RSG Kuns

Meinhard Peters gee vir Johan van Lill en Lizelle de Bruin 'n waterverfklas.

Fotograaf Nardus Engelbrecht vertel van sy aanlynuitstalling, 10karakters/10characters.

Luister na die eerste deel uit 'n argiefonderhoud met aktrise Anna Richter-Visser. Sy vertel van die tyd toe sy klas gegee het vir teologiestudente.

Deon Opperman vertel van die Afrikaanse Kontemporêre Drama-argief.

Leer ken die kunstenaar Aleta Michaletos.

Cindy Gordon van die National Children's Theatre in Johannesburg vertel van hulle plan om 'n buitelugteater te bou.

Luister na 'n argiefonderhoud uit 1990 met die akteur, Siegfried Mynhardt. Willie Lottering het met hom gesels in die program, Dagjoernaal.

Kan jy aanlyn leer teken? Johan van Lill en Lizelle de Bruin neem deel aan een van Hester van Rensburg se kunsklasse op Whatsapp, en vind uit of enigiemand kan leer teken. Hou 'n pen en papier byderhand en teken saam.

Aktrise Elize Cawood sterf op die ouderdom van 68 aan longkanker. Christelle Webb-Joubert saai 'n onderhoud uit 2015 uit met haar en haar man Wilson Dunster. Hulle gesels oor hoe hulle ontmoet het, hulle kinders en die bedryf.

Lochner de Kock word vanjaar 70. Hy vertel vir Christelle Webb-Joubert van sy grootwordjare, loopbaan en passie.

Die legendariese Babs Laker gesels in 'n onderhoud uit 1970 oor die bedryf in daardie jare.

Luister na 'n onderhoud uit 1965 met die legendariese akteur, Gert van den Bergh.

Christelle Webb-Joubert wil by Johan Myburg weet waarna jy moet kyk as jy kuns aanlyn aankoop.

Dineke van der Walt, die KKNK se visuele kunskurator, vertel hoe die virtuele uitstallings werk.

Hugo Theart vertel van die KKNK se visuele uitstallings wat nou aanlyn beskikbaar is.

Christelle Webb-Joubert gesels met perkussiespeler Magda de Vries. Sy spesialiseer in die marimba. Vader Frans Claerhout het op 4 Julie 2006 gesterf. Luister na 'n argiefhoorbeeld uit 1993, saamgestel deur Diena Smit.

Christelle Webb-Joubert gesels met twee lede van die Albertyn-familie. Michael Albertyn Senior gesels oor die familie en sy eie loopbaan.

Sandra Prinsloo gesels oor die inperking en hoe dit haar lewe geraak het, haar loopbaanhoogtepunte en oudword.

Christelle Webb-Joubert gesels met twee lede van die Albertyn-familie. Michael Albertyn Junior vertel van sy pa se invloed op hom, en hoe hy byna nie in sy pa se voetspore gevolg het nie.

Gert van Niekerk vertel hoe dit met die Teaterbystandsfonds gaan. Hy praat ook oor die toneelstuk, Leengoed, wat debuteer by Innibos Digitaal.

Luister na 'n argiefonderhoud uit 1974 met Truida Louw.

Lizelle de Bruin gesels met Margot Luyt oor haar loopbaan, die hoogtepunte en haar aftrede.

Kunstenaar Jonèl Scholtz vertel van 'n idee waar 'n skildery in stukke verdeel word, en dan oor die wêreld heen verkoop word.

Luister na 'n argiefonderhoud met Pierneef. Anna Neethlingh-Pohl en Jan Schutte het by hom gaan kuier.

Kirvan Fortuin, 'n jong danser en choreograaf, is die naweek oorlede. Hy het in Macassar op die Kaapse Vlakte grootgeword, en het sy passie as 'n beroep gekies. Hierdie passie het hom gelei na verhoë dwarsoor die wêreld. Luister na 'n dokumentêr deur Johan van Lill wat in 2017 uitgesaai is.