Dastan -e- zindagi

Jab kabhi dekha tulu e aftaab Aayi surkhi e lab teri yaad hamen Naseem thi ya thi baad e saba Kar gayi jo ab barbaad hamen Muhabat nahin tijarat hai aaj Kabhi aa kar samjhaye Farhad hamen Koi gosha jahan ka baaaqi nahin Mil gaya saara asbaab hamen Asl ke daagh daaman per lagey Mil jaaye saraab ka sawaad hamen Manind e uqaab udti hai zeest Ab kahey na koi khana kharaab hamen ‘Sahil’,  yaaden m...

Veerani men hum ne gul rangeen na paaye Aur asl men aladin ke qaaleen na paaye Ajab hai yeh kaisa taqabul batao Kyon mah per kisi ne mahjabeen na paaye Wah us ki ho yaro jo haath na phailaaye Faqiron men hum ne miskeen na paaye Baant ti hai duniya per hum ne to kabhi Insaniyat ke khilaaf koi deen na paaye Bas itna samjha de tu khutbon men, Vaaiz Be sabri se koi, kabhi taskeen na paaye ‘Sahil’, ist...

Jab nahin samjhate hain log dilbastagi meri Kya samjhenge woh batao phir aawaragi meri Kyon dikhlaun dil apna kaafiron ke jahan ko Pehchaanta hai khub dekhne wala bandagi meri Dekh nahin sakta jisey, usi ka hun pujari main Ai ahl e daanish dekhiye yeh deewaanagi meri Hoti hai kuchh to qeemat jahan men sabki zurur Na chhord sakun main zeest itni na mehangi meri Subh se shaam, shaam se shab, khush...

Ghuroob e aftaab kya hai yeh samjhaaye koi Phir, kal tulu e aftaab se bhi milwaye koi Ye kha-mashi hai kaisi aaj maikade men saqi Khanakte pyaalon ki sada phir sunwaye koi Naghmaat nahin hain naale fizaon men aaj Roothi hui bulbul ko dobara manaye koi Daur khazan ka, mausam  hangamon ka Umeedon ke gulshan phir se sajaye koi Khutbon ka mafhum main samajhta hun, Vaaiz Ab yeh mazhabi siyasat bhi...

Daraaren na theen, tha pukhtah chaman yeh apna Kyon bikhra sa hai haseen darpan yeh apna Kabhi darakhshaan falak tha raushan sitaare Udaas aaj itna kyon hai gagan yeh apna Gul o khaar o shajar malkiyat hai sab ki Na gulaab kisi ka na hi saman yeh apna Dekhen kyon mausam jahan ke hum dosto Khubsurat hai jab sawaan yeh apna Saazish hai kis ki sochta hun main Kaise loota gaya hai chaman yeh apna Gil...

Miley mehnat se sukoon dil ko to aaraam hai Tohfatun jo miley aaraam woh to be daam hai Dastak de, zameer se puchh amal se qabal Pas o pesh karey woh bande to haraam hai Karen kaise hum sargoshiyon per yaqin, jab Deewaaron ke hotey hain kaan, sab sar e aam hai Shireen zubaan, jhukin palken, dil na paak Munafiqana kaisa yeh aaj ka ehtiraam hai Suhaani to hai zindagi, deewaani bhi bahot Per, hamara...

Chhalaangen jo lagaye woh bandar bana Aaye khud pe jo ghalib woh sikandar bana Basaya ho jis ne dil ke khaanon men Rab ko Wohin to kunisht o haram o mandir bana Masaayab to shaamil hayaat men hain sab ki Daroon jis ne jhaanka, dil maula ka dar bana Naam usi ka labon per sajaya ho jis ne Woh haqeer sa banda phir qalandar bana Yaro, koi uth kar roya, koi ro kar utha “Sahil’ jo maujon se khelta tha,...

Tukhm boiye to sirf fasl e bahaar ke Phir kijiye paida aala gul qaraar ke Be qaarari to qafila hai masayab ka Ghar kyon laane roz o shab aazaar ke Zubaan per lagaam mufeed hai is liye Alfaaz ban jaante hai sholay kabhi naar ke Rakho madd e nazar usool qarz ke hamesha Bahot mehangey hotey hain gul musta’ar ke Mahabat karne waalo Kyon bhul jaate Ho tum Raaste alag nahin hain kashti aur patwaar ke ‘S...

