Ligwalagwala FM Current Affairs

Likomishane iPublic Service Commission (PSC) livakalise kudvumala ngekukhotsama kweNkosi Enoch Makhosonke Mabhena II , wesive semaNdebele. Sikhulumisana nasihlalo walelikomishane, Njingalwati Somadoda Fikeni.  

Inhlangano yemmango iKaBokweni Community Movement kulindzeleke ibambe umhlangano nemalunga emphakatsi kutewubonisana ngebantfu babangaphanel lebakulelve ngephandle kwemvumo. abhalane walenhlangano Mary Mochekoane uyachaza.

Umhlatiyi welibhola letinyawo Abel Mpika utsi lomdlalo wendzebe yemhlaba wekucala loyawubakhona emkhatsini kwe-Mexico neBafana Bafana uyawuba ngulolukhuni kakhulu.

Uyacala umchudzelwano wendzebe yemhlaba welibhola letinyawo lodlalelwa eMexico naseMelika namuhla. Kuyibuka kabanti lendzaba sikhulumisana nesati sepolitiki yemhlaba kanye nemdlalo welibhola letinyawo Professor Sibusiso Mazibuko kutsi ingabe iMexico ilive lelinjani, kantsi lona lelicembu linjani litababekaphi badlali be-Bafana Bafana.

Lisekela lendvuna yelitiko letemahlatsi, tinhlanti nekongiwa kwemvelo, Ms Bernice Swarts, utawube ahola litsimbha lahulumende lelitawube likhulumisana nemalunga emphakatsi ngesimo selizinga lekuhloba kwemoya emhlanganweni lotawube ubanjelwe eMiddleburg kulesifundza seMpumalanga namuhla. Sikhulumisana nalo lisekela lendvuna Bernice Swarts.

Litiko letebudlelwano nalamanye emave limemetelo tinhlelo talo tekucala kubhadalisa emave nangabe kubuyeliselwa emuva bantfu labaphule imitsetfo yekungena kulelive leNingizimu Africa. Sicocisana nemhlatiyi wetindzaba temave emhlaba, Khanya Vilakazi  

Luhlelo lwetfu lesikwetfulela lona ngekubambisana neIEC njalo ngaboLesitsatfu ekuseni. Sicocisana nalokhulumela iIEC eMpumalanga Thanduxolo Chembeni mayelana nekubaluleka kwekubhalisela kuvota.

Sikhulumisana na Captain Johannes Potgieter, lowatiwa ngaSbali, nalohola licembu lemaphoyisa asemantini eMpumalanga, mayelana nalomsebenti lebawentako. Kapteni Potgieter nelicembu lakhe lelifaka ekhatsi Kapteni Joey Potgieter, Sergeant Macbride Nyakane kanye na-Constable Heinright du Toit baklonyelisiwe ngalomsebenti wabo wekutakula banfu emantini. Sicocisana  naye Kapteni  Johannes "Sba...

Indvuna yetindzaba tangaphandle kulelive leningizimu Africa Ronald Lamola ucwayise emalunga emphakatsi nganayi imibiko lengasiyo liciniso lemayelana naloludzaba lwebantfu bangaphandle kulelive. Lamola utsi leminye yalemibiko ayisilo liciniso mayelana naletinombolo tebantfu lebabuyiselwe emuva eGhana. Simeme sati ngetindzaba temhlaba, Njingalwati Zamo Mbandlwa.

Umphatsiswa wetekubusa ngekubambisana, kuhlaliswa kwebantfu kanye netindzaba tebaholi bendzabuko eMpumalanga Speedy Mashilo, ubhonsela emswaneni ngekukhotsama kweNkhosi Enock Makhosoke Mabhena II wesive semaNdebele akaManala. 

Sihlalo wendlu yebaholi bendzabuko eMpumalanga, Kgosi Mathupha Mokoena utsi bashayeke lidvuma lelingeciwantfwala ngekukhotsama kweNkhosi Enock Makhosoke Mabhena II wesive semaNdebele akaManala. 

Umcondzisi jikelele we-Gun Free South Africa Dr Stanley Maphosa utsi kuyabakhatsata lokwenyuka kwesibalo sebantfu labafaka ticelo temalayisensi etibhamu.

Lucwaningo lolwentiwe yi-University of Cape Town lutfole kutsi emantfombatana lasemasha akulelive, ikakhulukati laneminyaka lesemkhatsini kwalengu-20 na- 24 anatinikele etjwaleni. Lolucwaningo lutfole kutsi iyinye intfombatana kulamatsatfu ilala, ivuke ngetjwala kantsi lomkhuba uvame kulabo labahlala etindzaweni letisemadolobheni. Simeme dokotela loweluleka ngengcondvo, (Psychologist) Dr Buyisile...

