JC
奇情島
奇情島探索古今中外奇人、奇事、奇案。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故:https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc
Glöm inte att besöka poddens webbplats och stötta skaparen: podcasters.spotify.com
Skapare
JC
Kategori
Poddens webbplats
Senaste avsnittet
17 nov 2026
Var kan du lyssna?
Poddar i appen Replaio Radio Kommer snartPoddar kommer snart till appen. Installera nu och bli först med att uppleva ett helt nytt sätt att lyssna på poddar
Avsnitt
EP35 - [求生] 亞馬遜四孩求生記 28.01.2025 21:58
今日我哋要講嘅係一個令人難以置信嘅奇蹟故事。喺一次發生喺亞馬遜森林嘅空難入面,只有4個小朋友幸存咗落嚟,一個生存考驗隨即開始。4個小朋友年紀最大嘅先至13歲,最細嘅只得11個月。孤獨嘅佢哋,需要面對人煙罕至、到處都係危險嘅熱帶雨林。咁到底,4個小朋友究竟經歷咗啲乜野嘅磨難呢?就等我哋先返到去2023年,重溫呢一單亞馬遜四孩求生記。
EP34 - [虐殺] 馬里蘭州瑜伽用品店謀殺案 21.01.2025 27:34
2011年3月12日,喺美國馬里蘭州貝塞斯達市嘅一間運動服裝同瑜伽品牌店鋪入面,兩名店員被發現雙雙倒臥喺店鋪不同位置,身上仲充滿血跡。而收銀櫃,入面嘅現金,就全部俾拎走,睇黎,就好似發生咗一單殺人同盜竊案 。但警方深入調查後,發現事情冇想像中咁簡單,而一切起因竟然係黎自一條價值只係120蚊美金嘅瑜伽褲。咁到底,當中發生咗啲乜嘢事呢?就等我地返到去2011年3月嘅美國馬里蘭州,重溫事情發展嘅經過。
EP33 - [藏屍] 銅鑼灣花槽藏屍案 14.01.2025 24:28
喺20世紀80年代,香港發生咗轟動全城嘅,花槽雙屍案。案發嘅時候,警方努力調查,傳媒同市民都有各自嘅講法,但真依然尚未查明。 事隔26年之後,又有一單離奇嘅死亡事件,睇黎同呢單案件有關,令呢個懸案再次引起大眾注意。究竟係乜嘢原因,令呢單命案難以破案?又有啲乜嘢陰謀,隱藏喺呢單命案背後嘅呢? 就等我哋返到去1984年嘅銅鑼灣,重溫事件發展嘅經過。
EP32 - [戀屍] 倫敦戀屍癖連環殺手 07.01.2025 28:41
喺20世紀70年代,倫敦曾經出現過一個變態嘅連環殺手。佢常年犯案,但係屢次逃脫,最後竟然係自己送上門去到警局。警車上,探員問佢:案發嘅房間入面,其實一共有幾多位受害者?到底係一個,定係兩個?男人望住窗外,淡定嘅答:案發嘅房間有三個。剩低嘅,我放晒佢地喺我之前住嘅公寓。我諗大概15? 或者16?警員聽到呢個數字,當堂呆咗。咁到底,呢個英國其中一個最令人作嘔嘅連環殺手,究竟當年做咗啲乜嘢?就等我哋返返去1970年代...
EP31 - [求生] 安第斯空難奇蹟 31.12.2024 26:01
今日同大家講個劫後求生嘅奇蹟故事。2012年10月12日,喺智利首都聖地牙哥,正舉行緊一場, 遲咗足足40年嘅欖球友誼賽,據賽場上一位名烏拉圭老球員回憶:「喺40年前嘅呢個時候,飛機正在下墜。」 16名老球員喺聖地牙哥相聚,同之前嘅隊友打咗呢場遲咗40年嘅比賽。喺比賽中,佢哋痛哭流涕,老淚縱橫,而佢哋嘅經歷,同一場40年前嘅著名安第斯空難有關。當年空難,飛機墜毀喺寸草不生嘅安第斯雪山入面,政府搜救無望,最終放棄咗救援...
EP30 - [縱火] 加州平安夜滅門案 24.12.2024 23:35
聖誕節本應係一個同親朋好友相聚嘅時節。聖誕老人,亦都係呢個節日嘅標誌之一,佢親切嘅形象,深入民心。不過,冇人會諗到,聖誕老人有一日會變身成殺手,用子彈同烈火,殘忍咁奪取一家人嘅性命。喺某一個平安夜,美國有一家人,按照慣例,舉辦大型嘅聖誕派對。不過,一名扮成聖誕老人嘅男子,不請自來,攜帶武器同自製嘅噴火槍,將呢一家人嘅幸福生活,無情地燒成灰燼。咁究竟,嗰一晚發生咗乜嘢事呢?又係邊個會特意揀喺聖誕佳節...
