Mótorvarpið

Bragi byrjar nýja árið á að tala við torfærukappann Hauk Viðar Einarsson sem að stendur í stórræðum fyrir komandi keppnistímabil. Haukur hefur verið í toppslagnum í sérútbúna flokknum síðustu ár og stefnir á titil árið 2021.

Þórir Schiöth kom með margar nýungar í torfæruna, m.a. stýri á fjórum hjólum og ausudekk. Hann fer yfir ferilinn með Braga en Þórir var einn litríkasti keppandi torfærunnar á sínum Jaxl.

Hlöðver Baldursson hefur verið í kringum rallið síðustu 23 ár bæði sem keppandi, service-maður og starfsmaður. Hans fjölskylda er sú næstsigursælasta í íslenskri rallsögu, alls með 13 titla.

Björn Ingi keppti í torfæru frá 1999-2004 með góðum árangri. Hann var einnig þekktur fyrir mikil tilþrif og svakalegar veltur í slagnum við Gísla G og Halla P.

Steingrímur Ingason keppti í ralli frá 1978 til ársins 2000, bæði hér heima og erlendis. Hann er einna þekktastur fyrir að hafa sérsmíðað sér rallýbíl og keppt á honum með góðum árangri í tæplega 10 ár. Þátturinn varð svo langur að skipta þurfti honum í tvo hluta, í þessum fyrri hluta tölum við um árin 1978-1988.

Steingrímur Ingason keppti í ralli frá 1978 til ársins 2000, bæði hér heima og erlendis. Hann er einna þekktastur fyrir að hafa sérsmíðað sér rallýbíl og keppt á honum með góðum árangri í tæplega 10 ár. Í þessum seinni hluta fjöllum við um 1988-2000.

Ívar keppti í torfæru í 8 keppnistímabil og vann á þeim tíma 15 keppnir og 4 Íslandsmeistaratitla. Hann fór yfirlitríkan ferilinn með Braga.

Bragi fær spyrnufeðgana Stefán Kristjánsson og Kristján Stefánsson í spjall og fara þeir yfir ferla sína bæði í kvartmílu og sandspyrnu. Þeir hafa unnið Íslandsmeistaratitil í flokki breyttra jeppa síðustu tvö ár með talsverðum tilþrifum.

Helgi Óskarsson byrjaði að fylgjast með ralli árið 1977 og var draumurinn alltaf að fara keppa sjálfur. Eftir að hafa farið í kvalafulla lengingaraðgerð í Síberíu á táningsárunum varð sá draumur að veruleika.

Bragi fær til sín Íslandsmeistarana í jeppaflokknum árið 2020 í ralli en bæði Gummi Snorri og Maggi hafa keppt í ralli í 15 ár.

Fylkir Jónsson og Heiða Karen Fylkisdóttir urðu fyrstu feðginin til að vinna rallýkeppni yfir heildina með sigri í Haustrallinu. Fylkir byrjaði að keppa í Rallýcrossi löngu áður en Heiða fæddist en fjölskyldan sér líka um keppnishald.

Á torfæruferlinum hefur Snorri keppt í 21 keppni, unnið 13, 5 sinnum í öðru og tvisvar í þriðja. Hann kom í Mótorvarpið til Braga að ræða þennan magnaða feril en Snorri snýr aftur í torfæruna á Kórdrengnum sínum árið 2021.

Lifandi goðsögn í íslenku ralli mætir aftur í Mótorvarpið! Ísak Guðjónsson heldur áfram þar sem frá var horfið í þætti #18 og fer yfir ferilinn allt til dagsins í dag, en Ísak tryggði sér sinn þriðja Íslandsmeistaratitil árið 2020.

Sigurður Ingi Sigurðsson byrjaði að keppa í torfæru í vor. Hann fer yfir hvernig það er að byrja í þessu sporti ásamt liðstjóranum sínum, Sævari Jónssyni.

Það er fullt hús gesta í þætti dagsins. Bræðurnir Ingólfur og Kjartan Guðvarðasynir mæta ásamt liðstjóranum Sigurbirni Ingvarssyni. Ingólfur leiðir Íslandsmótið í torfæru nú þegar ein umferð er eftir.

Íslandsmeistararnir í AB Varahlutaflokki í rallinu fara yfir ferla sína í mótorsporti. Ívar og Guðni hafa keppt lengi í mótorsporti og fara þeir hér yfir ferla sína, sem í mörgum tilfellum er samofin Braga þáttarstjórnanda.

Sögulegur viðburður í Mótorvarpinu þar sem Bragi fær til sýn gest og tala þeir ekki bara um Mótorsport á fjórum hjólum. Lexi hefur unnið fjölmarga titla í Snjókrossi en hefur einnig keppt í Motocross, Enduro, Go-Kart, Rally og Rallýcrossi.

Atli Jamil hefur síðastliðin ár keppt í torfæru með góðum árangri, en hann seldi Thunderbolt eftir að hafa tryggt sér Noregstitilinn í fyrra. Nú keppir hann í Rallýcrossi á ofur-Yaris!

Bragi fær Íslandsmeistarann í torfæru frá 2006 í spjall. Sigurður Þór Jónsson keppti stanslaust í torfæru frá 1992 til 2009.

Bragi fékk til sýn þá Jóhann og Viktor til að tala um kappaksturinn Formúla 1000. Fyrsta kappaksturskeppnin fór fram á Íslandi í Júní 2020 og fóru þeir félagar yfir hvernig íþróttin virkar og framtíðarplön.

Aron Jarl hefur keppt í Drifti alveg frá því að fyrsta keppnin var haldin á Húsgagnarhallarplaninu árið 2005. Hann fer yfir ferilinn með Braga ásamt því að tala um hvað þarf til að vera góður í Drifti.

Bragi ræðir við rallýcross kappann Ólaf Tryggvason sem hefur verið að keppa í sportinu síðan 2008.

Óskar er að byrja sitt annað ár í götubílaflokknum í torfærunni. Bragi fékk hann í spjall þar sem þeir fóru yfir ferilinn og smíðina á Úlfinum.

Það er ávalt líf og fjör þar sem Bessi kemst í míkrófón! Bragi og Bessi fara yfir stöðuna í torfærunni.

Ungstirnið Guðmundur Elíasson hefur verið að keppa í akstursíþróttum í fimm ár þrátt fyrir að vera aðeins 19 ára gamall. Hann fór yfir ferilinn með Braga ásamt því að tala um fyrstu umferðina í torfæru sem fram fór á Egilsstöðum.