SBS Tibetan - SBS བོད་སྐད་སྡེ་ཚན།

ཏོག་དབྱིབས་རིམ་ནད་ཁྱབ་གདལ་གྱི་རྐྱེན་པས་ཨོ་སི་ཊོ་ལི་ཡའི་མི་སེར་སྙན་ཞུའི་བརྒྱུད་རིམ་འགོར་ཡུན་རིང་དུ་ཕྱིན་ཡོད་པར་གཞིས་སྤོ་བའི་ཚོགས་སྡེ་ཁག་གིས་བློ་འཚབ་ཆེན་པོ་ཡོད་ལུགས་བརྗོད་ཡོད་འདུག

རང་ཉིད་སྒེར་གྱི་ལོ་རེའི་ཡོང་འབབ་མང་ཉུང་ལ་མ་ལྟོས་པར་ཁྱེད་ལ་ཨོ་སི་ཊོ་ལི་ཡའི་དཔྱ་ཁྲལ་ཨང་རྟགས་ཡོད་ཚེ་ཁྲལ་རྩིས་དུས་ཐོག་ཏུ་གནང་བར་དགེ་མཚན་ཡོད་ཅེས་ཆེད་ལས་རྩིས་པ་སྐལ་བཟང་ཡོན་གཏན་ལགས་ཀྱིས་འགྲེལ་བརྗོད་གནང་སོང་།

དབུས་གཞུང་ཁྲིམས་ཁང་ལ་ཞུ་གཏུགས་བྱེད་པ་བཞིན། ཁྲིམས་ཁང་གིས་འཕྲལ་སེལ་ལས་བྱེད་པ་འགའ་ལ་གླ་ཡོད་དགོངས་ཞུའི་ཐོབ་ཐང་སྤྲོད་དགོས་པ་ཁྲིམས་ཐག་གཅོད་ཡོད་འདུག དེ་ནི་ཕུགས་རྒྱང་རིང་པོར་འཕྲལ་སེལ་ལས་བྱེད་པ་སྟོང་ཕྲག་མང་པོར་ཕན་པའི་ཁྲིམས་གཅོད་ཅིག་ཡིན་པར་བརྟེན་ལས་མིའི་སྐྱིད་སྡུག་གིས་དེར་དགའ་བསྲུ་ཞུས་ཡོད་པ་རེད་འདུག

ཨོ་སི་ཊོ་ལི་ཡའི་ནང་སྲིད་བློན་ཆེན་སྐུ་ཞབས། Peter Dutton མཆོག་གི་རྒྱབ་སྐྱོར་འོག་ཁུན་སི་ལན་ཌི་མངའ་སྡེས་ས་མཚམས་མུ་མཐུད་སྒོ་རྒྱག་པར་ཁྲིམས་ཐོག་ནས་རྩོད་ལེན་གནང་འཆར་ཡོད་འདུག དེ་ཡང་། རྒྱལ་ཁབ་ཀྱི་དཔལ་འབྱོར་སླར་གསོ་ཡོང་ཐབས་སུ་དབུས་གཞུང་གིས་མངའ་སྡེ་དང་ས་ཁུལ་སོ་སོའི་གཞུང་ལ་ཡུལ་སྐོར་བ་ཆེད་ས་མཚམས་སྒོ་ཕྱེས་བར་གནོན་ཤུགས་སྤྲོད་བཞིན་པ་རེད་འདུག

རྒྱ་གར་ནས་གསར་དུ་འབྱོར་བའི་བོད་མི་ཀརྨ་བསྟན་འཕེལ་ལགས་དང་མཉམ་དུ། ཨོ་སི་ཊོ་ལི་ཡའི་ནང་གི་མི་ཚེའི་འཚོ་བ་གསར་པ་དང་། ལྷག་པར་དུ་ད་ལྟའི་ཆར་ཏོག་དབྱིབས་ནད་དུག་གི་དཀའ་ངལ་དང་དམ་བསྒྲགས་འོག་ལ། གསར་དུ་འབྱོར་མཁན་བོད་མི་གཅིག་ལ་མཚོན་ན་ཨོ་སི་ཊོ་ལི་ཡའི་ནང་འཚོ་བའི་གནས་སྟངས་གང་འདྲ་ཆགས་ཀྱི་ཡོད་མེད་སྐོར་གླེང་མོལ།