EP29 - [醃頭] 臺灣醃頭案 17.12.2024 25:25
2013 年,臺灣新北市一間警局收到一封神秘信件,指示警方喺一個距離警局3個鐘車程嘅一個公廁尋找一具屍體,及後竟然發現一個被人用鹽醃住既頭顱,事件震驚全台灣。案件經過調查後,竟然發現兇手同死者關係非常密切。咁到底,兇手同死者有啲乜野關係呢?兇手嘅犯案動機又係乜野呢?就等我地返到去 2013 年臺灣新北市,重溫事情發展嘅經過。
EP28 - [姦殺] 土瓜灣明月大廈姦殺案 10.12.2024 21:01
1974 年嘅初夏,一名就讀中學嘅 17 歲少女,放學後獨自留喺位於九龍土瓜灣明月大廈嘅屋企,但之後就離奇發現先被搶劫、然後被強姦同殺害。雖然當年曾經有疑兇被拘捕,但喺法庭上,佢能夠成功洗脫罪名,令姦殺事件一度成為懸案,令死者死不暝目。直到 2004 年,兇手不堪折磨忽然現身,先得以令懸案有新進展。到底兇手當年行兇情況點樣?當中發生咗乜嘢事,令案情於多年後有新進展?就等我哋返到去1974 年 5 月嘅土瓜灣,重溫事情發...
EP27 - [毒殺] 奧地利蘭茲死亡四天使 03.12.2024 25:13
由南丁格爾開創現代護理學開始,護士呢個職業成為咗民眾眼中嘅“白衣天使”,維護住患者嘅健康同生命。護士係我哋遭遇傷病、喺醫院治療時最依賴嘅對象。然而樹大有枯枝,總有個別嘅人會做出完全違背職業道德嘅事情,由“白衣天使”墮落成“死亡天使”…… 今日我哋要講嘅,就係奧地利嘅四名女子。佢哋本應該係我哋眼中嘅白衣天使,但佢地竟然組成咗所謂嘅「死亡組合」,喺醫院蓄意犯案,持續6年竟然無人察覺,最終幾百人喺醫院遇害。咁究竟...
EP26 - [殺嬰] 澳洲艾爾斯巨石殺嬰案 26.11.2024 25:00
澳洲北部嘅艾爾斯巨石,每年都吸引咗數以萬計,嚟自世界各地嘅遊客。因為太陽光嘅關係,喺唔同嘅時間,艾爾斯巨石都可以展現唔同嘅色彩,土著相信佢可以反映人嘅靈魂,稱佢為「烏魯魯」,亦即係大地之母。1980年8月17日,一個澳洲家庭,帶住三個仔黎到呢個聖地玩。冇人可以諗到,呢次旅程,竟然奪去一個小生命,令母親被判終身監禁,仲成為全家人喺30 多年嚟嘅噩夢。咁到底發生咗啲乜野事,影響到一個失去個女嘅母親?而呢名母親又...
EP25 - [雙屍] 薄扶林龍虎山雙屍案 20.11.2024 21:31
1970年一個晚上,一間報社接獲神秘電話,留下一段一名男子伏屍龍虎山叢林嘅消息,然後掛斷電話。警方即刻派員去龍虎山附近搜索。令人震驚嘅係,隨後搵到嘅,竟然唔單止一具屍體,而係兩具,而且死狀慘不忍睹。究竟,呢兩具屍體生前有咩關係呢?兇手又係邊個,點解要將佢哋送上絕路呢?就讓我哋返到1970年,香港薄扶林龍虎山,重溫事情發展嘅經過。
EP24 - [投毒] 芝加哥泰諾膠囊投毒案 13.11.2024 21:11
現今喺藥房買返黎嘅藥品都有安全封口,對於「請勿服食封膜開啟或破損之產品」嘅呢類標語大家都習以為常。除咗擔心過期同保存問題,其實,而家對於食物同藥品嘅包裝安全,會制訂咁嚴格嘅檢驗標準,都源於一宗發生喺1982年美國嘅「泰諾膠囊藥丸投毒事件」。1982年9月29日同30日,喺芝加哥發生咗好單因為服用含有氰化物嘅“泰諾”藥丸而中毒死亡嘅意外,而呢件事竟然引致之後一連串嘅其他事件,包括勒索信息、全民舉報,甚至殺人案等。...
