Driesestig

Rouan Ontong is ‘n tuiemaker by Soetmelksvlei, waar ‘n 19de eeuse werkende interaktiewe plaaswerf uitgebeeld word. Hy lewer daagliks demonstrasies. Rouan is een 1 van slegs 5 tuiemakers in die land, en hy is die jongste van ‘n handvol vakmanne wat nog die masjiene systap en self hand aan die ploeg slaan. Johan Rademan het by hom gaan inloer.

Annatjie Reynolds gee praktiese wenke oor die verwerking van wildsvleis.

‘n Vlieënier het vir 17 jaar lank by Air Canada as kaptein gewerk, sonder die regte lisensie. Sowat 900 vlugte later kom hulle dit toe agter.

Die Karl Bremer-hospitaal in Bellville in Kaapstad se noordelike voorstede is vanjaar 70 jaar oud. Haidee Muller-Isaacs het drie van die heel eerste bruin verpleegsters opgespoor wat desjare daar begin werk het, nadat die hospitaal oopgestel is vir almal.

Dieetkundige Valpré Huisamen vertel hoe moderne geprosesseerde kos ontwerp word in laboratoriums.

Die Nederlandse konseptuele kunstenaar, Wim T. Schippers, is verlede maand oorlede. Ter herdenking stal Museum Boijmans Van Beuningen sy werk, Pindakaasvloer, uit. Dit is 263 kg se grondboontjiebotter, wat 2 cm dik in die vorm van ‘n 25 vierkante meter heksagoon gesmeer is.

Op 78 is die bekroonde aktrise, Sandra Prinsloo, nog aan die gang in die vermaakbedryf. Trouens, soms kan sy self nie glo dat sy al sterk op pad 79 toe is nie. Haidee Muller-Isaacs het met haar gesels oor nuwe dinge in 2026, en oor die ou dae in die bedryf.

Dr. Mandie Uys vertel van die Koningin van Skeba wie se seun by koning Salomo die eerste van sy bloedlyn was, wat vir byna 3 000 jaar in Ethiopië regeer het.

In Rusland druk die ekonomie, en vroue verkoop hulle borsinplantings aanlyn op die tweedehandse mark nadat dit verwyder is. Jy kan egter nie die prostese weer vir iemand anders inplant nie.

Casper Kruger gesels oor die lewe in Băbana, naby die stad Pitești in Roemenië.

Alda Fourie vertel vir Martelize Brink van Engo Vrystaat se sorgverlatersprogram wanneer jongmense te oud word om in jeugsorgsentrums te bly.

Jalen Godard het in Maryland in die VSA sy rieme styfgeloop toe sy motor gesteel is terwyl hy inbreek by ‘n winkel. Toe hy die diefstal by die polisie aangee, sit hulle een en een bymekaar, en vir Jalen in boeie.

Dr. Elizna Boag praat oor troeldiere se tandgesondheid, en veral die aandag wat gegee moet word aan klein hondjies en katjies.

In vandeesweek se landbounuus berig ons onder meer oor pogings om die prestasie van die Kaapstad hawe te herstel; AgriSA se kommentaar op ‘n verslag van die Nasionale Energiereguleerder; die prestasie van Suid-Afrika se melkbedryf; en ‘n kommerwekkende verslag oor plaagdoderreste in talle alledaagse kossoorte.

Joanie Voss gesels met Martelize Brink oor haar ervaring as begunstigde van RSG se 2025 matriekafskeidveldtog saam met die Elizabeth Galloway Academy of Fashion.

Grimeerkunstenaar Claire Hobson het haar hond se as met pigment gemeng, en semipermanente oogomlyner daarmee laat tatoeër, met die idee dat hy steeds die wêreld deur haar oë kan ervaar.

Tradisionele Arabiese markte verkoop dikwels speserye, tekstiele, leerware, juweliersware, handwerk en kos. Dit dien ook as 'n sosiale bymekaarkomplek, en staan bekend as ‘n Souk. Jy hoef nie na Marrakesj, Tunis of Fez te reis nie, want in Prins Albert is daar ‘n Karoo Souk, waar Johan Rademan met ‘n wolspinner en -wewer gesels het, wat dié kuns al amper vier dekades lank beoefen.

Cornelle Minie vertel van die braaikos wat hulle voorsit by die Boerebraai Restaurant op Middelvlei.

Wangfu is ‘n aanlynplatform in China waar jy ‘n hond bestel om mee te gaan stap. Eienaars registreer hulle honde op die platform met inligting en ‘n foto, en dan kies die kliënt die hond wat hulle wil huur per uur.

Haidee Muller-Isaacs gesels met Marietjie Brink oor Rico, ‘n skaap wat vir sewe jaar alleen en

Dieetkundige Valpré Huisamen vertel vir Martelize Brink dat kou sowel ‘n sielkundige as fisiologiese rol het.

‘n Man het in Sevilla in Spanje ‘n skildery op straat opgetel. Vir hom was die raam mooi. Later vind hy uit dat die skildery R2,84 miljoen werd is… maar ook as gesteel aangegee is.

Haidee Muller-Isaacs gesels met die bekroonde aktrise, Brümilda van Rensburg, oor loopbaandinge en die lewe ná 40 jaar in die bedryf.

Dr. Mandie Uys vertel vir Martelize Brink van Middeleeuse ridders en die idee van ridderskap in die moderne lewe.

WasteBar is ‘n kostrok in Nederland waar jy sigaretstompies kan ruil vir poffertjies. Dis ‘n inisiatief om mense anders te laat dink oor rommel.