Ligwalagwala FM Current Affairs

I-Democratic Alliance (DA) seyivakalise kukhatsateka ngekwandza kwetehlakalo tekugagadlelwa kwebantfwana letibikwe kumasipala wase-Gert Sibande kulesifundza seMpumalanga. Kukhuluma ngalendzaba sichumana nalokhulumela i-DA ehlangotsini labomake, bantfwana nebantfu labakhubatekile, Angel Khanyile

Esigabeni setfu semabhuku, namuhla sibuka libhuku lelinesihloko lesitsi  UTHONGATHI : IZWE LIKASHUKELA lelibhalwe ngu Lungi Mtetwa .

Tinhlangano temphakatsi letibeka imali yato eposini titsi nyalo tindvonsa matima nakumele tikhiphe letimali tato letilondvolotwa eposini. Kuva kabanti ngalendzaba sikhulumisana naMaureen Mokone lovela kulenye yaletihlangano temphakatsi e-Mahushu kulesifundza seMpumalanga kanye neMnumzane Thami Cele lophuma kuPost Bank.

Umtimba lobuke kusebenta kwetinkapani i-Companies Tribunal itsi kusukela kwetfulwa luhlelo lolusha lekusebenta le-Case Management Sytem, sekulula kakhulu kutsi labo labafaka tikhalo bakhone kulandzelela umsebenti wabo. Lomtimba utsi kubalulekile kutsi tinkapani tisebentise tinhlelo tabo ngobe atikhokhelwa kunekugijimela etinkantolo uma banetinkinga etinkapanini tabo. Simeme Dr Simukele Khoza, loph...

Siciwi setinyamatane i-Kruger National Park ihlanganisa iminyaka lelikhulu kulemphelasontfo. Simeme  lokhulumela lesiciwi Umnumzane Ray Thakuli..

Inhlangano yemakomanisi i SACP ihlele kuhola inkomfa yetinhlangano letihambisana nenchubo yebukomanisi. Lenkomfa kulindzeleke ibhunge kabanti ngetingcinamba letibukene nebantfu labadla imbuya ngelutsi kanye netisebenti. Kodvwa kutfola kabanti ngalenkomfa sichumana nalokhulumela i SACP  Mbulelo Mandlana..  

Indvuna lebukele tindzaba tabomake, lusha kanye nalabakhubatekile ehhovisi lemengameli, Sindisiwe Chikunga wetfule ngalokusemtsetfweni umgubho weminyaka lengema-70 yekukhumbusa imashi yabomake yanga-1956. Simcelile Ndvuna Chikunga kutsi atosichazela ngalokwetfulwa ngalokusemtsetfweni kwalomgubho wekukhumbula lemashi..  

Bahleli besifundza benhlangano i-March and March batsi lenhlangano itawube ibambe umbhikisho edolobheni iMbombela wekucosha bantfu lebasola ngekutsi bete emaphepha labagunyata kuba kulelive. ikhulumisana nemhlelembisi wayo kulesifundza Umnumzane Beacon Maluka.

Inhlangano letimele legcugcutela bantfu kutsi bagembule ngekucikelela i South African Responsible Gambling Foundation (SARGF) beyibambe umhlangano neMethodist Church of South Africa kutewukhulumisana ngetintfo letifaka ekhatsi, umtselela lobangwa kugembula kuloyo logembulako, emndenini wakhe kanye nasemphakatsini, nekutsi nguyiphi indzima lengadlalwa ngumkhakha wetenkolo ekulweni nalenkinga. Sikhu...

Umkhandlu wetifundza ephalamende iNational Council of Provincec (NCOP) wetfule luphakelo timali lwawo lwemnyaka-timali wa 2026/27. Kuva kutsi leliphalamende lihlele kuyisebentisa njani lemali lelabelwe yona, sicele sihlalo weNCOP, Refilwe Mtshweni-Tsipane..

Likomiti lemgomo wetetimali ngephansi kwesilulu semabhange lincume kukhuphula intalo yemalimboleko nga-25-basis point.  Lelibhange litsi loku kubangwe bungoti bekwenyuka kwemandla emnotfo lekungenca yalemphi lechubeka eMiddle East leholele ekukhuphukeni kwentsengo yawoyela, nalekwente kwabita kakhulu emafutsa etimoti kulelive. Kutfola kabanti ngalendzaba,  sichumana nesati ngetemnotfo, B...

Lucwaningo lolwentiwe be Human Science Research Council (HSRC) luveta kutsi bangu 17% bantfu balelive labatimisele kuyovota kulolukhetfo lolutako lwabohulumende basekhaya. Likhomishana lelengamele lukhetfo iIEC letfule ngalokusemtsetfweni umkhankaso walolukhetfo lwabohulumende basekhaya itolo. Ingabe itawuphumelela kugcugcutela bantfu kutsi bayovota lomkhankaso weIEC? Kutophendvula lombuto nalemin...

Telamani letimbili bo Faith na Phelelile Ndzimande bacale luhambo lolungemakhilomitha langema-400 ngenhloso yekucushisa ngebubheva lobukhona emisebentini. Letelamani taka Ndzimande ticale loluhambo e Springs e Gauteng lamaviki lamabili lengcile. Kulindzeleke kutsi bafike labaya khona e Jeppes Reef e Nkomazi ngeMgcibelo. Kuva kahle ngaloluhambo sikhulumisana na Faith Ndzimande 

Likhomishana lelukhetfo kuleli iIEC litsi litawucinisekisa kutsi bantfu labasha bayavota elukhetfweni lwabohulumende  basekhaya mhla titine ku November. Lelikhomishana letfule umkhankaso welukhetfo lwabohulumende basekhaya.  Kukhuluma kabanti ngalomkhankaso simeme lokhulumela i IEC kulesifundza se Mpumalanga Umnumzane Thanduxolo Chembeni.

