Ligwalagwala FM Current Affairs

Lijaji Ratha Mokgoatlheng sewucolisile ngetiphimiselo takhe lebetinemagama lanekucwaya ngekwelibala latikhulume ngalesikhatsi kutekwa licala lekubulawa kwaSenzo Meyiwa enkantolo lephakeme ePitoli. Kukhuluma ngaloku simeme Mbekezeli Benjamin lophuma enhlanganweni i-Judges Matter.

Sikhuluma nasihlalo wenhlangano yebalimi i African Farmers Association of South Africa esifundzeni sa Kwazulu Natal, Umnumzane Mbongeni Skhakhane ngekubhedvuka kwesifo sematele.

Banikati betiphaza kulesifundza se-Mpumalanga batawutfola litfuba lekuva kabanti ngelusito lwetimali loluvela kulesikhwama i- Spaza Shop Support Fund. Umhlangano utawube ubanjelwe Enhlanzeni  Disaster Management Centre khona lapha e-Mbombela kusasa. Kuva kabanti ngaloko  sicocisene na- Siziwe Zulu, loyi Project Manager ku-National Empowerment Fund (NEF).

I Mpumalanga International Film Festival (MIFF) itawube inemcimbi namuhla lapho itawuchaza kabanti ngetinhlelo tayo kanye nemsebenti wekutfutfukisa iMpumalanga kutekulingisa, kubhala, kufukula umnotfo kanye ne-tekuvakasha. Kutfola kabanti ngalomcimbi sicocisene na- Themba Banda lokhulumela i- MIFF.

Live le-Rwanda selimemetele kuhocisa bulunga balo enhlanganweni yemave i-Economic Community of Central African States (ECCAS). Loku kulandzela kutsi lisole live le-DRC ngekusebentisa kabi lenhlangano. I-Kigali itsi lilungelo layo licekelwe phasi ngemuva kwekubuyiselwa kwelive le-Equitorial Guinea kubangusihlalo walenhlangano nalebekufute kunikwe iRwanda kulempelasontfo. Sicocisana nemhlatiyi wetep...

Emaphoyisa akulesifundzeni se-Mpumalanga avakalise kukhatsateka ngekwenyuka kwetibalo tekugagadlela kulesifundza.  Kukhuluma ngalokukhatsateka sicocisana nenhloko yeluphiko loluphenya emacala ekugagadlela, Brigadier Thandi Pule

Njalo nekungena busika bantfu labanyenti bavame kujahela kubodokodela bayogoma kute balwe nemkhuhlane. Letinye tati tetempilo letifaka ekhatsi ema-Medical Missionaries, titsi tikhona tindlela tekulwa nemkhuhlane ngekusebentisa lamanye emakhambi ngaphandle kwemaphilisi. Kubuka kutsi nguwaphi lawo makhambi langasetjentiswa bantfu simeme Tshwarelo Masango uyiMedical Missionary kutokhuluma naye ngalol...

Licala kusasa liphalamende lebantfu labasha, lekungumbutsano wemalanga lamabili, njengoba lelive ligubha inyanga yebantfu labasha. Lombutsano utawube ubanjelwe ngaphansi kwamasipala weThembisile Hani. Sicele somlomo weliphalamende lesifundza seMpumalanga Linda Masina kutokhuluma ngalombutsano.

Esigabeni setfu  semabhuku namuhla sikhuluma ngelibhuku lelibhalwe ngu-Colisile Tfwala lenesihloko lesitsi "Black People Get Your Money Right." 

Inyonyana yetisebenta tasetimayini iAMCU seyivakalise kukhatsateka ngekutsi imayini iSibanye Stillwater ayiyihloniphi imitsetfo legunyata kunakekelwa kanye nekuphepha kwetisebenti tasemayini. Loku kuta ngemuva kwekuvaleleka ematfunjini emhlaba kwetisebenti letibalelwa ema-278 kuleliviki, kantsi evikini lelengcile bekuvaleleke letingema-266. Sikhulumisana nemengameli we-AMCU Umnumzane Joseph Mathun...

Umphatsiswa welitiko letemphilo kulesifundza se Mpumalanga, Sasekani Manzini bekavakashele sibhedlela sase Barberton namuhla, kulandzela sigameko sekushiswa kweligumbi lelemukela tigulane letidzinga lusito loluphutfumako. Tisebenti tesibhedlela tabeka phansi emathulusi tikhala ngekusabela kuphepha kwato ngemuva kwalesehlakalo. Sikhulumisana naye unmohatsiswa Manzini kutositjela kutsi utfoleni kulo...

NgeLisontfo kutawube kuhlangene basubatsi labahlukahlukene kutewuba yincenye yemjaho lomkhulukati iComrades Marathon. Sifundza se-Mpumalanga siyobe simelwe basubatsi labacishe babe ngu 800. Lomjaho walomnyaka utawuba yi-down run lokusho kutsi utawucala e-eMgungundlovu uphelele eThekwini. Sicocisene na Miyelani Magasa lophuma ku SANDF kulesifundza se-Mpumalanga longulomunye walabasubatsi labayohlan...

Achubeke njalo nekungena emavi ekulilela bantfu baseZambia kulandzela kwendlula emhlabeni kwamengameli waphambilini akulelalive, Edgar Lungu. Ushonele esibhedlela salapha eNingizimu Africa sekaneminyaka lengema-68. Sicocisene kabanti ngempilo ya Lungu na- Advocate Sipho Mantula, losati ngetindzaba tase Afrika.  

