#Inuushow - inuusuttunut, KNR

Ullumikkut sammivarput nipilersukkat sunniutai isummatsinnut, aammalu tarnikkut eqqarsartaatsikkullu peqqinniaraanni siunnersuutit arfineq pingasut eqqartorlugit. Kiisalu tusarnaartartut aperaagut erinnat qiimmannarisaat suunersoq.

Qaammat nutaaq aallartimmat sammisassarput allanngorpoq. Uanilu qaammammi sammisassarput tassaavoq tarnikkut eqqarsartaatsikkullu peqqissuuneq. Tassunga atatillugu WHO-p isumasiuutaa saqqummiupparpoq. Tusarnaartartut qujamasuutaanik atuaavugut. Meditation suunersoq, iluaqutissartaalu samillugit, naggataatigullu misiliinissarput eqqartorlugu.

- Tusarnaartartutta oktoberimi pisussat qilanaarisaat atuarpagut - OK oqaloqatigaarput :D Anngannguujunnguaq pingatsiimmat... - Siissisoq pulaartoraagut :D

Allat nuannaarnissaat pillugu, allanut nalimmassarluni inuunerup qimannera aamma kinaassuseq aallaavigalugu inuuneq pillugit Lealu eqqartuivugut, Facebookimilu quppernitsinni allassimasut oqaluttuaat atuarlugit.

YNAB (You Need A Budget) saqqummiuppara, kikkuuppat sulerisuuppallu. Aningaasanut missingersuusiornermi malittarisassat sisamat pilersinnikuusaat eqqartorpakka Inullu aningaasartuuteqarnaveersaarnermik misilitaanik naliliisillugu.

Facebookimi apeqqutit marluk sammineqarput, tassaasut: - Akikinnersioruttorlutit pisiannik pakatsinikuuit? 😒 Qanoq oqaluttuassartaqarpa? 🤭😂 - Pisiniartitsisup oqaasianik qanoq tutsarliornikuuit / paatsoornikuuit? 🥴😆 Naggasiullugu Inuup misiliinini oqaluttuarivaa qanoq ingerlanersoq.

"Inuunera Ilorleq" Lealu ingerlapparput. Timip tarnillu ataqatigiinnerat qulequtaralugu sammisat assigiinngitsut, nammineq misigisimasatsinnik ilasarlugit eqqartorpagut.

Ajornartorsiutiaqqat atortunik nutaanik aaqqittariaqarpigit? Aningaasanik atuinaveersaarnermut siunnersuutit Paaliip saqqummiuppai, tusarnaartartullu misilittagaat tusagaqarfigaagut.

Aallakaatitami sammisat: Arctic Winter Games-mi kultorilerinermi Kuluk Helms & Jaqqa Petersen inuusuttunut peqataasitsiniaanermut tunngasunut saqqummiussipput, - Maali AWG-mi nammineq misigisimasani oqaluttuarai. Naggasiullugu Paaliip misilissimasani; ullaarnganiik nutaamik ileqquliussaqarneq saqqummiullugu. Tusarnaarluarina :)

Pingasunngorneq 13. september, Lea Holm peqatigalugu Inuunera Ilorleq aallakaatipparput sammisassagullu ukuupput: 🌱 Pingaartitat suuppat? 🌱Pingaartivissorukku, sooruna piffissaqarfigineq ajoriga? Soorlu peqqissumik inuuneqarneq, kisianni timersussananga imaluunniit nerisat. 🌱 Piffissaq qanoq atortarniarpara ulluinnarni? Suna pingaartivissorsimavara taava?

Ullormut sammivakka minimalisme, eqqartorlugu suunersoq aammalu aningaasaqarneq qanoq isikkoqartarnersoq minimalistiungaanni. Taassuma saniatigut Podcast aningaasaqarnermut tunngasoq 'Overskud' saqqummiuppara. Naggataatigut misiliinera eqqartorpara.