Taskeen miley jab soney mein phir jaagen kis liye Aaram de sukoon jab to phir bhaagen kis liye Bajti nahin ek haath se kabhi do se bhi taali Be hiss ho jis ka dil afsos, usey chahen kis liye Puchhe koi aftaab se hai khudkushi ka junoon kya Woh doobta hai har shaam jab to hum roken kis liye Rind hain bata saqi koi raasta to dikhla hamen Band ho chukey hain maikade ab thahren kis liye Kyon sunta nah...

Gul  khizaan mein muskuraye to koi baat baney Andaleeb  chaman mein gungunye to koi baat baney Farozaan Ho taara gar falak mein to kya Mere aangan mein jhilmilaye to koi baat baney Ukta gayi hai jaan meri mujh se jaane kyon Ab isey apni koi banaaye to koi baat baney Naam khuld or Mai e naab Nahin, maikada kaisa Shaikh, saqi ko tu saza dilwaye to koi baat baney Pandit, Padri, Mullah, Vaai...

Gar laut aaye kal shabaab to kya kijiyega Bhool jaayen gar ahbaab to kya kijiyega Neem shab ghar aayiega to giley phir kaise Na khule qafas ka baab to kya kijyega Qismat na sumundur ke ravvaiye ki khabar Yakdum aa jaaye sailaab to kya kijiyega Phool to phool hain intekhaab phir kaisa Gar rooth jaaye kal gulaab to kya kijiyega Himmat to na haari hum ne ‘Sahil’ kabhi Ho shikasta dil betaab to kya ki...

Jisey paasbaan na mila koi usey nigahbaan mila aala Falak ke paar tanha kahin usey paasbaan mila baala Ek shart hai is baat men chalo woh bhi kar dun bayaan Laazim hai ke jo khwahan ho to ho woh himmat wala Shauq se jaaiye jashn manaiye raqs o surur ki ja Per aagaah rehna laazim hai ke nikle na deewaala Dil men basta hai khuda bas lab per rahey naam uska Darkaar nahin jaane ki ma’bad na ho koi sha...

Jaan lijiye is baat se yahan kaisa ghanera hai Puchhna subh se raat ka, kya naam tera savera hai Aayena hi hai humsafar zindagi men sab ka Pursish us se kaisi logo , kya yeh mera hi chehra hai Sarai faani hai yeh dunya isey samajh lijiye zurur Jo chaahe kijiye yaro chund roz ka yeh basera hai Farozaan hain taarey darakhshaan falak men suraj Haaye! aaj iblees ne insan ko kis tarah se ghera hai Jazb...

Nukta cheen nahin hai gham e dil, fasurda hai  Yeh chalta phirta insan aaj ka naya murda hai Har su aaj bambaari hai sunte hain “nuke” ki tayyari hai  Laashon ki shumaari hai, yeh kaisi ajab irtiqa hai Hindu Muslim Sikh Isayi, dost na koi kisi ka bhai  Insaniyat ka kahin naam nahin, jidhar dekhiye udhar ladayi Yeh kaisi irtiqa hai, naam taraqqi maqsad khazana  Jahan se miley gh...

Humnawa, humsaaz, humsafar maail chahiye Doobti kashti ko sahara e sahil chahiye Arq e gulaab na hi zoofa koi, yaro Ibadat ke liye to mahz saaf dil chahiye Maana ke intekhaab nahin hai bas men, per Ai zeest, rah zyada kathin na mushkil chahiye Jazba e shaadmaani bhi paheli hai, haaye Jalwagaah na usey koi mehfil chahiye Dua meri ko bhi to raah dikhla de koi Aakhir, usey bhi to apni manzil chahiye...

’Sahil’, haath men paimaana hai Saqi yahan deewana hai Jaam khaali bhi rahe phir bhi mujhe gungunana hai Puchhta hun khud se main deewanagi men hi sahi Shab o roz banaye suraj ne kyon, kya woh mastaana hai Kuchh to hoga zurur hamari aql ke baahar, firasatmando Kya burey waqt ka kaam mahz hamen sataana hai Khwabon se nahin hoti usey dilchaspi batao kyon Zameer ka kaam to, huzoor, aakhir sab ko jaga...

Yaro, ranj o gham ke baabat alam se puchhiye Koi aur sawaal ho to phir hum se puchhiye Jaari hai nafas mera to zinda hi jaaniye Kab talak ki baat ho to mere dum se puchhiye Suna hai naam Jamshyd ka, mila nahin magar Sawaal uske baarey men, jaam e jam se puchhhiye Chaahat aur tapish dil ki be shak humse puchhiye Be rukhi ka mafhoom lekin sanam se puchhiye Tajruba nahin hakim ko mojizon ka koi Marha...

