Ligwalagwala FM Current Affairs

Intsatseli yetfu Given Mahlalela  ikhulumisene nebashayeli betimoti ngalokwenyuka kwentsengo yemafutsa etimoti kanye nesiminyeminye lesesikhona emagalashi aphethiloli njengoba bashayeli betama kugcwalisa 

Bahlatiyi betindzaba temnotfo bavete kutsi lokwenyuka kwemafutsa etimoto kutawufaka incindzetelo kubatsengi bakulelive. I Phethiloliikhuphuka ngaR3,27cents, kantsi idizili yona yenyuka ngaR6,19 cents. .Simeme Umnumzane Jabu Mahlangu longumengameli weNational African Farmers Union kute sibuke nkutsi lokhukhuphuka kubamisa njani.

Siciwi setinyamatane i Kruger National Park sihlanganisa iminyaka lelikhulu kulenyanga. Kuhlelwe imicimbi lehlukahlukene yekubungata lokuhlaganisa iminyaka lelikhulu kwalesiciwi. Kepha kuva ngetinhlelo talesiciwi tekuhlanganisa leminyaka lelikhulu asamukele losikhulumelako, Raymond Thakhuli.  

Liikomiti lelibukele temisebenti yesive nekuphatfwa kwayo e phalamende livakalise kukhatsateka ngembiko lotsi kusetjentiswa imali lelinganiselwa ku 800 million wemaRandi njalo ngemnyaka kubhadala tisebenti tembuso letimisiwe emsebentini. Kukhuluma ngalendzaba simeme Inhloko yelikhomishana letemisebenti yesive (Public Service Commission), Prof Somadoda Fikeni........  

Masipala waseNkomasi udende bologadza bebasebenta kugadza imphahla letsite yamasipala. Umphatsi wamasipala (Municipal manager) Oscar Nkosi utsi lokudzilitwa kwabologadza kubangwe simo lesimatima setetimali lesibukene nalomasipala. 

Mengameli waseveni laseNigeria sewumemetele kutsi utawukhipha tindiza letitolandza bonke bantfu baseNigeria labakulelive, labafisa kubuyela emuva ekhaya. Loku kusolwa kusi kungenca yalemibhikisho yakamuva lebanjwa kulelive yekukhonondza ngekugcwala kwebantfu bekufika kuleli. Simeme sihlalo weAfrican Diaspora Forum, Dr. Vusimuzi Sibanda.

iCOSATU itsi kumele kube nalokwentiwako kuvikela tisesebenti kanye nemnontfo walelive kulandzela simemetelo sekukhushulwa kwemafutsa etimoti. Hulumende umemetele kutsi intsengo ya phethiloli itawukhuphuka  ngaR3.27, kutsi yedizili ikhuphuke ngaR6.19 ilitha. Lokhulumela  i-Cosatu, Zanele Sabela.

Indvuna yetemphilo Dr Aaron Motsoaledi, utsi lokukhatsateka lokuvetwe bantfu bakuleli  mayelena naleligciwane Hantavirus kuyavisiseka nawubuka kutsi umhlaba wonkhe uke wahlaselwa yi Covid 19. Loku kulandzela lokushona kwebantfu labatsatfu lebebahamba ngemkhumbi, kantsi kubikwa kutsi labatsatfu kwembula kuyembeswa kubo. Lesinye sigulane saseNgilandi sitfola kwelashwa esibhedlela lesitimele eKe...

Inhlangano lecwaninga ngetemajaji kuleli i Judges Matter itsi iyasemukela sincumo seengameli Cyril Ramaphosa sekucoka Advocate Tembeka Ngcukaitobi njengelibamba lelijaji enkantolo yemtsetfo-sisekelo. Sicocisana naMbekezeli Benjani lophuma kuJudges Matter.

Live laseChina liomemetele kutsi litawungenisa mahhala imikhicito yemave langetulu kwema-30 aseAfrica sikhatsi lesingumnyaka. Kepha ligve laseSwesatini lishiyelwe ngephandle kulesibonelelo ngoba lisolwa ngebudlelwane balo neTaiwan. Kubuka  kabanti loludzaba simeme sati ngetembotfo, Umnumzane Makwe Masilela.

Likhomishana laMadlanga leliphenya inkhohlakalo kubaphatsi bemaphoyisa nakutebulungiswa lihlanganisa iminyaka leli-100 namuhla. Simeme sati ngetebugebengu Dr Mxolisi Mathebula.

Ikomiti yetekuvuselelwa kwesimilo ephalamende beyivakashele emajele akulesifundza i- Mpumalanga kutewubuka simo lekugcinwe lekuphila ngaphansi kwabo tiboshwa. Lekomiti iphotfule luhambo lwayo ngekuhambela lijele lase-Witbank. Kuva kutsi yini labakutfolile asamukela sihlalo walekomiti, Kgomotso Ramoboleng.

