Ligwalagwala FM Current Affairs

Sikhungo se-Mpumalanga Tourism and Parks Agency (MTPA) simema bantfu kutsi baake ticelo tekusekelwa ngetilwane tasendle lelatiwa nge-Wildlife Economy Program. Kepha  lotasitjela kabanti ngaloluhlelo ngu-Nomcebo Kunene lokangumphatsi wetekongiwa kwemvelo kaMTPA.

Litiko letempilo eGauteng lecwayisa bantfu kutsi bayekele kusebentisa lemijovo lengakahlolwa nalengekho emtsetfweni lesetjentiswa bomake kutilungisa umtimba kuze babukeke kancono kantsi bobabe kutsiwa bayisebentisa njengetikhutsati nabaya emacansini. Lesecwayiso sita ngemuva kwetigameko timbili letenteke eEkurhuleni, leticishe tandlula nebantfu lababili. Simeme lokhulumela litiko letemphilo eGaute...

I South African Youth Chamber of Commerce itsi kunyenti lekusafanele kwentiwe kuvulela lusha ematfuba emsebenti. Letiphimiselo tilandzela kukhululwa kwetibalo tebantfu labangasebenti letikhombisa kwenyuka kulekota yekucala yalomnyaka. Mengameli weSouth African Youth Chamber of Commerce, Umnumzane Thapelo Maleka.

Inkantolo yaseMgungundlovu uncume kutsi lichubeke nekutekwa licala laloyi abengumengameli Jacob Zuma kanye neThales ngetulu kwekutsi kusanetikhalo letifakiwe. Kuletinye letentekile, mengameli Cyril Ramaphosa ucoshe indvuna yetekutfutfukisa tenhlalo Sisisi Tolashe. Sikhulumisana nemhlatiyi wetindzaba tembangave Prof Bheki Mngomezulu.... 

Litiko letekuhlunyeleliswa kwesimilo livakalise kukhatsateka ngekuchubeka kwemkhuba wemacembu  emaGenge emajele. Simeme lisekela lendvuna yelitiko lekuhlunyeleliswa kwesimilo Lindiwe Ntjalintjali kutokhuluma naye ngalendzaba.

Tinhlangano tepolitiki ephalamende tiniketwe kudzimate kube sevikini lelitako ngaLesihlanu  kwekutsi tiphakamisa emagama alabo labatatimela kulelikomiti lelitawubuka lendzaba yekutsatsela tinyatselo mengameli Cryil Ramaphosa ngembiko wase-Phala Phala. Nanobe kunjalo, inyonyana yetisebenti iCOSATU, itsi ikhatsatekile ngendlela tinhlangano tabelwe ngayo tihlalo kulelikomitii. Lokhulumela i-COSA...

Mengameli Cyril Ramaphosa ucoke emajaji lamasha lali-12 kutewuvala tikhala etinkantolo  takuleli kantsi loku kufaka ekhatsi nekukhetfwa kwaJaji Aubrey Ledwaba njengemengameli wemajaji e-Gauteng. Kuyibuka lendzaba, sichumana nesati setemtsetfo, Abigail Ngobene lovela ka-AG Ngobene Incorporated.  

Namuhla sikhulumisana nenhlangano yebameli i-Legal Practitioners Fidelity Fund (LPFF) mayelana nemehluko emkhatsini weTrust Accounts neTrust Fund. Simthandile Myemane umelele iLPFF.

Litiko letemisebenti yesive, imigwaco netekutfutsa eMpumalanga liyatiphendvulela kuletinsolo letitsi liyehluleka kucasha bantfu labakhubatekile ku-EPWP. Sicele umphatsi lobuke kusebenta kwaloluhlelo  lweEPWP kulelitiko, Mongikazi Malemela.

Inhlangano yeDA kulesifundza se Mpumalanga itsi ikhatsatekile ngekwehluleka kwelitiko letemisebenti yesive kucasha kuletikhala temsebenti betibekelwe bantfu lebakhubatekile ngobe bahola imali yesibonelelo sahulumende. uyiva kancono lendzaba simeme lilunga leDA kusishayamtsetfo sesifundza, Trudy Grover

Betiphishekile tinkantolol takulelive namuhla njengoba Nkomishana wemaphoyisa losamiswe kwesikhashana emsebentini Fannie Masemola, Vusi Cat Matlala kanye nalabanye basolwa bebabovele phambi kwamantji. Kucoca kabanti ngalendzaba, sichumana nesati ngetebugebengu, Dkt Mxolisi Mathebula. 

Lenye yetinkapani tamakhalekhikhini kulelive leningizimu Africa ivete kutsi iyachubeka naluhlelo lekusebentisa i-Data etinhlelweni tekuchumana. Ingabe bantfu baseNingizimi Africa bakulungele kuchumana nge-data njengoba ngaphambilini kuke kwakhalwa ngekubita kakhulu kwayo i-data. Kuva kabanti nge-Data Communication sikhulumisana  naSabelo Zimu loyi-Data Protection, Artificial Inteligence and I...

