobo

 Likomishana lelibuke kulingana ngakwetebulili kulelive, litsi likhatsatekile ngalokusalela emuva kweluhlolofuto (DNA) lolutsintsa emacala ebudlova bebulili. Lelikomishana livete loku njengobe lisingatse umhlangano wemalanga lasihlanu lobuke budlova bebulili eJozi, libambisene nelikomishana lelibuke tindzaba temasiko, inkolo nelulwimi laka-CRL kanye nelikomishana lemalungelo eluntfu.  Th...

Likomishana laMadlanga litsi litawutsatsela tinyatselo temtsetfo lobekadze alisekela lenhloko yetebunhloli Genera Feroz Khan ngekuhluleka kuvela kulelikomishane. Simeme Andy Mashaile losati ngetebugebengu kutococisana naye ngaloludzaba.    

Bantfu bakulelive baniketwe kudzimatwe kube ngamhlaka 6 November kutsi baphawule kabanti ngekuchitjiyelwa kwemtsetfo-sivivinywa i-Employment Services Amendment Bill. Sicocisana nalokhulumela  iSAFT,   Newton Masuku.

Sikhungo lesibuke tekuvakasha kulesifundza iMpumalanga Tourism and Parks Agency (MTPA) besibambe umbukiso wetekuvakasha kulamalanga lamatsatfu lengcile. Lokhulumela iMTPA  Simphiwe Shungube uyachaza.

Kushone bantfu labali-17 kwalimala labanye lebali-15 esehlakalweni sekudubula lesenteke ethaveni yase-Wedela, eNshonalanga Randi ngemphelasontfo.  Emaphoyisa atfungatsana nebasolwa labasiphohlongo lekusolwa kutsi bahlome ngetibhamu. Nonhlanhla Ntshingila na-Zandile Nkosi basihlanganisele lombiko.