Driesestig

Die bekende koordirigent, Hanlie Young, ook orrelis by die NG Kerk Hoogland in Gqeberha, sê kwaliteit kerkmusiek help om die kerk vol te hou. Nie net tydens eredienste nie, maar ook met die aanbieding van spesiale uitvoerings in die kerk. Die jongste uitvoering wat aangebied word, is Leef Jou Lied. Hanlie verduidelik aan Mariska Spoormaker waar dié titel vandaan kom.

Dr. Petre Prins praat oor spinel en toermalyn, twee minder bekende edelstene, wat toeneem in gewildheid en prys.

Twee Litauers is in Letland vasgetrek met 22 ton se vervalste Ariel-waspoeier en -wasgoedmiddel.

Koshistorikus Hetta van Deventer-Terblanche praat oor dragon.

Ben Malan het pas ná universiteit by Hoërskool Stellenbosch aangesluit as onderwyser. Hy is al 30 jaar daar werksaam, en geniet steeds elke oomblik. Sy oudleerders praat steeds met soveel lof van hom. Haidee Muller-Isaacs het hom nadergehark vir 'n heerlike geselsie oor hoe hy dit regkry om in leerders se harte in te kruip.

In Kalifornië is vier mans vas nadat hulle versekeringseise ingestel het vir skade, wat ‘n beer glo aan drie motors aangerig het. ‘n Kenner het na die videobewyse gekyk, en gesê mens kan mos sien dis ‘n mens in ‘n beerpak. ‘n Beerpak is toe wel in een van die verdagtes se huis gevind.

In 2006 is die Baaienaars, Gideon en Johanna Swanepoel, se drie seuns gekies om vir die SA-skaakspan in Griekeland te gaan speel. Geld groei nie aan bome nie, gevolglik het Gideon beskuit begin bak om die koste te help dek. Sedertdien het hy nooit ophou bak nie. Mariska Spoormaker het sy gemmerbeskuit geproe, verlief geraak daarop, en hom by die Crossways Farm Village-Markiedag gaan opsoek.

Prof. Donita Africander praat oor perimenopouse en die simptome wat vroue ervaar.

‘n Man van Australië is tot vier jaar tronkstraf gevonnis nadat hy sy gesin na Soedan geneem het vir vakansie, maar toe teruggevlieg het met sy vrou en kinders se paspoort. Hy het haar net daar gelos.

Marli Coetzee vertel van die lewe in Suid-Korea, waar sy sedert 2019 Engels-klasse gee.

Haidee Muller-Isaacs praat met Frankford Williams oor sy betrokkenheid by 'n verskeidenheid organisasies wat blindes en gestremdes dien. Frankford is voorsitter van Blind

Nicolene Dreyer vertel vir Martelize Brink van Kalahari-rooiklei en Kaapse witklei, wat in skoonheidsprodukte gebruik word.

Vier studente se nagtelike fietsrit na ‘n dorpie 50 km weg, het ’n sosialemedia-sensasie veroorsaak. Vrydagaand het tussen 100 000 200 000 jong mense per fiets die rit aangepak, en die owerhede onrustig gemaak.

Martelize Brink besoek Earl White van die Butterfly Sanctuary op Mosselbaai. Hy verduidelik hoe hulle met skoenlappers teel, om bevolkings te versterk, en van die interessante wisselwerking tussen skoenlappers, plante en insekte.

Krimpende leerdergetalle en begrotingsdruk het die afgelope paar jaar talle plaasskole laat sluit. Beulah Primêr tussen die Baviaanskloof- en Klein Winterhoekberge is een van die skole wat moes sluit. Anine Rathbone, voormalige hoof, sê ’n plaasskool is ’n gemeenskapshart, daarom is die sluitings daarvan so ’n hartseer saak.

’n Amerikaanse man het aspris in ‘n ander voertuig vasgery, en gesê dit was ‘n ongeluk. Videomateriaal van ‘n aanboordkamera op die slagoffer se motor, vertel egter ‘n ander storie op sosiale media.

Aartjie na sy vaartjie. Soos pa Jurgens Schoeman van LiveTheJourney, is sy seun, Jurgie, ook ‘n avonturier wat deesdae op die Vietnamese platteland woon. Daar het hy ‘n huis gebou, die taal aangeleer, ‘n sokkerspan begin en word hy selfs genooi om by troues te gaan sing. Hy vertel wat jy moet doen om in die land, vyf maal kleiner as Suid-Afrika, te integreer.

Koshistorikus Hetta van Deventer-Terblanche praat oor kook met tuinsurings.

‘n Britse pa het ‘n trougeselskap aan die lag gehad toe hy die paadjie afgestap, maar vergeet het om sy dogter, die bruid, saam te vat!

Die Van Reede-trompoppies het hulle plek in die geskiedenis bevestig met 'n onvergeetlike vertoning by die MWF-wêreldkampioenskappe, gevolg deur hulle triomf by die Trompoppies- en rasieleiersvereniging se nasionale kampioenskappe. Haidee Muller-Isaacs het op Oudtshoorn by hulle gaan kuier.

Dr. Chrisna Keyser praat oor die sjirurgiese opsies in die behandeling van haarverlies. Ons hoor ook hoe hare reageer ná inplantings.

Taiwan het die wêreld se enigste roomyswinkel met ‘n Michelinster. Geregte word daar teen verskillende temperature bedien, van 0 grade Celsius tot -196 grade Celsius.

Martin Viljoen gesels oor sy werk as mediabestuurder by Stellenbosch Universiteit.

Sy kan skaars oor die stuurwiel kyk, só klein is sy, maar niks klink vir Rhona Africa mooier as die brul van haar blou 1985 Ford Cortina drie liter bakkie nie. Mariska Spoormaker het dié storie anderkant die Baviaanskloofberge raakgetrap tydens die Baviaans Fietstoer.

Die 36 jarig Luke Durant het ‘n nuwe priemgetal ontdek. ‘n Priemgetal is een wat net deur homself en een gedeel kan word, soos 2, 3, 5, 7 en 11. Hulle noem Luke se getal M136279841, en dit bestaan uit 41 024 320 syfers!