ཕྱི་ཟླ་ ༤ པའི་ནང་མི་ ༥༩༤༠༠༠ ལྷག་ཙམ་ལས་ཀ་ཤོར་བར་བརྟེན། ཨོ་སི་ཊོ་ལི་ཡའི་ལས་མེད་པའི་ཚད་གཞི་འཕར་ནས་བརྒྱ་ཆ་ ༦་༢ ཆགས་ཡོད་འདུག

སྤྱིར་ཨོ་སི་ཊོ་ལི་ཡའི་སྲིད་བློན་མཆོག་གིས་འདི་ལོའི་ཕྱི་ཟླ་ ༦ པའི་བར་སློབ་གྲྭ་ཡོངས་སྒོ་ཕྱེ་ཐུབ་པའི་རེ་བ་གནང་གི་ཡོད་ཀྱང་། ཕ་མ་མང་པོ་ཞིག་གིས་སོ་སོའི་ཕྲུ་གུའི་བདེ་སྲུང་ཕྱིར་མུ་མཐུད་ཁྱིམ་དུ་སློབ་འཁྲིད་བྱེད་བཞིན་ཡོད་འདུག སྟབས་ལེགས་པ་ཞིག་ལ་ཕ་མ་དེ་དག་ལ་དགོས་མཁོའི་མཐུན་རྐྱེན་རོགས་རམ་སྣ་ཚོགས་བསྐྲུན་ཡོད་འདུག

ཨོ་སི་ཊོ་ལི་ཡའི་ནང་ཏོག་དབྱིབས་ནད་དུག་སྔོན་འགོག་དམ་བསྒྲགས་ཇེ་ལྷོད་དུ་གཏང་བར་གོམ་པ་དང་པོ་དེ་ནི། ཚིག་ཇ་ཁང་། ཟ་ཁང་། ཚོང་ཁང་། སྤྱི་སྤྱོད་ས་གནས་སོགས་སྒོ་ཕྱེ་རྒྱུ་ཡིན་འདུག

གལ་ཏེ་ཁྱེད་ལ་ཕྱི་ལོ་ ༢༠༡༩-༧-༡ ནས་ ༢༠༢༠-༦-༣༠ བར་ཡོང་འབབ་གང་རུང་ཞིག་བྱུང་ཡོད་ཚེ་འདི་ལོའི་ཕྱི་ཟླ་ ༡༠ པའི་ཚེས་ ༣༡ ནང་ཚུལ་ལ་ཁྲལ་རྩིས་སྙན་ཞུ་འབུལ་དགོས། གཤམ་ལ་ཁྱེད་ཀྱིས་འདི་ལོའི་ཁྲལ་རྩིས་རྩོད་ལེན་ཇི་ལྟར་གནང་ཚུལ་སྐོར་འགྲེལ་བརྗོད་གནང་ཡོད།

ཨོ་སི་ཊོ་ལི་ཡའི་ནང་ཡོད་པའི་ Australia Tibet Council ཨོ་སི་ཊོ་ལི་ཡ་བོད་དོན་རྒྱབ་སྐྱོར་ཚོགས་པ་དེའི་ལོ་རྒྱུས་དང་། ལས་དོན་སྐོར། ཚོགས་པ་དེའི་འགན་འཛིན་བོད་མི་མང་སྤྱི་འཐུས་གདོང་འདུས་སྐྱིད་འཛོམས་ལ་བཅར་འདྲི།

སྐུ་ཚབ་དོན་གཅོད་སྐུ་ངོ་ལྷག་པ་མཚོ་སྒོ་མཆོག་ལ་ད་ལྟ་ཨོ་སི་ཊོ་ལི་ཡའི་ནང་ཡོད་པའི་བོད་མི་རྣམས་ཀྱི་གནས་སྟངས་དང་། དོན་གཅོད་གསར་པའི་སྐོར། དེ་བཞིན་གཞིས་སྤོ་ཡོང་མཁན་བོད་མི་རྣམས་ཀྱི་གནས་སྟངས་བཅས་ཀྱི་སྐོར་བཅར་འདྲི་ཞུས་པ།