Kulomnyaka kuhlangana iminyaka lengema-30 kwemukelwa ngalokusemtsetfweni umtsetfosisekelo walapha e-Ningizimu Africa. Ngaleyondlela ligumbi letindzaba ka-SABC litawetfulela ticeshana letitawube tibuka futsi tikhuluma ngawo lomtsetfosisekelo walelive.  Namuhla kuloluchungechunge lwetinhlelo lesitawube sikwetfulela tona siligumbi letindzaba kaSABC, simeme lomunye lobekayincenye yekudvwetjwa kwe...

Inhlangano yatisebenti tetemphilo i-South African Medical Association (SAMA) itsi lelive lisengakakulungeli kwetfula umshwalense wentempihlo, i-National Health Insurance (NHI) nawutawuyekelwa ngalendlela lobhaleke ngayo. Sikhulumisana nasihlalo weSAMA Mvuyisi Mzukwa.

 Sikhungo lesibuke tekuvakasha netemapaki eMpumalanga, i-Mpumalanga Tourism and Parks Agency (MTPA), iyincenye yetikhungo netinhlangano letihambele umbutsnao wetekuvakasha i-Africa Travel Indab, eThekwini esifundzeni saKwaZulu Natal. Sibite lokhulumela i-MTPA, Simphiwe Shungube.

Tibalo takamva letikhishwe lihhovisi letibalo, i-Stats SA,  tikhombisa kutsi tibalo tebantfu labangasebenti kulelive tenyuke nga 1,3-percent tisuka ku 31,4%  kukota  yesine yemnyaka lophelile, tatofika ku32,7% kulekota yekucala yalomnyaka wa  2026.  Kuyibuka lendzaba asamukele sati ngetindzaba tebasebenti, Umnumzane Bukani Mngoma.

Mengameli wele-N/A Cyril Ramaphosa uvule ngalokusemtsetfweni umhlangano we-Africa Travel Indaba lobanjelwe e-Durban. Kulomhlangano, bekunabosomabhizinisi labehlukahlukene bakhangisa ngemisebenti yabo. Sifundza sase-Mpumalanga sona besimelwe tikhungo letifaka ekhatsi i-MRTT,  lebukene nekufundzisa bantfu kupheka kanye nekulalisa tivakashi. Sikhulumisane nelilunga lebhodi yeMRTT, Bethuel Nxumal...

Mengameli Cryil Ramaphosa, utsi angeke ehle esikhundleni sekuba ngumengameli welive ngetulu kwekutsi kube nalababita kutsi abeke phansi tintsambo kulandzelka sijubo senkantolo yemtsetfosisekelo lesitsintsa umbiko wase-Phala Phala. Itolo ebusuku, Mengameli Ramaphosa utjele sive kutsi lombiko utawendlulisela ekutseni uyocutjungulwa yinkantolo yemtsetfo.  Ingabe kusho kutsini loku ngetemtsetfo?...

Kube netehlekalo tekulwa kwebafundzi kuletinye tikolwa takulesifundza se Mpumalanga. Lokhulumela emaphoyisa kulesifundza Jabu Ndubane.

Indvuna yelitiko letekulima John Steenhuisen, uvakalise kwenetiseka ngendlela lokuchubeka ngayo luhlelo lwekugomela sifo sematele. Mthobisi Mkhaliphi uyasibikela

Mengameli Cyril Ramaphosa uvakalise kutsi ufuna kubuyeketwe lombilo lokhuluma ngendzaba yase-Phala Phala. Utsi angeke esule esikhundleni. Kukhuluma  ngalendzaba simeme umhlatiyi wetepolitiki lotimele Umnumzane Thami Malinga

 I Earth Life Africa yetfule sikhungo sesibili semphakatsi lesihlose kugcugcutela kukhicita emandla langangcolisi umoya. Lesikhungo sitfulwe esabelweni i-Malale, eVenda esifundzeni se-Limpopo. Lomcimbi bewuhanjelwe bantfu labahlala etindzaweni letibukana nekungcoliswa kwemoya lokubangwa yi Musina-Makhado Special Economic Zone, kanye nebaholi bendzabuko. . Kuyibuka kabanti lendzaba asemukele T...

Litiko letemanti nekuhlanteka selibite bonkhe bantfu labasebentisa emanti kunisela emasimini lamakhulu noma kwenta ibhizinizi kutsi babhalise kulelitiko kungakapheli tinyanga letintsatfu. Kukhuluma kabanti ngalendzaba sichumana nelisekela lendvuna yalelitiko Umnumzane David Mahlobo 

Khenela Francois Steyn, losikhulu semaHawks eWest Rand eGauteng utjele likomishane laMadlanga kutsi lamacembu etigebengu lantrjontja tidzakamiva emahhovisi alesikhungo bewangeke akhone kukwenta loku kube bebangasebentisani netikhulu temaphoyisa. Simemesati ngetebugebengu,  Dr Mxolisi Mathebula.

Sifundza se Mpumalanga, siyinceye yaleto letichazwe njengaletibukene nehlekelele ngenca yalesimo lesibi selitulu lesihlasele kulamalanga. Kepha kuva kutsi ingabe loku kusho kutsini sikhulumisana nephatsiswa welitiko letekubusa ngekubambisana, kuhlaliswa kwebanftu kanye netindzaba tebaholi bendzabuko kulesifundza se Mpumalanga, Speedy Mashilo.