Todos os podcast | A crónica deportiva

Raquel C. Pico dedica o seu espazo semanal a Luisa Cuesta, a primeira bibliotecaria da USC, onde tamén foi profesora e das primeiras alumnas da facultade de Dereito.

Conversamos con Andrea e Marcela Porto, as dúas irmás que forman a sección rítmica d´A Banda da Loba. O grupo acaba de publicar o seu quinto disco, 'Lovismo', un traballo que explora o amor nas súas diferentes formas, con músicas que van do pop á bachata. 'Lovismo' preséntase en directo na sala Capitol de Santiago o 1 de febreiro.

O último mércores de cada mes Manel Cráneo convida un lector de banda deseñada para que comparta coa audiencia os seus gustos e recomendacións comiqueiras. Desta volta é o arqueólogo coruñés Antón Malde quen nos fala dos seus inicios e descubertas no mundo da BD.

Última hora do Tenerife - Deportivo desta noite. A bancada de Gol despídese no Celta - Osasuna. O Celta Fortuna ficha a Jaime Vázquez, cedido do Oviedo. E non é a única chegada: Jose Antonio de la Rosa, do Cádiz, moi preto. No Racing, Gelardo fala de Alejandro Menéndez. No Lugo, Ander Zoilo fala de Toni Seligrat. O Pontevedra ficha a Miguel Cuesta, o pichichi do Marino de Luanco.

Na parroquia de Santa María de Casaio, en Carballeda de Valdeorras, a Asociación Científica Sputnik Labrego deu cunha aldea da época altomedieval, na zona de Penedo Xudío. O director da escavación, Carlos Tejerizo, cóntanos que grazas ás datacións radiocarbónicas puido datarse entre os séculos VII y IX, o que aproximaría esta ocupación ao momento da existencia de Cassavio, unha ceca de época visig...

Carlos Crespo lévanos de ‘Resaca emocional’, co tema en primicia “Ondas sonoras de Xúpiter”. RSK é un colectivo conformado por artistas do mundo da música e das artes visuais, técnicos incluídos, no que a idea de comunidade é a chave do proxecto.

Pablo Sánchez Quinteiro repasa a visita a Galicia do director alemán Markus Stenz, que conduciu a Orquestra Sinfónica de Galicia en varios concertos, con obras de Schumann e Mahler, entre outras. Tamén avanzamos as actuacións da Real Filharmonía de Galicia dirixida pola francesa  Chloé van Soeterstède e da OSG conducida pola hongkonesa Elim Chan.

Xa está dispoñible o último número de Erregueté, a Revista Galega de Teatro. O seu director, Afonso Becerra, debúllanos o seu contido, no que encontramos entrevistas a Marta Pazos, Manuel Lourenzo ou María Vázquez, reportaxes sobre a maga Aldara ou o circo de Pinocho e información sobre a ópera que se produce en Galicia.

O compromiso do recentemente falecido Bernardino Graña coa divulgación do idioma galego levouno a escribir unha morea de obras para o público infantil. Eva Mejuto fai unha escolma para nós e comenta: "Lobísimo do saco", "Tragaxán e Tragandiño", "O quirico lambón" e "Rata Linda de Compostela"

Borja Iglesias fala do seu contrato co Betis. Ata 2026. Quere quedar no Celta. Óscar Gilsánz fala da marcha de Lucas Pérez, de Yeremay, da lesión de Escudero e do regreso de Diego Gómez. No Racing fala o capitán Álex López. Lesión muscular de Dalisson no Pontevedra CF. Thomas Heurtel non viaxa a Madrid co Basquet Coruña por molestias.

Moncho Lemos comenta a estrea en salas de "The Brutalist", a película de Brady Corbet na que Adrien Brody interpreta un arquitecto húngaro que fuxe do holocausto e tenta gaña-la vida nos Estado Unidos. A cinta, que dura tres horas e media, aborda os puntos escurros do denominado "soño americano"

Tito Lesende preséntanos os novos discos de A Banda da Loba, "Lovismo"; de Maríagrep, "Is not a crime"; e de Hydn, "Peter Pan".

O regreso de Iker Losada ao Celta, máis preto. O Depor recupera a Diego Gómez, cedido no CD Arenteiro. Presentación de Toni Seligrat no CD Lugo.

Raquel Pico repasa as publicacións sobre viaxes nas que se fala de Galicia, dende as primeiras referencias no Códice Calixtino ata as máis modernas, pasando polos textos escritos no século XIX por Richard Ford ou George Borrow

Pronto veremos nos cines a película "Popeye the slayerman". Os dereitos de explotación da popular personaxe xa expiraron e iso permite que calquera creador a utilice. Manel Craneo fálanos desta cuestión legal.

"O enxoval da noiva", publicada en 1988, é unha das novelas máis coñecidas de Víctor Freixanes. Galaxia acaba de reeditar esta parábola sobre a fin dos tempos inspirada na voda de Lucrecia Borgia. Dolores Vilavedra fala dos novos significados que adquiriu a obra co paso dos anos.

Mónica Maneiro comenta a exposición "Melancholy Moon", da compostelá Haya Blanco na galería Metro. A mostra explora novas formas de representar e conceptualizar a contorna natural e urbana a través da pintura cunha estética infantil e evocadora.

Mbappé fala dos asubíos recibidos no Bernabéu, na Copa, co Celta: "Son normais". O Racing ficha ao extremo Naim García, de 22 anos, cedido polo Leganés, e ultima as negociación para fichar como adestrador a Alejandro Menéndez, ex do Celta B. O BM Porriño xogará os 4º da EHF European Cup co Ionias de Grecia.

O grupo ferrolá de pop Todo el largo verano presenta novo disco, unha colleita de cancións dos últimos anos reunidas co título "Cabos sueltos". Carlos fala co alma mater desta formación, Alberto Amigo.

Falamos de duas bandas cun denominador común, a prenza dunha muller entre os seus compoñentes. Unha delas, Unnatural, xa está disolta. A súa baterista era a ourensá Sonia Albor. O outro grupo, Rottentown, segue dando guerra en Ferrol coa súa cantante Audrey Lutwidge.

O Racing destitúe a Cristóbal Parralo. Analizámolo con Raúl Villares. O CD Lugo destitúe a Lolo Escobar. O peor Celta da temporada. Vitoria de mérito do Deportivo. O Pontevedra pensa xa no Numancia.

A resaca da polémica eliminación copeira do Celta ante o Real Madrid. A última hora de Deportivo, Rácing de Ferrol e o resto de conxuntos galegos do fútbol da RFEF.

Moncho lemos danos a súa opinión sobre "Babygirl", o thriller erótico de Halina Rejin que protagoniza Nicole Kidman e no que tamén intervén Antonio Banderas

Tito Lesende traenos en primicia "O mundo ao revés" que publican os muradáns Deleiba. Tamén escoitamos o novo ddos vigueses Sila Lúa, "Danzas de amor y veneno", e Pablo Lesuit, "Me equivoqué". Para rematar: "El cuarto dorado", de Cora Velasco.