Each year on the 25th of April we mark Anzac Day when we remember those who served and died in armed conflict. Anzac Day has become a symbol of Australia’s national identity. Anzacs means the soldiers of the Australian and New Zealand Army Corps and included many Indigenous and multicultural servicemen and women. - ལོ་ལྟར་ཕྱི་ཟླ་ ༤ པའི་ཚེས་ ༢༥ ཉིན་ཨོ་སི་ཊོ་ལི་ཡའི་རྒྱལ་ཡོངས་སུ། Anzac Day ཞེས་རྒྱལ་ཁ...

ཏོག་དབྱིབས་ནད་ཡམས་ཀྱིས་རྐྱེན་པའི་ཨོ་སི་ཊོ་ལི་ཡའི་རྒྱལ་ཡོངས་སུ་སློབ་གྲྭ་ཆེ་འབྲིང་ཆུང་གསུམ་གྱི་སློབ་མ་ཚོར་སྲོལ་རྒྱུན་ལྟར་སློབ་གྲྭར་བསྐྱོད་མི་དགོས་པར། རང་ཁྱིམ་དུ་བསྡད་ནས་དྲ་ཐོག་བརྒྱུད་སློབ་ཁྲིད་གནང་འགོ་ཚུགས་ཡོད་པ་ཡིན། དེ་མཚུངས་སི་ནིའི་རིག་གནས་སྐྱེད་ཚལ་ཁང་གི་གཟའ་མཇུག་བོད་ཡིག་འཛིན་གྲྭ་ཡང་མུ་མཐུད་དྲ་ཐོག་ནས་སློབ་འཁྲིད་གནང་བཞིན་པའི་སྐོར། རིག་གནས་སྐྱེད་ཚལ་ཁང་གི་སློབ་སྤྱི་རྒན་བློ་བཟང་ལུང་རིག་ལགས་སུ་བཅར་འདྲི...

Many Australians, along with workers from 88% of organisations around the globe, have had to adjust to the sudden change of working from home. Experts say it is in both the employer and employee’s vested interest to maintain a safe work environment. - ད་ལྟའི་ཆར་རྒྱལ་སྤྱིའི་ནང་ཚོང་ལས་དང་ཚོགས་པ་ཁག་བརྒྱ་ཆ་ ༨༨ ཙམ་གྱི་ལས་མི་རྣམས་ཁྱིམ་དུ་སྡོད་ནས་ཕྱག་ལས་གནང་དགོས་པ་ཆགས་ཡོད། དེ་བཞིན་ཨོ་སི་ཊོ་ལི་ཡའི་ནང་དུ་ལ...

བོད་ཀྱི་གསོ་བ་རིག་པས་ཏོག་དབྱིབས་རིམས་ནད་འགྲེལ་བརྗོད་གནང་ཚུལ་དང་། འགོག་སྲུང་ཕྱིར་བོད་སྨན་དང་རིན་ཆེན་རིལ་བུ་གང་བཞེས་དགོས་པ། བོད་སྨན་མངག་ཉོ་བྱེད་ཚུལ་སོགས་ཀྱི་སྐོར་ཨེམ་རྗེ་བསྟན་འཛིན་ངག་སྒྲོན་ལགས་དང་གླེང་མོལ།

Winter is coming. Medical professionals are bracing for the worst-case scenario of a potentially overloaded public health system by patients infected by both influenza and coronavirus. We can protect ourselves and the community by removing the influenza factor with a vaccine. - ནམ་དུས་འགྱུར་བར་བརྟེན་ཨོ་སི་ཏྲོ་ལི་ཡའི་སྨན་ཁང་ནང་ཏོག་དབྱིབས་ནད་རིམས་ཀྱི་ནད་པ་ཙམ་མ་ཟད། རིམས་ཆམ་ཕོག་མཁན་ཇེ་མང་འགྲོ་བའི་རྐྱེ...