Ajnabiyat dekhiye qaafilon men huzoor Aashnayi to milti hai khalvaton men huzoor Koi aisa wali nahin hai dunya men aaj kahin Izhar e gunah hoga pardadaron men huzoor Paiman shikan milengey raazdaron men, afsos  Dafn kar ke rakhiye raaz deewaron men huzoor Hotey hain aarizi nishaan darya kinarey sab  Naqsh e pa milenge to hawaaon men huzoor Jazba e tamanna men kya rakha hai janaab  H...

Gali gali faqir tha, har gali ki thi koi baat Ghurbat men sukun tha, na jeet na kisi ki maat Har lab pe naam rab ka tha gali gali men wahan Kamaal ki woh galiyan theen suni thi jinki baat Chal diye hum galiyon jaanib sun kar yeh sab baaten Muntazir, ke hongi phir faqiron se bhi mulaqaaten Dekhne ki jaldi thi, woh taskeen mehsoos karne ki Guzarti theen jab be qaraar hamari lambi raaten Hairaan na h...

Maujon se khelne walo woh matti to dhul jayegi Per paaon taley ki ret o zameen bhi phisal jayegi Kisi aur ki nazar se kabhi khud ko dekhiye Manind e ghurub e suraj ana dhal jayegi Saraab sa ghuroor to woh mit jayega Ubharti hui shaikhi ko saza mil jayegi Thartharati hai zamin, halke zalzale ke baad Badi ho nadi ya oonchi  pahadi woh hil jayegi Bhaley darakhshaan hon taarey falak men har shab...

Rukey ravaani lahu ki to marham kya karey Sukhay gar dawaat qalam ki to qalam kya karey Be haya hai itni yeh ahd e irtiqa aaj Gar hijaab hi chala jaavey to sharm kya karey Har shai ka hota hai maqaam apna be shak Khushi karey gar dil se kooch to gham kya karey Raushan karey nur e khuda dil men hamesha Us ki beenayi ke liye phir jaam e jam kya karey Qasm kyon khaatey ho naam khuda ki yaro Riza us k...

Ghamzada is dil ko behlaaye kaun Uljhe huay man ko suljhaaye kaun Zaalim ana ko sudhaarey kaun Roothon ko kaise manaaye kaun Asaas ulfat ki be shak hai wafa, per Us aawaara dil ko samjhaye kaun Gar nazron se tu pilaaye ai saqi Phir, sharaab ka pyaala uthaye kaun Khwabon men khoye huay, ai insan Haqeeqat se tujhe milaye kaun Zururi nahin hai ma’bad bhi koi Yeh duniya ko kaise samjhaye kaun Khuda ko...

Mujhe ranj o gham se kya waasta hai shaadmaan jab dil mera Nahin justaju shamsheer ki hai paas mere qaatil mera Maazi se pukhtah raabita shaamil hai us men talkhi bhi Aaj humsafar hai raat meri, subh kal ki mustaqbil mera Zakhmon ki kyon aaj guftagu fitrat un ki bharna hai Yeh zakhm bhi ho jayega, Inshallah mundamil mera Raunaq jahan ki dekh li aangan ke gul sab se haseen Yeh ret o naqsh e pa mere...

Guzida logon ko shab hi subh dikhlaati hai Phir, bulbul unhen haseen naghma sunati hai Udaas ho chaman  men gar baghban kabhi To muskurahat kali ki dil us ka behlaati hai Rukhsati jaisi bhi ho dil to rota hai zuroor Yaad maazi ki aksar sab ko sataati hai Ai zindagi, naaz o niyaaz tera nirala hai Har karwat teri mujhe ab nachati hai Ba khabar hain “sahil” anjaam e zeest se sab Phir, dastak qaz...

Gar baadalon men chhupi ho dhoop to kis kaam ki Hum per haavi na ho kiran us ki to kis kaam ki Sitam jhel kar di duhayi to kisey kya mila Waqt pe na ki hausla afzaayi to kis kaam ki Minbar se sun kar chaley aate hain log khutbe Baat vaaiz ki na samajh aayi to kis kaam ki Tu takabbur ki baat karta hai naseh, to bata Gardan shaikh na suraahi ki jhuki, to kis kaam ki Aala thi ghazal yeh to maana hum...