Facebookimi tusarnaartartut apeqqutaat atuarujoorpakka, aperiginikuugama imak: - Killeqanngitsumik aningaasaateqaraluaruit, suna pisiarissagaluarpiuk? - Akissarseqqaaravit qanoq eqqaamaviuk? Kiisalu misiliinera eqqartorpara, pisiniarfiliartarnera annikillisinniarsarigakku.

Pulaarpoq Liam Fussing Rosbach. Namminersortuunermini suut suliarisarnerlugit oqaluttuarivai, aammalu namminersortutut suliassat suut aqqusaartarnerlugit - assersuutigalugu soorlu allaffissornertaatigut, aammalu imminut nittarsaannermi qanoq iliortarnerluni.

Inuunermi siunnersorti Lea Holm peqatigalugu Inuunera Ilorleq ingerlapparput sammisagullu ukuupput: 🌱 Piumassuseqarneq 🌱 Eqiasunneq 🌱Suunuku eqiagisarikka? Suunuku piumassuseqarfigisarikka?

Ullormut sammisat: - Facebookikkut Instagramikkullu tusarnaartartut akissutaat atuarpakka, aperinikuugama imannak: Ilinniartuullutit oorisinerup nalaani misiginikuusat puigunaatsoq suua?🤩🤑 Aammalu imannak: Igasaleqqaarnerit qanoq eqqaamasaqarfigaajuk? 🧑‍🍳👩‍🍳👨‍🍳 Kiisalu misiliinissara eqqartorlugu.

Ullumikkut sammingaatsiarpakka ilinniartuunerup nalaani eqqumaffissat siunnersuutillu assigiinngitsut. Kiisalu Facebookitsinni allannikut sammillugit, aperinikuugatta imatut: Ilinnialeravit suut misigeqqaarnikuuigit?

Lea Holm peqatigalugu Inuunera Ilorleq ingerlapparput, sammisassagullu ukuupput: Inuiaqatigiit akornanni "naatsorsuutigisat". Naatsorsuutigineqartut maleqqissaanngikkaangatsigit. Naatsorsuutigineqartut vs. uanga nammineq sorusuppunga?

Erni Kristiansen pulaarpoq. Erni Upernavimmut meeqqat atuarfiat naammassiartornikuuaa, ilaquttani qimallugit. Aasiannut ilinniarnertuunngoriarpoq, aammalu Nuummut Ilinniarfissuarmut ilinniariarluni. Ernip misiginikuusani oqaluttuarivai, nuannersut nuanniittullu.

Ullumikkut Ilinnialerneq sammivara. Tassani eqqartorpara Youtubekkut videonik ikkussisartoq Ellen Kelley, taassumallu siunnersuutai ilinnialernermi iliuusissat. Aamma tusarnaartartut aperaakka imak: Kollegieleqqaaravit puigunaatsumik oqaluttuaateqarpit? 😁 Qanoq pisoqarnikuua? 🥳

- Sapaatip akunnerani saqqummertut - Pajuttaat tikinngilaq... - Suut kukkullutit pisiarinikuuigit?

Ole-Kristian Lyberth inuit attaveqartarfiatigut OK-tut nalunnginneqartoq ilisaritipparput!

Tûtu albumimik "Astronaut"-imik atserlugu saqqummersitseqqammersoq oqaloqatigaarput, Ivaana aamma Inuk podcastinik assigiinngitsunik piukkussipput.

Sammivagut sapaatip akunneranut siunnersuutit. Arto qanoq eqqaamasaqafigaajuk? Sumiiuit? Arnatsiaq Reimer Eriksen apersorparput.

Tallimanngornermi sammisat: Sap. Ak. Netflix-mi saqqummersimasut nutaat pingasut assigiinngitsut saqqummiunneqarput. Kiisalu fb-mi quppernitsinni allassimasut atuarujoorlugit. Tassani piniarnermi quianatut misigisimasat aammalu angalanermi kalassisimanerit sammineqartulik. Aallakaatitsisuupput Nukakkuluk aamma Maali.