Driesestig

Erika Breytenbach-Marais gesels oor haar produksie, Die goeie pa, wat by KKNK op die planke is.

Elvis Blue gesels met Johan Rademen en Martelize Brink oor sy musiek by die KKNK, en nuwe musiek wat binnekort vrygestel word.

Schalk Joubert, Sima Mashazi en Louis Mhlanga vertel vir Johan Rademen en Martelize Brink van die kruisbestuiwing van mekaar se musiek, en hoe dit gehoor kan word in die produksie Anders/Eenders.

Liza Grobler gesels met Johan Rademen en Martelize Brink oor haar kuns wat op Oudtshoorn te sien is. Sy is vanjaar se KKNK-feeskunstenaar.

Die KKNK se kunskurator, Dineke van der Walt, vertel vir Johan Rademan en Martelize Brink wat vanjaar op die fees se visuele kunsprogram is.

André Terblanche vertel vir Johan Rademan en Martelize Brink van VER IN DIE WÊRELD KITTIE, David Kramer se produksie by die KKNK waarin hy te sien is.

Tania Smit en Jaco Kriek vertel vir Johan Rademan en Martelize Brink van hulle produksie, HEKELWOORDE, SAX EN SOLO’S IN DIE KLEIN KAROO, waar gedigte en ‘n saksofoon die gehoor vermaak.

Wynand Kotze vertel vir Johan Rademan en Martelize Brink van grootword op die platteland, TikTok- sukses en Tollie Parton, wat hy op die planke het by KKNK.

Gian Groen vertel vir Johan Rademan en Martelize Brink van sy musiekpad en die inspirasie wat sy pa hom gee.

Anoescha Kruger en Marelise Viljoen gesels met Johan Rademan en Martelize Brink oor hulle poppekas uit die Tweede Wêreldoorlog en die produksie, Jakkalsdraaie - Die geveg, wat te sien is by die KKNK.

Roydin Engelbrecht vertel vir Johan Rademan en Martelize Brink van die historiese wandeltoer wat hy op Oudtshoorn aanbied.

Die musiekgroep, Van der Aven, gesels oor hulle musiek en die naamsverandering vanaf Brother Brother.

Magdaleen Krüger gesels met Johan Rademan en Martelize Brink nadat die KKNK haar vereer het vir haar lewensbydrae tot kuns en kultuur.

Alan Committie vertel van die komedie wat hy na vanjaar se KKNK bring. Sy produksie se naam is LIVE AND LET LAUGH (SKOP, SKIET EN VAN DER WALT).

Jannie du Toit vertel van sy produksie by die KKNK, Die maan deur ’n gaatjie in die nag, wat handel oor die musiek van Marie Tredoux.

Die KKNK se artistieke direkteur, Hugo Theart, vertel hoe vanjaar se fees verloop.

Prof. Gert-Jan van Rooyen verduidelik vir Martelize Brink hoe GPS werk om ons met rigting te help.

Haidee Muller-Isaacs ontdek weer die kind in haar, agter die skerms van die kinderproduksie, Dawie Dassie Soek Sy Stert, by Hoërskool Bellville. Die skool se dramatiese kunste en kultuurorganiseerder, Wickus Zerwick, gesels oor die belangrikheid van kinderteater. Wickus glo immers vas: Daar is geen diepte tot opvoedkunde sonder die kunste nie.

Dr. Marieka Gryzenhout vertel vir Martelize Brink van Hogsback se sampioenfees. Sy vertel hoe toeganklik dit deesdae is om self sampioene te kweek.

Jana Cilliers gesels met Johan Rademan en Martelize Brink oor die produksies waarin sy te sien is by vanjaar se KKNK.

Een mens wat doen wat sy kan om die negstiewe uitwerking van lang-Covid hok te slaan, is die Baaienaar Marolien Schmidt. Marolien, ‘n fisioterapeut, was ook ‘n Ysterman-deelnemer. Mariska Spoormaker het meer gaan uitvind

Ira Bekker kleur wol met kleurstowwe uit natuurlike botaniese bronne in die Wes-Kaap. Sy gebruik onder andere fynbos, bloekom, silwer wattle, granaatskille en neutedoppe.

Wilhelm van der Walt vertel vir Johan Rademan en Martelize Brink hoe hy sy plan om ‘n sielkundige te word, verruil het vir ‘n lewe op die verhoog.

Padstalle is deel van Suid-Afrika se reiskultuur. Dis ‘n welkome lafenis van onder meer koffie en biltong op die langpad (of kortpad). Dis elke keer ’n nuwe ou ervaring, en soms net bloot nostalgie. Een ding is seker - dit bring tog ekonomiese opheffing vir ‘n gemeenskap. Jacqui January het op die N1 tussen Johannesburg en Kaapstad met Klaradyn Grobelaar by haar padstal gesels.

Hanneri Visser vertel vir Johan Rademan en Martelize Brink van die Suid-Afrikaanse geurargief wat sy saamgestel het, en hulle proe aan eg Suid-Afrikaanse eetgoed.