EP23 - [謎殺] 芬蘭博頓湖三重謀殺案 06.11.2024 29:33
今日要講嘅係芬蘭第一大奇案。1960年,三名青少年喺芬蘭博頓湖岸邊慘遭殺害,呢件事喺平靜嘅芬蘭掀起咗轟動,之後嘅60年入面,警方一直冇放棄調查,真相撲朔迷離,百轉千回,最終呢單案件亦成為芬蘭民眾記憶中揮之不去嘅夢魘。咁究竟,當年喺湖邊發生咗啲乜嘢事呢?兇手究竟係邊個?就等我哋返到1960年6月嘅芬蘭博頓湖畔,重溫事情發展嘅經過。
EP22 - [活埋] 華盛頓州美婦遭活埋案 30.10.2024 21:19
喺2022年10月17日,對美國華盛頓州萊西市嘅呢戶人家嚟講,真係驚險萬分,最後仲氣憤填膺。凌晨時分,呢家人被突如其來嘅敲門聲嘈醒咗。佢哋喺窗同防盜眼嗰度,見到門外有一個滿身傷痕同泥濘、而冇著鞋嘅亞裔女人瘋狂咁敲佢哋嘅門。佢有試圖叫喊,但聲音唔算大聲,好以有種個咀俾人捂住嘅感覺。究竟,呢名女子到底係乜野人?佢經歷咗啲乜野恐怖事件?佢最終既下場又係點既呢?就等我哋返到去2022年10月既萊西市,重溫整個事情發生既...
EP21 - [盜竊] 藍鑽事件 23.10.2024 21:47
喺上個世紀80年代尾,沙特阿拉伯王室嘅一批珠寶被一個泰國工人偷竊返國,其中包括一粒價值連城嘅藍鑽。但輾轉之下,呢單事件變成唔係簡單嘅失竊案,而引發咗一連串神秘嘅命案同謀殺案,最終導致沙特阿拉伯同泰國斷交咗35年,各個領域嘅交流基本停滯,影響持續至今。咁究竟,當中發生咗啲乜野事,導致偷竊一事觸動兩國關係,仲涉及多名人命呢?就等我哋返到去1989年嘅沙特阿拉伯,重溫呢件曾經轟動沙特同泰國一時嘅「藍鑽事件」。
EP20 - [圓謊] 法國假醫生殺親案 16.10.2024 25:06
喺1993年嘅法國一個小鎮度,有一個男人殺晒佢自己全家,只為咗掩飾佢嘅謊言。而呢個謊言嘅起源,竟然係嚟自18年前佢無意間講嘅一個大話。咁究竟佢講左個乜野既大話,可以令佢不惜殺妻、殺子、殺父母?就等我哋返到1954年,重新整理呢單案件嘅前因後果。
EP19 - [分屍] 東京井之頭公園分屍案 09.10.2024 21:17
提起東京嘅打卡熱點,井之頭公園係一個唔錯嘅選擇,全因佢風景優美。之不過, 呢一個風景咁怡人嘅地方, 竟然係 1994年一單分屍案發生嘅地方。而呢一單案件, 為呢個公園蒙上一層濃厚嘅傳說。咁呢單案件係點俾人發現嘅呢?而兇手行兇動機又係啲乜嘢呢?就等我地返到去1994年4月, 重溫呢單東京井之頭公園分屍案。
EP18 - [滅門] 葵涌警察宿舍四屍案 02.10.2024 22:41
喺80年代,香港葵涌警署隔離嘅警察宿舍發生咗一宗駭人聽聞嘅慘案。住喺B座五樓嘅警員鄭炳和、妻子李鳳鳴同埋佢地嘅仔女,一家四口慘遭滅門,四人全部身中多刀,死狀恐怖!雖然80年代嘅香港,江湖氣息好重,但係,無論黑白兩道嘅人士,都遵守禍不及妻兒嘅原則,所以案件發生之後,都紛紛推測警員鄭炳和全家慘遭滅門,係嚟自犯人尋仇,但係現場留低嘅物證,就推翻呢一個猜想。咁到底,死者一家同乜嘢人扯上咗危險關係,導致咁嘅下場...