ཨོ་སི་ཊོ་ལི་ཡའི་ནང་རྒན་གསོ་ཁང་གི་ལས་བྱེད་རྣམས་ཀྱི་ཏོག་དབྱིབས་ནད་འགོག་སྲུང་ཆེད་ཉེན་གཟབ་གནང་ཚུལ་དང། ལས་གནས་སུ་རང་ཉིད་ལ་རོགས་སྐྱོར་ཐོབ་ཐང་གང་ཡོད་མིན་སོགས་སྐོར་གྲོང་ཁྱེར་ཨེ་ཊི་ལེ་ཊི་ནས་ཡིན་པའི་རྒན་གསོ་ཁང་ནང་སྨན་ཞབས་པའི་ཕྱགས་ལས་གནང་མཁན་བསྟན་འཛིན་ཆོས་སྐྱིད་ལགས་སུ་བཅར་འདྲི་ཞུས་ཡོད།

ཏོག་དབྱིབས་ནད་རིམ་རྒྱ་ཁྱབ་བྱུང་བཞིན་དུ་མུ་མཐུད་ཕྱག་ལས་གནང་དགོས་མཁན་གྱི་ཕ་མ་ཚོར་གཞུང་གི་རིན་མེད་ཐོག་ཕྲུ་གུ་བལྟ་སྐྱོང་གི་མཐུན་སྦྱོར་གནང་འཆར་ཡོད་འདུག དེ་ཡང་། ཨོ་སི་ཊོ་ལི་ཡའི་དབུས་གཞུང་གིས་རྒྱལ་ཡོངས་སུ་བུ་བཅོལ་ཁང་སྟོང་ཁྲག་ ༡༣ ཙམ་ཞིག་སྒོ་མ་བརྒྱབ་པར་མུ་མཐུད་ཕྲུ་གུ་བལྟ་སྐྱོང་གནང་ཚེ་དཔལ་འབྱོར་བརྒྱབ་སྐྱོར་གནང་འཆར་ཡོད་འདུག

ཨོ་སི་ཊོ་ལི་ཡའི་རྒྱལ་ཡོངས་སུ་ཏོག་དབྱིབས་ནད་ཡམས་ཁྱབ་གདལ་གྱིས་རྐྱེན་པའི་སློབ་གྲྭ་དང་མཐོ་སློབ་ཁག་མང་པོ་ཞིག་གནས་སྐབས་རིང་སྒོ་བརྒྱབ་དགོས་བྱུང་ཡོད་པར་བརྟེན། དགེ་རྒན་གྱི་སློབ་ཁྲིད་གནང་ཕྱོགས་དང་། སློབ་ཕྲུག་དང་དགེ་རྒན་བར་འབྲེལ་མཐུད་གནང་སྟངས་སོགས་ལ་འགྱུར་བ་ཆེན་པོ་ཕྱིན་ཡོད་འདུག ཨོ་སི་ཊོ་ལི་ཡའི་ནང་མཐོ་སློབ་འགྲིམ་བཞིན་པའི་སློབ་མ་ཁག་ཅིག་གིས་རང་ཉིད་ཀྱི་ཁྱིམ་ནས་དྲ་ཐོག་ཏུ་སློབ་ཁྲིད་གནང་བའི་ཉམས་མྱོང་དང་། དགེ་སྐྱོན་...

ཨོ་སི་ཊོ་ལི་ཡའི་ནང་ཏོག་དབྱིབས་ནད་ཡམས་རྒྱ་ཁབ་བྱུང་བར་བརྟེན་སྡོད་ཁང་གི་གླ་ཆར་གནོན་ཤུགས་ཧ་ཅང་ཆེན་པོ་འཕྲད་བཞིན་འདུག སྡོད་ཁང་གླ་མཁན་རྣམས་ལ་ཉེ་བའི་དུས་སུ་ལས་ཀ་ཤོར་བའི་རྐྱེན་གྱིས་ཁང་གླ་དུས་ཐོག་ཏུ་སྤྲོད་ཐུབ་མིན་སེམས་ཚབས་ཇེ་ཆེར་འགྲོ་བཞིན་ཡོད་འདུག