Litiko letemphilo letfule ngalokusemtsetfweni umkhankaso wekunikela ngetitfo temtimba e-Boksburg e-Gauteng.. Loku kwentelwa kugcugcutela bantfu kutsi banikele ngetitfo temtimba letifana netinso, inhlitiyo emaphaphu, sibindzi nalokunye. Kuva ngalomkhankaso sikhulumisana neTransplant Coordinato esibhedlela iCharlotte Maxeke, Mphoentle Moeng.

Emaphoyisa aseMpumalanga agubhe sidvumbu sadzadze loneminyaka lengema-44 lekukholwakala kutsi wagujelwa emabaleni asekhaya kubo ngaMay nyakenye. Losesi kusolwa kutsi wabulawa wabese ugujelwa ngumnakabo emabaleni alomuti wakubo. Lomsolwa loneminyaka lengema-30 bekavele enkantolo yamantji KaBokweni namuhla. Kukhuluma ngalendzaba simeme lokhulumela emaphoyisa aseMpumalanga, Brigadier Donald Mdhluli.

Akasekho emhlabeni mengameli waphambilini eveni lase Zambia Edgar Lungu. Lungu wendlula emhlabeni sekaneminyaka lengema-68. Kutfola kabanti ngemshiyandvuku wakhe nekutsi yini bantfu base Zambia lebatamkhumbula ngayo sikhulumisana nasolwati wetepolitiki Njingalwati Bheki Mngomezulu.

Masipala wase Nkomazi sewucoke lotawubamba kwesikhashana njengemeninjeli yalomasipala (MM) lekungu Mnumzane Oscar Nkosi. Lokubamba kwakhe njengemphatsi wamasipala waseNkomazi kulandzela kwesula kwaloyi abephetse lesikhundla Umnumzane Xolani Mabila. Sicocisana naye Umnumzane Nkosi ngetinhlelo takhe.

Jayed-Leigh Paulse na Tshepo Phagane basihlanganisele lombiko lokhetsekile lomayelana nalobekasingani salendvodza lengakadzalulwa libito letsi beyingumngani waPhilangenkosi Makhanya - lekungumsolwa losafile kulelicala lekubulawa kwaOlorato Mongale. Millicent Phakathi usetfulela lombiko.  

Litiko letekutfutfukisa temnotfo kulesifundza se-Mpumalanga, ngekubambisana nesikhungo i- Mpumalanga Green Cluster Agency, batawubamba umhlangano welihlandla lesitsatfu wabosomabhizinisi labancane nalabasakhasa ngenhloso yekuvula ematfuba lasemkhakheni wekugucugucuka kwesimo selitulu. Lomcimbi kulindzeleke ubanjelwe eSecunda. Kuva kabanti ngalomcimbi sicocisene na- Zanele Sifundza loyi Technical A...

Bantfu bakuleli bayachubeka nekudvonsa matima ngenca yekumba ecolo kwentsengo yekudla . Loku kuta njengobe umkhicito walapha ekhaya iGDP,  ukhule nga 0.1% ngekota yekucala yalomnyaka lesikuwo nakucatsaniswa nekota yekugcina yemnyaka lophelile. Umbiko wanga-May 2025 welucwaningo lolwentiwe yi Pietermaritzburg Economic Justice & Dignity Group ukhombisa kukhuphuka kwemanani entsengo yekudla...

 Inyonyane yemaphoyisa i-Police and Prisons Civil Rights Union (POPCRU) itsi ifuna kwentiwe luphenyo lolutimele mayelana netinsolo tekuhlukunyetwa kwalabo labaceceshelwa kuba maphoyisa kulelive le Ningizimu Afrika. Emalunga alenyonyane amashele e-Hammanskraal SAPS Academy, eNyakatfo Ye Pitoli kuyovakalisa tikhalo tabo mayelana naletinsolo kantsi namuhla kulindzeleke kutsi bamashele e Moloto k...

Indvuna lebukele tindzaba tabomake, bantfwana nalabakhubatekile ehhovisi lemengameli Sindisiwe Chikunga sewuyetfule ngalokusemtsetfweni lenyanga yebantfu labasha. Kukhuluma ngekuhlomula kwelusha etinhlelweni temnotfo welive, simeme mengameli we-South African Youth Chamber of Commerce, Umnumzane Thapelo Maleka

Njengobe kuliviki lekucushisa ngekuvikeleka kwebantfwana i National Child Protection Week sibone kukuhle mlaleli kutsi simeme inhlangano i Save The Children kute sive kabanti, kutsi ingabe kubangelwa yini lokwandza kwetehlakalo tekulahleka kwebantfwana futsi batali yini lebangayenta kubavikela. Sikhulumisana nemphatsi lomkhulu wenhlangano iSave The Children South Africa, Gugu Xaba 

Greenpeace Africa, ibambisene nesikhungo lesibitwa nge Centre for Research on Energy and Clean Air (CREA) betfule umbiko loveta kutsi kushone bantfu labangetulu kwa-42 000 kulelive leNingizimu Africa ngenca yekungcola kwemoya. Kulabantfu labashonile kubalwa nebantfwana labangephasi kweminyaka lesihlanu labangetulu kwa 1,300. Sikhulumisene naCynthia Moyo lovela ka-Greenpeace Africa.

I-Human Rights Watch  isola licembu le-M23 lelisekelwa yi-Rwanda ngekubulala bantfu phaca lababalelwa emashumini lamabili nakunye  lapha emphumalanga  yeDRC. Loku kuvele kulombiko loshicilelwe ngulenhlangano nalapho ivete kutsi letigameko tenteka ngamhlaka 22 na 23 February e-Goma. Kukhuluma kabanti ngalendzaba sicocisene na-Advocate Sipho Mantula, losati ngetindzaba tase Afrika.&nb...