Tamalaat, KNR

Inuusukkaluarluni inuunerup sivikillipiloornera nalunarsineralu aqqusaarneqarsinnaasarpoq, nappaassuarmik eqqugaanerup kingorna meeqqat aappallu qimatassat eqqarsaatigeqqajaaneqalersarput. Timersuutip timimut sunniuttarnera siunnersuutillu inuunermut tunngasunik ilaatigut aamma tikinneqarput, Niels Jørgen Sigurdsen – Andrea Christiansenimit oqaloqatigineqarpoq.

Annaasaqarsimalluni aliasunneq sammissavarput. Inuimmi tamatta assigiinngitsuuvugut taamaammallu annaasaqarsimatilluta aliasuttarnigut assigiinngissinnaasarlutik. Tamanna pillugu tarnip pisussaanik ilisimasalik Inuk Bourup Bang eqqartueqatigaarput. Aallakaatitassiortoq Malu Pedersen.

Laila Kreutzmann nammattagarsualiinnarluni nunarsuaq angalaniarlugu aalajangersimasoq Tamalaami ilisaritissavarput. Laila Kreautmann pisattani, biilinilu tuneriarlugit, inigisani qimallugu suliffimminiillu ukioq ataaseq sulinngikkallarniarluni maanna tassa kisimiilluni nunarsumi angalasussanngorpoq. Aallakaatitassiortoq Nina-Vivi Møller Andersen.

Iverusiortartoq Paarnannguaq Tittussen iverusioqatigineqassaaq; periusai, inunnik naapitsisarnera isumassarsiortarneralu ilaatigut sammineqassallutik. Aallakaatitassiortoq: Andrea Christiansen.

Mikisuuteqarnerup silarsuaani meeqqanut sammisaqartitsisarneq ineriartuutaalluartoq sammissavarput, oqaloqatigalugu Isumaginninnermut aqutsisoqarfimmi meeqqanik inerisaanermut siunnersorti Katrine Larsen Lennert. Aallakaatitassiortoq Malu Pedersen.

Qulequttat naatsut tallimat najoqqutaralugit oqarasuaatikkkut pulaartorineqarpoq Palle Lennert. Aaqqissuisoq: Frederik Lund

Mittarfiliortiternut atatillugu mittarfiit siunissami pigineqalersussat qanoq atorneqassappat? Pifffissami kingulliunerusumi tusarsaalerpoq Kangerlussuup inunnik angallassinermi atorneqaannarnissaa Naalakkersuisut kissaatigilersimagaat. Danmarkimi nunanut allanut ministerip – siornatigullu ministeriunerusimasup – tamannna oqaaseqarfigigamiuk sangoriasaarnertut – tassa isummamik allanngueriasaarner...

Oqaatsit tallimat atorlugit inummik ilisarititsissaagut, uanilu Tasiilameersoq inuusuttuaraallunili sulilersimasoq immikkut nittarsaanneqartoq, Marie Singertat, oqaloqatigineqassaaq. Aallakaatitsivimmiittoralugu Andrea Christiansen

KODA-p nipilersortartunut ukioq manna nersornaasiinera katuami aqagu arfininngornermi ingerlanneqassaaq. Ukiumut nersornaammut innersuunneqartut Johannes Sigurdsen SIGU, Naja Parnuuna, Andachanilu tamalaami pulaartorissavagut. Aallakaatitassiortoq Malu Pedersen.

Inuunermi aqqusaakkat aallaavigalugit isiginnittariaaseqalertoqartarpoq, artorsarfimmi saaffissat pilluarnermilu iliuuserisartakkat, aammalu toqumut isiginnittariaaseq pillugu Magssanguaq Qujaukitsoq oqaloqatigineqarpoq, aallakaatitassiortoq Andrea Christiansen

Inuunermut isiginnittaaseq tamalaami sammivarput. Marina Reimer inersimasunngoreerluni ADHD-ernini aatsaat paasivaa. Inuttaanullu tamanna arlalitsigut sunniuteqarsimavoq. Aallakaatitassiortoq Malu Pedersen.

Issittaartalernerani pilineq kalaallit ilaannit ingerlanneqartarpoq, pileriaatsit ilaat qullukkiorneq uani sammivarput. Aallakaatitassiortoq: Andrea Christiansen

Arctic Winter Gamesertoqarnissaanut sapaatip akunnerinnanngulerpoq, inuit pinnguaataannik ingerlatsisut peqatigalugit killiffiit eqqartortinneqassapput. Aallakaatitsisoralugu Andrea Christiansen

Oqaatsit tallimat apersukkamut tulluarsakkat uani akunnerup affaani ingerlanneqassapput, Dida G. Heilmann peqatigalugu. Aallakaatitsivimmiittoralugu Andrea Christiansen

Nakorsanngorlaaq Tukummeq Ingemann tamalaami pulaartoraarput, nakorsanngorniarnerup imarisaa ilinniarnerminilu misigisimasai pillugit eqqartueqatigalugu. Aallakaatitassiortoq Malu Pedersen.

Pinngortitaleriffimmi attaveqatigiinnermut pisortaq Else Løvstrøm pulaartoraarput oqaatsillu tallimat aallaavigalugit oqaloqatigalugu. Aallakaatitassiortoq Malu Pedersen.

Kalaallit nunaanni uumasut ikinngutai pulaarpagut. Uumasut inaannik taasaq alakkarparput kajumissuserlu atorlugu suleqataaneq eqqartorlutigu. Aallakaatitassiortoq Malu Pedersen.

Inuuneq toqulu inuunermi ilaapput, annaasaqarsimalluni ammasumik eqqartuisinnaanissaq taamaammat pisariaqarpoq. Taama ilaatigut oqarpoq uiminik nappaassuarmut annaasaqarsimasoq Rigmor Bohm Villadsen.