ཨོ་སི་ཊོ་ལོ་ཡའི་ནང་ཏོག་དབྱིབས་ནད་རིམས་རྒྱ་ཁྱབ་བྱུང་བའི་རྐྱེན་གྱིས་རྒྱལ་ཁབ་ཀྱི་དཔལ་འབྱོར་ལ་བརྡབ་གསིག་ཤུགས་ཆེན་བྱུང་ཡོད། དེར་བརྟེན་དབུས་དང་ས་གནས་ཀྱི་གཞུང་དང། དངུལ་ཁང་སོགས་ཀྱིས་ཚོང་ལས་ཆུང་ཁག་སྲུང་སྐྱོབ་ཆེད་ཛ་དྲག་གི་ཐབས་ལམ་སྟོན་བཞིན་ཡོད་འདུག

དེང་སང་ཨོ་སི་ཊོ་ལི་ཡའི་ནང་ཏོག་དབྱིབས་ནད་དུག་གི་གནས་སྟངས་ཅུང་ཛ་དྲག་ཆགས་ཡོད་པར་བརྟེན། རྒས་གསོ་ཁང་ནང་ཕྱག་ལས་གནང་བཞིན་པའི་རིག་འཛིན་བསྟན་དགའ་ལགས་དང་མཉམ་དུ། རྒས་གསོ་ཁང་ནང་བྱེད་སྒོ་རྣམ་གཞག་ལ་འགྱུར་བ་ག་རེ་ཕྱིན་ཡོད་མེད་དང་། ཁོང་གི་ཉིན་རེའི་འཚོ་བར་འགྱུར་བ་དང་དཀའ་ངལ་ག་རེ་འཕྲད་བཞིན་ཡོད་མེད་སྐོར་གླེང་མོལ་ཞུས་པ།

ཨོ་སི་ཊོ་ལི་ཡའི་ནང་འཕྲོད་བསྟེན་གྱི་འབྲེལ་ཡོད་ལས་བྱེད་པར་གནོན་ཤུགས་དང་། ཏོག་དབྱིབས་ནད་དུག་ཡོད་མེད་བརྟག་དཔྱད་གནང་སྟངས་བརྒྱུད་རིམ། དབུས་གཞུང་དང་མངའ་སྡེ་གཞུང་གི་ལམ་སྟོན་གང་གནང་བར་ལག་ལྟར་དགོས་པ་སོགས་སྐོར་ཛ་དྲག་སྡེ་ཚན་གྱི་སྨན་ཞབས་སྒྲོལ་མེ་ལགས་ཀྱིས་འགྲེལ་བརྗོད་གནང་བ།

ཕ་མ་ཡོངས་ཀྱིས་རང་ཉིད་ཀྱི་མི་ཚེ་གང་བུ་ཕྲུག་གསོ་སྐྱོང་ཆེད་གཏང་ཡོད་པར་བརྟེན་རང་བཞིན་གྱི་བུ་ཕྲུག་ལ་དངུལ་དགོས་མཁོ་བྱུང་སྐབས་དངུལ་གཡར་འདོད་ཡོད། འོན་ཀྱང། མཁས་པ་འགའ་ཤས་ཀྱིས་ཕ་མ་ཚོར་རང་ཉིད་ཀྱི་རྒན་གསོ་ཆེད་གསོག་འཇོག་བྱས་པའི་དངུལ་བེད་སྤྱོད་གཏང་བར་ཉེན་གཟབ་གནང་དགོས་པའི་ནན་སྐུལ་གནང་འདུག

ཨོ་སི་ཊོ་ལི་ཡའི་གཞུང་གིས་ཨི་ཊ་ལི་ནས་འགྲིམ་འགྲུལ་མི་ཆོག་པའི་བཀག་རྒྱ་གཏང་གནང་ཡོད་པ་དང་། སྲིད་བློན་མོ་རི་སོན་མཆོག་གིས། རྒྱལ་ཁབ་ཀྱི་འཕྲོད་བསྟེན་སྲུང་སྐྱོབ་ཆེད་ཨོ་སྒོར་ཐེར་འབུམ་ ༢་༤ འགྲོ་གྲོན་གཏོང་འཆར་ཡོད་སྐོར་གསལ་བསྒྲགས་གནང་ཡོད་འདུག