I ANC itfumele emalunga lasihlanu lasetulu ekomitini lecondzisa emagwegwe. Lamalunga afaka ekhatsi labo bebatindvuna bo Bheki Cele na Sisisi Tolashe. Kodvwa kutfola kabanti kutsi ingabe sishoni lesinyatselo se ANC sikhulumisana nemhlatiyi wetepolitiki Njingalwati Ntsikelelo Breakfast ...

Sekucokwe litsimba letindvuna tahulumende lelitawubukana nalemibhikisho yekucosha bantfu labate emaphepha lasemtsetfweni ekuba kulelive.  Sikhulumisana nemhlatiyi wetembangave Solly Masilela kutobuka umtselela walemibhikisho kanye nemsebenti walelitsimba.

I-South African Funeral Practitioners Association (SAFPA) itsi bangetulu kwa 20-thousand bangcwabi labangakabhaliswa ngalokusemtsetfweni kulelive.  Lenhlangano itsi lenkinga yandze kakhulu emalokishini, futsi iletsa kukhatsateka ngekuhlonisha kwemigomo yetempilo, kuvikelwa kwemakhasimende kanye nekwentela bantfu imingcwabo lenesitfunti. Simeme Lebo Mnisi lokhulumela i SAFPA.

Balimi babukene nekuswelakala kwabomanyolo kanye nekumba ecolo kwetitsako letidzingwa titjalo tabo. Kungako labanye sebacale kubuka letinye tindlela tekuvundzisa umhlaba wabo lokufaka ekhatsi kusebentisa umcuba nalokunye. Kodvwa kutfola kabanti kutsi yini lengentiwa balimi kulesimo sikhulumisana nemlimisi Umnumzane Samuel Nyoni.

Umphatsiswa welitiko letekubusa ngekuhlanganyela, kuhlaliswa kwebantfu kanye netindzaba tebaholi bendzabuko Speed Mashilo ukhiphe secwayiso kumakhosi mbumbulu kutsi akahlukane nalomkhuba njengobe loko kungawaholela ekutseneni bangene enkingeni. Lomphatsiswa utsi inkosi lesemtsetfweni kumele ikhiphe sitifiketi lesivela kuhulumende.  Kutfola kabanti kulendzaba, esikhulumisana nasihlalo  we...

  Luphiko lwesichazamagama kulelive iNational Lexicography Unit lutawusebentisana neNyunivesi yaseMpumalanga kuttfutfukisa kusetjentiswa nekulondvolotwa kwelulwimi lweSiswati. Loku kulindzeleke kwentiwe ngekubhala sichazamagama ngenhloso yekutfutfukisa Siswati njengelulwimi lekufundza kanye nekukhulunywa emangweni. Kepha lotasichazela kancono ngalobudlelwano ngulobambe njengemhleli lomkhulu k...

Licembu lekucala lebantfu baseGhana kulindzeleke liphekeletelwe emakubo kuleliviki. Lokufuna kubuyela eveni labo lenkhaba, kulokunye kubangwe ngulemibhikisho lebanjwe emadolobheni lambalwa kulelive lebita kutsi bantfu labangene ngalokungekho emtsetfweni ababuyele emaveni abo. Sikhulumisana na Dr Vusi Sibanda lovela ka African Diaspora Forum.

Mengameli wenhlangano lelawula kusebenta kwabomasipala iSouth African Local Government Association (SALGA) Bheki Stofile sewugcugcutela sive kutsi sisukume siletse tetfulo taso ngaloluhlaka lemculu lowengamele kusebenta kwabomasipala (White paper on local government). Letetfulo kutsiwa kufanele tentiwe ngembi kwamhla  ka-28 May 2026. Kukhuluma kabanti ngalendzaba sikhulumisana naye umengameli...

Hulumende wakuleli sewubite bantfu bakulelive kutsi bangawephuli umtsetfo ngetulu kwekutsi lelive lisabukene netinkinga tetemnotfo kanye nekuswelakala kwematfuba emsebenti. Hulumende ukhutsata kutsi kube nelubanjiswano njengoba kugujwa lilanga iAfrica Day. Kute sicoce kabanti kutsi yini lekufanele yentiwe kute lamave acedze buphuya nendla  simeme sati ngetemnotfo netaseAfrica, Dr Nkosikhulule...

Hulumende wakuleli leNingizimu Africa ubungata lilanga iAfrica Day ngephansi kwesicubulo lesitsi  "Sport and Culture, Catalysts for Climate Action". I Africa live leligcame ngetilwimi letahlukahlukene, kuhlonishwa kwemasiko nemihambo yesintfu kanye nalokunye. Kubuka kutsi isalandzelwa yini imihambo yesintfu ikakhulukati ekulondvolotweni kwelulwimi. Simeme Jabulani Mayisela lobambe njengemhlel...

Tiphatsimandla tasesiciwini setinyamatane i-Kruger National Park  titsi tisamangele  kakhulu ngalesehlakalo sekutfolakala kwetidvumbu letimbili tetivakashi enkanjini i-Pafuri, dvute nemfula iLevhubu, kuso lesiciwi.  Lesehlakalo senteke ngaLesihlanu kuleliviki leliphelile kantsi kutfolakele nekutsi lalababili titsandzani.  Kuva kabanti ngalesehlakalo sichumana nalokhulumela lesi...