Podcast Oñati Irratia

Benjamin, alebin, infantil eta kadete kategorietako neska eta mutilei zuzenduta egingo da 3X3 saskibaloi txapelketa. Hiru edo lauko taldeetan eman behar da izena eta taldeak, mistoak izan daitezke. Izen-emate orriak kiroldegian eskuratu eta utzi daitezke. Bihar da izena emateko azken eguna, Pablo Zubia antolatzaileak esan digunez.

Madrilgo Metroak eta Idazleen Eskolak antolatu duten mikroipuinen lehiaketa da "Metrorrelatos". Aurtengoa bigarrena izan da eta oñatiarrak irabazi du. Pozik azaldu zaigu.

Udaleko Haur eta Gazteria, Hezkuntza eta Gizarte Zerbitzuen departamentuek elkarlanean "Inklusio programa" martxan jarri zen 2022ko urte akaberan. Urte eta erdi pasa den honetan, nola lan egiten duten azaldu digu Iñigo Ugarte hezitzaileak.

Santa Ana aretoan, 19:00etan hasiko den gala berezi honen ingurukoak azaldu dizkigu, Gipuzkoako Futbol Federazioko presidente Manu Diazek.

Hala adierazi digu Antixena gaztetxetik etorri den lagunak, ekainean eta uztailean, ostegunero, pintxopotea izango dutela. Tribial jokoa ere antolatu dute datorren ostiralerako.

Herritar askok helarazitako galderak izan ditugu gaurko ALKATEAREKIN BERBETAN saioan: Usako eta bainu-denboraldi berriaz, Olakuako urmaelaz, tabernetako terrazez, lotuta eraman beharreko txakurrez eta Zubikoako gimnasioan egiten ari diren sinadura bilketaz aritu gara, besteak beste.

Horixe esanez hasi dugu igoera lortu berri duen Aloña Mendiko futbol taldeko entrenatzailearekin egin dugun elkarrizketa. Denboraldiaz eta lorpenaren gakoez aritu gara, besteak beste.

Erei elkarteak eta Hotz Oñati taldeak elkarrekin antolatu duten hitzaldiaz eta hizlariaz hainbat argibide eman dizkigute Miren eta Arantazu Zubeldia Plazaola ahizpek. Bide batez, Erei Elkartasunerako elkartearen beste asmo batzuk ere aurreratu dizkigute.

Oñatz dantzarien "Korpus-maratoia" hasi da goizean. Aurretik, Ane Irazabalekin berba egin dugu. Eta atzoko Osoko Bilkuran Txutxini buruz esandakoak ere berreskuratu ditugu.

Afrika gogoan, urteroko jardunaldiak izango dira bihar, goiz eta arratsalde, Gandiaga Topagunean. Egitarauaren berri eta bestelako xehetasunak eman dizkigu antolakuntzan diharduen Iñigo Odriozolak.

Parrokiako "Cuentas de fabrica" liburuetan, elizaren diru kontuak eta abar jasotzen dira. Asko dira Korpus prozesioari erreferentzia egiten diotenak.

Idoia Moiua moja klaratarrarekin berba egin dugu eta Korpus prozesiñoan parte hartuko duten San Migel eta apostoluen jantziak gertu daudela azaldu digu. Arropa, oinetako, kareta eta bestelakoak nola zaintzen dituzten kontatu digu.

Zegama-Aizkorri maratoian bizitakoak asimilatzen jarraitzen du Malen Osak. Lasterketa amaituta belauneko mina sentitu zuen eta deskantsua hartuta, errekuperatzea espero du. Hurrengo helburua, Polonian abuztuaren 18an izango duen lasterketa berria ondo prestatzea izango dela esan digu, Zegama-Aizkorrin bigarren egin baina inoiz irabazteko ametsa duen oñatiarrak.

Azken hilabeteotan luzatu den parte-hartze prozesuaren ondorioak aurkeztuko dira bihar, Eltziako Topagunean, 19:00etan. Prozesuaz, ondorioez eta hurrengo urratsez berba egn dugu Jone Arriolabengoa, Berdintasun teknikariarekin.

Aitor Guridi "Txisto" entrenatzailearekin berba egin genuen ligako azken partidaren amaieran, larunbatean. Denboraldi gogorra izan da taldearentzat baina amore eman gabe, gogotsu aritu direla azpimarratu digu, hurrengo denboraldian entrenatzaile jarraituko duen "Txisto"k.

"Iruña-Veleia martxan" taldeko kide den Jose Mendiak emango du hitzaldia, eta indusketei buruz eta grafitoen auziari buruz arituko dela aurreratu digu. Indusketa lekuan hondeamakina batekin ari direla ere salatu du. Argazkiak, ostegunean, maiatzak 30, Kultur etxean emango duen hitzaldian erakutsiko ei ditu.

Kopa eta liga txapelketetako kadete, jubenil eta senior mailako zortzi finalak jokatuko dira bihar Zubikoa Kiroldegian. Aloña Mendi elkartearen 75. urteurrenaren haritik animatu dira finalak gurera ekartzera, eta arratsaldeko finalen atsedenaldian, gainera, Aloña Mendiko gimnasia erritmikako lagunek erakustaldia eskeiniko dute. Xehetasun guztian Santi Bernalek eman dizkigu.

Herriko ikastetxe guztietako 1500 ikasle inguruk parte hartu dute Eskola Agenda 2030 programan. "Energia eskuragarria eta ez kutsatzailea" gaiaren bueltan aritu dira, iazko diagnostikotik abiatu eta ekintza plan bat garatuz. Egindako lanaren berri eman digu Arazi elkarteko Nerea Ibañez koordinatzaileak.

Gabonetan Donostian gauzatu zen kanpaina berezia da "Taupagunea". Caritas elkartea bera eta Gipuzkoan lantzen dituen egitasmoak ezagutzera emateko topagunea da. Maiatzaren 27tik 31ra, Foruen Enparantzan kokatuko den karpan garatuko da.

Mundukidek gaurko antolatu duen hitzaldiaren izenburua da. Mozanbiken 15 urte egin dituen Beñat Arzamendik emango du eta zeri buruz arituko den aurreratu digu.

Bertigoak beste gaitz baten sintoma direla argitu digu Juanjo Sagarzazu medikuak gaur. Kasu gehienetan, jatorrian, aparteko arazo larririk ez badago ere, medikura joan eta kontsulta egitea gomendatu digu.

Ahozkotasunean oinarritu du lana. Baserrietan eta etxeetan gordetako argazkiak izan dira abiapuntua eta, horiek aurrealdean, adinekoen testigantzek osatu dute libururako mamia. euskara batua eta bertakoa uztartuta.

Betxilergo-1eko ikasleek parte hartu eta irabazi dute Euskadio Gazteriaren Kontseiluak antolatutako ETIKASI lehiaketa. Saria, hainbat formazio saio eta Poloniara bidaia dira. Taldeko bi kiderekin, iratirekin eta Uxuerekin berba egin dugu.

Ointxe saskibaloi taldean dihardu oñatiarrak eta Espainiako 2. mailara igotzeko Final Four-a jokatzeko txartela eskuratu dute asteburuan. Granadan jokatuko den fasearen inguruko argibideak eman dizkigu Naroa Garaik.

Prestaketa lanetan hasi da hiru laguneko taldea eta salgaiak eraman asmo dituztenei beraiekin harremanetan jartzeko eskaera egin du gurean Lierni Arregik