RSG Kuns

TUKS Camerata het onlangs baie goeie nuus ontvang, en is volgende jaar op pad Amerika toe. Die dirigent Michael Barrett deel die goeie nuus.

Die boek, Charlie and the Chocolate Factory, is verwerk as ballet, en word vir die eerste keer opgevoer deur Joburg Ballet. Terrance April gesels met die bestuurshoof, Elroy Fillies-Bell, choreograaf Mario Gaglione en assistentregisseur Nicole Ferrreira-Dill.

Die Simfoniekoor van Johannesburg tree op 3 Oktober in die Linder Ouditorium op, waartydens hulle twee groot werke vir koor, soliste en orkes sal uitvoer. Terrance April gesels met die koorleier en dirigent, Richard Cock.

Hendrik Ibsen se Hedda Gabler is te sien by vanjaar se Woordfees in Stellenbosch. Terrance April gesels met die regisseur Christiaan Olwagen.

Kunstenaar Michele Nigrini het na die Kaap verhuis, en gesels oor haar nuwe galery in Stanford. Sy vertel ook van die produksie, Eendagsvlieg en ander vlietende gedagtes, en hoe sy daarby betrokke is. 

Christelle Webb-Joubert gesels met Lizz Meiring oor die Teaterbystandfonds om te hoor hoe dit deesdae met die fonds gaan.

Die uitstalling in Stellenbosch se Stadsaal is die grootste uitstalling by vanjaar se Woordfees. Teresa Lizamore vertel meer.

Ronel Schoombee vertel wat die ateljeebesoeke, as deel van die Woordfees, behels.

Die akteur Paul Lũckhoff is op 17 September 2024 oorlede. Henry Mylne en Germandt Geldenhuys bring hulde aan hom.

Willem Vogel vertel van 8 Cellos in Concert, wat te sien is by vanjaar se Woordfees.

Paul Hoffman vertel vir Christelle Webb-Joubert van die 9de Nasionale Mannekoorfees wat vanjaar in George plaasvind. 

SALT is Cape Ballet Africa se nuwe produksie. Dit bestaan uit nuwe werk deur Suid-Afrikaanse choreograwe. Die danser, Mia Coomber, vertel van die produksie.

Dr. Nathani Lüneburg is 15 jaar gelede gediagnoseer met bipolêr tipe 2. Die afgelope twee jaar kry sy ook epileptiese aanvalle. Met haar uitstalling, Illness became her, maak sy haar toestand bekend, en hoop sy om bewustheid te skep deur middel van haar kuns.

Terrance April gesels met die regisseur Charmaine Weir-Smith oor die toneelstuk, My name is Lucy Barton.

Terrance April gesels met die artistieke direkteur en violis, David Bester, oor die Oos-Kaap Filharmoniese Orkes. Hulle gesels ook oor ‘n opkomende simfoniekonsert wat in September plaasvind.

‘n Begin, is ‘n vertaling van David Eldridge se teks, Beginning. Die akteurspaar, Carel Nel en Cintaine Schutte, is te sien in dié produksie by vanjaar se Woordfees in Stellenbosch.

Die Sasol Nuwe Handtekeninge-kompetisie se wenners vir 2024 is onlangs aangekondig. Christelle Webb-Joubert gesels met die wenner en een van die beoordelaars.

Louise Coetzer, medestigter en choreograaf van Darkroom Contemporary Dance Theatre, vertel van Autoplay, wat te sien is van 10 tot 28 September in Kaapstad.

Speelgoed van glas, is ‘n vertaling en verwerking van Tennessee Williams se baie bekende, The glass menagerie. Die regisseur, Nico Scheepers vertel wat gehore kan verwag by vanjaar se Woordfees in Stellenbosch.

Christo Davids se toneelstuk, Laaitie mettie biscuit, debuteer by vanjaar se Aardklop Kunstefees. Terrance April gesels met hom.

Oppiwater Kunstefees 2025 se feesprogram is bekendgestel. Die feesdirekteur, Frans Swart, vertel waarna gehore kan uitsien.

Hoe mooi val die lig is ‘n teks deur Riana Scheepers. Dit vertel die verhaal van die liefdesverhouding tussen die Franse skrywer, George Sand, en die Poolse komponis, Chopin.

Laurinda Hofmeyr vertel van -loos, ‘n produksie by Aardklop. Sy het van die gedigte getoonset.

Die kurator van die Rust-en-Vrede Galery, Hamlin Jansen van Vuuren, vertel van al die uitstallings wat daar te sien is.

Aardklop se kunskurator, MC Roodt, vertel watter uitstallings en werkswinkels alles by die fees aangebied word.