Seanatalk 我想講

暫下眼今屆DSE又要開始喇，今年嘅考生真係特別慘，臨畢業前一兩年都冇咩實體上堂嘅機會，亦都少咗好多同同學一齊嘅回憶，最後仲要因為呢波疫情搞到考試不斷有變數，真心覺得你地好犀利！希望趁住呢個機會分享下少少讀書嘅經驗，同不斷奮鬥緊嘅你同我打下氣喇！

唔知道大家訓覺嘅時候發過啲咩夢呢? 發夢對你又係一個咩嘅存在？一個了解自己潛意識嘅途徑？創作嘅靈感？抑或係逃避現實嘅出口?  今日我有幸同做夢大師sakana 淺談惡夢、清晰夢、奇幻夢同預知夢嘅經歷，了解下大家發嘅夢究竟有咩唔同，探討下我地對夢嘅解析。 #廣東話podcast #hongkongpodcast #hkpodcast #podcasthk #dream #sleep #luciddream #nightmare #fantasydream #propheticdream

最近因緣際會聽到一個幾有意思的詞 —— 弱連結，佢係一種人與人之間嘅關係，有別於朋友或者工作拍檔等嘅強連結，弱連結就係個種好面善但又叫唔出名嘅陌生人，但原來呢種連結係構成我地生活同工作入邊最密切的社會關係網路，有時呢種關係亦都會帶俾我地好多幫助。唔知道你又諗唔諗到你地生活入邊熟悉嘅陌生人呢？

周星馳係少林足球入邊講過：「人冇夢想咁就同一條鹹魚沒乜分別」，雖然呢句無厘頭嘅對白好似係到鼓勵人要追夢，但係好多時候我地見到嘅反而係啲人用力過猛，適得其反。佢越係強調我地要努力向上，就好似越係安慰緊我地，其實做條鹹魚都無問題嘅。至少我覺得，係佢無厘頭的外殼下，包裝住一個好佛系嘅諗法。今日就同大家講下我地可以點樣佛系躺平，再捕捉身邊嘅小確幸喇～ #廣東話podcast #hongkongpodcast #hkpodcast #podcasthk #...

呢個幾禮拜係屋企居家隔離到有啲抑鬱，所以容許我今集係到做啲我平時唔會做嘅嘢 --- 說書。話說我前幾日係屋企無意間睇咗本村上嘅《國境之南 太陽之西》，睇完整理下思緒，就忽發其想咗小小關於我對愛嘅睇法。

係香港越趨嚴重嘅疫情同國際越黎越緊張嘅局勢底下，每日睇到新聞個陣可能都會感覺好無力好絕望，係呢啲時候，音樂好似成為咗我地最後嘅救贖，俾我地可以逃離世界嘅煩擾，暫時放空一下，唔知道你又鍾意聽啲咩歌呢？ 今日想同大家分享一種較少人認識的音樂— 後搖滾 (post-rock)。佢又可以簡稱做後搖，是搖滾樂的延伸，所用的樂器一般同搖滾樂一樣，但節奏、和聲、旋律、音色及和弦都有別於傳統搖滾，例如幾乎冇歌詞同打破傳統歌曲嘅...

疫情持續咗兩年底下，相信我地嘅生活模式都改變咗好多，尤其衣家第五波疫情又日益嚴重，足不出戶嘅宅生活好似成為咗新時代下的常態。因為要居家抗疫，我地冇咗好多出外活動同人soical 嘅機會，但同時疫情亦令到我地多咗獨處嘅時間，對你黎講，疫情對你的日常又有什麼重大的改變？

「返工除了有糧出仲有咩意義？」岩岩先返咗半年工嘅我已經返到頹廢又無幹勁，唔通我真係要每日返工等放工，日復一日，直到退休?

相信大家虎年第一個願望就係希望可以快啲開關，快啲有得去旅行。但大家又有冇諗過，你去旅行係為乜呢？ 最近聽緊陳綺貞呢首《旅行的意義》，大家都可以去聽下，諗下你咁鍾意去旅行嘅原因係咩喇。 https://www.youtube.com/watch?v=tv95k0zqnaA

大家好，我係Sean！歡迎嚟到「喪」傾嘅試聽環節，大家聽完之後歡迎俾意見我😂 ~ 唔知道大家有冇做過人格測試去睇下自己咩性格呢，好多人都以為人格測試同坊間嘅心理測驗（應該係心理小遊戲）差唔多，睇完都係得啖笑，但其實一份好用的人格測試係需要好多年嘅research去證明其效度同信度，所以大家都不妨去做多次呢個測試，睇吓估唔得中自己嘅人格類型！ ~ Follow me @ IG ➡️ https://www.instagram.com/seanatalk/