Umholi we-DA Geordin Hill-Lewis utsi nanobe ayemukela inkulumo yamengameli Cyril Ramaphosa, kepha uphakamisa kutsi kusungulwe tinhlelo letitawuvuselela umnotfo kuphindze kuciniswe kusebenta kwemincele yakulelive. Hill-Lewis uphindze watsi kumele mengameli Ramaphosa avakashele lamave lekugcwele bantfu bawo kuleli. Simeme sati setindzaba tebugebengu kanye netebudlelwane bemave emhlaba Umnumzane Andy...

Lilunga lekomiti lehola i-Operation Dudula, Thami Madondo, utsi intfo lefunekako kuze kuliwe nekugcwala kwebantfu labangenamvumo yekuba kulelive kwekutsi hulumende acinisekise kwetfulwa kwemitsetfo  lelawula kungena kwebantfu eveni.

Kulamalanga lengcile bekubanjwe imibhikisho lekhonondza ngekugcwala kwebantfu bangaphandle lebakulelive ngalokungekho emtsetfweni. Labanye balababhikishi bakhala ngekutsi bantfu bangaphandle babatsatsela umsebenti. Kantsi namengameli Cyril Ramaphosa uyitsintsile indzaba yetinyatselo letingahle  titsatselwe bacashi lebatawutfolakala bacashe bantfu bangaphandle lebakuleli ngalokungekho emtsetfw...

Umphatsiswa welitiko letekuphepha kwemphakatsi, kuvikelela nekuchumana e-Mpumalanga , Jackie Macie, uvakalise kukhatsateka ngekwenyuka kwebugebengu lobunebudlova.

Emaphoyisa esifundza seMpumalanga atsi umndeni wamunye kulaba lababili lebakhishwe sebashonile kulemoti lephaphalate yayongena emfuleni  Umgwenya ngaKaMagugu eMbombela, utawumkhomba namuhla. Lokhulumela emaphoyisa Khenela Jabu Ndubane.

Lucwaningo luveta kutsi lisetulu lizinga lebantfu labadvuna labatibulalako ngenca yetinkinga letiphatselene nekukhungatseka engcondvweni. Kantsi ke lenyanga lesikuyo ye-Nhlaba itsatfwa njengenyanga yekucushisa ngekubaluleka kunakekela simo sengcondvo yebantfu labadvuna (Men's mental health). Simeme Ntebaleng Mokoena longumsunguli we-NTEBA M FOUNDATION, lekuyinhlangano lesita bantfu labadvuna labak...

Mengameli Cyril Ramaphosa utjele sive kutsi kutawuciniswa imitsetfo lebuke kungena kwebantfu kulelive. Mengameli bekakhuluma nesive itolo ntsambama. Kuyibuka ngeliso lemhlatiyi lenkhulumo, simeme umetfuli wetifundvo eUMP, Dr Nsizwazonke Yende.

Kushone bantfu labasitfupha engotini yemgwaco leyenteke lapha emkhatsini we-Van Dyk's Drift kanye ne-Blinkpan edvute nase-Witbank kulesifundza sase-Mpumalanga. Sikhulumisana nemphatsiswa welitiko letekuphepha kwemphakatsi kuvikeleka kanye nekuchumana Jacie Macia

I Treatment Action Campaign (TAC) itsi kufanele lingetwe linani lalomjovo i-lenacapavir njengoba lelive linesibalo lesisetulu sebantfu lebaphetfwe yi-HIV/IDS. Mengameli Cyril Ramaphosa wetfule ngalokusemtsetfweni kusetjentiswa kwalomjovo e-Lillian Ngoyi stadium  eSecunda kulesifundza seMpumalanga.  Sikhulumisana nasihlalo we TAC Sibongile Tshabalala.

Loyo loke waba yinhloko yeluphiko lwemaphoyisa leliphenya bugebengu lobuhleliwe General Richard Shibiri, sewucoshiwe emsebentini kulandzela siwombe sekumcondzis tigwegwe. Sicocisana nesati ngetebugebengu Dkt Mxolisi Mathebula.

Sikhungo lesichasa bosomabhizini ngetimali kuleli, i-National Empowerment Fund, sivakalise kukhatsateka mayelana nekwandza kwetehlakalo tekukhwabanisa kanye nenkohlakalo lefaka ekhatsi kwekutsi bantfu babhalise emabhizinisi ngeligama lalomunye umuntfu. Simeme Nyameka Mandonda loyi-Investment Principal kulesikhungo.

Iyachubeka nekungena imilayeto yekudvudvuta umndeni, tihlobo nebangani mayelana nekwendlula emhlabeni kwentsatseli leyatiwako eMpumalanga, Simeme lenye yetintsatseli lesebente naye lowaShezi, Tumelo Dibakoane.