Inyonyana yetisebenti tenhlangano yeANC lebitwa ngeMaanda Ashu Workers Union of South Africa (MAWUSA) seyivakalise kukhatsateka ngekutsi emalunga solo akaholi kusukela ngenyanga yeLweti emnyakeni lophelile. Kuyikhuluma lendzaba, simeme umhlelembisi weMAWUSA umnumzane Cedrick Chauke.

Sesitselekile sitimela setemphilo i Phelophepha edolobheni e Mbombela kutawuniketa lusito letemphilo ebantfwini. Lesitimela sitawuhlala kudzimate kube ngumhlaka 8 ku May. Kuva kabanti ngetinsita tetempilo letiyobe titfolakala kulesitimela simeme umhlelembisi wetemphilo kulesitimela sePhilophepha, Umnumzane Sithembiso Shabangu.

Indvuna yemfundvo lesisekelo Siviwe Gwarube sewukucinisekile kutsi hulumende usehlelweni lekugucula indlela lekufundziswa ngayo sifundvo semlandvo etikolweni takulelive kuze ihambisane netimfuno temphakatsi. Kukhuluma kabanti ngalendzaba asemukele Professor Sekibakiba Peter Lekgoathi lonelwati lolujilile ngesifundvo semlandvo kantsi uphindze abeyincenye yaluluhlelo lekuva luvo lwebantfu ngalesipha...

Emapghoyisa atsi kutawentiwa luhlolofuto (DNA) kwetama kutfola kabanti ngaleticucu temtimba wemuntfu letitfolakele esiswini sengwenya emfuleni iKomati River ngaseKomatipoort kulesifundza iMpumalanga. Emaphoyisa esifundza asola kwekutsi kungenteka talomabhizinisi waseGauteng lonyamalele ngesikhatsi etama kuwela ngemoti ebhulohweni lebembonywe ngulomfula bawugola tintsetse iKomati River ngeMsombuluk...

Bantfu labanyenti kulindzeleke babuyele emuva emakhaya namuhla njengoba iyaphela lemphelasontfo lendze lekungahle kwenyuse sibalo setimoti emgwacweni. Lokhulumela litiko letekuphepha kwemphakatsi kuvikeleka nekuchumana eMpumalanga Moeti Mmusi utsi emaphoyisa emgwaco atgawube aphume ngetinkhani kutocinisekise kuphepha kwebasebentisi bemgwaco.  

Kulindzeleke afihlwe kusasa Senziwe Hatty Maliba lodvume ngelaNkosatane Nziwe, loyimbongi ledvumile yaseBhevula kumasipala weNkomazi. Ngo 2024 , nguye Maliba lowangenisa mengameli Cyril Ramaphosa nakatowetfulwa inkhulumo yebunjalo belive. Kutfola kabanti ngempilo yakhe, sikhulumisana na Shirley Mawelela, lobuke temasiko nebuciko kumasipala wase Nkomazi.

I-Legal Aid Board iniketa lusito letemtsetfo mahhala kulabo labanganamandla ekukhokhela tindleko tebameli. Nanobe kunjalo, kunemibandzela lebekiwe lekumele ibukwe ngembi kwekutsi utfole lusito kulesikhungo. Simeme Mbuso Lubambo, lophuma kulo lihhovisi leLegal Aiod Board eMpumalanga, kutosichazela kabangi ngekusebenta kwalebhodi.

Namuhla sibuka libhuku lelinesihloko lesitsi "An Oppportunity in a Crisis" lelibhalwe ngulomunye webabhali lebavela eveni leSwatini Ps Khabo Dlamini,

Inyonyana yetisebenti iCosatu kulesifundza seMpumalanga kulindzeleke kutsi ibambe umbutssno wayo wekugubha lilanga letisebenti enkundleni yetemdlalo Kabokweni namuhla. Kutfola kabanti ngalombutsano simeme mabhalane walenyonyana kulesifundza, Umnumzane David Mokoena.

Mengameli Cyril Ramaphosa utsi bonkhe bomaspala bakulelive babukene nenkinga yekuphakela emanti. Ramaphosa abekhuluma emhlanganweni wemkhandlu iPresidential Co-ordinating Council eBoksburg. Simeme ilisekela indvuna yelitiko letemanti nekuhlanteka David Mahlobo kutokhuluma ngaloludzaba.

Njengoba sisonga inyanga yenkhululeko namuhla, sikhulumisana nemhlatiyi wetepolitiki BUkani Mngoma.

Simeme lokhulumela litiko letekuphepha kwemphakatsi, kuvikeleka nekuchumana eMpumalanga Moeti Mmusi kutewuva kutsi emalungiselelo abo angalemphelasontfo lendze.

Mengameli Cyril Ramaphosa sewumemetele kutsi lukhetfo lwabohulumende basemakhaya lutabanjwa mhla ka-4 kuLweti. Sicocisana nalokhulumela iIEC kulesifundza se Mpumalanga Umnumzane Thanduxolo Chembeni .