Podcast Oñati Irratia

Aloña Mendiko atletismo sailak antolatu du federazioaren egutegian txertatu den kros hau. Benjamin, alebin eta infantil kategoriatan jokatuko da, igande goizean. Eric Martinek eman dizkigu krosaren inguruko argibideak.

Aurrez, gurean izan dugu Dorleta Elkorobarrutia eta HIRMA markaren oinarriak eta proiektuaren helburu eta erronkak azaldu dizkigu.

Ohorezko erregional mailan liga txapelketaren lehen itzulia amaitu berri da. Aloña Mendi futbol taldeko entrenatzaileari orain arteko lanaren balorazioa eskatu diogu eta bigarren itzulirako asmoei buruz galdetu diogu.

Eusko Legebiltzarrean tramitera onartu den Herri Ekimen Legegileari babesa emateko sinadurak biltzen hasi dira. Zer eskatzen duten, zenbat sinadura batu behar dituzten eta beste hainbat xehetasun eman dizkigute Xabier Oregi eta Joxefe Diaz de Tuesta pentsionistek.

Mattinek eta Astik eman digute apirilaren 27ra bitartean antolatu duten egutarauaren berri. Fanzineaz, kontzertu-bonoez eta zozketez ere aritu gara.

Ibilbide labur baina arrakastatsua darama MALKO taldeak. 2023an eratu zen taldeak iazko martxoan kaleratu zuen lehen diskoa, Gaztea maketa lehiaketa irabazi zuen, abenduan, eta Danbaka lehaiketako finalean arituko da, gaur gauean. Aurreko orduak nola bizi dituzten kontatu digute Maddik eta Anderrek.

Mikel Aranburuk urtero eskaini ohi digun irratsaio berezia da abenduaren 25ekoa. Oñatitik kanpo zeuden hainbat lagun elkarrizketatu zituen: Jon Cantero (Alemania), Eneko Igartua (Chicago), Alaitz Lazkanoiturburu (Brasilerako bidean) eta Naia Herraez (Argentina). Euskadi Irratian diharduen Ainhoa Agirrerekin eta irrati berean Oñatin dugun eguraldiaren berri eman ohi duen Jabi Agirrerekin ere berba...

Herritarrok helarazitako galdera ugari izan ditugu alkatearekin egin dugun urteko lehen elkarrizketa saioan. Horiezaz gain, Urteberri eguneko labankada- gertaeraz eta udal aurrekontu proposamenaz ere berba egin dugu, besteak beste.

ONCEn 25 urte eman izanaren saria jaso zuen Santa Lutzia egunez oñatiarrak, nahiz eta, ekainaz geroztik erretiratuta dagoen. Sari banatzaila "profesionala" launtzaile izan dugu Gabonetako sarien zozketetan.

Txokolateixa, Kimu-Urtxin lora denda, Barue Interiosmoa eta Andrea Azkoaga interiorista izan dira 2024ko sarituak. Guztiekin berba egin dugu.

Guztien berri eman digu Maitek, udako oporren atarian gurera lehenengoko aldiz etorri zen lagunak.

Hirugarren aldiz emango da Pake Leku Saria eta Pake Leku eta herria musikaz girotzen urteak eman dituen Migel Mª Guridi "Txome"k jasoko du, gaur arratsaldean. Aurretik, gurean izan dugu.

AEBetan ikasten du Ane Madinak eta igeriketarekin partekatzen ditu Ekonomia ikasketak. Gabonetan Oñatira itzuli dela aprobetxatuz, zertan ari den galdetu diogu.

Partaideak, egitaraua, izaera solidarioa eta kontzertu lekua eta ordutegiaren inguruko xehetasunak eman dituzte Aitor Biainek, Mirengu Plazaolak eta Manu Egañak.

"Esku hutsik" elkartearen aldeko emanaldia izango dela argitu digu Mirengu Plazaola zuzendariak. Baina larunbatekoaz gain beste hiru emanaldi izango dituzte hurrengo egunetan.

Martxotik abendura egindako ekintza guztien errepasoe ta balorazioa egin du urteurreneko lan batzordeak. Eskerrak emateko agerraldia izan da.

AIXOTU euskara talde berriaz, larunbatean ospatuko duten urteurren jaiaz edota "inuxenteen eguneko" kontzertu bereziaz aritu zaizkigu Gaztetxetik etorri diren Ana eta Aitor.

Faktoria soziala proiektuak elkartu ditu Hots abesbatza eta Izan inurri minbizia duten emakumeen taldea. Hots abesbatzak emango duen kontzertuan ikusgarritasuna emango zaio taldeari eta minbiziari, dirua batzearekin batera. Izan inurrik, gainera, hitzaldia emango du, kontzertua baino egun batzuk lehenago, zertan diharduten plazaratzeko.

Amiantoak eragindako osasun arazoei buruz eta horiek eragindako kalteen ordaina lortzeko borrokari buruz berba egin digu Jesus Uzkudunek.

Bigarren urtez joan da Guinea Bissaura Mirari Malbadi, katarata ebakuntzak egiten laguntzera. Gasteizko oftalmologo talde batekin joan da eta 108 zirujia egin dituzte sei egunetan. Esperientziaren berri eman digu.

Alde Zaharreko Hiri Berroneratzeko Planaz, Oñatin energia komunitatea eratzeko prozesuaz eta bidegorriko komunen garbiketaz aritu gara, besteak beste.

Oñatiko Institutua, Txantxiku ikastola eta Elkar Heziko ikasleekin batera osatu dugu gaurko irratsaio berezia, Euskararen Nazioarteko Egunaren harira antolatu diren ekintzen baitan. Ikasleek beraiek azaldu digute herri mailan, zein ikastetxeetan, nola ari diren ospatzen Eusakararen Eguna.

Goi mailako emakumezkoen eskubaloi partida antolatu du Aloña Mendik bihar arratsalderako Zubikoa kiroldegian. Lagunarteko partidua nola ekarri ahal izan duten azaldu digu Iñaki Mendarozketak, Aloña Mendiko Eskubaloi saileko arduradunak.

Ekonomiaren ikuspegi kapitalistatik haratago beste ikuspegi batzuk azpimarratzen dira erakusketa honetan, horien ikerketan ari diren emakume erreferenteak hartuta. Erakusketa Oñatin izango da, ostegunera arte.

Lehoiaren aurkikuntzaren kronika jasotzen da Pamielak kaleratu duen liburu honetan; aurrez, Udalak argitaratu zuen "lehoiren atzaparretan galduta" lana "pitin bat" orraztu eta osatu du egileak.