EP17 - [核災] 巴西戈亞尼亞事故 25.09.2024 22:02
提起1987年嘅秋天,好多巴西戈亞尼亞嘅居民仍然有好深刻印象,因為佢地都記得,嗰一年發生咗一場幾乎毀滅戈亞尼亞城嘅災難。當時有兩個愚蠢嘅小偷,因為一時貪念偷走廢棄醫院嘅一樣嘢,之後將佢當成爛銅爛鐵賣去廢物回收站,導致喺短短幾日嘅時間入面,有超過240人受到唔同程度嘅健康影響,而4人更因此死亡。巴西政府為咗處理呢啲污染源,出動咗大量嘅人力物力,花費幾億美金。而戈亞尼亞亦因為呢次事故被其他地區嘅人歧視,大家都...
EP16 - [墮樓] 沙田翠華花園離奇墮樓案 18.09.2024 26:33
喺90年代嘅某一日,沙田翠華花園發生咗一單幼稚園學童喺返學時間墮樓嘅事件。起初以為校方疏忽,導致小朋友走失,誤闖樓層而墮樓身亡。但經過警方調查,竟然另有內情。咁到底,小朋友係點樣會喺返學時間走到上去大廈,然後墮樓嘅呢?當中究竟牽涉到啲乜野人同事?就等我地返到去1993年8月嘅沙田翠華花園,重溫事情發生嘅經過。
EP15 - [謀殺] O.J. 辛普森案 (下) 11.09.2024 23:05
上回提到,美國民眾一齊睇辛普森逃亡嘅直播,超過9500萬人觀看,比睇超級碗仲要多。有人喺路邊為佢加油,最尾佢自首,引發全球關注。喺今集,我哋會解構辛普森正式被捕後嘅一場世紀審判。究竟,喺重重證據包圍之下,辛普森同佢嘅團隊點樣應對?最後嘅結局又係點嘅呢? 就等我哋返到去1994年6月23日,重溫當年審判嘅過程。
EP14 - [謀殺] O.J. 辛普森案 (上) 05.09.2024 22:30
O.J. 辛普森案 (The case of O.J. Simpson),相信各位應該有聽過。佢被稱為美國歷史上最複雜嘅謀殺案審判,亦都被後世稱為人類史上最經典嘅司法大案。規模之大,影響力之遠,世間少有。所以有「世紀審判」嘅稱號。佢改變咗美國嘅刑事偵緝制度,令法庭科學地位提升,亦進一步確立咗美國司法制度,對程序公義同確鑿證據嘅重視程度,已經遠遠超過咗尋求真相同將兇手定罪。當然呢單案件亦充滿咗爭議,直到而家依然有好多美國民眾喺度討...
EP13 - [剖腹] 美國肯塔基州剖腹偷取胎兒案 29.08.2024 22:50
一個新生命嘅誕生,喺絕大多數人嘅心入面,肯定係值得開心同祝福嘅事情。但係喺2011年4月喺美國,隨住一名男嬰嚟到呢個世界上,一場慘絕人寰嘅血案亦同時發生咗。究竟當中發生咗乜嘢事?一個嬰兒嘅誕生,點解會導致一單殘忍而血腥嘅兇案出現?就等我哋返到去2011年4月13日嘅美國肯塔基州,重溫事情發展嘅經過。
EP12 - [偷渡] 英國多佛爾港死亡貨車 23.08.2024 20:43
2000年6月,58名中國偷渡者,由福建出發,穿越俄羅斯、東歐,進入荷蘭,然後擠進蛇頭嘅冷藏貨車偷渡到英國。喺路上,為咗避免車內嘅聲音被聽到,司機關閉咗貨櫃通風管,之後一直冇打開,咁究竟,呢58名中國偷渡者當時喺貨車上嘅情況係點呢?而最後佢哋嘅下場又係點呢?
EP11 - [失蹤] 澳洲女童神秘失蹤半世紀 15.08.2024 21:02
1970年1月12日,一名3歲嘅澳洲細路女,喺靠近新南威爾士州臥龍崗嘅仙女海灘同屋企人玩水時突然失蹤,一失蹤就係50年。正當大家都以為細路女嘅失蹤真相永遠都唔會被解開嘅時候,一名探員偶然發現嘅線索竟然將事情嘅來龍去脈一一破解,但最終結局卻峰迴路轉,令呢位辦案探員憤而辭職。到底呢個細路女係點樣失蹤嘅呢?細路女嘅下落到底係點樣呢?又係因為乜嘢事,令到呢位本身對案件鍥而不捨嘅探員憤而辭職呢?
Liknande poddar
Replaio är ingen poddutgivare; programnamn, omslag och ljud tillhör sina upphovspersoner och distribueras via offentliga RSS-flöden