Driesestig

Seker die mees interessante storie by die plaas Kamerkloof in die Baviaanskloof is dié van Susan Marais Reynecke van haar ouers wat haar op 'n afdraaipad van die kunste probeer sit het, en sy 'n verpleegster geword het. Deesdae is sy 'n kunstenaar, olyfboer en 'n parser. Mariska Spoormaker het gaan inloer.

Sjef Adél Hughes vertel van haar gunsteling speserye wat sy vir vis gebruik by die Seebamboes-restaurant. Martelize proe haar gepekelde vis en klipkombers focaccia.

Geisha is koffie van Panama wat onlangs teen $30 204 (sowat R527 000) per kg verkoop is aan ‘n handelaar in Dubai!

Hy is ‘n motorfietstoerleier na vreemde lande. Johan Rademan het onlangs deur Mongolië gereis, en na 2 500 km, van die pad af toevallig paaie gekruis tussen die Wildeperde van dié land, en Henk Kotzee se ysterperde.

Michelle Cotter vertel vir Martelize Brink hoe die apparaat werk waarmee slaap gemonitor word, en hoe CPAP-masjiene werk wat help met asemhaling.

Wetenskaplikes by King’s College in London het bevind dat keratien, ‘n proteïen wat onder andere in hare voorkom, skade aan die emaljelaag van jou tande kan herstel, met ‘n lagie wat emalje naboots.

Seremoniemeester en radio-omroeper Francois Boyce, en sy vrou, Amoré, vertel hoe dit deesdae met hulle 14 maande oue seuntjie, Levi, gaan nadat hy as baba met seldsame infantiele spasmasindroom gediagnoseer is.

Dr. Magriet Muller vertel van seldsame verbindings, gesog in die farmaseutiese bedryf, wat in Cannabis-blare gevind is.

Watter een van die twee kerktorings is die hoogste? Aberdeen se NG kerk of Paarl se Toringkerk? Tienie Appel vertel vir Martelize Brink dat 'n landmeter ‘n antwoord op die vraag het.

‘n Onderneming in Frankryk fasiliteer kaartjies vir mense wat vreemdelinge se troues wil bywoon. Dié inkomste help om vir die troue te betaal.

Lynette Häuselmann vertel vir Martelize Brink van die lewe in St. Gallen in Switserland. St. Gallen is die naam van die stad sowel as die kanton waar sy woon.

Kabega Primêr in Gqeberha neem die voortou wanneer dit by herwinning en omgewingsake kom. Dié skool het in een jaar 43 000 kilogram glas herwin, is deur die Natuurlewevereniging van Suid-Afrika as groepkategoriewenner aangewys, en nou is een van hulle onderwysers met 'n internasionale toekenning bekroon. Mariska Spoormaker het daar gaan inloer.

Mandie Uys praat oor die geskiedenis en sosiale rol van dameskleedkamers.

‘n Kerk in Swede is in sy geheel verskuif na ‘n nuwe staanplek. Die gebou van 672 ton is met ‘n hyskraan gelig en op reuse rolplatforms gelaai vir die trek.

Maryke Musson vertel vir Martelize Brink van ‘n seldsame habitat, ’n rodolietbed, wat onlangs ontdek is in die iSimangaliso Mariene Beskermde Gebied aan KwaZulu-Natal se kus.

Genesing word nie net uit die apteek se glasbotteltjies geskud nie. Antoinette Bishop vertel van klankgenesing. Haidee Muller-Isaacs het gaan luister na die klank wat uit haar kristalinstrumente kom.

Maud Pelser vertel vir Martelize Brink hoe Kobus haar as kind al ontmoet het.

Micherre Fox het besluit sy wil self die diamant vir haar verloofring gaan soek, in die grond. Haar soektog het ‘n 2,3 karaat wit diamant opgelewer!

Hoekom sal ‘n Suid-Afrikaner wat Suid-Afrika se berge, dale en duineveld gereeld stap, oor die 400 kilometer in Nederland van alle plekke wil gaan stap? Die Pieterpad, wat van die noode na die suide in die oostelike deel van Nederland strek, het haar geroep, sê Esti Stewart van St. Francisbaai.

Kos- en kultuurhistorikus Hetta van Deventer-Terblanche praat oor gremolata, wat geregte tot ’n ander vlak kan verhef.

Prof. Louis du Preez sê dis ‘n voorreg om ‘n naam met ‘n parasiet te deel. Die parasiet, Latergator louisdupreezi, is ontdek in die oë van alligators in Amerika.

In Japan is ’n Pokémonkaart-promosie saam met kitskosetes kortgeknip nadat mense die kos gekoop het om die gesogte kaarte in die hande te kry, maar dit dan net so in straat gelos het.

Vrywilligers speel toenemend ‘n rol in geskiedskrywing en die optekening daarvan in Suid-Afrika se dorpe en stede. Mense word aangemoedig deur Jaco Maritz van die Durbanville Erfenisstigting om aan te sluit by organisasies in hulle omgewing om kundigheid beskikbaar te stel. Johan Rademan het by Jaco gaan uitving hoe hulle te werk gaan.

Roy Barlow vertel vir Martelize Brink van ‘n teelprogram om genetika van tradisionele Kalahari-spesies te verbeter. Dit sluit die springbokram met die wêreldrekordlengte horings in, wat onlangs vir ‘n rekord R3,45 miljoen gekoop is.

Neuroloog dr. Etienne van der Walt praat oor die rol van slaap in gesondheid.